CARAT Fine Indian and Mediterranean Cuisine (盈豐商業大廈)

營業中

休息中

今次同街坊朋友，趁仔女返學，去左尖沙咀「Carat Fine Indian Cuisine」lunch，餐廳環境優美，除了室內，室外仲有露台可用餐，兼且可打卡，但因落雨便坐室內，我地叫了幾款美食及飲品，享受我地的 metime。肉荳蔻香料胡椒烤紐西蘭羊扒多種香料醃製，羊扒濃濃嘅香料同焦香味，咬落鬆化嫩滑。印度果亞椰香咖哩龍脷魚柳咖哩汁有椰香味算辣，龍脷魚柳好滑，配埋原味烤餅，好香口好惹味。地中海式香草燒雞配薯條半分烤雞都幾大隻，皮香肉嫩，可點茄汁、咖哩汁及乳酪醬，底部有大量薯條，香烤蔬菜，非常豐富。尼斯沙律內有銀鱈魚、吞拿魚、牛油果等，D魚碎上鹹鹹地，沙律菜同大量蔬菜好新鮮，食完好開胃。另外叫左兩杯特色飲品，Sweet 16及Bollywood After Party， 幾特別，幾好飲。

位於尖沙咀寶勒巷的「CARAT Fine Indian and Mediterranean Cuisine」，係一間裝修精緻的印度地中海餐廳🍴另外設有戶外用餐空間，悠閑自在，打卡一流French Style Tomato Soup法式蕃茄濃湯質感濃厚，酸酸甜甜，清新開胃。搭配香脆可口的法式蒜蓉包，風味絕佳Palak Paneer茅屋芝士口感軟滑，芝味香濃，同菠菜蓉咖喱味道好夾Sindhi Gosht西印信德省慢煮羊肉咖喱，醬汁當中加入了藏茴香籽、香葉及小荳蔻，味道獨特。慢煮羊肉入口嫩滑，肉質鬆軟，充滿羊肉香，同時沾滿啖啖咖喱汁Plain Naan印度原味烤餅Naan即叫即烤，熱辣辣。又薄又大塊，底部香脆，整體口感鬆軟可口，帶麵粉香，配咖喱食一流Garlic Naan蒜香烤餅比原味更添一份蒜香Cappuccino泡沫咖啡濃厚醇香，奶泡輕盈細密，意想不到的高質素Mango Lassi印度芒果奶昔入口順滑，加入咗真芒果肉，充滿果香，甜而不膩，好好飲

本身未聽過這一間餐廳，幸好kkday有做優惠，二百元左右就可以享用一個三小時的自助午餐。餐廳應該是走高級路線，內里裝修高尚鮮明，用了大量的金色和紅色，有幾台望著室外花園的卡座，整體舒服。食物選擇很多，也是較多高蛋白質的食物。香濃口味, 芒果奶酪超級濃厚，一定要點的飲品。食物每一樣少少點試，因為很多菜式都是第一次見。餐廳廚師會在花園內即場煮一，兩樣菜式，也會細心講解材料和吃法，亦會簡單說菜式的歷史，會再去，雖然自己已經去了兩次❤️💯👏

