Coffee Break (鴻輝大廈)

營業中

休息中

lunch已經食過幾次。得佢嘅食物都唔錯。下午都幾抵食60-80元已經可以食到仲有飲品。店舖冷氣都幾凍，😂佢個蒜香意粉好好味。一D都唔油，意粉口感非常好。 仲有黑松露薯條 ，好好味^^外脆內軟😄鍾意黑松露一定要試下。

星期五收工夜晚諗唔到食咩 同朋友走左去女人街覓食咁啱見到呢間cafe 就走入去試下結果幾有驚喜🙈🙈環境好闊落 幾適合打卡生日月份仲額外送一份梳乎厘 帶子青醬意粉~帶子好新鮮彈牙 意粉偏硬 青醬好濃郁 熱朱古力~味道正常 奶味偏重同偏甜 拉花超級靚😍😍生日月份送既梳乎厘~~ 送既甜品無諗到咁大份🤤好鬆軟🤤🤤 蛋味好香 蜜糖都好香甜 二人最後埋單HKD255叫左兩個Dinner set 以晚巿黎講好抵食 有main有湯有飲品

今日懶洋洋唔想煮飯，見到有個外賣平台做緊優惠，呢間coffee break之前食過好唔錯，見到意大利燴飯好似幾吸引，就一人要一盒。黑蒜蘆筍蟹肉燴意大利飯- 食到蟹肉，蘆筍幾爽脆，但黑蒜味唔算太出，意大利飯燴得剛好。海鮮南瓜蘆筍燴意大利飯- 燴飯俾橙黃色嘅南瓜汁包住，加上一啲紅椒粒同埋翠綠色嘅露荀，顏色配搭繽紛又開胃。整體味道同份量ok，可惜係外賣，兩個飯盒嚟到嘅時候都已經冒水同埋變得微暖，另外燴飯用透明膠盒裝住，始終同喺餐廳用隻靚碟上有分別，食落同望落都打咗折扣。

最近有朋友介紹話呢間Cafe既食物唔錯，所以就趁住朋友生日，提議試下食呢間，入到店內，感覺環境的確唔錯，雖然多人，但坐位唔算好迫….首先我地點佐呢款香烤蜜糖雞翼配沙律雞翼好嫩滑多汁而且係既烤熱辣辣，外皮好酥脆， 甜甜辣辣非常開胃😋.忌廉蘑菇湯$18加配，味道好濃沃，係好濃既蘑菇蓉😋.朱古力繽紛樂店舖好細心，事先將繽紛樂雪凍，直到我差不多飲完， 繽紛樂依然冇溶，仲好脆.菠菜忌廉雞肉意粉雞肉非常嫩滑，醬汁味道都足夠，只係意粉稍為硬身佐少少，如果可以再軟身少少會更好😚.原味梳乎厘因為有朋友生日， 所以梳乎厘係店舖送出既，梳乎厘口感鬆軟，蛋味好香濃，入口即化，非常好味

偶然經過這間Coffee Break☕️見到門面玻璃窗的bar枱，就毅然決定入去了。在平日的下午，沒有人，真好😌..看畢下午茶的餐牌後，最後決定來試試好耐無食既梳乎厘🥞 一定係揀原味😌 點解？就是要嚐梳乎厘最原始的蛋香味啊🍳🤤 配搭蜜糖，不得了❣️簡單的幸福感❤️..餐飲我只選了普通咖啡，加少許奶，簡單，好味☺️ 食甜品配咖啡是最佳配搭☕️ 既然已經有甜品的甜，咖啡當然揀最原始的就好，唔需要揀mocha/caramel/rose，因為要專心品質甜品帶來的一點甜呢❣️..這裡的環境很舒服，木質搭配卡其色系的枱凳，營造舒服的感覺🪑坐窗邊的bar枱位，仲可以擺電話在前面狂自拍都唔會阻到人🤭🤫😆 總括來說，不論是食物還是環境的舒適度，好滿意

位於女人街尾段嘅一間Cafe，地方幾大座位都有唔小，環境亦都好舒服。下次可以再嚟食個tea飲杯咖啡輕鬆一下。🔝香氣濃郁黑松露配上忌廉汁，簡直係一絕，而燴飯嘅濕度做得好好，米飯亦軟硬適中，每一啖都好滿足。🔝帶有蒜香味，但食唔到有蟹肉嘅存在，味道一般。🔝意粉硬度適中，帶有咀嚼感，忌廉汁配溫泉蛋令意粉更香更creamy。🔝食落有少少橄欖味，入口creamy，味道不錯。🔝好可愛嘅抹茶拿鐵🔝疏乎厘班戟質感鬆軟，蛋味濃郁，配上奶油一齊食更滿足。🔝Tiramisu口味，食落淡淡咖啡可可味，口感比較濕潤。

