ChaTraMue (已結業)

泰國大熱人氣泰式奶茶 終於登陸香港！次次去親泰國都想問 點解香港無 點解唔喺香港開？依家終於唔洗日盼夜盼 想幾時飲就幾時飲啦yeah～～～泰式奶茶同港式奶茶完全唔同 佢會甜啲個味無咁苦澀 煉奶既比例會多啲真係一試難忘 再試無妨……🤣🤣🤣🤤所以第一日開幕 我就即刻9衝到嚟正宗泰國奶茶 HKD$29同泰國飲嘅味道一模一樣！茶味都係咁香 芳香撲鼻❤嗌左少甜 甜度我覺得啱啱好記得盡快飲左佢 啲冰溶左就無咁好飲啦間舖入面仲有位俾人坐 咁就可以悠悠閒閒享受下啦 抵讚！雖然價錢比泰國貴成截 但已經比好多茶飲點平性價比好高👍👍👍

期待已久，有名的泰式奶茶店ChaTraMue 終於在香港開了旗艦店，仲要選址在銅鑼灣，緊係要去朝下聖啦！新開加上假期前一晚超多排隊，不過都估到，但都好想試下。排隊比錢買完，之後就等拎飲品，我見D人等好耐，所以我無買飲品，只係買左雪糕，比完錢就可以即刻有唔洗再等。特色軟雪糕有2種口味，泰國奶茶和泰國綠茶，可選雪糕筒或杯裝，選雙拼也是相同價錢。我揀左泰國奶茶雪糕$25，雪糕筒裝住。比起泰國細杯，少左一圈，味道都好濃奶茶味同冰感，但多了一層苦澀味。下次少人D再試泰茶。

貪新鮮從來都係香港人嘅習慣。泰國過江龍嘅泰式奶茶店 ChaTraMue 香港開分店只係幾日，但日日都排滿晒人。今日特登諗住十點幾先去，唔駛等咁耐，點知一行到埋去竟然有張紙寫住要等超過一小時。仲要排到埋去嘅時候，所有飲品類已經截晒單，只係得番雪糕仲有得賣。排到埋去，仲要係泰式奶茶味已經賣完，淨番綠茶叫味。咁辛苦排到黎，綠茶就綠茶啦⋯⋯呢個雪糕係有少許失望嘅，佢嘅雪味好重，無乜奶味。當然我亦唔係期望有日式抹茶雪糕嘅味道，只係佢個口感的確係似綠茶沙冰。

After returning from an unappetizing lunch at Wanchai, I stumbled upon this shop while walking back to my apartment. It's located along Jardine's Bazaar where I mentioned before, is a street full of drink stalls of many variety. ChaTraMue, that originated from Bangkok and has been operating since 1945, has decided to open up a branch in HK - right at Causeway Bay known as one of the popular tourist district.  I love this brand so much but I didn't have the equipment to brew my own. Therefore, se

每次去泰國必定日日飲既國民泰奶ChaTraMue銅鑼灣分店終於開左啦 作為泰奶忠粉既我當然即刻去試星期六下午5點幾去排隊可能因為落雨關係唔算話等太耐 落單到有野飲大慨15分鐘👅 泰國斑蘭珍珠泰茶鮮奶🥤 $38斑蘭珍珠煙韌有咬口 但斑蘭味不夠突出泰奶係100%泰國飲既既味道☺️好好飲阿好香茶味有d朋友覺得正宗泰奶調配太甜就返香港人口味佢有得揀小甜(6-7分糖 )架👍🏻 另外佢有賣泰國必買既罐裝茶包$90一罐係泰國既2至3倍😳都係忍手留返去泰國先入貨