Carat走酒吧餐廳路線，除咗印度菜仲有意大利pizza、Burger、意大利粉或飯、下酒小食、各種酒類、非酒精飲品，迎合唔同口味嘅客人。座位亦有室外座，好relax～餐牌同落單程式都有中文翻譯，唔駛怕唔識睇印度菜式名啦。先叫兩客忌廉湯，【忌廉磨菇黑松露湯】成個湯都係蘑菇蓉，黑松露味濃厚。【忌廉雞湯】雞肉都幾多。兩個湯都好creamy又熱辣辣，暖胃一流。每碗湯仲跟兩塊蒜蓉包添。【招牌天多里乳酪香料烤雞】 雞肉大件，烤得好香但有點乾身，食落辣得嚟惹味。【煙三文魚意大利薄餅】鋪滿晒焗芝士，配料除咗煙三文魚仲有香草同酸豆。餅底薄脆，香濃芝士配煙三文魚嘅咸香，都幾夾。【果亞椰香咖喱大蝦】一碗滿滿咖喱汁，淡淡椰香嘅香甜，大蝦好鮮爽，加錢可以配印度薄餅。不過我哋怕食唔晒無叫，就將跟湯嘅蒜茸包蘸咖喱汁食，一樣咁正～【自家製檳榔葉雪糕】第一次食到檳榔葉嘅味道，味道好獨特，清新又怡人，係可以解膩嘅甜品，值得一試！【Masala香料奶茶】最後就嘆返杯奶茶，落咗印度香料嘅奶茶，味道十分清香，食完濃濃味道嘅印度菜飲就啱晒～

CARAT雖然並非地舖但同樣廣為人知，於網上搜尋往往是尖沙咀數一數二的熱門印度餐廳。尖沙咀一帶其實不乏印度餐廳，單是重慶大廈已經有不少選擇，雖然論正宗及味道絕非首屈一指，然而比較之下CARAT環境似乎更加整潔舒適，相信亦是其受歡迎的原因之一。新德里懷舊三式拼盤 ($128) 分別為乳酪扁豆蓉脆餅（papri chaat）、脆炸小扁豆餅（dahi Bhalla）及印度特色鷹嘴豆空心脆（sev puri），三款當中個人最喜歡乳酪扁豆蓉脆餅，乳酪香甜更有如希臘乳酪一樣濃稠，再加上自家製羅望子酸辣醬及薄荷醬層次豐富，可惜三款餅皮均不夠香脆。經典天多里三式 ($158) 原以為分別會有三款食物，事實上是以烤雞肉及免治羊肉捲著自家製芝士球，鹹香濃郁並帶微辣相當惹味，唧上檸檬汁更加清爽，不過口感比較粗糙。克什米爾香辣芝士釀薯仔 ($128) 薯仔粉糯綿密，辣度輕微。馳名牛油番茄咖喱雞 ($138) 無骨雞肉肉質嫩滑，牛油及忌廉奶香醇厚，但加上番茄微酸與咖喱微辣卻毫不覺膩，可惜雞件份量較少。蒜香烤餅 ($38) （Naan）質感比較鬆軟，蒜油香氣濃烈，即使不蘸咖喱單獨品嘗依然可口。乳酪番紅花薄荷羊肉香

印度特色餐廳🥰餐廳位處尖沙嘴鬧市，用餐位置寬敞，裝修極具格調，與酒吧風格融合，戶外空間更擺放了好多綠色植物裝飾，環境優雅🪴🌿✨西印信德省慢煮羊肉咖喱～呢度傳統印度香料，藏茴香籽、小荳蔻、香葉等，令羊肉食起嚟一啲都唔腥，入口又軟又滑，咖喱香味突出👍🏻蒔蘿小荳蔻香料燒三文魚柳～香料令魚肉燒得一啲都唔腥，肉質香嫩，咬落仲有啲汁添！印度蝦仁香飯～飯粒用上絲苗米，粒粒分明，同咖喱汁係絕配，入口香濃，兩者不能缺少！服務非常好，仲好過上次去rosewood印度餐廳，呢度嘅廚師會出嚟同客人傾偈🥰好warm，野食高質，用餐氣氛一流👍🏻

