Chilli Lime (MONTEREY Place)

營業中

休息中

今日喺將軍澳海旁見到呢間泰式餐廳都幾多人食 而且佢做緊買兩個主菜就送一個前菜嘅優惠 即係圍返起都係$300左右就有兩個主菜就加一個菜 都幾抵食🤩泰式香豬肉羅勒菜包呢個就係送嘅前菜 即係生菜包 哩度嘅生菜包都食得好易入口 唔會好辣 就算係我呢啲唔食得辣嘅人都覺得好惹味😍牛油雞咖喱 配烤餅Naan因為我真係好鍾意食印度烤餅 所以見到呢度話就要即刻叫返個咖喱配呢個印度烤餅 我見牛油雞咖喱係呢度嘅廚師推介 所以就叫咗個嚟試吓 咖喱味都好唔錯配埋烤餅嚟食 真係一流啊🤤泰式炒河粉 另外我哋仲叫咗一個泰式炒河粉 佢可以俾我哋揀要雞定蝦 我哋揀咗蝦 炒得好有鑊氣 而且味道唔會好鹹 不過食到啲辣粉就有少少辣🫣另外佢嗰個餐仲可以加配一啲小食同甜品 所以我哋就加配咗幾個小食泰式蝦餅泰式蝦餅$38就有兩塊 而且好大塊 啱啱新鮮炸起 真係要攤一攤先食 如果唔係會焫親個嘴🤣馬拉盞通菜原本以為呢個加配嘅馬拉盞通菜應該會細碟啲 點知都係好大碟 $48真係好抵食 而且炒得好惹味🤩泰式柚子鮮蝦沙律鮮蝦沙律真係全部都係柚子肉 啲柚子都好Juicy鍾意食柚子嘅人一定要叫😍Fruit Float然後我哋叫咗個fruit flo

藏身街角的「南洋風」泰越餐廳，以藤編椅子與暖黃燈光打造慵懶氛圍，宛如置身東南亞街頭，人均兩百至三百已經可以飽嚐異國滋味，真係吃貨既福音！越式軟殼蟹米紙卷酥炸蟹殼裹入半透明米紙，加上特製醬汁，脆爽與綿軟交織。泰式青咖喱雞肉椰奶香氣濃郁，辣度溫潤帶檸檬葉清香，雞肉滑嫩吸附晒啲醬汁，搭配現烤「牛油烤餅」撕開熱氣騰騰，牛油味極濃，蘸醬回味無窮。「印度酥油薄餅」層次感十足，香氣撲鼻。咸魚炒芥蘭鑊氣十足，鹹香魚末提鮮卻完全不腥，芥蘭爽脆於其中。甜點首推﹕芒果糯米飯三色糯米淋椰漿，搭配熟成芒果甜如蜜餞，解膩一流。壓軸椰子雪糕綿密不膩，灑上脆花生，軟滑脆口夾雜，口感非常。性價比超高，平平地，已經可以享受視覺與味覺雙重既南洋風情，適合朋友聚餐或情侶約會，已列入必回訪名單！

位於將軍澳南海岸既東南亞餐廳，四周環境都好似置身外國咁🤩想放鬆chill 下，呢度真係一個好選擇👍🏻有室內同室外選擇，座位舒服😌🏝️串燒沙嗲（豬肉雞肉） $128大大串，雞肉幾嫩，豬肉就多汁，沙嗲汁辣辣地幾惹味🏝️傳統咖喱羊肉 $148羊肉唔騷，咖喱都沾有羊味，重香料味，用黎送薄餅一流😋🏝️酥油薄餅 $38牛油香味，表皮有啲脆口，内裏軟熟，專登叫黎配咖喱🏝️泰式香肉碎羅勒葉包 $138肉碎有肥有瘦，口感好好，而且羅勒味好香🏝️芒果糯米飯 $88三色糯米，甜甜椰香，白色最軟熟，紫糯米最煙靭。芒果甜度岩岩好，唔會好腍好甜🍹Virgin Mojito $58檸檬既酸味勁清新，清爽好飲🍹Lassi-Mango $58朋友話佢每次去餐廳只要有呢款都飲，呢度仲會拉花🫢

