Croissant Taiyaki

營業中

休息中

早就耳聞 croissant 的紅豆餅，生意極好，好吃又爆漿，而且大排長龍，這次到了現場，果然名不需傳，同時有人現場製作紅豆餅，居然消化不了排隊人潮，我看大伙都十個十個在買的，生意實在太好了，走吧，排隊去～採用紅豆熬煮，餡料綿密但依舊吃的到紅豆顆粒，甜而不膩，真是好味道。外型是一條燒魚，熱騰騰，外脆富口感。紅豆軟，燒餅皮脆，外脆內軟效果真好!

之前路過SOGO見新開嘅時候已經想食，但因為排長龍所以最後打消咗個念頭～ 今日再經過嘅時候襯無人排隊就即刻快快脆買～未食見個樣已經覺得好鬆脆，＄15一個咁大塊其實幾抵食～ 三隻味道：朱古力/吉士/紅豆，每樣都叫咗一個～ 個面好鬆脆好似丹麥包咁有少少焦糖同糖霜，朱古力味其實唔係太甜所以唔駛怕，紅豆個個入面都好多紅豆，但係講個酥皮明顯啲反而會係吉士未到鬆脆啲～總括抵食同好味會再encore～

行街行到餓餓地，落sogo超市睇下有乜食，$15件唔算貴，一於試下店員話吉士最甜，紅豆無甘甜，仲要北海道產，就試下紅豆味啦。拎住塊實物，完全無魚的外觀，仲薄身好多，咬落脆口，面頭有粗粒砂糖，味道不錯，但實物比display 薄好多，內裡紅豆亦好少，2啖食完個饀，其實係好味既，又唔太甜，但實物同張相都幾大分別，所以有少少失望。

sogo次次都係食芝士撻呢啲無咩新意，今欸試呢個鯛魚燒，都開左幾個月，估唔到又幾令人驚喜喎！酥皮鯛魚燒$15：有三隻味揀，紅豆／朱古力／吉士，呢到鯛魚燒有別於平時好似雞蛋糕既外皮，呢種酥皮鯛魚燒都係第一次食乍，酥皮本身無得輸架啦，加埋吉士呢個無敵配搭酥皮面掃左一層蜜糖再焗令表面脆卜卜，又甜又脆好正，而且酥皮都薄薄地唔會勁漏，唯一係吉士量太少，多一倍就差唔多🍴咁既價錢算係咁啦，仲要係銅鑼灣喎，下次會試埋紅豆同朱古力

同肥髀去日本百貨公司地庫超級市場補貨！一落到去見到呢間鯛魚燒人氣店，閒日唔使排隊，一個大櫃檯，鯛魚燒有三種味道，我同肥髀唔太肚餓，所以只買一件分享，店員斯文，將件鯛魚燒放入一個紙套，加張紙巾比我，可以八達通比錢！紅豆鯛魚燒（$15）其實係一塊長方形金黃色酥皮壓上鯛魚燒形狀！咬落好酥脆，面頭甜甜地，紅豆餡唔多，味道微甜！似食甜酥餅，好味！不過唔會排隊食！

Taiyaki, the awesome little fish cakes filled with azuki bean. Like eggettes, it's one of those things in Japan that you buy a bag of these warm little cakes and munch away with a smile.However, the Japanese have upped the taiyaki game by using croissant pastry.Croissant Taikyaki is from Japan with take away type shops every where. They have now opened up a shop in Sogo. A small take away counter where it only costs $15 each. There are three flavors: custard, azuki bean and chocolate.I chose cus

在銅鑼灣等朋友，經過SOGO地庫，見到開咗一間好可愛嘅小食店。一隻隻好似牛角酥口感嘅鯛魚燒整齊地排列，分別有紅豆，吉士同朱古力味可以選擇。叫了一份吉士口味，初初以為吉士會比較甜，有定心理準備，點知有驚喜，食食下覺得幾軟綿綿，又唔會好甜，下次會再試！

