City Dancer Grill & Live Music Bar

營業中

休息中

放工要揾個地方Chill下Relax下，同事介紹我去灣仔「City Dancer Grill & Live Music Bar」，餐廳位於商業大廈頂樓，居高臨下可以望晒周邊嘅靚景，夜晚9點後仲有Live Band坐陣，啱晒同朋友傾偈飲返杯，今晚仲有幾枱都係黎慶祝生日，歌手會送上生日歌而店員仲會送上生日蛋糕🎂頂層仲有個outdoor area，最適合一大班朋友上黎開party🎉另外，餐廳仲有間卡拉OK房，有得玩又有得食🉐香辣蜆意粉配白酒汁以大蜆圍邊砌成，中間放入炒意粉，一上枱已經非常吸精🤩蜆肉粒粒飽滿juicy味道鮮甜，意粉煙煙韌韌軟硬適中，加入咗蒜片、辣椒、蘑菇去翻炒，白酒嘅味道喺翻炒嘅過程中充分散發，入口特別香口惹味秘醬煙燻三黃雞必食推介👍🏻店員會送上用木盒承載嘅三黃雞，打開時煙燻嘅香味會撲鼻而出，啱晒打卡影相📸三黃雞肉質嫩滑肥美，皮下有一層薄薄嘅脂肪，入口油香十足，雞肉已預先醃製，醬汁味道香甜濃郁，外皮色澤光亮夠晒入味，超水準嘅菜式🉐慢煮西班牙豬架配蘋果醬另一推介菜式👍🏻西班牙豬架肉質較為結實，以慢煮形式去烹調以達致粉嫩柔軟嘅效果，豬架上帶有一層脂肪，脂肪位置經香煎過後迫出油份，入

夜晚6pm 到：窗外 綠油油嘅馬場好 eye catching🌟窗內 band stage 同樣地 eye catching🌟（一至四9pm，五六日9:30pm 有 live music）飯後上天台，入夜嘅灣仔真係好美🌟法式寶雲酥焗羊架羊肉嫩粉紅色，口感超級嫩滑，朋友唔多食生都覺得好好味。法式寶雲酥焗得好靚，見到都心心眼，而且增加羊肉味道嘅層次，職員好細心，主動告訴我哋，如果覺得太生，可以幫煮熟d。三文魚籽牛油果 x 西班牙火腿蕃茄莎莎多士三文魚籽同牛油果 都好鮮美，西班牙火腿蕃茄莎莎 另一番風味西班牙辣肉腸炒青口 配蒜蓉多士青口超級嫩滑，一粒粒嘅西班牙辣肉腸唔會搶咗個味，配搭得很好。蒜蓉多士，焗得香口，多滋味嘅蒜蓉焦糖蘋果蛋糕冇想像中咁甜，一層蘋果蓉 好有錦上添花嘅味道。比利時脆朱古力慕絲蛋糕好香濃嘅朱古力味，口感軟滑，其中一層係有少少脆，提昇整體口感。Hot Latte完美句號

經朋友介紹無意間發現到呢間餐廳，餐廳環境闊落，聽說夜晚還會有live band坐鎮，好適合同朋友食下飯，飲杯嘢傾吓偈🍻餐湯今次係紫薯湯，每次都有機會有唔同嘅餐湯，如果加$58嘅話就可以轉龍蝦湯，龍蝦湯幾濃味，都有啲龍蝦肉粒，但又未算好驚豔，所以下次未必會加錢轉龍蝦湯，因為餐湯都唔差。小食方面就加咗一個泰式蟹餅，炸得幾香口，咬落去滿口蟹肉，幾滿足🦀慢煮雞胸牛油果藜麥沙律就好適合減肥唔想食圓形澱粉質嘅朋友，慢煮雞胸一啲都唔鞋，牛油果抗氧化之餘又充滿維他命C同E，健康得來又好味，加埋啲藜麥就夠晒飽🥗西京燒比目魚幾有驚喜，一整塊比目魚份量不少，肉質淋滑，配上醬汁撈飯一齊飯份外滋味，唔想太膩嘅話，呢個都係唔錯嘅選擇。▪️Set Lunch $128▫️ 經典蟹肉龍蝦忌廉湯 (+$58)▫️慢煮雞胸牛油果藜麥沙律▫️Ice Lemon Tea▫️泰式蟹餅 (+$38)▪️Set Lunch $138▫️精選餐湯▫️西京燒比目魚配白飯

