Châteraisé (MOSTown新港城中心(4期))

營業中

休息中

每次行過都比佢個廚櫃入邊嘅蛋糕吸引住😅😅,今日媽媽生日特登買個蛋糕同佢慶祝🎂🎂,揀左個士多啤梨藍莓撻,賣相看似簡單,上面鋪滿新鮮清甜嘅士多啤梨,中間一層蛋黃吉士醬,加上酥皮餅底，今人一試難忘。

今次除左千層蛋糕仲出左新item!! 呢次係萬聖節系列✌️🍭傑克南瓜杏仁撻 軟熟既🎃🍠cream同入面既🍫脆脆非常夾😌杏仁撻既比例唔會太多 同上面d cream一齊咬落去口感💯 中意呢款外形咁得意既新口味😎🍇香印提子忌廉蛋糕軟淋淋既提子忌廉同埋香味加埋空氣感十足既海綿蛋糕感覺唔太油膩 其實都幾好味但就無咩大驚喜我都係中意傑克撻多d😁

·朱古力方塊🍫四四方方既朱古力粉外層 內裡一樣咁有內涵 多層濃郁朱古力食落好香濃 而且唔會偏甜 呢個推薦大家🤎·濃郁芝士撻好香濃既芝士 但整個唔會做到實的的既口感 算係比較輕身 而家又保留到芝士撻嘅口感🍰🧡

前言：身為沙漠居民，附近既食肆當然無辦法同旺區既食肆相比，所以盡量搵一點合乎性價比既食物啦，繼續沙漠下覓食之旅😋係馬鞍山想食件靚蛋糕都係一件唔易既事，市中心大多數都係連鎖式既麵包店，而麵包店既蛋糕確實係比較遜色，難得有一間專賣蛋糕既鋪頭係到，當然要食下啦👍朱古力方塊坦白講朱古力方塊都幾細件下，但係外表望落似好濃郁既朱古力味，俾佢外表吸引下就叫左一件外賣返屋企食😁鋪頭十分貼心，雖然我只買一件蛋糕，但都會提供保冷劑及獨立包裝匙羹😁 講返個蛋糕，食落有幾層口感，外層朱古力粉及朱古力醬，中層有硬身少少既海棉蛋糕，層與層之間又有朱古力忌廉，每一啖都有濃郁既朱古力味，真係唔錯。唯一要挑剔既係蛋糕比較甜，如果用黑朱古力我個人會更加鐘意😁

日本原裝超級creamy嘅蛋捲，無論係原味定抹茶味都好多cream，非常rich非常澎湃，鍾意食cream嘅一定要試。原味有甜甜蛋香，抹茶味嘅茶香唔算太濃，紅豆大大粒，屬於係比較甜口味嘅抹茶甜品，蛋糕本身好鬆軟，唯獨是佢個抵盤太軟，D cream會痴住比較難拎上手，所以影得比較甩皮甩骨。

今日是母親節，食過午餐後，到處逛逛，今日商場內人流不少，買過花送給媽媽後，決定買蛋糕一同慶祝，之前試過這家蛋糕好味，今次有母親節限定蛋糕，決定一試！士多啤梨時令，日本士多啤梨以清甜爽脆見稱，雖然不是白色，紅色已經好甜。這款外型圓滾滾，內層有鬆軟海棉蛋糕，有蛋香，上層有兩層甜忌廉，頂層粉紅色忌廉有點士多啤梨味，新鮮士多啤梨點綴更靚。這款士多啤梨蛋糕是店內No.2 受歡迎蛋糕，因為士多啤梨好清甜，中間夾著士多啤梨蓉，士多啤梨味濃千層蛋糕無得輸，啖啖香滑忌廉，口感幼滑，好滋味。

成日經過佢個餅櫃都鬼死咁靚.....今次我個甜品胃發作仲睇中左佢個鮮忌廉朱古力蛋糕 12cm 價值$135。講真而家買件靚d既切餅都四五十蚊，咁呢個價錢我認為好合理，就買番個試下！店員仲好好，問我蛋糕係咪慶祝生日用？口快快答左係😂😂😂。拎左個蛋糕就急急腳番屋企嘆🥰🎉🎉。一打開，shit...放左兩個冰種係入面，好細心呀😭😭好有日本既感覺。之後再望望，唔係掛😱😱個生日牌係塊朱古力，寫日文，重點係好好食🤣好彩要左姐😍😍，諗起當年連鎖西餅店都有朱古力生日牌，不過好難食，甜到hihi，搞到我對生日牌有陰影⋯⋯。之後我認真望下個蛋糕面.....想點呀，有四粒生朱古力，黑白朱古力各一片再加多粒波波朱古力....洗唔洗咁多，為咗方便切蛋糕，我唯有食哂佢地先😅。丫，每一款咁鬼好食既....，生朱古力好香滑呀！未食蛋糕我已經食左一堆朱古力🤣，終於開始食個蛋糕，切四分一試吓先，d忌廉好鬆軟，夾心應該仲有d脆脆，多左一種口感😋。全部食材都好融洽相處，無搶大家風頭。為表誠意，最後我係啪哂成個蛋糕😂，諗起都爽！