我地今次叫咗幾款招牌菜，第一樣就係越式軟殼蟹米紙卷，包到好靚又多沙律菜，軟殼蟹嘅酥脆加埋口感煙韌嘅米紙幾match, 記得點埋個wasabi 蟹子沙律醫👍。再嚟就係素咖喱角，印度咖喱香濃得嚟唔會太辣，內餡主要係薯仔啖啖濃郁而外皮炸得香脆，超滿意！🫶泰式甜酸腰果炒雞肉又係一個驚喜，酸酸甜甜好開胃，雞肉嫩滑有鑊氣，腰果炒得香脆，配埋彩椒增添咗幾分層次感。之後嘅鑊仔炒雜菜都好出色，蔬菜炒得剛剛好，係個好健康嘅選擇。😉最後嘅泰式乾炒河粉，我哋揀雞肉河粉口感幾好而且唔會太油，雞肉又入味，加上佢有大量配菜，呢個絕對值得去叫呀😃

♥將軍澳南海邊高質Chill泰馬印菜! ♥✎ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥將軍澳之友又介紹了多位朋友來食Chilli Lime😆餐廳集泰國🇹🇭、馬來西亞🇲🇾、印度🇮🇳美食於一身，選擇眾多～環境開揚，設室內同戶外露天坐位，裝潢帶東南亞風情，座位闊落舒適～① 泰式牛肉乾炒河粉 $118這道河粉的口感彈牙，搭配的新鮮蔬菜也相當豐富，吃起來十分滿足② 泰式柚子鮮蝦沙律 $98 🥗這道沙律的柚子肉飽滿多汁，搭配香脆的花生碎、洋蔥乾和少許椰子乾，口感簡直是一個爆炸！酸甜多汁，又有酥脆的口感，蝦的新鮮度也非常高③ 泰式馬沙文牛肉咖哩 $148這道咖哩的份量很足，有很多塊牛肉，味道甜甜的，無論是搭配米飯還是烤餅都非常合適④ 油酥薄餅 $38這道油酥薄餅的酥脆程度讓人滿意，但如果能再鬆化一些就更完美了😛⑤ 越式軟殼蟹米紙卷 $118 🦀米紙卷包裹著大量的新鮮蔬菜，除了主角軟殼蟹，還加了牛油果，讓口感更豐富⑥ 泰式椰菜苗 $108 🥬 這道椰菜苗的泰式調味用上了魚露、蒜蓉和辣椒，香濃惹味，味道不會過鹹或過油。椰菜苗吸滿了調味汁的精華，口感爽脆，讓人吃了還想再吃！

今晚喺將軍澳海旁食飯，呢間餐廳喺正海旁入口，好方便，環境幾舒服，chill chill 地，又有泰國嘢印度嘢馬來西亞嘢，全部東南亞菜都集合於一間～ 先黎杯Mocktail ，仲有happy hour 價錢，$48 一杯～ 兩杯都係有pineapple，Yellow sky 比Pineapple Spitzer 甜～ 香炸蟹肉粟米餅 $118 啱啱炸起熱辣辣，蟹肉面上全部都係香甜嘅粟米，點埋泰式酸甜醬好夾😚 青咖喱雞肉 $148 幾欣賞佢蔬菜份量都幾多，幾大份，建議要配飯或者Naan～ 泰式香煎蠔餅 $158 一上枱熱辣辣，煙霧瀰漫咁，蠔餅下面係大量芽菜～

