Colour Brown

營業中

休息中

深水埗近期最出名就係cafe真係超多人慕名而來, 打咭，食野, 飲啡。 其實真係冇得點衰。 間間都要排得勁耐。 今次e間, 一直都好想試, 但每一次門口都太多人, 跟本埋唔到去。 今日, 剛好係黃雨同黑雨之間可以試下排唔排到, 竟然都要排半個鐘。 哈, 終於入到去。 環境係好靚既, 每個位幾乎都可以做背景影靚相。 由於我同朋友都有少少餓，所以都點左d輕食做tea. 我地叫左: 磨菇雜菜沙律 $62, cuppuccino $38, All day breakfast $108, 南非花茶 $45黎到食物竟然超細份, 完全似食剩餸, 唔算係好食。 太敷衍。飲品黎到, 一杯冇拉花既cuppuccino, 可能係特色, 味勁淡, 唔覺飲緊啡。 南非花茶, 好重假燈花味, 其他咩味都冇。 咁既質素既cafe真係好難遇到。 竟然仲會長期長龍。 我同朋友都同意, 除左影相, 根本這間店可以不去。 難得佢可以整得咁難食, 我寧願食茶記。絕對不值也不會回頭既cafe.最緊要, 最出名既旋轉樓梯，佢冇得上既，都只係得個樣引人入去影相。

總算來到熱門的打卡熱點打個卡🤍，由於星期日去到，排到等位實在難免。因為等位人數眾多，店員都會主動詢問介唔介意坐冇冷氣的位置，如果唔想等咁耐，建議可以選擇冇冷氣嘅位置，不過枱面比較細，如果想食多啲野張枱就唔太夠大放食物。同朋友叫左一個All Day breakfast 🍳 仲有一個牛角包，味道一般（3/5）價錢不太超值，飲品方面，主打咖啡☕️不過比想像中冇咁吸引。如果只係想過嚟為打卡，鋪面真係值得打卡的。但如果想食好西的話，可到open rice 先參考一下大家嘅食評先🤍

上兩星期落大雨，中午諗住去食個lunch順手打卡。 去到原來都好多人，等了約40分鐘先有位。 門口帶位的小姐說話並不友善，但總算跟得足，可能太忙影響態度。 餐廳食物在深水埗黎講並不便宜，如果為咗去打卡，幫襯一次就可以了。

Colour Brown x PHVLO HATCH 可能呢個名比較陌生，但係如果加埋下面依幅相，大家就可能有印象。你未去過，都好大機會喺社交平台見過。 是關佢係依一排嘅打卡熱點，佢舖頭入面嘅旋轉樓梯非常有風格同特色，吸引咗不少食客慕名而來。不過，除咗打卡之外，一間Cafe嘅座位舒適度同食物質素都非常之重要。先講舒適度，座位不算特別舒服，但是空間足夠，不會有擠迫的感覺。而飲品同食物方面，我是抱着沒有期待的心情去嘗試。一試果然水準一般，咖啡只能說普通，食物我只選了藍梅芝士蛋糕，味道方面，尚算可以。總結，打卡必去，但不要對食物有期待。

深水埗小區有兩個好唔同嘅感覺，人來人往忙碌的小街道 VS 寧靜的角落喺深水埗行咗圈，經過寧靜嘅角落發現某處有10數人好似喺度等緊一啲野。八八卦卦行埋去睇吓，原來係一間餐廳，一間舊香港大宅風咖啡店有分半戶外及戶外位置攞咗飛仔大約等咗半個鐘，有禮貌嘅女職員為我哋安排咗室內嘅位置，高腳吧枱，選定位置就唔可以再轉位，冇用餐時間限制，眼見大家坐底hea 1hr頭頂有兩部大冷氣，有位男職員/或者可能係老闆😝好細心咁將冷氣嘅出風口調高，唔使吹到頭痛，感謝！我揀咗杯咖啡紅豆冰-☕️$48 味道正常，冇乜驚喜，有啲懷舊feel，襯返呢度朋友揀咗杯熱情果柚子梳打 - 🍹$45味道都係正正常常Coffee break嘅時間接近晚餐，所以我哋冇order食物！店內其實有提供蛋糕，鬆餅，意粉...等，都幾多選擇店內有一條深綠色旋轉樓梯連接上層好有歷史味道嘅樓梯，大家都會喺度打卡影相📸️我都唔蝕底影咗幾張🤣雙層係一個小小展覽室想知做咩展覽就自己黎睇啦補返張樓上視覺嘅相俾大家睇吓樓底真係好高，好有空間感，相約朋友嚟呢度hea下傾下計係正嘅！

