Cova Ristorante & Caffe (又一城)

營業中

休息中

這間餐廳在意大利已經有過百年歷史，今天我們訂了位，於是順利地進入吃午膳，要不就要排隊了。我們叫了公司三文治套餐及黑松露野菌闊蛋麵套餐。我挑選了田園沙律，朋友挑選了是日餐湯（蕃茄湯）。湯和沙律上來時，還配有火腿及蜜瓜。火腿和蜜瓜是好朋友，兩者一起吃，甜中帶有火腿的香味，好吃。蕃茄濃湯也很好喝，蕃茄味濃，也略帶甜味，很是醒胃。公司三文治的份量很足，有火腿、芝士、醃製青瓜等等，味道不錯。黑松露雜菌闊蛋麵味道也很好，黑松露味很香，加了雜菌及牛油的香味，配上闊條麵，好味。

今日試佢個Special Menu😄 🥗 頭盤Antipasti Platter 來開始我一個愉快lunch！希望疫情過後又可以有佢個Antipasti buffet 啦😆 🥓一籃子鬆脆鬆軟兼備 嘅麵包餅乾餅乾條 再點一點黑醋同埋橄欖油就更加美味🍵 揀咗蘑菇濃湯 - 全碗湯都充滿粒粒蘑菇好香好多蛋白質🍴🔥主菜今次選炭燒澳洲斧頭扒🐃 配牛油菠菜 黑松露粟米 同埋燒薯仔🥔 炭燒果然係斧頭扒嘅friend 聞到啲炭燒味就食指大增！佢還有四種配料-燒汁，茄汁，粗鹽花，黃芥辣 俾你點配牛扒🤪 個人認為花同牛扒係最配合😋首先佢會將燒好的斧頭扒上枱俾你相機先食，然後攞返去廚房再幫你切開等你容易進食!斧頭扒我要七成熟 因為我想食落去表面有焦香 果然做到啱啱好 入邊仲好Juicy😛 牛扒肉質鮮美一啲都唔un 筋膜都好有膠質! 一句講晒一定要是試！ 食過洲際嘅 grilled steak, 呢度仲做得更加有焦香，肉質味道都做到啱啱好👍👍👍 我哋一行兩人 食唔晒 其實想分開兩餐食， 佢哋都好細心 提醒其實可以把食唔晒嘅牛扒帶返屋企。晚上清煮些清菜 然後將牛扒去微波爐叮熱 叮熟少少 但係味道質地依然非常好味！

好朋友同我慶祝生日，咁啱上次買蛋糕送了$200餐飲卷，於是決定到cova食 lunch。一到埗先要度體溫，午市時間都差唔多滿座，我哋點了set lunch，5個選擇中揀了三款，櫻桃蕃茄羅勒意粉、慢煮羊肉醬薄荷寬帶麵、焗法國鱈魚配蒜香牛油檸檬汁。Set lunch包餐湯或意式精選自助頭盤，及餐飲。點餐後服務員先送上一籃熱麵包，現在疫情唔可以放自助沙律bar，改為服務員送上一碟精選食物，也非常豐富，有三文魚、parma ham，沙律菜等等。櫻桃蕃茄羅勒意粉意粉al dente ，蕃茄sauce 濃稠度剛剛好唔會太杰，味道也適中，不錯，也適合素食者。慢煮羊肉醬薄荷寬帶麵羊肉醬香濃，有一絲絲羊肉，配上寛條麵很有伴麵的感覺，而且麵條有豐富口感，味道帶小小蘇，也是個不錯的選擇。焗法國鱈魚配蒜香牛油檸檬汁精緻的擺盤，嫰滑多汁的鱈魚味道非常好。配菜有蘆荀，薯仔片，味道搭配。最後我們還加$68點了一件蛋糕齊齊share，開心滿足。午市時段食客多，但似乎唔夠服務員，比較難找他們幫手。

其實蜜桃小丸子本身只是想來吃cova 的前菜拼盤，因為有禾最愛的creamy煙三文魚，碰巧遇上父親節menu，那就照吃吧。餐單和平日不同的地方就是你一定要選擇full menu，而前菜不能像平日般是任添，也不能只吃前菜，對於女孩子來說好像少了選擇，因為平常只吃前菜已經令我很飽和滿足。這次只得一take過的前菜，由於疫情，所以現在都是在廚房弄好整出來。平日的前菜你可以選擇refill，也可指明refill哪一種而不會浪費食物。這次的前菜有鴨胸，也是蜜桃小丸子喜歡的，肉質夠juicy；Parma ham配蜜瓜，清新香甜，和火腿的咸香是絕配；沙律菜都新鮮，但這次沒有羽衣甘藍，有點失望；salami 沒有什麼特別；沙律蝦都爽脆不錯；羊奶芝士配上蜜桃吃下去中和了肥膩感；最後當然有我一開頭就提及的煙三文魚，依舊creamy，融化在口中很滿足，遺憾是這次只有兩塊，不能滿足我的胃口呢！Cova的麵包籃也是數一數二的，有牛油麵包，烘過才取出來，香滑柔軟；芝士條也是十分美味，很酥脆，喜歡的還可以在隔離的餅店買回家吃；芝麻餅一開頭不是太喜歡，但愈吃愈欣賞它漸漸滲出來的芝麻香，要慢慢細嚐才會懂。忌廉蔬菜湯充滿