返工就最鍾意聽到有coffee break，大家都想從工作壓力中鬆一鬆，以前經過女人街根本唔會見到旁邊有乜嘢舖頭食飯，行完旺角家樂嘅H&M，過嚟女人街望吓，依家條街乾淨左同埋冇咁多人，眼前突然間見到 Coffee break，年輕店員熱情招呼就一於坐低試吓啦！香烤蜜糖雞翼配沙律 $52先叫個小食開胃一下，點算下我啲戰利品，雞翼大大隻好肥美，香烤得外皮十分香脆，加上少許蜜糖汁，雞翼肉嫩多汁，配沙律一起食唔會覺得油膩。自家製芝士牛肉漢堡 $108呢個環境好適合食漢堡包嘅心情，Angus Beef Burgers 系列好吸引我眼球，就選擇了 ～Mega Cheese Burger。牛肉漢堡扒帶有很香濃的牛肉味，咬一啖有爆汁的感覺，比在連鎖店買的好吃！芝士搭上漢堡牛肉，好味而且是絕配，好難唔好食，即叫即整，雖然製作需時，但係新鮮熱辣辣係值得等嘅！精選湯忌廉湯也絕對不馬虎，好味道。Iced mocha 芳香好味，甜度適中。溫泉蛋卡邦尼意粉 $82老公係勁鍾意食卡邦尼意粉，材料豐富有溫泉蛋、洋蔥、蘑菇、蒜蓉、煙肉、芝士⋯他說這裏的意粉特別彈牙而且有咬口，溫泉蛋汁加埋醬汁 ，Creamy 而且味道濃

旺角鬧市中找到一間文青cafe店，一入店內，感覺好像與旺角女人街形成兩個不同世界一樣，舒服，寧靜店內裝修用上很多木材料，帶點韓風文青feel, 感覺清新簡潔menu dinner set 好多選擇， 意粉/意大利飯/burger set 可以加$18 包餐湯或沙律，飲品,好抵抹茶latte , 玫瑰花茶值得一讚，如果點花茶，服務員會主動幫你再添加熱水，抵飲呀餐湯：南瓜湯湯好creamy, 香濃南瓜蓉蒜香辣大顯蜆意粉將蒜片爆香再炒意粉，帶出蒜香味，蜆肉新鮮鮮甜，味道一流法式香草烤雞配薯條沙律上盤時熱辣辣， 雞皮烤得夠香脆，肉質鮮嫩，大愛整體價錢，食物質素，環境都滿分，人太多時會有限時90分鐘，所以訂位時記得要留意

Take a break at coffee break, so I actually come in to just send the gap hour before meeting friend. Crème brulee and coffee such a perfect match, creme brulee is quite large in portion comparing with the other shops , caramelized sugar on top is crispy and give a deep flavor to the soft egg dessert underneath.....#test_mk______________________________🏠 Coffee Break📍旺角通菜街2Q-2Z號鴻輝大廈地下4號舖💵 HKD 68______________________________ig: eatesterhk

法式香草烤雞配薯條 $168/全隻上星期自己一個去食晚飯，呢度既烤雞真係幾好食，雞皮烤到脆，肉質又嫩滑，而且好香香草味，份量都還可以，再配上外脆內軟既新鮮薯條，同埋酸味味既沙律，整體感覺不錯🤩🌞👍🏻.