深水埗開cafe嘅速度遠遠快過我去試嘅速度🤯今日出開去大南街買嘢行到熱，就求其揀左間cafe買杯coffee-to-go飲🥤今次就去左Colour Brown x PHVLO HATCH試試🤎門面裝修可以話係咁多間ssp cafe入面最靚最有心思，復古風設計嘅綠色門框襯上金色鐵閘，十分搶眼🚪入面就以水泥工業風作主調，有大量打卡點，難怪Weekday去都依然人潮滿滿，超高人氣🔥☕️Iced House Coffee ($30)因為見網上評價好壞參半，所以第一次都係輕嘗一杯house coffee先🥶超級冰凍嘅咖啡，入面真係好多冰😅佢地嘅house blend coffee味道偏酸同淡，咖啡味都唔出😕我個人就覺得麻麻😣感覺呢間cafe真係食環境多過食物質素😅又真係難怪網上對佢地嘅評語負面多嘅😐希望佢地食物質素會有改善，唔好浪費左呢個咁靚嘅地方啦🙇🏻‍♀️

放假悶悶地真係最岩去Coffee Shop 享受下杯咖啡食返件Cake...突登上網搵一d比較出名既咖啡店,有視覺享受之餘都有美覺既享受呀!!未行到去門口已經見到好多後生仔後生女排隊,我緊係唔汁輸啦!! 唔該, 兩位!!等到一陣終於入得啦,成間店都係綠色,有一種工業風格既設計,而且佢既樓底好高,你入到去唔會有一種壓逼既感覺.間店既中間有一條旋轉既樓梯,岩曬打卡用呀!講返D野食先:我同朋友叫左個MOCHA 同一個肉桂味既蘋果Cheese cake我本人就唔係咁中意飲D苦既野所以就覺得普通,但係我既朋友就覺得好飲啦! 佢既拉花又令,真係望到都要影返幾張相先捨得飲.自於個Cheese cake , 肉桂味同蘋果就一定好夾,兩個人一件其實真係唔夠喉… 不夠價錢就貴左小小....但係如果當下午茶既話就完美啦! 唔講咁多啦,扮文青影返幾張相先走!!!扮文青打卡推介: Colour Brown x PHVLOHATCH  

今天休假，想起深水埗開了幾間特色咖啡店，特來一試。本來想去轉角的另一間，但因要等5枱兼5點後（當時已4點45分）後便不可落單買食物，惟有轉軚。去到門口，已被其綠色大門及特高樓底吸引。因有太多客，只影部份景物，欲見全貎，自己去看吧！😜其店內旋轉樓梯，果然吸睛。👍🏻開放式廚房前，有別緻的裝飾。熱Flat White 肥威（$38）先上，味道與很多Coffee shop 差唔多，即係啡味不濃。它的奶打得滑，算是可接受。這杯凍咖啡紅豆冰（$48）是夏天佳品，紅豆煲得夠稔，甜度啱啱好。飲管到底時就如飲紅豆冰，在上面是香濃咖啡，還有軟滑的cream，是意想不到的好飲。😋😋😋檸檬芝士蛋糕（$45)有香濃芝士味，加上一層檸檬Jelly，甜甜地酸酸地，又香又滑，極之好味，是我食過最好味的檸檬芝士蛋糕之一。👍🏻👍🏻👍🏻最後老公添食了這件焦糖芝士蛋糕（$45)，外型美麗，加上食用花朵。它做得同樣軟滑，帶有焦糖香味，只是芝士味不及檸檬芝士蛋糕般香，所以我還是喜歡檸檬芝士蛋糕多啲。😘