🥃 City Dancer Grill & Live Music Bar (灣仔)📍之前見到有人問：「有冇有live band推介嘅餐廳？」，見下面有有答呢間，今次就走咗去試啦😍。我哋平日夜晚8點半去，趕喺轉做happy hours 前食夜晚🍽️，而佢live band 係9點先開始，咁就可以邊食飯邊聽歌仔🎶。🍴慢煮雞胸牛油果藜麥沙律 $128本身打算食多啲菜先叫沙律🥗，點知份量勁多😯，如果女仔自己一個食晒兜沙律，應該會好飽🫄🏻。個雞胸完全唔會乾或者柴，而且表面仲有煎過🍳。🍴慢煮澳洲和牛面肉、牛根忌廉闊條麵 $198牛肉嘅份量都唔少🐮，好重牛味而且好淋唔會靭，除咗牛之外，入面仲會有菇🍄，不過意粉係偏硬少少🍝。🍴秘醬煙燻三黃雞 $268見到個staff拎住嗰箱行過嚟📦，有少少呆咗😮，完全佢係連埋煙燻嗰舊嘢一齊上，亦都唔怪之得要等咁耐啦💡，原來係即叫即燻💨。個雞食落好滑🐥，而且好香煙燻味。🍴芝士焗炸薯條 $48見到個名以為係炸薯條🍟加芝士醬就算，嚟到發現原來真係有熱辣辣嘅芝士🧀，仲要keep到啲薯條仲脆。🍴焦糖蘋果蛋糕 $78呢個有4層，第一層係焦糖醬🍯；第二層係慕絲；第三層係蘋果

男朋友話有friend介紹佢嚟呢間餐廳試，因為餐廳又有馬場景之餘仲有live Band聽，食物都非常之唔錯，聽到都覺得好興奮今日響附近做完野之後直接同男友響餐廳等，我都用咗啲時間搵路，因為餐廳係隱身響一棟office為主既商業大廈入面，唔係全幢樓都係餐廳嗰種商業大廈，所以我一度以為自己去錯地方，都要望真兩眼個地址先坐lift上去~ 一上到去真係估佢唔到，位置雖然唔算方便但係居然差不多全間餐廳都坐滿晒，睇嚟餐廳真係非常有質素事不宜遲，我同男友都馬上叫咗個拼盤食下， 乜都有得試吓，另外叫咗個牛扒，呢個牛扒令我印象非常之深刻，因為真係超級軟熟又有肉味同埋好難得我哋叫咗medium rare係完全同想像中一樣，廚師掌握生熟度恰到好處，一般響香港食牛扒，如果唔係去到酒店級嘅餐廳都好容易會煮得過熟，但係呢度嘅牛扒質素真係一流大家如果過嚟，牛扒絕對係必叫之選有live Band聽同埋有馬場景都係餐廳嘅賣點，成個氣氛都好好非常適合情侶~食飽飽之後我哋仲上埋餐廳個天台八卦下打下卡，真係好滿足嘅一餐啊