成日都去旺角食飯的我，其實都有一段時間沒有到女人街搵食，因為一直都覺得女人街裡面的餐廳質素麻麻，今次朋友相約我不如到這間位於女人街內的餐廳試試，一試後，完全改觀了!這間西餐廳座位多，環境都幾大，以簡約裝修為主，而且估唔到有這麼多人吃!餐牌上有二人餐，也有晚餐和漢堡包餐可以揀!我點了一個dinner set，而朋友就揀選了angus beef burgers set!精選濃湯，當日的餐湯為椰菜花忌廉湯，湯內有很多椰菜花蓉，湯都幾creamy!法式香草烤雞配薯條及沙律(全隻)，這款烤雞味道非常惹味，上枱時熱辣辣，雞皮脆口，有陣陣的香草味!雞肉很嫩滑，而且超級juicy，鹽份十分足夠，不用點上任何醬汁也可以令人吃到津津有味!而薯條是粗薯條，外脆內軟，配上茄汁一齊食特別美味!而沙律菜下了沙律醋，夠開胃!重量級芝士牛肉漢堡，估唔到這份漢堡那麼大份，用上兩塊厚厚的牛肉漢堡，還有生菜、勁量芝士、煙肉和太陽蛋。牛肉漢堡牛質鬆軟又juicy，而且麵包也有稍稍焙過，令口感帶有少少脆口，而薯條和沙律跟烤雞的一樣，我就不多說了!朱古力咖啡沙冰、荔枝沙冰，前者朱古力味較濃，口感順滑!而荔枝沙冰味道清清地，有淡淡

明明Lunch 已經吾係好多人1:30叫野食 等到2pm都未有然後原來係人為送左比第二台嬲到震野食又細份，有人仲要扮廚房漏單🤷🏿‍♀️話一陣先叫野飲，同一個人轉頭又收menu最後我係OpenRice 睇餐單😅

間餐廳空間係好大，不過每一個座位既間隔實在太細，感覺就好似唔夠一米就一個座位，好容易就聽到旁邊個大陸人係咁講普通話既聲音，好驚d口水都隨時都吐都過來，餐廳d碟 係崩既，員工態度好極有限，就係，你叫佢地咩就比咩，唔會主動留意客人洗唔洗要碟呀 勺子呀 個類用具，我老婆舉手叫d 員工起碼5次都無人回應，我覺得根本唔應該serve咁多客人囉，環境好擠迫，一d都唔enjoy食物方面，prawn risotto隻prawn唔止細，好似無咩生氣咁，死蝦咁個款，同我期望既大大粒有出入。拉花算ok，烤雞幾好食，份量點全隻whole都只係夠一個人食最後，我想同職員講聲，下次人地點一樣野，唔洗咁心急同我老婆講，「呢度最低消費每人要點一個餐」，係我眼中，客人就係想點咩就點咩，我都唔係好想理會餐廳有咩限制，我認為本來有限制就係錯，因為本身咁樣限制法都幾無禮貌，今時今日既服務態度真係⋯⋯都幾無禮貌

最近被口罩肌困擾，滿面粒粒所以朋友就帶我去旺角兆萬買返啲護膚品！買完就係附近覓食價錢好大眾化份menu都好厚有好多選擇，pasta, pizza, steak都有餐湯：薯蓉湯每一啖都有薯蓉粒，口感好豐富唔會話好cream好膩，好岩我口味蒜香辣大蜆意粉蒜香味好突出，令味道更出眾蜆肉好新鮮，又無沙不過意粉口感硬左啲，軟身返啲會更perfect鮮茄蓉大蝦意大利燴飯Risotto整得好食一啲都唔容易，太硬或太淋都會令risotto失色！不過呢度整得岩岩好軟硬好適中鮮茄蓉能夠中和到芝士既膩味道好好，仲有啲胡椒香不過大蝦肉質唔夠爽彈......水蜜桃果粒茶呢個水果茶好有驚喜水蜜桃味超級出而且係好fresh的唔駛加蜜糖都已經好好飲不過加左蜜糖後，味道昇華到另一個層次甜味令水蜜桃味更突出，100%推介熱朱古力可可味不算突出，奶味比較重，不過口感好滑上菜碟好靚呀係雲石紋黎架吸睛之餘，食物仲好好食

平日行旺角女人街，很少會留意到兩邊的餐廳食肆，近日因疫情影響，女人街的店舖都提早關閉，才能清清楚楚看到原來兩旁也有很多特色餐館。正正路過看到這間裝修有靚靚磚牆，樓底很高的悠閑餐廳，門口的美女侍應生又努力介紹食物，便進內喝一杯咖啡及吃件甜店。摩卡賣相很吸睛，縱使忌廉很邪惡，也不禁吃了再算。相反抹茶拿鐵較遜色，味道有點怪怪的，可能抹茶份量不夠濃，完全不知道自己在喝什麼似的。藍莓芝士蛋糕用料十足芝士味濃，作為宵夜簡直完美。這裡還提供晚餐選擇，但沒有酒精飲品。