心目中最好食嘅蛋糕之一，不愧係意大利百年名店，水準非常高。心心念念想試下red velvet味，某日買咗個黎做tea。DOME AL LAMPONI | half lb $278三層海綿蛋糕塗滿均勻嘅cream，夾住粒粒桑莓。海綿蛋糕非常鬆軟，同cream配合住，非常軟滑。味道偏淡，主要係cream嘅奶香味，同埋間唔中微酸嘅桑莓。桑莓嘅存在恰到好處，因為本身蛋糕唔膩，當食到桑莓嘅時候，反而有提味嘅效果，令人想食哂同埋真係可以食哂成個蛋糕。呢個係食過嘅最軟滑嘅海綿蛋糕，味道好溫柔同時又好吸引。我覺得海綿蛋糕可以輕微甜多少少，cream可以唔係純cream，而係有桑莓味味嘅cream。

一行四人為姪女慶祝生日星期六去食lunch。我一向都喜歡Cova餐廳嘅情調，員工有禮招呼一向細心👍😃我今次叫 咗慢煮和牛醬配寬蛋意粉及 海蜆辣椒扁意粉配白酒番茜汁 （唔食辣可以轉唔辣扁意粉）。我哋食Antipasti+ main course + Coffee/tea/Chocolate 🥳首先梗係比一籃子餅乾條同埋麵包你哋食 - 係熱嘅😋 （可在添）自助Anitpasti (以前有個沙律吧而家因疫症所以廚師會喺廚房做好一碟出嚟），如果想再添，可以問佢佢會再俾你的🤩 - 新鮮好食然後主菜嚟啦，份量夠,好味道和牛慢煮寬扁意粉和牛，唔係太多醬汁，但唔錯，寬扁意粉夠薄吸收晒醬汁好好味👏海蜆辣椒意粉，蜆肉味鮮，意粉小小辣好開胃😉之後再叫2件cake, Mango Dome and Oat Cheese 🧀 跟住四杯咖啡作完結....好😃

人生在世 耐不耐要偷得浮身半日閒 下午茶 hea吓 先有動力繼續衝-☕️意大利咖啡cappuccino 多數飲flat white 呢度冇 次選之下 點一杯意大利咖啡 作為下午茶餐嘅餐飲 呢度咖啡出晒名 飲乜嘢口味嘅咖啡 有一定水準 品牌同品質嘅保證- 🧀🍰藍莓芝士蛋糕每隔一些日子 我都會心思思 嚟呢度買件cake 今日個cake set 我揀一個好耐冇食嘅口味 件cake比想像中大件 藍莓同藍莓果醬非常多 cheesecake滑溜淡甜 連帶蛋糕底層個crust 都非常鬆脆 製作過程一絲不苟 值得捧場-📍Cova Ristorante and Caffe

呢日有同事請食西餅，原來cova啲蛋糕都幾靚，望落啲生果都幾新鮮。我試咗佢地嘅咖啡撻。第一口覺得咖啡粉太濃太嗆口，蛋白霜雖然香滑但好單調，好彩曲奇撻底都脆口。不過價錢都唔平，值唔值就見人見智。

要數最經常光顧的餐廳，Cova是數一數二的了，最後一次真的是頗為失望，從食物到服務，短期內不會再去了。為朋友慶生，選擇大半年沒去的Cova，因為時不時會想念她的自助前菜，煙三文魚，巴拿馬火腿蜜瓜，水牛芝士蕃茄，自家芝士條和芝麻餅乾。也去過海港城那間，但大多數都是去又一城，感覺這間前菜的選擇更多。但事隔半年，巴拿馬火腿還有，但已經沒有蜜瓜相伴了，單吃有點鹹，水牛芝士蕃茄也沒有了，重新裝修後，前菜的選擇種類少了許多。幸好自家芝士條和芝麻餅乾香脆好味如昔。是晚主菜我選擇了魚，魚肉不夠結實，也無甚魚味，最後幾次的主菜是越來越遜色，還有服務🙈芝士條是無限添加，朋友也覺得甚是美味，我們叫了女侍應再添一次，她答允過後許久也不見蹤影，我們只能叫另外一個男侍應幫忙添加。還有之前上主菜前一定會詢問是否已不再吃前菜，確定後才會上主菜，這次不但沒有詢問，還是在我們剛完成第一輪前菜時就無聲奉上🙈幸好甜品依舊保持水準，我們叫了熱檸檬茶，後來叫了之前那個女侍應加水，她又是答允後就沒了件事😂我們只能再叫別的侍應幫忙。經過這最後一次的用餐經驗，真的是大失所望，這曾經的Favourite 真的就變成曾經了。