-今天來到尖沙咀一間主打印度x地中海Fine Dining餐廳🍴室內室外佔地有2000呎 地方寬敞🪑可以望到bartender 既調酒英姿🍾仲有Open Kitchen 可以睇👨🏻‍🍳廚師飛薄餅🫓❇️Dahi Bhalla Chaat祕製扁豆球伴脆脆 $98一個大型既pani puri 加一個正常size既pani puri 勁cute🤣中間加入左大量乳酪🥛仲有印度傳統dressing薄荷、羅望子酸甜醬 表面仲加左麵碎、石榴、鷹嘴豆等材料食落香脆 酸酸甜甜又有少少辣 都幾開胃😝❇️CARAT Tandoori Chicken 招牌天多里乳酪香料烤雞 半份 $128招牌菜之一🙌🏻亦系大家最為認識既印度菜必點食物用乳酪香料 泥窯烤爐烤製而成既雞肉呈紅色🐔👍🏻雞肉肉質香嫩 帶微微焦香 配埋自家製薄荷醬一齊食更惹味❇️Sindhi Gosht 西印信徳省慢煮羊肉咖喱 $158食印度菜其中一個重要環節 就系咖哩啦！用上各式香料製成咖喱⋯慢煮羊肉唔會羶👍🏻份量岩岩好兩個人食 咖哩濃而不辣 除左配飯 配烤餅都系MUST🤪❇️Garlic Naan蒜香烤餅 $38我地叫左兩款唔同naan 每款都系即叫即製😍可

Food was good, but in an honest note, the flow of food coming on the table was too fast, so hot food tends to become cold quite fast in this current weather. Definitely, worth going again and try some other food items though

又發現一間環境好chill，食物又高質，服務都好好嘅印度同中東菜餐廳🥰佢有埋酒吧，可以chill成晚，而且兩位廚師都大有來頭，一位曾擔任五星級酒店主廚，另一位係唔少著名餐廳任職過，所以出品有保證👍🏻Lal maas，$158天氣凍真係好想食啲羊肉，我哋睇中咗呢款咖喱羊，佢嘅咖喱其實有好多款，我哋都唔係好識，求其揀咗一款，點知味道好好，配garlic nann真係一流，佢嘅nann都整好出色，勁香，好好味😋希臘沙律，$108勁豐富勁足料勁大份嘅沙律，有火箭菜、羽衣甘藍、生菜、大量芝士、洋蔥、青瓜、蕃、青椒等等。。。酸酸哋，又健康又開胃☺️mediterranean platter，$118呢款係中東菜，非常值得一試，可以一次過試晒5種唔同口味嘅醬，而且都係平時好少機會食到嘅味道😍有紅椒合桃醬、中東茄子醬、中東芝麻醬、鷹嘴豆醬 同埋 塔布蕾菜粒沙律，配上自家製嘅彼特包，非常過癮。每種醬都好好味，尤其係紅椒合桃醬同菜粒沙律，酸味十足，勁開胃，食到停唔到口👍🏻蕃茄大蝦扁意粉，$168餐廳除咗印度菜同埋中東菜，仲有意大利菜，意粉同Pizza嘅款式都勁多，我哋試咗扁意粉，意粉嘅質地比較軟身，似麵嘅質

好耐都冇食過印度菜, 今日大食妹特登去咗尖沙咀回味下<地中海四色醬拼盤>一般嘅印度野就食得多啦但呢個地中海四色醬拼盤你可能就冇見過四色醬分別係中東茄子醬、鷹嘴豆醬、紅椒合桃醬同中東芝麻醬, 質感濃稠而且味道相當有特色, 配搭地中海麵包, 別有一番風味<馳名牛油蕃茄咖喱雞>牛油蕃茄咖喱雞應該係香港人嘅最愛, 香滑濃郁, 識落又唔太辣, 最啱配搭naan或者米飯食<海得拉巴雞肉香飯>最後當然要食返碗印度米飯, 香料味比較重, 但味道正宗, 粒粒分明