幾次行過Sogo見到呢間Croissant Taiyaki都想買件試下，但係人流比較多所以放棄。今日心血來潮想食，打個電話柯打老公外賣比我。佢地有3款口味：紅豆、吉士同朱古力，我地每款買左兩件。可能因為外賣，拎到返屋企已經唔夠熱，食落無脆卜卜嘅驚喜感覺，個皮有D淋。3款都試食左少少，唔太甜，覺得最好味係紅豆，吉士同朱古力個人覺得唔夠幼滑，味道如果濃郁D會好D。因為覺得唔夠熱所以扣左分唔係咁公平，所以我拎晒入焗爐返熱再試過。返熱之後脆卜卜，個酥皮好香但唔會油，真係好味左，但仍然覺得紅豆最好味。

我妹說在Sogo看到這個鯛魚燒很吸引就買了回來試試看呢。這跟平時的不同是，這個的外層是酥皮來的耶 　跟傳統的層感完全不一樣。除了外層變得很脆以外，這還有一些焦糖在表面 //A// 甜甜的更香口紅豆鯛魚燒 ($15)外脆內軟的餡料~對比之下，紅豆的餡好像比較豐富一點！甘香的味道，吃完也不會覺得太膩。吉士鯛魚燒 ($15) 這個內餡的吉士很香滑。如果份量可以再多一點就好了。

早幾天行過Sogo，例牌都會行一行地庫的超市，有好幾間熟食的專櫃，見到這間是新開的，擺放著好吸引的魚形像燒餅的！分別有三款味道，有紅豆、吉士打及朱古力，每件HK$15！買了一件朱古力味試下！外表呈長方形，中間壓著魚的形狀，面有幾粒杏仁片點綴，食落原來好似酥皮牛角包的質感，中間夾住半溶狀的朱古力醬，朱古力味香濃，但酥皮都唔係太脆，比較淋身，一塊都算幾大，當作飽肚小吃也不錯！下次再試其他味道先

香味似Mini One的朱古力迷你牛角包，兩者同樣裏面有朱古力醬，它的流心朱古力醬比Mini One 的淡。而這個雕魚燒唔係用傳統嘅麵包/蛋糕做，係一層層好鬆化嘅酥皮造成，無禁易滯，酥皮有啲部份會比較硬脆啲，好似有沙糖感甜甜地幾好食。🐟🐟🐟分數：7/10

Thankful week 黎行下！見到有新鋪開左！冇人買...梗係要試下啦 😂😂店員...冇介紹...完全呆左咁...我行到佢面前問有咩味都冇反應...都真係要改善下！最後我買左個朱古力！酥皮好香牛油味！好脆口！個朱古力餡好正！唔漏！又唔太甜！正呀！太次試埋其餘既 原味吉士 同 紅豆先得 👍🏻👍🏻👍🏻

難得崇光38週年大減價 順道過黎迫下湊下熱鬧 行完要行個幾層之後一定會走落去超巿打個白鴿轉架喇因為有我最鐘意既日系貨品 仲有日本特賣場行超巿真係唔會厭行行下 見到有間新開既小食店喎原來係魚仔燒 仲要係酥皮添！製作過程就係將整好左既酥皮魚擺落個烘爐到加熱焗制熱辣辣要左個吉士雕魚燒講真呢個真心幾好味既一黎我自己鐘意食酥皮啦二黎我又鐘意食吉士喎佢個酥皮面層塗左一層糖醬 經過烤焗佢好脆口而且有返咁上下既厚度 一咬落去係爆趣同爆脆酥皮香味好濃 配合埋有邍咁上下杰身既吉士個口感好好 又唔怕佢漏出黎 甜度適中 蛋香味濃 而且都差唔多有成雙手掌咁大塊若果同其他差唔多價錢既小食作比較我又會覺得呢個抵食又好食 而且排隊等候時間唔長