今日到其中一間美食薈萃商户食下午茶，今日就試咗佢地招牌千層蛋糕、山梨縣產特式香印提子蛋糕，賣相同味道都十分出色🤤千層蛋糕底層海棉蛋糕、每層夾著香滑忌廉，足足有十八層，每啖有十八層幼滑，面層加上香甜糖漿，更添一份香甜雙味泡芙吉士和忌廉冰凍，口感幼滑山梨縣產特式香印提子蛋糕香軟海棉蛋糕夾著幼滑忌廉，蛋糕面用新鮮香印裝飾點綴，香印提子粒粒飽滿，清甜多汁，夾著爽口提子啫喱，口感豐富甘菊茶熱飲解油膩，清新芳香美式咖啡熱飲咖啡味濃郁，香

朋友今日陪我食下午茶，就去左朋友推介既Chateraise 試招牌千層蛋糕、山梨縣產特式香印提子&黑葡萄蛋糕千層蛋糕底層海棉蛋糕、配上18層忌廉，口感幼滑，面層加上糖漿，香軟滋味山梨縣產特式香印提子&黑葡萄蛋糕香印一直以清甜多汁聞名，蛋糕上的提子都好新鮮，兩隻顏色更吸引，香軟海棉蛋糕夾著幼滑忌廉，還有提子啫喱，口感豐富千層蛋糕鍾意食，其他甜點賣相同味道都十分出色，還有雪條，啫喱，飲品等，下次要再黎！

成日經過呢間麵包店，都想試吓佢嘅甜品，因為賣相相當靚，尤其是士多啤梨撻，同埋青提子撻。不過又會諗，咁大一個，250元，但係自己一個人又唔會食得晒喎，所以次次都係望下就算。夏天嚟到，真係好想食啲凍野，今日決心行入去，買一件切餅試吓啦。雖然一件係$45，不過裏面有埋保冷劑、膠叉，都係一個好貼心嘅安排。拎到返屋企，慢慢打開坐低食。一食到個餅底，好驚喜呀！原來唔係牛油撻底，而係酥皮底，好鬆化！另外啲士多啤梨份量好足夠，下次我會買一整個嚟食。

食完lunch又到甜品時間，新港城都開唔少蛋糕舖，經過開就去左呢間！好在比較casual可以坐低慢慢食！食過唔少種類既蛋糕，始終生果海綿蛋糕永遠無得輸！😍呢間舖頭淨係士多啤梨蛋糕已經有幾種，花多眼亂！面頭酸酸甜甜既士多啤梨同甜度岩岩好既cream味道超夾，蛋糕夾層仲有好多士多啤梨果jam，果jam酸味多少少，中和左蛋糕既甜膩感，令到食哂成隻都唔覺膩，好好食！！

幾好食，甜度對我黎講啱啱好。海綿蛋糕少許濕潤，cream好滑。下面層cream入面有脆粒，食起上黎幾有層次。三點幾去有位，算係幾舒服食蛋糕既地方。蛋糕太多款每一款都好精緻我選擇困難揀左好耐🤣🤣🤣如果有tea set就好可以有嘢飲有蛋糕。不過可能會令到d人坐耐左。因為見到好多人都係買外賣走。

琴晚收工就好想食芝士蛋糕，返到屋企附近醒起之前成日經過嘅Chateraise，入面好多唔同既件裝蛋糕吸引住，最後我揀咗4件蛋糕，準備今晚嘅飯後甜品！🤭7點幾去到人流唔多，一入去就可以直接order要咩，不過都算夜咗所以好多Cake都賣哂。店員仲會好貼心放一包冰袋仔入去，保持合適溫度。我分別買咗店鋪No.1推薦既原味千層蛋糕、鮮忌廉朱古力蛋糕、野莓芝士蛋糕同埋最想食嘅濃郁芝士蛋糕。特別推薦濃郁芝士蛋糕，芝士愛好者一定好中意，同個名一樣真係好夠濃，搭配脆脆既曲奇餅底😋😋😋好味呀！

Chateraise嘅Double Chou Cream Puff食完幸福指數爆燈💡💡泡芙外面好鬆軟，中間夾住有凍凍濃忌廉同朱古力味吉士，一啖咬落去會唧出嚟果種，一啲都唔孤寒份量十足！加多杯咖啡就Perfect嘞！下次經過會再試埋其他款

朋友生日，所以經過呢間就買左兩件cake一齊食😋😋一件係千層蛋糕，一件係朱古力蛋糕。千層蛋糕好香蛋味，而且真係食到有好多層口感😋😋層與層之間既cream都好香滑😋好重cream味