前排朋友生日book左間餐廳位於大廈既頂樓同佢慶祝。餐廳有一大塊大玻璃，可以望到香港夜景，景觀開揚，有種居高臨下嘅感覺，環境幾好。夜晚仲有live band表演唱歌，氣氛都唔錯。三文魚子牛油果多士 $128多士烘到脆卜卜，面頭係滿滿既三文魚子牛油果醬，十分幼滑。一脆一軟既口感，層次對比豐富。西班牙火腿蕃茄莎莎多士西班牙火腿帶一點點橡果香同鹹香，味道鮮美，充滿油香。 蕃茄莎莎酸酸甜甜帶少少微辣，兩者配搭完美，可以中和油膩感。黑松露野菌忌廉湯 $78松露香氣樸鼻，啖啖都係濃郁既野菌香味，綿滑質感。法式鮮蠔湯 $88鮮蠔湯有粒粒蠔肉，質地十分濃稠，口感飽滿。蠔既鮮味濃厚，加埋麵包粒，口感層次提升。波士頓龍蝦西班牙海鮮焗飯 $328焗飯鋪滿海鮮，有龍蝦、大蝦、帶子、青口等，顏色鮮豔，賣相超級吸引！波士頓龍蝦肉質鮮嫩彈牙，味道鮮甜且龍蝦味重。帶子厚實肥美、青口都好鮮甜。焗飯軟糯程度適中，加入西班牙辣肉腸，非常有西班牙既風味！慢煮西班牙豬架配蘋果醬 $238慢煮豬鞍有一定厚度但依然保持肉質軟腍，而且豬肉濃郁。蘋果醬既creamy又清甜，可以減低減膩感。

餐廳位於大廈的三十樓，一排玻璃窗令採光度大增，設有ʟɪᴠᴇ ʙᴀɴᴅ的表演台，晚上或特別日子應該會有駐場樂隊表演，氣氛會更好！假日下午不太多客人，來靜靜地吃個午餐挺愜意✨⤫ ⤫ ⤫ ⤫ ⤫ ⤫ ⤫ ⤫ ⤫ ⤫<法式龍蝦汁海鮮薯蓉批> $168<西京燒比目魚配白飯> $138ʟᴜɴᴄʜ sᴇᴛ 包括餐湯餐包及飲品，分別加了$48轉法式蠔湯及$58轉法式經典龍蝦湯，額外再可以加配泰式炸蟹餅小食！兩款濃湯都值得一試，是超足料濃郁的味道！龍蝦汁薯蓉批底部鋪滿海鮮，有魚、青口、蝦、蜆等等，薯蓉綿密要趁熱吃！西京燒比目魚性價比高，一整塊比目魚還配上白飯，魚肉油份滿溢，連照燒汁送飯一流🤤⤫ ⤫ ⤫ ⤫ ⤫ ⤫ ⤫ ⤫ ⤫ ⤫<西班牙辣肉腸炒青口配蒜蓉包> $188小食的選擇種類很多，辣肉腸炒青口這種做法較少見，沒有醬煮般膩，青口厚身啖啖肉！另外還配蒜蓉包，塗上牛油蒜蓉很香脆🧈

本著中午也要好好吃飯的原則～這家真的沒有讓我失望～環境真的不錯，彩光度很好，選擇了靠窗的位置，窗外的景色真的很Nice，室內採光度很好，而樓上天台的位置的景色更是絶了，被重重的大廈和維港包圍著，定時還有樂隊表演 氣氛超好👏👉鴨油焗薯仔完全不會膩～而且有濃郁的土豆的味道，搭配了肉類的濃香，真的是吃上根本停不下來👉波士頓龍蝦西班牙海鮮焗飯海鮮給得很足，滿滿的一盤，而且海鮮焗飯很入味，碳水化物帶來的滿足😌這裏還設有卡拉OK派對，房間可以容納20多人，最低消費10,000港幣左右，太化算了吧～