困得喺屋企太耐，久唔久都要出黎抖吓氣。見深水埗被人吹奏到係香港Brooklyn, 就randomly搵間靚cafe同個buddy 邊食邊傾。2人限聚又冇限時，又完全空肚嘅狀態下等6張枱。等最後一張嗰吓簡直係煎熬，因為等左咁耐，我真係唔想坐近門口冇冷氣嗰幾個位，裡面d人又賴死唔走，所以我等左差唔多一個鐘先有位。已經餓到一個點，即刻叫野食，選擇都幾少，同真係真係好細份。叫左份煙三文魚牛角包$42，個包幾酥脆，d菜幾新鮮，同埋塊三文魚同芝士quality 唔錯，食到佢地最原始嘅味道。意粉每日得兩款，因為我朋友唔食得海鮮，我又唔食青口，唯有揀黑蒜野菌意粉。Oh well, 其實個Linguine 係處理得唔錯，有好多菇同有蒜味，但$88睇落咁寡又細碟，良心過唔過意得去呀?點左兩杯手沖咖啡試吓，頭盔定先，我對咖啡冇研究架。呢個係埃塞俄比亞耶加雪夫，我覺得唔太苦，微酸，齋飲係舒服嘅，易入口。洪多拉斯係厚身d, 比較濃同苦，我飲唔出menu所講焦糖同果香🤣🤣講真，黎呢間野個重點係影吓條樓梯打個卡，黎飲杯咖啡食件蛋糕都ok 嘅，但當正餐就免喇，咁貴兼夾牙罅都唔夠攝🤣

放工忙裏偷閒，即刻去openrice搵下深水埗附近有咩靚嘅cafe可以坐下。可惜依間cafe好明顯已經變咗打卡位，好多女仔過嚟係為咗打卡影相，變咗好少係去品嚐啲咖啡。所以即使我係單人，我都排咗差唔多半個鐘先入到去... 由於我只係啱啱對咖啡有個興趣，想認識下，所以就叫咗杯Honduras SHG EP (W) 嘅精品咖啡。我仲問個店員，呢杯嘢點樣讀添，不過佢話佢都唔知... 本來仲想問多少少，SHG EP (W)係咩意思，等佢介紹下學下嘢... 不過佢連個地方名都講唔出，我就打消咗個念頭了，唯有問Google。最慘就係，我被安排嘅座位就正正喺嗰條最出名嘅旋轉樓梯前面，嘈到痴線，亦都有唔少人唔買咖啡，入去影完相就走。至於杯咖啡好唔好飲，我真係唔識講。酸味比較重，似乎唔係好balance。

睇到許多負評，但又聽聞這cafe 經常都有許多人站在門口等位，好奇心驅使我要走一趟;諗住weekday 會少人D，點知都係好多人等緊，因為很肚餓决定唔等，找另一天早上約11:30到，嘩，太好了，大把位任選唔嬲，店內最 eye catching 的旋轉樓梯絕對是打咭熱點…… 點餐時那位店員的態度有點欠缺禮貌，因我點了一款hand drip, 店員嘅回應係'呢款今日沒有供應'，咁我諗住等佢check 下有咩供應啦，等咗一陣完全無回應，我唯有主動問佢，跟住個店員語氣略帶負氣地問我想要咩風味的……最後點了Yirgacheffe, 味道還好，食物質數就真係有很大嘅進步空間; 因我本身很喜歡hand drip coffee, 所以如果有機會再路經此店，hand drip coffee 可能是我唯一選擇！

