Coffee Art

營業中

休息中

今日Lunch去咗支持黃店💪🏼Lunch Set:溫泉蛋卡邦尼意粉配蒜蓉多士🍝 （$58）意粉質感爽口，好多醬汁，撈埋隻🥚超級好食💯！蒜蓉多士好多蒜蓉，烘得脆口👍

🍙等待時間：平日中午12:20分，有少少人排隊，等左10分鐘入得啦。🍔室內環境：環境幾靚，有放心思去整，枯草放在牆幾好睇🍰服務質素：侍應態度唔錯，又熱心安排位置。🔺用餐簡評：我個人好鐘意自己點既lunch set 蒜香日本黑豚肉野菌粟米微辣意粉！！豚肉肉質嫩滑好食，加上青甜粟米，口感極夾，野菌同蒜都大大增加意粉既香味，令人吃到停唔到手，另外私心推薦你地選綠茶多士，特別得來又好好食阿！🔹總括來講：👍值得一去再去

觀塘區人多擠迫不乏美食，喺東廣場一條短短的食街都有好多不同嘅美食，今次比鋪面餐牌上嘅綠茶多士吸引左，就選擇坐低。提一提第一次嚟到訪嘅食客，要先買單職員會安排座位唔可以自己揀位。 餐廳設計婆有特色，特別鍾意龍珠嘅朋友可能會有啲親切咁。如果有留意，餐廳也進社會責任為社區出一點力。今次叫咗溫泉蛋煙肉白菌忌廉汁意大利粉，味道唔錯本身以為白菌汁會比較清淡，但係配合煙肉帶返成個餐既味道，份量比較細，適合一班OL ，Keep fit 人士！ 不得不提今次嘅推介食品係綠茶，味道清新，入口香脆，好味😋 道得選配埋特飲呀

要中午既觀塘搵到間唔洗排好耐水準又好既linch食真係唔容易 今日排隊食東廣場呢間Coffee art食意粉 都排左十幾分鐘 肚餓到扁叫左個Lunch set F 黑松露原隻大蘑菇雜菌忌廉汁米型意粉 送飲品同頭盤揀左杯熱柚子蜜同綠茶多士 有一隻大蘑菇加入左香滑忌廉 意粉配上烹煮再用黑松 但效果一般 雖然粒粒米型意粉上沾滿忌廉汁 但汁既調味太淡 可能今日失準 平時食佢地既意粉都幾好食 今日綠茶多士同埋熱柚子蜜都夠熱 味道都岩岩好 可能中午人流多所以調味有時失準啦

星期日係油塘行完山 然後同gf frd去觀塘食dinner今次去左一間小店coffee shop 離mtr好近 5分鐘左右就到叫左我最鐘意食既carbon加温泉蛋 面非常爽口 煙肉口感一流 唔太咸同油膩 個汁好creamy不過份量比較細 跟餐有個小salad同叫左杯cappuiccno gf frd叫左三個小食 一個係黑松露fries 覺得普通fries加個黑松露fix既sauce另一個係白汁青口 青口非常新鮮 多汁 大隻 仲有少少香草吊味 最後係柚子雞翼 十分推薦 冇諗過雞翼同柚子會咁夾 肉汁配上柚子係非常好味 而且係燒烤 食咁多都唔洗200 非常抵

一向喜歡食龍蝦包，旺角試過一間都唔平，差不多要二百幾蚊連飲品，太貴了！上網見到有人介紹呢間coffee art，立刻去試下先😋$108包飲品真的唔貴喎去到店要先落單，然後店員會安排位置，完全唔怕買完搵唔到位，雖然坐得都幾密集，但每個位也算闊落，環境不錯。叫完坐低仲有人送到你面前👍🏻👍🏻個包望落好細😂😂但跟薯格😍包好味又夠熱，龍蝦不過不失👍🏻，跟少少沙律菜，薯格又係剛炸起，超正啊😍😍總結係，如果個包大少少就好了😂😂

諗住同朋友支持下黃店，食物方面都ok, 但有一位員工真係ruin我成餐飯個好感。我朋友去左洗手間，個袋係張座椅度，佢杯飲品半滿，已經無問過我的情況下拎走左杯野飲，然之後有情侶搵位，餐廳有其他空位，但有位女員工叫個對情侶坐係我朋友個位度，人地對情侶本身都去緊其他位，我同對情侶都呆咗。ok, 你趕客趕到咁出面，我都無需要再黎，尊重食客都好重要，你問我，我咪讓囉，我自己杯飲品都未飲完，大佬你直接收走哂d野，又叫人坐人哋個位，我成餐飯都無坐好耐，半個鐘左右。你係黃店，我都唔覺得我有理由會再去光顧。

觀塘工廠區有吾少食店選擇，呢間係正工廠區最出，吾使行咁入就食到，地鐵站隔離觀塘廣場旁既東廣場地下！地點方便易搵！食過好幾次喇夜晚既set價錢吾算貴，一百鬆d有main course、沙律或多士、以及一杯野飲！加錢仲有小食揀 ！呢到既意粉軟硬適中，今次叫左辣硯肉意粉同蕃茄青口通粉都不失所望！好味另外叫左個risotto，最好味呢樣！汁同米都好夾味好rich!仲有小食薯條都好脆好香最後吾少得既係咖啡！呢到既mocha好濃朱古力味！又吾甜，推介