勁鐘意飲泰式奶茶嘅我一知道香港開間道地嘅泰式奶茶就好high 已經度定5月1勞動節衝去買去到點知見到萬幾人喺度排隊心諗 挑 算數唔排 呀姐我從來唔排隊買野食㗎講笑啫咁想飲排囉裝修都幾骨止同埋仲有位坐添其實呀老闆真係好醒老實講大家都知係泰國買杯泰式奶茶幾平幾大杯㗎啦再唔係買包茶葉番屋企沖飲一日三杯十年都飲唔哂不過大家都要返工不了而且香港就呢啲地道野嚟嚟去去都係台式珍珠奶茶再加上咩9假期賣一賣廣告當堂成班港豬衝哂去飲包括我其實我都有包泰式茶葉長期擺係公司但每次想沖一打開聞一聞 嘩好香呀轉個頭都係夾番埋佢 算啦 好多野搞呀 又要攞杯 又要攞奶 又要沖到最後變咗眼訓嘅時候就打開聞一聞精神哂幾好用呀 sorry離哂題 講番個味先最後買咗正式泰國綠奶茶 少甜正㗎 好香班蘭味同泰國味kup kun ca同埋唔會太甜你知啦泰國熱到仆乖全甜都冇問題嚟到香港可以就番香港人口味我覺得幾好不過成杯野多冰到我好似患咗急性插入困難症支飲管好似玩緊三項鐵人咁插咗一大輪先插到落底飲咗半杯 見倒成杯都係冰 笑咗最後送上全冰俾大家

本來諗住新開張，要排隊排好耐，但最尾等左20分鐘就拎到嘢飲。泰式奶茶雪糕可以拎左先，個味都幾濃，好夠奶茶味，不過唔夠滑，溶嘅速度唔算好快。另外可以選擇雙拼，仲有綠茶雪糕。斑蘭珍珠奶茶啲珍珠好林，味道偏淡，同想像中嘅甜度比起上嚟冇咁甜，可能因為遷就香港人嘅飲食習慣，所以唔使嗌少甜，杯嘢飲味道都冇乜特別。最尾等左最耐嘅泰式奶茶都幾失望，成杯嘢飲有三份二都係冰嚟㗎，飲落都好淡，冇乜茶味。呢啲新鮮野，試一次就夠啦，都冇咩特別，唔難飲又唔係好好飲咁。

今日去開銅鑼灣，諗住去試新開咗嘅泰式奶茶，大約夜晚九點到已經見到排晒長龍，等咗大約五分鐘就有位職員大聲宣布“而家太多人等緊攞嘢飲啦，飲品暫停，排隊買嘅人要再等耐啲，雪糕唔駛等！”我聽完上前想問職員飲品要暫停幾耐時就見到個牌寫住等一小時，果斷放棄飲泰式奶茶食泰式奶茶味雪糕。雖然話雪糕唔駛等，但其實都有條隊，只係短好多。雪糕口味除咗泰式奶茶味仲有綠茶味，亦有兩隻味雙拼，但我今次只係叫咗泰式奶茶口味，25蚊一杯。雪糕比一般軟雪糕奶味重啲質地厚身啲，但同意式Gelato比就相對稀身同水啲。口味就真係同我飲過嘅泰式奶茶一樣味，好甜同茶味好濃，顏色亦同奶茶係一樣色嘅，相信鍾意飲泰式奶茶嘅人食呢個雪糕唔會失望。如果你同我一樣唔鍾意排隊又想跟下依家嘅泰式奶茶熱潮嘅話，可以不妨試下食個雪糕。再唔係依家天氣咁熱，食住個雪糕等攞嘢飲都應該無咁辛苦。

最近銅鑼灣又有一間茶飲過江龍，今次終於唔係黎自台灣，而係嚟自泰國🇹🇭講真飲黑糖珍珠鮮奶飲到有少少厭，有得比我轉下口味實在太好😆新開嘅第三日黎到，中午時分見到長長嘅人龍，排隊買大約五至十分鐘，之後前面有二十個號碼左右，等左十五分鐘就有，成件事比預期中要快👌🏻店入邊係有啲座位，不過都坐爆曬決定攞走邊行邊飲👻▪️ 正宗泰國奶茶💲28呢個正宗泰國奶茶係採用大杯，所以份量都唔少😱入口都幼滑，奶同茶味平衡得唔錯夠香濃，同時又唔會太甜，加上冰量適中，飲到尾都冇話溝淡，係難得嘅保持到泰國水準🤗🔎 整體評分（8/10）