今次約左老朋友去又一城間Cova食tea，我地以前都好鐘意食呢度既Tea Buffet，但Tea Set就真係第一次試其實已經有一段好耐時間無食Cova，但講真，今次Tea Set整體食物水準無咩驚喜，可能「期望愈高，失望愈高」鹹點類做得比甜點出色，口味多元化；而甜點就以果撻為主，如果可以加d其他款式既蛋糕，我諗會視覺同味覺上都會有多d驚喜不過值得一讚既係，服務態度同環境依然好好，有好多細緻位都睇得出餐廳好細心，例如Tea Set既碟全部冰箱雪過，make sure唔會因爲溫差而影響食物既口感

難得同老公去食個靚午餐同埋睇snoopy展覽，見餐廳唔使等好耐就留低電話，隔一陣店員就通知我有位。Two courses lunch ($245)是日餐湯係紅菜頭蟹肉湯。蟹肉都唔少，有少少紅菜頭嘅草味，但係都好新鮮，我接受得到。龍蝦湯(+$38)。夠龍蝦味，裏面有兩三粒龍蝦肉，味道唔會太鹹，值得加錢去飲。餐前小食有兩款。芝士扭扭條有好香芝士味，偏油膩。芝麻薄脆，芝麻味夠，但都係偏油膩。雜菌意大利飯。飯嘅質地好有意大利風味，因為入面硬硬地，好有趙口。雜菌只有兩款，上面大果塊有少少怪味，整體味道有啲寡。如果一個人食，食到一半會開始覺得悶。燒鱸魚配蕃茄橄欖羅勒汁。魚肉有咬口，皮脆，蕃茄仔好鮮甜。份量比較少，因為無澱粉質。如果男士食會唔夠飽。餐茶要咗熱朱古力，好香濃好滑嘅朱古力，大家一定要試下，比咖啡更好味。總結係，如果淨係食物質素黎計，價錢比較貴，但係佢都算好坐，可以加返啲分。

又一城分店雖然比較細但亦都相對地比較靜，非常適合三五知己靜靜地傾下計。午餐包括頭盤、主菜、甜品及餐飲。2-courses $245、3-courses $310，其中頭盤可選擇意式精選自助頭盤或餐湯。自助頭盤沙津選擇多及新鮮，其中巴拿馬火腿拼蜜瓜及煙三文魚味道不錯。扁意粉口感較硬，蜆肉新鮮肥美，但白酒汁太少及味道較淡。意大利飯軟稔中帶點煙韌，牛肝菌味道濃郁，口感非常creamy。牛仔扒肉質嫩滑，牛味濃，伴碟蔬菜新鮮。Mango Cream Dome有點失色，當中蛋糕部份過濕。有驚喜的Nutty Passion，面層花生味奶油醬香而不膩，底層朱古力千層非常鬆脆，口感複雜，甜味剛好。咖啡非常香濃 ，少少咖啡苦配上蛋糕，味道剛剛好。

CoVA 最出名就係甜品真係五花八門好多嘅選擇咁岩經過買一件返屋企食下啦因為都夜啦買咗Tiramisu tart首先講吓中間嘅餡 個人認為咖啡味唔夠濃至於個底就做得幾好👍🏼 好鬆化👍🏼🤩但真係未至於可以講到好好味啦🥰

今天walk in 到又一城Cova dinner. 那reception 小姐表示沒有reservation，沒有檯。然後沉黙，沒有表示可否Walker in 等位。（有點白鴿眼）像表現不想招呼。奇怪這是現在的cova 那麼高不可攀，不電話留座，不招呼。還是美心收購後，training 不足。慨嘆cova 淪落至此！現在香港的服務業，每況愈下。大如美心集團，亦不能控制及培訓得好。以前Cova 走高端，亦沒有那種白鴿眼的態度。估不到今天在美心管理下，淪落至此。

每次行又一城都會經過呢間餐廳，今次終於有機會一試。我同朋友選擇食佢既下午茶，環境好好，服務好周到，侍應都好殷勤，每次舉手都好快回應。講返食物質素，我地叫左佢其中一款afternoon tea set (Espressioni De Salato E Cioccolato)，主要賣點係朱古力甜品。但我地都覺得偏甜，同埋有點「漏」。尤其係佢聲稱米蘭運來的手制朱古力，重甜既朋友可能先會中意。反而鹹點味道唔錯，不過呢種tea set分量小，大家都應該清楚，太肚餓食絕對會唔夠飽。所以我地都再叫左一份公司三文治（The Club)麵包可以揀白包或麥包，我地㨂左白包烘底，材料新鮮，薯條熱辣辣，好好味最後餐飲叫左一杯Latte 同 Ice Chocolate。咖啡幾香，味道唔錯。因為上網見好多人都叫朱古力所以想試下，但反而無咩特別，可能食完太多朱古力甜品。總結，地方坐得舒服，同朋友傾計一流，但價錢較貴，未試過可以一試。