今日又嚟到將軍澳南，咁啱想食泰國菜就比我見到呢間Chilli Lime🤍呢間餐廳主打泰國，越南同埋印度菜。餐牌有好多唔同嘅菜式可以選擇，又有唔同嘅酒類飲品！放工同朋友喺度食餐飯真係寫意不過💕Sate Ruam Mit (6 Skewers)🐥🐮🐷有雞、牛同豬可以自選，我哋就揀咗各兩串，雞肉非常出色又嫩滑，而牛肉同豬肉都燒得好香口，配合埋花生味濃嘅沙嗲醬，完全冇乾爭爭嘅感覺！推薦👍🏻Butter Chicken🐥🥘鮮嫩嘅雞肉配搭埋印度風味嘅咖喱，印度菜愛好者必點！Pad Pak Malajian🥬🌶️每次食泰國菜都必點馬拉盞通菜，呢度同樣出色，通菜入味爽口。Khaw Phad Subparod 🍍🍚🦐呢個菠蘿海鮮炒飯入面有蝦、蟹柳、菠蘿、腰果、粟米和肉鬆等配料，炒飯香口得來又唔會太乾身！🍸Singapore Sling ($68)菠蘿味非常突出，女仔都會鍾意飲！

呢間餐廳有室內同戶外位置坐，餐廳入面有梳化位同埋好多木椅位置，牆身有好大幅油畫，職員好有禮貌同友善，我地叫左一份炸蝦餅，炸蝦餅好香脆勁大粒，餐廳職員仲問我地要唔要飯或者薄餅配咖哩，仲推介我地食naan既蒜香味薄餅。Naan 蒜香味薄餅份量都幾大塊，蒜味香濃，我地將佢沾上咖哩汁真係好夾，咖哩汁濃郁既香料味同羊肉好煙韌，咖哩汁唔會好辣配薄餅岩岩好。飲品叫左一杯black label 12yrs plus soda

我哋又再嚟咗將軍澳Monterey Place嘅Chilli Lime食東南亞菜，因為已經是第二次來光顧，餐廳環境熟悉，座位依舊令人坐得舒服👍。我哋兩個人share咗幾道菜，首先出場嘅係泰式生蝦，夠新鮮又夠惹味🌶️！蝦肉爽口彈牙，配埋酸辣嘅醬汁，真係開胃到不得了。原隻炭燒魷魚🦑燒得好香，口感彈牙，而且size都幾大隻，啖啖肉，食得好滿足。炭燒豬頸肉🐷都好正，油脂分布均勻，燒得外脆內軟，點埋個秘製醬汁，簡直係一流。牛油雞咖喱🍛味道香濃，雞肉嫩滑，咖喱汁非常惹味，配埋酥油薄餅一齊食，正😋！酥油薄餅嘅口感鬆脆，帶有淡淡嘅牛油香，同咖喱汁簡直係perfect match。飲品方面，我哋叫咗杯Strawberry Blast🍓及Rise & Shine🍹，兩杯都好清新解渴，而且賣相精緻，打卡一流。總括而言，Chilli Lime嘅食物質素高，絕對值得encore🥳！再下次嚟嘅話，我哋一定要試埋佢哋嘅其他招牌菜！服務方面都唔錯，店員好nice，整體用餐體驗非常愉快！

呢間餐廳真係一個令人難忘嘅地方！一入到嚟，環境已經令人好有東南亞嘅感覺，滿滿嘅木雕裝飾，加上座位寬闊舒適，令用餐氣氛更加放鬆。最特別嘅係餐廳旁邊就係海邊，食完仲可以散步，感覺超舒服。首先，頭盤我哋嗌咗柚子沙律，餐廳好大方，柚子一啲都唔吝嗇，食落清新怡人。然後係小食，酥炸咖哩角，外皮酥脆，咬落去仲聽到「卡茨」嘅聲音，令人即時食到停唔到口。炭燒豬頸肉係另一個亮點，肉質彈牙，仲鎖住咗豬肉嘅原汁原味，香氣十足。主菜方面，我哋食咗印尼炒飯，啲味道層次分明，好惹味，上面配搭嘅串燒更加出色，無論係賣相定味道都令人讚不絕口。而飲品方面，選擇超多，價錢仲好合理。呢間餐廳由一班東南亞人士主理，出品真係非常正宗，完全令人感受到地道嘅風味。服務員亦都十分細心。最重要係價錢相當合理，絕對係物超所值。

