Crazytail (已結業)

前排上網睇朋友推介有間叫Crazytail既親子餐廳，見到佢有得室內揸車仔又幾有趣喎仲要唔止小朋友有得玩，就連大人都可以落場砌返轉佢地個場都算大，細車一場最多七個人玩，大約5分鐘一場今日我地係平日黎玩，唔算多人，阿仔可以盡情飛車見佢同朋友仔砌得幾過癮，同埋落場玩之前會有職員同小朋友講解安全守則同埋會提供保護設施 (例如頭盔、護膝等等)咁我都放心啲~等阿仔玩完我自己又同朋友砌返轉細個同家姐去歡樂天地玩踫踫車都成日俾佢追住黎撞，可想而知我手車有幾弱啦...不過好彩我朋友手車仲水皮過我...俾我係咁爬佢頭玩完一輪就醫下肚啦佢地既餐廳食物係以台式為主，都幾多款揀我地叫左蚵仔煎、台灣腸、糖醋魚柳飯、肉燥伴麵、芝士磨菇雞翼同珍珠奶茶食物水準都合格，份量都唔細蚵仔煎都煎得幾香口，當然唔會有台灣夜市個水準啦~不過都算唔錯架啦

上網睇到荔枝角新開左呢個賽車場，約埋班朋友去玩，第一次入到去覺得個餐廳好舒服，環境寬敞，而且嘢食又唔錯餐廳賣嘅係台灣嘢食，價錢又唔貴，我哋都係點左幾款小食滷水拼盤，味道偏重，每樣嘢食都煮得好入味，最正係個豬大腸，好肥滿，另外仲有雞翼，雞蛋，豆腐另外一個最推薦嘅就係柯仔煎，味道啱啱好，唔會太鹹，而且佢柯仔嘅份量都幾多，入邊都食到蛋味，算係少有喺香港食到好食嘅柯仔煎台灣香腸都係好耐冇食過，而且佢竟然有配埋蒜頭喺度，完全係台灣style，一口香腸，一口蒜頭，佢嘅香腸好夠油份，好好食鹽酥雞就啱鍾意食炸嘢嘅人，佢唔會炸得好油膩，如果個味道再重少少會更好食滷水雞髀，又係完全煮到入晒味，而且都幾大隻，一個人食會好飽，但係雞肉略嫌乾左少少我朋友話賽車勁好玩，大人版可以揸到好快，好刺激，而且又可以甩尾仲有其他小朋友都有玩，其實呢個場都幾適合一家大細嚟，或者係一班朋友來玩

今日朋友帶咗小朋友一齊食飯，我哋就去咗D2睇吓有乜餐廳食，事關嗰度有好多小朋友嘅嘢賣而且亦都有遊樂場俾小朋友放下電。行行吓我哋就發現咗一間既可以食飯又可以比小朋友揸車嘅餐廳。佢哋場地非常之大，除咗有一個廣闊嘅用餐地方，令一邊仲擺放左賽車賽道，原來除咗小朋友可以駕駛嘅慢速電動車之外，都有大人專用嘅高速電動車，玩過之後我都覺得有少少刺激，不過小朋友嗰個就非常安全，而且佢哋亦唔會一次過放一大班人入去，所以唔使擔心會撞親。因為係食下午茶，我哋叫咗幾個小食，餐廳食物走台式風格，所以大部份都係台灣出名嘅嘢食。大腸麵線都幾大碗，而且食落大腸好滑，墨魚丸粒好爽，同麵線相當之夾，而湯底亦都非常好食，另外個餐仲配埋鹽酥雞，外面香脆入邊juicy，真係大件夾抵食。炸物拼盤又炸咗嘅燒賣，貢丸，台灣香腸同埋墨魚丸，啱晒小朋友食。Crazy雞中翼比鹽酥雞更加香脆，更有咬口，鍾意食雞翼嘅人不妨一試！荔枝梳打就咁睇以為係雪碧，但係飲落有好重嘅荔枝味，配合梳打非常好飲。大部份下午茶都唔會超過$50份量又有返咁上下，所以總括嚟講都覺得十分抵食。

