Coffee Art

營業中

休息中

做完gym 2點零鐘想食番d健康野食，見東廣場Coffee Art menu有雞胸豆腐沙律，就決定試試佢。脆豆腐煎雞胸和風沙律 7/10 ⭐️ 雞胸片簿左3塊黎煎，簿簿地煎得幾香口，調味亦啱啱好，唔會太咸，咬落去有d脆硬既感覺幾過癮。新鮮炸既豆腐外層酥脆入面軟滑，我個人好喜歡，可惜成碟只有4粒，有d唔夠喉🥲。沙律菜幾新鮮，加左海帶入去，亦用左柚子醋作為seasoning，酸酸甜甜幾開胃。成個沙律overall味道唔錯，而且好健康👍🏻，唯一缺點就係佢無咩特別🙈Flat White 8/10 ⭐️奶泡綿滑，拉花好stable keep到好耐無走樣，飲落去咖啡好順口，espresso既濃度同奶比例我認為恰到好處🤎服務: 職員熱情有禮環境: 我去既時候係閒日既2點幾，人流較少，所以都有好多空位可以揀。不過店鋪唔係十分闊落，假日人流多既時候可能會比較擠逼。📍Coffee Art🚇 觀塘🕑 My visit: 閒日下午⭐️ Food: 7.5/10💲ard HKD 100/person

🔔follow Instagram @my_foodie.foodie 更多有關香港既好野食啦!🔔今次嚟到觀塘東廣場嘅Coffee Art食西餐，佢大部份都可以俾你揀要長通粉定係意大利粉🌚東廣場其實好多嘢食，之前都有食過幾間不錯，觀塘搵唔到嘢食又貪方便既可以去🧘🏼😋前菜 麻醬沙律/綠茶多士餐set都可以俾你揀呢兩樣嘢，沙律正正常常冇咩特別😗反而綠茶多士就唔多會食到呢樣嘢，佢有少少甜甜地又鹹鹹地，會比較啱啲鍾意鹹甜撈埋一齊食嘅人，我個人幾喜歡💖😋香煎𩶘魚水牛芝士配意式蕃茄汁意大利粉 $88 整體ok，食得出佢個蕃茄同平時嘅唔同，蕃茄味再出啲，應該係用咗車厘茄🤔食材幾新鮮🍅𩶘魚吾錯，不過個皮剪得唔夠脆，正正常常👌🏻😋溫泉蛋煙肉白菌忌廉汁意大利粉 $72幾creamy，整體味道吾錯，不過煙肉煎得吾夠脆同燶，溫泉蛋熟得滯，冇得撈埋蛋漿一齊食就爭啲啲😭味道: 7/10環境: 7/10服務: 8/10人均: $70-100

今日去呢間鬼嘢食完個扒$138，湯同嘢飲乜X嘢都要加錢。初頭期待佢塊扒好食，點知仲衰過茶餐廳。嗰啲薯蓉少度呢，紙咁薄鋪係隻碟上面，仲以為上一手食淨隻碟未洗乾淨。嗰啲沙律菜擺明就係碗仔翅嗰啲爛鬼菜。真係$58都嫌佢貴，X佢老味。可能牛扒唔呢間嘢強項，但係啲嘢嘅份量同味道一睇就知佢冇誠意，仲要收呢個價錢。我食咗20分鐘就X足20分鐘, 試一次就夠，冇回頭。簡直就是冇良心的X店。我個人給予CP值最多2/10。衰到冇朋友。

Ooh……喺官塘左搵右搵  ,  比我喺東廣場搵到cafe , 睇餐牌價錢算平民 , 店內坐位唔算多  ,  又咁啱我到場就有舒適既坐位....正 ,  原來舊同事已食過一次 , 有幾款ADB既 ,  佢介紹呢款 ,  個烘多士好脆口 ,  D菜好爽口....舊同事既係熱朱古力....我既係鮮奶咖啡 , 整體唔錯 。 , 