《一星期一日咖啡☕️》唔知道原來要攞位先，一直喺度排隊。直至到接近門口才知道要攞號碼，😅排咗好耐好耐。拎咗號碼之後大約等多15分鐘就有位啦，每一次都想去呢間但係次次都好多人或者夠鐘close~今次終於去到，滿心期待。點知失望‼️野食一啲都唔好食，叫咗個沙律同黑松露意粉，美式咖啡及Latte。好難食好難飲，咖啡無咖啡味，放耐咗得奶加水味👎🏼👎🏼🆘🆘最後試下個甜品，花生醬芝士cake, 還可以的，我仲買左2件比朋友食。如果你滿心歡喜想去影相，坐出面都好啲，你入到餐廳就唔會走嚟走去去條梯到影相架喇，出面都可以影下大門口咁啦～有機會都唔會再去～因為真心差👎🏼‼️

     這次來到位於深水埗的Colour Brown x PHVLO HATCH 吃午餐。這家Cafè的門面非常引人注目，高身綠色大門框配上金銅色鐵拉閘，走進店裏，會先經過仿戶外設計的座位，然後便是室內座位。Cafè的裝潢採取工業風格，地板牆身都是水泥飾面，擺設佈置別具一格，小射燈及垂吊式的燈泡增強了光線感，而最奪目的莫過於那條復古的綠色旋轉樓梯，吸引了許多人慕名前來「打卡」。單看室內的設計一流，加上空間感強，可算是一家非常具特色的Cafè，可惜食物質素一般，令人稍為失望。我們點了一份全日早餐及蜜糖芥末菠菜沙律，兩杯Caffè Latte。全日早餐份量尚可，食物的味道則普普通通，但沙律菜不太新鮮。而菠菜沙律，流心蛋的製作值得一讚，而醬汁味道也不錯，但蔬菜略嫌不太新鮮，所選用的芝士亦太鹹。至於咖啡，則沒甚驚喜。

I came here last Wed afternoon, it was quite busy but still managed to get a seat without waiting. I ordered a hot house coffee and a cheese and tomato croissant.The coffee is very average in terms of taste, quite weak and with a sour after taste, I’d say similar standard with Starbucks. Not really my liking as I hate weak coffee esp with sour note. While the cheese and tomato croissant, it’s a big disappointment. The croissant is abviously those supermarkets ought, which cake in 5-6 per pack an

雖然聽到這間咖啡店負皮一囖囖，但不信運氣竹不信運氣的我都是要親身走一趟。網絡太多故事了。門外經常保持人龍，但還是跟風輪隊大約15分鐘便能入內，時間是下午一時三刻。入內沒有太大驚喜，最吸引的其實都是門口，樓底高。點餐是快餐店一樣，要到收銀處點食物，咖啡或熱食都要自己取。雖然有服務員，但面容年紀似乎都不像文清的一群，內裏確實很難有凝聚力，這裏是一間咖啡店，但並不是一間會同你分享咖啡的店，只是一間普通的愛理不理商業味道的咖啡店。我點了一杯平白，價錢比中環還要貴，份量也是少，味道雖然不致啡水，但並沒有回甘味。豬手出前一丁玩半生熟，我不太懂欣賞。出產的廚房哥哥說食完餐後要餐具自己放回收集處，當然不是問題，但好像這個做法與一般的咖啡店有一份距離的感覺，意粉$88，加一杯咖啡要120多元，完全是中環的收費，但質素比中環的咖啡小店食物質素跟不上。總括環境並沒有傳說中的寫意，服務也沒有殷勤的招呼，在我之前有一對男女坐了3分鐘便走了出來，出來的時候他們就說了一句令我不能不同意的說話，這裏沒有heart 。好勝的你，也可以不妨一試，希望你會有一個愉快的一天。