D2Two自開張後有好多新型餐廳，這是一家台式餐廳，旁邊有賽車玩，場地都好大！先講賽車，食客可以$49玩1次，每次5分鐘；非食客每次$59～同朋友玩了一次，超正，車速比小編想像中快！小朋友都有保護裝備，不擔心會受傷～講餐廳先～同朋友點了蚵仔煎、三杯雞、大腸包小腸、XO炒高麗菜、紅棗桂圓茶～蚵仔煎較特別，香料葉味好重～小編喜歡該香料味道，所以超喜歡這款蚵仔煎，而且蚵仔好多的！大腸包小腸不算好大份，大腸的糯米飯好煙韌，而小腸台灣腸煎到好脆口～不錯。另外好喜歡紅棗桂圓茶！一來好足料，二來不會太甜，味道剛好～

現在多了許多遊戲場跟餐廳二合為一的餐廳。最近D2 Place新開了一間以賽車為主題的餐廳，那當然要愛玩車朋友來試試嚕！餐廳佔地逾萬呎，左邊是賽車區，右邊則作用膳區，不會感到逼狹。餐廳供應台灣菜，點了蚵仔煎、肉燥拌麵、燙青菜配肉燥、滷味拼盤。蚵仔煎蚵仔份量多，配甜辣醬吃很不錯。肉燥拌麵嘩，肉燥的份量也是給得多，裡面用的是刀削麵，麵質彈牙，有驚喜。燙青菜伴肉燥雖然青菜只是燙一燙過，沒帶調味，但配上肉燥吃味道則剛剛好。滷味拼盤又是滿滿的一盤，滷水滷得入味，自己比較喜歡豆腐跟滷蛋。吃飽休息一會後便去賽車嚕。一節有5分鐘（$59/$49在內用膳），價錢合理，職員十分友善，更細心的講解守則及注意事項。要飄移的朋友要大膽一點，油門踏深一點才做到。哈哈。整體來說也很不錯，「有得玩又有得食」，而且性價比高，每碟菜的份量也不細，可以跟朋友分著吃，是較特別的一次用餐體驗。

朋友話開咗間有得揸車嘅餐廳開咗，問我地幾個有冇興趣去試下。有得食有得玩，咁梗係去啦，都無問幾多錢一位已經舉手話去，好彩最尾都唔係好貴，每人$2xx就已經包埋食加玩。餐廳主打台式食物，有頗多選擇。我地點咗肉燥飯，台灣腸，鹽酥雞，湯麵線等。台灣腸有汁略帶甜味，少少肥肉一咬滿口油香，只係薄切無乜口感。鹽酥雞脆口，不會太油膩，啖啖肉，好食。講返玩車，有2種車款，大人同小童係用唔同車款，相信車速都有分別。賽道都算夠長，有直路有灣位，都可以玩到幾分鐘，受商場室內面積限制，玩到咁耐應該都算合理。

之前同班媽咪級朋友一齊帶個囝囝囡囡去過類似既玩高卡車既場地，個個小朋友都玩到勁開心媽咪們又可以坐埋一邊食下野傾下計~真係放電一流跟住前排又見到有朋友係group入面share話發現另一個新場都一樣好抵玩~於是乎就約埋另一個朋友一齊去啦呢間Crazytail係荔枝角既D2 Place2期，非常近地鐵站，係D2出口過對面馬路行兩分鐘就到原來呢座商場係活化工廈，又裝修得幾靚，同埋都多野行，放完電可以再行街場地都幾新淨~收費就每節$59，每節玩5分鐘不過我地係買團購券，每位$188就可以2小時任玩，仲有台式食品同飲品任食任飲場內既車有分大人小童，大人都可以落場砌返一轉，我地都玩得好過癮玩完兩轉都餓餓地，係時候叫下野食佢地都幾多菜式選擇，有點心有蒸包有小食同粉麵飯~都係以台式為主飲品當然仲有台式珍珠奶茶啦，仲有咖啡奶茶沙冰汽水同梳打大人小朋友都咁啱~杯芋香珍珠奶茶我都飲左兩杯~哈哈哈食物都唔錯，香酥雞扒肉燥飯大大碟雞扒炸到卜卜脆，又厚肉，肉燥又俾勁多，味道都唔錯另外仲叫左台灣腸SHARE食，勁JUICY!正呀!下次小朋友放長假又可以帶佢地黎放電啦