室外座位兩邊都係寬闊嘅梳化，坐得好舒服~~~~好chill~~~~!黃咖哩炒大蝦，配薄餅係我哋食泰菜必點嘅菜式好喜歡呢度嘅黃咖哩，濃厚度剛好，掛到汁喺薄餅又唔會太杰身加上佢有加少少蛋漿，帶甜得嚟又好香口! 而且大蝦係真大蝦，厚肉又有膏，好食!另外炸蝦餅都好好食~ 夠晒脆口彈牙! 串燒一上枱已經聞到好香!柚子蝦沙律帶甜+微辣，作為appetizer夠晒開胃~~ 食完飯之後，仲可以帶狗狗行出海傍散步成件事勁舒服，人同狗狗都過得好開心嘅一個晚上

同朋友做完gym夜晚10:00嘅將軍澳都冇咩好食咁行到埋嚟佢仲有個晚市套餐，我覺得都幾抵食就試吓佢嘅辣肉碎，生菜包飯 好惹味另外佢嘅芒果糯米飯，亦都係軟糯適中不過我覺得佢個咖喱味就唔夠重青咖喱同黃咖喱都係

身為港島居民既我今次黎到將軍澳區既澳南海岸搵食😛平日黎講 哩間餐廳都幾旺 Outdoor位置已坐滿行入去 店員熱情招待☺️當晚有個2人餐Set Menu $348 + 10% (星期一至三提供) 幾抵食 就叫左黎試下A選1🍴泰式辣椒膏炒蜆一上枱 香氣撲鼻 蜆既份量都幾多下😂😂30+清洗得幾乾淨 只有幾隻有沙 個汁辣得黎好過癮 如果係撈飯一流!! 推介B選2🍴泰式河粉炒得比較乾身 甜甜的 岩我口味碟邊亦都配上辣粉同埋花生碎自行調味蝦都有成五大隻 不過肉質就麻麻🍴泰式青咖喱 (牛肉) + naan 🫓 平時多數叫咖哩雞，今次想試下🐂 肉質好淋 份量亦都好多 配上大量蔬菜👍🏻食到停唔到本身想加多一份naan 不過已經好好好飽😝🍴芒果糯米飯 +$58雖然已經好飽，但係甜品都係必須既😝🙈(另一個胃)食親泰國嘢 都必定會嗌芒果糯米飯芒果好甜 糯米飯上枱時仲岀緊煙🤤加埋椰奶 真係大滿足💚總結:嘢食好食 性價比高 食飽仲可以行吓海旁！ 推介💪🏼

今次我哋試咗幾款泰國菜，味道都非常之好！⭐️沙嗲串燒：呢款串燒有豬牛雞，三款肉質鮮嫩，加上泰式沙嗲醬，味道非常濃郁。⭐️炭燒豬頸肉：豬頸肉炭燒得岩岩好，外脆內嫩，豬頸肉多汁，食落去口感十足。⭐️越式黃咖喱雞：黃咖喱醬味道濃郁但唔算辣。雞肉煮得啱啱好，軟嫩入味。⭐️鑊仔炒雜菜：呢個炒雜菜色香味俱全，蔬菜炒得脆口，真係好滿足。⭐️泰式乾炒雞肉河粉：河粉炒得均勻，河粉都吸收咗豉油嘅香氣，雞肉炒得嫩滑，整體味道係濃郁而唔油膩。

🫓酥油薄餅是日MVP，外層超級酥脆，真係脆卜卜嘅。然後個薄餅係一層一層好柔軟，食落真係滿口留香，再加埋咖喱汁嘅香味超級正。必點！🥘🐣越式黃咖喱雞咖喱偏甜，完全唔辣。入面都幾多雞肉，最主要叫來係用嚟點薄餅😂😂🥓炭燒豬頸肉呢道豬頸肉煎得香脆，油脂適中，一定要點佢嗰個醬汁。🍲雞肉泰式乾炒河粉河粉炒得乾身而唔油膩，雞肉嫩滑，啱啱炒出嚟超級熱。🥗鑊仔炒雜菜雜菜新鮮爽口，保持住菜本身嘅原味，加埋鑊氣，味道更有層次，健康之選。