今日朋友帶來這間酒吧餐廳有band可以聽入到嚟餐廳非常有氣氛九點就有樂隊表演未到九點之前會播音樂坐低就揀定食物先等表演朋友就話這間餐廳的食物出品不錯，所以今日晚餐都係係呢度食今日就叫咗1.三文魚子牛油果西班牙火腿蕃茄莎莎多士2.慢煮雞胸牛油果藜麥沙律3.香煎帶子野菌意大利飯4.芝士焗薯條飲品我就揀咗1664，朋友揸車就要咗杯咖啡三文魚子牛油果西班牙火腿蕃茄莎莎多士每個 每款有兩件，一人一件啱啱好牛油果份量多，淡淡都食得到牛油果，多士脆另一款口味西班牙火腿鹹香味濃鬱慢煮雞胸牛油果藜麥沙律我覺得呢一個係有少少似主菜， 有蔬菜,有藜麥非常健康,雞胸非常嫩滑香煎帶子野菌意大利飯我覺得超級超級好食佢同平時嗰啲意大利飯有啲唔同有少少似半湯飯咁樣好多汁啲汁好濃鬱充滿海鮮味上面帶子煎得面脆身， 裏面就嫩滑食得咁上下大約九點鐘就有band出場唱了一啲民歌同埋啲經典歌曲食完飯一路聽歌又叫多份芝士焗薯條 滿滿芝士 粗薯條略嫌明天要返工，今晚不能聽盡所有音樂才離開 ，下次星期五嚟應該會爽皮一啲

今日搵朋友放工，佢近銅鑼灣，所以經佢介食野，我負責跟住佢，餐廳2100就會last order，之後就係live music時間，只會有小食提供，餐廳仲會見到馬場，景觀一流經典蟹肉龍蝦湯濃濃嘅龍蝦味，質感剛剛好，唔會好稀，面頭有龍蝦肉，撈勻尼飲更有口感意式茄汁海鮮意粉有青口，帶子，蝦，蜆意粉質感唔錯，唔會太軟身，仲帶有點口感的，茄醬份量令到每條意粉都有茄醬，唔會好稀亦唔酸蝦彈牙，帶子唔韌唔腥不過反而個蜆有少少腥牛油香煎澳洲和牛，牛板腱 （7成熟）右邊一塊塊係澳洲和牛，唔韌，唔需要點醬都好夠味，邊邊位煎到焦焦地有啲脆口左邊牛板腱，味道都重，口感唔韌，但相比下和牛當然更勝一籌黑松露薯蓉黑松露味好濃！薯蓉口感滑身，夠creamy，但食完唔膩可以配和牛一齊食，味道挺夾的

帶女朋友去威威食好西🤣，經朋友推介揀左呢間位於近銅鑼灣新商業大廈頂樓既餐廳，一開Lift門就已經係間舖，環境氣氛一流👍🏻，最特別係佢既Live Band同超開揚既馬場景觀，咁岩我係星期三晚去，仲睇到啲馬仔跑，難得係呢間餐廳仲有天台座位，好天既時候可以慢慢嘆住個View同朋友吹水，我自己就非常鍾意呢間野喇，因為佢唔單只環境氣氛好，連食物質素都冇得彈，日頭黎可以平嘆高質素食物同景觀😎，夜晚黎就慢慢享受，再夜啲仲可以同朋友摸住酒杯底傾偈，好寫意又有FEEL慢煮雞胸牛油果藜麥沙律牛油果既成熟度岩岩好🥑，味道一絕，配合沙律菜一齊入口，好好味😍，雞胸係靚料，慢煮烹調出黎配合蔬菜好健康法式鮮蠔湯+香葱牛油麵包粒個湯好似用足料每隻蠔打出黎咁，杰身濃味但完全唔膩😋，配合牛油既酸種包片+沾湯既蕃茄麵包片，前菜黎講我非常滿意慢煮澳洲和牛面肉、牛根忌廉濶條麵不得不提既係件和牛面肉充滿牛味同口感，鮮嫩好味，配合高水準既濶條麵，唔好睇佢細細碟，食完都幾飽肚日式醬燒煙燻白鱔上枱用原隻木盒，一打開，賣相常但果浸香味四溢🥰，令人口水都流埋出黎，個汁係葱油，點同唔點係兩個不同的好味道，條鱔肉質奇好，彈牙厚實，唔點葱既味道

