CHICKEN FACTORY (新達廣場)

營業中

休息中

$48 有1/4隻皇牌烤雞，加兩個小配菜，仲有飲品。我選了麻辣醬，不麻少辣但偏咸，配菜是焗薯及焗蔬菜，味道清新，可以中和麻辣醬的咸味，整體唔差。仲可以加配食品，簡直係窮人恩物，可惜位置太少，等外賣的時間亦偏長。

**🔥燒雞食評｜呢間嘅燒雞真係無得輸！皮脆肉嫩爆汁💦** **📍邊間咁巴閉？** 呢間隱世小店嘅燒雞，真係食過返尋味！一上枱已經聞到陣陣炭燒香，個皮燒到金黃色，脆到「咔嚓」聲，睇見都流口水🤤 **🍗口感點先？** 一啖咬落去，個皮脆到似薯片，但入面啲肉竟然嫩到爆汁！仲要好juicy，完全唔會乾爭爭，連雞胸都滑溜溜，仲有淡淡炭香，正到癲啊！ **👅味道如何？** 調味剛剛好，唔會太鹹，仲有少少蜜糖甜味，同埋啲香料好惹味！重點係——**無雪藏味**！即叫即燒，熱辣辣食真係無得頂🔥 **💡必試位：** - **雞髀位**：肉厚又多汁，必搶！ - **雞翼**：脆皮+嫩肉，食到舔舔脷👅 - **雞背**：啖啖肉，炭燒香最濃！ **⚠️注意：** 真係要趁熱食，凍咗個皮會軟，風味大減！同埋最好預時間等，即燒即食先係王道～ **總結：** 為咗呢隻燒雞，絕對值得專登過嚟！係咪全港最好食就唔敢講，但肯定係**「食完會心思思」**級數😍 雞癡必試！ **#燒雞 #皮脆肉嫩 #爆汁 #廣東話食評 #雞控必收**

香港寸金尺土，呢間店舖環境細小，坐位十隻手指都數得曬😂無骨海南雞飯以嫩滑的雞肉🐔和香氣撲鼻的雞油飯為特色，雞肉無骨設計方便食用，口感細膩，整體清淡卻不失鮮美👍適合喜歡經典風味的朋友。另外，牛肝菌大烤雞則以烤製的金黃雞皮和多汁雞肉為亮點，牛肝菌的濃郁香氣與雞肉完美融合，獨特風味，適合喜歡濃郁風味的料理愛好者。套餐仲包咗一支低糖檸檬汁, 呢個價錢都算超值！兩者風格各有特色，前者清爽經典，後者濃郁奢華，值得一試。

今日叫外賣等咗好耐問一句xx號有味？ 俾個男店員西口西面態度非常之惡劣，今日見佢對住其他外賣員都態度惡劣！唔滿意咪唔好做囉😂不過呢間餐廳啲質素唔差呢個價錢算係咁😂

今日懶懶散散，放工買外賣諗住快靚正，點知 😡😡😡😡喺 app 落好單到到取唔駛 10 分鐘，點知返到屋企打開，個半隻無骨海南雞原來係無跟飯嘅，咁你幅圖就唔好有碗飯喺度啦，好彩唔係好肚餓啫！碗紫菜湯又係凍嘅，想點呢？另一份烤雞仲過份，一食落口係凍嘅 😡😡😡😡 雖則天氣好熱，呢個唔係冷盤呀，凍冰冰點食呢？求其食咗隻脾當減肥餐 😡😡😡以前食過都無咁差，諗住今晚食吓啲香口嘢啦，點知難食到死，真係貼錢買難受，以後唔好再冒險 😭😭😭😭

第一次認識哩間餐廳，性價比絕勝無誤！估唔到佢d 又熱又滑，入面仲好juicy ! 個雞油飯雖然飯粒質地太淋，但好香得雞油味，一啖接一啖！仲有個瑞士汁雞翼，入味又淋，好好食2個餐，全雞，有飯有飲品，都係$120！下午茶一流！推薦！

皇牌烤雞餐 $68半隻雞牛肝菌汁烤雜菜白飯鮮製黑芝麻豆漿 餐加$2老公間中也會吃這裡的一人烤雞餐，自己則是第一次試，這次兩人吃一份皇牌烤雞餐，烤雞味道及口感也很好，加上牛肝菌汁，香濃惹味烤雜菜份量可以，有紅蘿蔔🥕、椰菜花🥦、豆角等，但烤得頗為過火了，部分焦到黑色吃不到。