上次去Coffee art食完下午茶，今次再去食lunch😆頭盤有沙律或綠茶多士可揀，揀咗較少見嘅綠茶多士，有烘底，個邊有少少脆；但中間keep到軟身、唔會乾，其中一面抹滿薄薄嘅綠茶醬，三個字：清、香、甜。.主菜係巴馬火腿白汁煙三文魚意粉，意粉彈牙，白汁份量剛剛好，有蛋香，加埋清甜嘅洋蔥粒，整體唔會太重口味，仲有好多片煙三文魚添！雖然巴馬火腿有少少乾，但整體都好唔錯！.跟餐飲品有幾種茶可以揀，選咗伯爵紅茶。埋單總數$69。. 美味指數：4⃣/5抵食指數：3⃣/5再食機率：90%

早放工去觀塘東廣場coffee art食個下午茶先😊-烤香草大啡菇 配 迷你蟹肉意大利包 ($48)呢個Tea Set 唔錯👍🏻 大啡菇烤到好香，咬落多汁又軟淋。.配埋個蔬菜沙律，啲黑醋汁勻均淋喺啲菜同車厘茄上面，酸甜度剛剛好。.迷你蟹肉意大利包外層脆脆地，入面有蟹肉同三片青瓜，味道都ok，但真係幾「迷你」，好似得返半個包咁。如果可以再大份啲啲，就算貴多少少都唔區嘅。. 美味指數：4⃣/5抵食指數：4⃣/5再食機率：90%

上星期假期到觀塘睇傢私，周圍搵假日mode重的all day breakfast，最後近近地入左東廣場搵食。無咩特別睇食評，見價錢可以便入內。餐牌內是意粉較多，但我真的不想吃，所以堅持all day breakfast。上菜印象中都要10分鐘，整體水準不錯，炒蛋味香，腸仔亦好味，而那兩片蜜糖多士（可選綠茶多士）烘烤適中，蜜塘份量剛好，而沙律菜亦很新鮮，但配芝麻醬就沒有驚喜。因為時間不早，所以沒有試這裡的咖啡，下次一定要試下。

東廣場打著美食廣場的名字，確實進駐了不同地區的餐廳。包括：日式手圈或刺身飯、羊肉麵、大大個漢堡包、生蠔等等....在轉角位置的coffee art 確實不太顯眼，像迷宮般的美食廣場裏一不小心就會花多眼亂。Deluxe All Day Breakfast 首介紹的是很豐富的全日早餐，兩塊蜜糖多士加芝麻醬沙律、煙三文魚、滑蛋、炒雜菌和胡椒腸仔。蜜糖多士的味道比較像平時bbq 的蜜糖麵包，可惜不夠脆。滑蛋是很有水準！胡椒腸有少少辣。野菌的香氣十足。栗米野菌日本黑豚肉長通粉 搭 綠茶多士/沙律綠茶多士創意度滿分。雖然綠茶醬味道不夠濃郁，但少甜滋味，搭配上多士也不錯。而長通粉方面，野菌仍然是香氣十足，但卻有點搶去了黑豚肉的香氣。切絲的黑豚肉不管是口感和肉質都較失色。柚子雞翼（加配）把預先煎香的雞翼，然後加上柚子汁。能保持雞翼外層的雞皮脆身，而肉質也不會太硬身。這個很推介！

有時想安安靜靜和你珍惜的人食一餐飯，都未必如所想般容易，但既然有閑情逸致的機會已經困難，又要有個人堅持和要求，我認為位於觀塘的coffee art 會是一個好選擇。經常在觀塘出沒，早已經聽過Coffee Art的大名，終於有機會幫襯。假日的下午三時許，都算滿座，剛好在二人離開，實在太好了。Deluxe All Day Breakfast 配綠茶多士☕️Ice Americano超讚綠茶多士雖然是正常厚度的麵包，但塗上綠茶醬都做到外脆內軟的感覺，不會太甜，有淡淡的綠茶香味。炒蛋不是濃厚忌廉的滑蛋，反而沒有那麼膩感覺。巴馬火腿白汁煙三文魚長通粉 綠茶多士熱☕️Americano白汁、蒜蓉、芝士份量都剛剛好，做到掛在通粉上！汁的厚薄剛剛好！我本人很少選擇意粉，因為很少意粉的軟硬度令我覺得滿意，所以選擇了長通粉，減低出事的機會，但意外地掛汁的效果不錯，下次可以嘗試意粉。咖啡方面我絕對不是專業，不過個人喜歡有一點點酸味的，這杯亦合心意。總括而言，價錢合理，地點就腳，更是良心店舖就更合心意。推介！

本來想試下呢間野，點知去到點完杯好基本既熱latte,杯野有燶味既，同店員定唔知係老細既講佢夠膽話佢地d咖啡係咁既味，當我好似未飲過咖啡咁，態度非常非常之差，幾十蚊飲杯野仲要睇佢地面色，都唔知點學人做生意，成杯野冇飲就走左，野食方面經過佢地d咁既態度即刻唔叫，不過我諗都係咁上下架喇，目測望去整野食果邊衛生都係麻麻地，垃圾桶又冇蓋，so dirty!唔建議再去呢間野，茶仔都好味過佢

最喜歡周圍試食全日早餐，難得這兒近屋企。Coffee Art的all day breakfast整體滿意95分，$78包一杯柚子蜜或紅茶，如咖啡就另加$20-25。全日早餐非常豐富，沙拉以麻醬混生菜，很適合不吃一般美乃滋沙律醬的我。煙三文魚和黑椒腸仔都好味，松露炒菇和炒蛋好惹味。但試過附送的不同味多士（綠茶、蜜糖、牛油）仍覺得有改善的地方，🤔不知道是包的本身或是牛油，有點未夠新鮮，而且不夠脆。期待在這兒吃到100分的全日早餐。