✨泰國過江龍🇹🇭正宗泰式奶茶☕️✨去泰國旅行必飲既Chatramue正式登陸香港喇！😍係泰國開業超過70年！最正宗手標奶茶開張第二日就去報到 等左20分鐘左右Thai tea會比港式奶茶甜d 如果怕甜可以揀少甜.☕️正宗泰式奶茶（$29）同泰國飲既一模一樣！冇叫少甜 冇加珍珠就係要飲原汁原味☺️手標茶茶味香濃！奶味濃郁 完全想再encore多杯😛.🍦泰式奶茶雪糕（$25）Thai tea味濃郁🤤雪糕口感軟滑 冇飲品咁甜 甜度岩岩好唔會太膩但都溶得幾快😂

行開銅鑼灣，見到新開呢間ChaTraMue香港旗艦店，專賣賣泰國奶茶、泰國綠奶茶、玫瑰花茶等等，就排隊飲佢最新既signature啦，不過，就排隊就有排排啦，我就排了30分鐘，而且在馬路！泰國斑蘭碧綠珍珠抹茶鮮奶，店主稱聲採用泰國新鮮斑蘭葉製造的斑蘭碧綠珍珠，口感煙韌而且帶有斑蘭椰香味，十分特別。味道方面跟泰國差異不大。正宗泰式奶茶，奶味茶味十分濃郁，剛開始喝很甜，等冰融化大半後便剛好，建議少甜就好了。

<<泰國過江龍手標茶開店首日實測>>-今次真係唔洗飛泰國都歎到 , 人氣泰國手標茶品牌ChaTraMue香港店正式開張, 我呢個奶茶控當然要試佢一試! 唔怕台灣強勁對手, 開正係老虎堂對面, 以開張首日嚟講氣勢當然勁, 排隊人龍雖然未算多到爆, 但搞到老虎堂差唔多無人排咁濟~ -HK$29一杯基本款奶茶, 係有小小貴, 但真係保持到泰國飲既既正宗風味, 入口幼滑, 新鮮整完立即享用~ 不過無得少冰之下, 飲到尾就變到好淡~ 仲值得一提店鋪有小量座位比大家舒服坐係到飲下野傾下計, 呢個係比起香港大部分台式飲品店更大既優勢!

今日4月28日特登來買杯飲😍今日係第開張第二天買野飲時哥哥仔都有講聲話要等大約25分鐘，都幾好，等我有心理準備等幾耐，唔洗大熱天時企係度等，所以我買完去咗行街先。再望下張單原來成70個籌😱咁都真係幾勁。半個鐘整到咁多杯(當佢每個籌一杯咁）最後係足半個鐘先有！泰奶茶+班蘭珍珠 $34班蘭珍珠個味好食但質地太林不過就無得少冰，有少甜60-70%，但無微甜由於我本身好鍾意班蘭味嘅東西，所以加咗$5珍珠，不過真係好可惜，佢少得可憐得個一層🥺🥺🥺我明明見到啲廣告相係有好多架嘛🥺

一路都好鍾意飲泰國既手標奶茶，咁岩經過竟然唔洗排隊就試下啦😍買左斑蘭珍珠玫瑰花鮮奶茶，落單果時收銀哥哥話腸胃唔好既人飲玫瑰花茶可能會幫助排毒🤨 唔緊要～照試下啦😂坐低等左幾分鐘就拎得，玫瑰花茶味好香濃，斑蘭珍珠口感唔錯😋嗯～諗住仲有半杯就邊行邊飲啦，點知...啜多兩啖發現絕望既真相😫😫 竟然得番冰粒同攝左係冰粒入面既珍珠😑 泰國天氣熱多冰快溶係正常既，但係香港係唔係要調整番冰既份量呢？🤔如果我飲得慢或者拎番屋企飲，絕對會令香濃既茶味溝淡左....

到泰國必飲既ChaTraMue 終於喺香港開左喇！飲品保持到泰國店既味道，好有茶味嘢飲味道偏甜，唔慣咁甜既話可以揀少甜斑蘭珍珠好有斑蘭味不過要彈既係好多好多冰，杯嘢好快就飲完