Coffee Art//野菌田螺巴馬火腿黑松露鴨肝忌廉汁意大利粉配 綠茶多士 熱柚子蜜 （$88）+ 蟹肉忌廉湯 （+$20）蟹肉忌廉湯 唔係好假既罐頭湯味 但略嫌有啲細碗 如果可以大碗翻啲就好(˶‾᷄ ⁻̫ ‾᷅˵) 綠茶多士好特別 食落甜甜地 又有少少綠茶既香味 不過不失～ 去到個意大利粉 一啲都唔馬虎 每一條意粉都沾滿忌廉汁 雖然有啲膩 但好滿足～野菌 田螺 巴馬火腿 份量一啲都唔少！算係間抵食既餐廳 平時經過東廣場 可以入去試下題外話：餐廳啱啱裝修完 好坐咗好多( ´▽` )ﾉ不過抽油煙既系統就可以再改進一下(˶‾᷄ ⁻̫ ‾᷅˵) 另外 餐廳唔收卡架～記得準備現金/八達通喇(˶‾᷄ ⁻̫ ‾᷅˵)

東廣場有驚喜咖啡店 @coffeeart_924 午市套餐🍽人均$80-$100🕰午市時段（12:30pm）午市套餐可選🥗沙律/ 🥪綠茶多士👍🏻大推🥪綠茶多士，相比一般跟餐多士，佢嘅綠茶多士比較冇咁牛油肥膩感重。食兩個感覺都唔heavy （可能係錯覺🤣）🍝 巴馬火腿白汁煙三文魚長通粉 $88整體來講，長通粉白汁夠，煙三文魚同巴馬火腿份量都充，冇慳料👍🏻性價比高！☕️凍柚子蜜 （跟餐+$3）我哋4個人食，所以有額外追加小食share😋🍘日式一口豆腐粒（8粒）$38炸軟豆腐配泰式辣醬，油膩感同樣唔重🍟 炸粗薯條(配黑松露醬）$38薯條正常水準，偏淺色，可以見餐廳盡量都唔過度deep fry，盡量減少食物油膩感👍🏻黑松露醬一般，依個追加嘅價錢嚟講算係咁🦑炸海苔天婦羅魷魚(6-8件）$383份追加小食裡，天婦羅魷魚係最為普通，不過不失要注意平日午市時間觀塘區較為多打工仔，可能要等位耐少少🙌🏻Bible rating: 8/10📍地址：Coffee Art (觀塘)觀塘成業街7號東廣場地下G46-G48

Coffee Art 其他分店我早已去過，唯獨觀塘分店是近期才來。 因為在附近上課，所以上課前來這裡吃個early dinner 很方便。這店要自己去Cashier 點餐，只收現金。*******Main Dish Set價錢由$68至$118，包前菜芝麻醬雜菜沙律或綠茶多士，另加$20可加配是日餐湯。也包一杯熱飲，以下四選一：伯爵紅茶／茉莉綠茶／柚子蜜／檸檬水餐牌飲品有半價優惠。Main Dish Set 全都是pasta類，有意大利粉，長通粉及米型粉。*******現在少吃pasta的我，還好有Signature Food選擇。Signature Food 價錢由$58至$98，沒有前菜，包跟Main Dish Set 一樣的飲品。🍽Smoked Salmon Tartare w/ Bun Toast, Balsamic Sauce Salad $68Smoked salmon tartare 面層是切碎了的煙三文魚，下層是有薯仔粒的薯蓉。可能跟老闆聊了一會才開始吃，入口時不覺得凍，溫度剛好。跟薯蓉一起吃，減低了煙三文魚的醎味。有煙三文魚粒也有薯仔粒，口感不錯。中東包細細片，很可愛

芫荽長通粉，有充足的芫荽荽，充足的荽味！荽友應該好鍾意。長通粉軟硬度又夠al dente ，真係非常之唔錯！有野飲有沙律，加埋八十幾蚊，因為d長通粉唔錯，所以都算fair。我果日有梳化坐，都算係坐得舒服。

今日帶埋仔仔嚟咗依間cafe shop食嘢🙈🙈員工服務態度勁好同埋好細心🙈我地嗌左all day breakfast 柚子雞翼 鐵板焦糖香蕉雪糕班尼仲有杯rose latte 味道都唔錯❤️