大多幫襯Chicken factory 都係外賣，今次就試下堂食。基本上真正比客人坐既都係得5個位，第6個位係比職員專用。店舖唔大，因為主打外賣，所以有位坐反而有啲驚喜🫢叫咗個Tea set :烤焗雞髀蘑菇飯 + 檸檬洛神花茶都講緊係$36， 件雞髀勁大件，烤得唔錯仲要加左少少辣粉，正！蘑菇飯睇落好少但食落又勁多。我點餐個陣另外加$12 配個烤雜菜，佢啲香料好正真係似啱啱燒烤完個種味，成個setting 好正同好抵。而支檸檬洛神花茶還好，係勝在夠大支心理上覺得佢好抵😂

抵食烤全雞!! $68就有交易而且特價時段去仲要得$48🙀抵到唔抵啦！未拎到之前以為係細細隻嗰啲雞仔點知幾重手🙀打開一睇好大隻一邊拎翻屋企一邊聞到勁香😂味道幾足，啲汁標出嚟🤤燒雞醬好好味

$70 半隻烤雞、烤雜菜套餐，沒有燒烤的香味惹味，只有死實實的十分咸味，調味得十分之重口味，丟掉又太浪費，唯有一邊食一邊要飲多兩杯水，為了健康着想，真係唔會再幫襯第二次。

正餐想加餸？$48一隻香草烤雞幾抵食！好似每個鐘的00分就開始售賣$48烤雞（原價$68，實際時間請再向店鋪確認），未夠鐘前需要在店外排隊，夠鐘比錢拎隻雞走得烤雞原隻上，可手撕雞肉黎食，雞肉充滿肉汁，亦鋪上了不少香草。如果覺得唔夠味，可以沾上附送的醬汁

今日叫外賣，發覺chicken factory 麻辣冇骨雞幾抵食又以雞做招牌，所以決定一試；一試之下有失望，雖然油飯都幾香，但雞比較靭及老，不夠嫩滑，而且麻辣雞不是另外一道菜，只是用平常的海南雞另加少量麻辣醬就當兩個款式?其實我屋企有三瓶大的麻辣醬，不用再給我了，而且它的麻辣醬比較鹹; 另外要提一提個湯雖然跟飯送的，但真係沒有意慾喝，因為一層很厚的油浮面整體雖然價錢吸引，但我寧願加多幾蚊食連鎖店快餐的海南雞飯，起碼雞比較大舊及嫩滑不過有一樣真心要讚，就是所有外賣的器皿是環保物料，可以自然分解，這個十分欣賞👍🏻

因為清湯米線好難食 所以次次都酸辣湯 今次買兩個 一個清湯一個酸辣湯 等左半個鐘 比左兩個清湯 仲要加人2$ 等咁耐 仲要出錯 係咪玩野仲要唔係第一次 姐係加錢轉湯底咁明顯都見唔到？

每次經過Chicken Factory就會聞到好香的烤雞味，初開業的時候也不乏排隊的人龍！熱潮一過後，長長的人龍不再，也是時候試一試了～～話明是Chicken Factory，菜式都是雞！！今次我和老公叫了一份至尊海南雞飯及一份皇牌烤雞餐，兩份餐都是$48！點餐後，大約等了5分鐘就可以取餐離開了～～～至尊海南雞飯，送白蘿蔔雞湯。雞湯味道清清地，沒什麼味精～～～海南雞飯，以油飯墊底，雞件的份量足夠，肉質都幾嫩滑！炸蒜及豉油就直接淋在雞件面，不蘸蒜蓉醬也夠味，平時吃得清淡的人士可能會覺得味道較濃～～配菜有醃蘿蔔，微微酸辣，幾開胃～～皇牌烤雞餐(半隻)，配雞油飯／烤雜菜／焗薯 (3選2)，還送一罐汽水。烤雞可選牛肝菌汁／咖踵汁／麻辣醬，這次就先試牛肝菌汁！烤雞肉質不錯，不會太粗糙，牛肝菌汁香又不會過鹹。雞油飯，味香而不油，飯粒分明，乾爽。焗薯烤焗得微微脆口，幾惹味～～～有飯有薯又有半隻雞，夠晒飽肚！！$48的雞餐，都叫飽肚抵食～～～質素可接受！

鹽酥雞乃無味嘅炸雞，我有理由相信老闆唔知咩係鹽酥雞😂meet 出黎既淡口粉漿佔左d 雞既1/4 .我真心食唔到鹽味同其它味蘑菇飯，um ....係神奇味道既汁泡飯，唔好諗住飯面擺幾塊蘑菇，就叫蘑菇飯。