今日中午跟老公試新餐廳，睇openrice介紹這裡有馬場景睇，又有空中花園，好像挺CHILL的樣子。LUNCH有SET可選，我們點了羊架及牛扒後，還加選了很多小食。加選小食比單點的要小一點，但也會便宜一點，最適合第一次吃每樣都想試一點的人。餐湯我們加錢轉了法式蠔湯及蟹肉龍蝦湯，口感香滑飽滿，蠔湯中更有蠔肉，非常足料。餐包香草味突出，我們沒有點牛油，點湯已經很好吃。加配的沙律份量剛好，已落適量黑醋很開胃。餐廳職員說唐揚炸雞跟泰式炸蟹餅都非常受歡迎，我們當然要一試。前者炸漿很薄，雞肉滑嫰。後者將蟹肉混和泰式香料，再配泰式醬汁，食得出是心機之作。主菜羊架香料味很入味，羊SO味不會很大，羊肉滑身。牛扒煎得香口，牛味濃郁，配菜薯仔令人眼前一亮。我點了medium rare，我覺得下次可以點rare一試。餐飲我加錢轉了洋甘菊茶，這個決定做得非常正確。吃濃味的食物後，真的很需要一杯清新解膩的茶。最後加配的甜品可以一次試均三款口味的蛋糕，分別是栗子合桃慕絲、焦糖蘋果和比利時脆朱古力慕絲。蛋糕不會很甜，吃完很滿足呢。這裡晚上九時開始有LIVE BAND，望著如此美景，相信是另一番醉人體會。

放工做到鬼咁餓，同事提意去食餐好，話附近有間餐廳食過lunch, 知道晚上食飯好有氣氛，就即刻嚟試下😄位於灣仔和銅鑼灣中間，置身頂層三十樓，可飽覽周邊城市景，另天台花園亦提供座位，可欣賞跑馬地馬場和維港美景店內設有巨型屏幕播放流行MV，晚上9點後會有live band, 適合一班朋友來聽歌傾偈👍煙三文魚凱撒沙律 | $128厚厚嘅煙三文魚，新鮮沙律菜配搭麵包粒和芝士粉，好味波士頓龍蝦西班牙海鮮焗飯 | $328超級大一份，用料新鮮，裡面有超級多海鮮，包括龍蝦肉、帶子、青口和蝦等。吃完真的太滿足了慢煮西班牙豬架配蘋果醬 | $238豬肉厚切，火喉控制剛剛好，一口咬下，肉質嫩滑爽彈，絕不塞牙，配埋蘋果醬味道更佳帝女花之庵遇 | $128採用伏特加、大吉嶺茶和紹興酒調配嘅Cocktail, 再加上桂花同蜜糖帶點甜味，容易入口。賣相真心好看，有月光寶盒嘅感覺，非常吸睛

今午因先要到灣仔辧些事務，然後趕著農曆新年前去鵝頸橋底打走身邊小人。沿內街朝銅鑼灣緩慢步行時，無意中見到此店在地下的廣告牌，就是這樣便被吸引去渡過一愉快晚上。甫走進這酒吧，才知道它原來分開兩層：頂層（室內座位及晚上有樂隊表演），無遮蔽的天台露天雅座。我個人比較怕太強勁的音樂，於是便選擇天台雅座。一抵達天台，便被眼前的視野所吸引：一邊能俯瞰跑馬地馬場、另一邊能看到部份維港景。以這個價格定位來說，實屬超值。在未品嚐食物質素之前，心裡已經暗想:絕對會再來。隨便點了兩杯飲品，另加多款小食佐酒。豈料它每款份量都較一般酒吧為多及美味（可能是它日間有正常優質西餐供應的緣故，廚房出品都比較嚴謹所致。）個人點了以下小食:唐揚炸雞墨西哥粟米片炒蒜香日本魷魚羊架牛肉串單看相片便見其份量是足以當作晚餐＋飲酒宵夜啦！總括來說，有一個飽足又愉快的把酒聊天的晚上。

今晚去City Dancer 食晚飯，聽歌及唱K, 非常滿意。環境一流，天台景色比山頂更好。食物質素很好，各款菜色極豐富及味美。VIP 房間唱K, 音響及設備很好，洗手間也舒適，價錢是不太貴，服務一流。值得推介！