🚩Coffee Art (Kwun Tong)觀塘成業街7號東廣場地下G46-G48舖 💰人均：$80 今日行過觀塘食野，朋友想食意粉 我帶佢黎coffee art 我由中學食到宜家😊😊 佢既lunch set會包一個沙律/多士，個多士甜甜地好正架！另外有一個餐牌係signature food，係light啲既野，可能比想減肥/唔係咁肚餓既人🌟意式鮮茄牛肉丸意大利粉 配沙律 $80 / Main Dish Set+$8揀左飲冷泡茉莉綠茶🥰朋友好肚餓，揀左食意粉意粉份量女仔食得好飽，普通男仔夠食，大食男仔唔夠喉軟硬 偏硬身 少少over左既粉感汁 偏甜酸 好食牛肉丸 食得出自制，牛味好濃有肉汁🌟煙三文魚他他跟意大利麪包，黑醋汁沙律 $68 /Signature Food+$0 熱伯爵紅茶煙三文魚＋洋蔥粒＋香草＋薯仔粒煙三文魚油香好重，加上洋蔥好惹味，配埋薯仔黏口，慢慢食好正🤤伴碟有黑醋沙律解膩我唔係好肚餓，每次都鐘意食呢個！覺得價錢好抵，出面68$ 好少有…而且佢份量好多，通常都係我個肚投降先店舖有wifi，用好可愛既logo比密碼環境氣氛 工業風，暗，同朋友傾計***只收現金cash

❖Coffee Art❖ 📍觀塘 觀塘出名多cafe，而我今次揀左喺鱷魚恤中心附近地面既一間人氣cafe!雖然喺商場入邊，但係座位都幾闊落！————————————————————————⋙香草龍蝦包配黑醋汁沙律｜好開心啊！估唔到除咗日本之外仲有機會食到龍蝦包！🥰麵包好香牛油味，龍蝦好足料！而且份量唔少，夠滿足❤️⋙All day breakfast ｜鍾意食肉嘅我覺得開心，又有香草腸又有煙三文魚☺️包就係普通方包。雖然份量唔算好多，但$88連野飲都okay ga！

🍝觀塘工業風咖啡店☕️------------------------------💛巴馬火腿白汁煙三文魚意粉配綠茶多士-💵82煙三文魚嘅有份量好多🤩好似食極都食5完🤤加埋巴馬火腿嘅鹹味👀岀奇地好夾❤️整體意粉偏向多醬🤩係小偏私心覺得好正🍝😍綠茶多士係即叫即製嘅 但係綠茶味唔重☹️💛蒜香蜆肉意粉(微辣)配綠茶多士-💵75份量好足 有9隻蜆👍🏻雖然叫咗微辣 但係都好辣 建議食唔到辣嘅要叫走辣🥲唯一不足嘅係蜆冇洗乾淨 有少少沙😔------------------------------🤤好味度：6.5/10🧚🏻回頭率：5.5/10Coffee Art (觀塘)🇭🇰觀塘成業街7號東廣場地下G46-G48舖#觀塘美食 #觀塘 #意粉 #蜆 #多士 #綠茶 #煙肉 #三文魚 #美食 #人氣美食 #情侶好去處 #台灣 #香港 #美食 #香港美食 #吃貨 #觀塘好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodblogger #hkfoodblog

之前都試過幾次呢間Cafe 食物同飲品質素都唔錯 今次時間比較忙就外賣兩件蛋糕返屋企食有一件柚子同埋一件朱古力蛋糕 又話程度OK但係調味比較似自家製比起甜品店有一點距離最大問題係非常之易溶拎到返屋企已經溶曬 可以留意吓呢點

在觀塘廣場下，近年開了不少特色餐廳，今次來到這間Coffee Art，裝修得很西式，而且用灰暗色做背景牆壁，用來打卡拍照相當好看。我們來吃個晚餐，大部分都$80左右一個set，包個沙律同熱飲。以西式來講，價錢十分親民。賣相好靚點一個意式鮮茄牛肉丸意大利粉，一個香煎雞胸菠蘿中東包。牛肉丸唔錯，好夠肉汁，意粉茄汁剛剛好，甜甜酸酸好開胃。雞包就像板燒雞，配菠蘿幾特別。個人感覺評分：食物味道 - 食物賣相 - 餐廳環境 - 店員服務 - 性價比 -

走入觀塘食個lunch, 經過呢間小店環境都ok, 座位唔太迫，員工又有禮貌地招呼，價錢又唔貴，一於入去試吓喇😜Order 咗 ：1. 溫泉蛋煙肉白菌意粉 ： 溫泉蛋剛剛好，白汁味道唔會太稀太濃，意粉煙韌度適中。2. 香煎雞胸鮮菠蘿中東包，幾特別，雞胸肉做到唔柴同鮮菠蘿好夾，個中東包食得出新鮮軟熟。整體兩樣菜式性價比高下次會再試其他菜式