Jal jeera印版鹹檸七，第一次吃印度料理可以試，味道都調得不重。Butter chicken 有種羅宋湯的味道，Palak patta chaat好香，好脆，餅有烘焙過的豆香！！！第一次見有 Sun dry tomato 的 naan，口感脆中帶軟而且味道很好，和Butter chicken 好配。至於，Missi roti是一種有濃郁孜然味的餅，有種和 Jal jeera 是一個家族的感覺。Tandoori chicken 雖然在 menu 上有星，大概是推薦菜，但雞肉口感偏柴，骨頭偏多不方便食用，不算太出彩。幸好，兩道菜的雞肉都沒雪藏味，或者不新鮮的肉腥味。Butter chicken 大概是做法不是燒烤，所以肉質滑嫩多汁。Mango Lassi 可以喝出來濃郁的新鮮芒果味，芒果糖漿味不重，不會出現人工味超強的情況。

餐廳位處尖沙嘴，佔地廣闊，分室外、室內用餐區，應該係全港最大的印度地中海餐廳✨一入門口，就見到bartender調酒，經過酒吧區後，就到達餐廳用餐區～店員細心地為我們介紹菜式，不說不知，這裡有全港獨有的皇室烤餅❗️主廚來頭亦不少，曾在泰國五星酒店擔任主廚，亦在各個地中海國家任職多時，將當地獨有的菜式的帶給我們‼️小茴香籽烤餅 $48全部烤餅均由廚師現場即烤，夠晒新鮮🔥烤餅脹卜卜，十分可愛！烤得夠乾身，有濃濃麵粉香，小茴香籽香氣慢慢滲出～鷹嘴豆醬 $78食烤餅當然要配醬汁，今次試鷹嘴豆🫘入口順滑，味道偏淡，豆味伴隨點點清新🌿招牌天多里爐乳酪香料烤雞$138果然係招牌烤雞🐔外皮有少少焦香，內裏肉質嫩滑，唔會太乾～香料味唔算太濃郁，較適合港人口味‼️果亞椰香咖喱大蝦 $158咖喱香料味較濃烈，加了椰汁🥥份外香濃✨由於點小辣，所以辛辣味不會太過強烈👏🏻配附送的薄餅同吃，夠晒滋味🍲秘製馬沙拉香料菠菜咖喱 配慢煮羊肉 $158菠菜咖喱跟剛剛的椰香又是大不同❗️前者較為清爽，而且味道不會偏甜‼️羊肉經慢煮後依然嫩滑，整體惹味非常👍🏻Bollywood After party cocktail $118柑橘調，

好耐冇食特別啲嘅菜式，今天就霖到呢間CARAT，所以下班專登過來食晚餐。上次係呢度食到嘅咖哩同Naan 令我回味無窮，印象深刻，相信今次都唔會令我失望。餐廳裝修係比較簡單又有格調嘅西餐廳感覺，座位闊落又唔會好吵雜，環境亦都好整潔，可以享受特色美食又可以坐得舒服d。“CARAT”Tandoori chicken特色烤雞食落感覺熱辣辣，用印度香料同酸奶做調味，再配合少許薄荷醬汁，又酸又辣，非常惹味，整個調料嘅配搭完全提升左烤雞嘅雞味。Rogan Josh羊肉配咖哩係好正，呢份菜用左紅咖哩做配搭，又可以食到啲蕃茄味同蒜味，口感豐富。羊肉亦都份量充足肉質鬆軟煮得好入味，配返烤餅食真係停不落口。Garlic naan 烤餅係用來送咖哩必不可少嘅一樣配搭，揀左洋蔥味嘅naan 味道好正，烤餅外皮脆卜卜入口口感又脆又鬆軟，厚度亦都啱啱好。Cranberry juice 叫左一份紅莓汁用來解膩，飲落果味濃郁，酸酸甜甜好開胃。

特別的 lunch all you can eat, 因今次原先是預付性質的 Lunch Buffet, 但因 rest. 之前通知今午不能 set buffet cuz 有班印籍人仕要在此開會，要我改期，但我哋確實難就時間so我堅持要食，店主 Andy 好好人，佢特意安排我倆在 outdoor terrace having my all you can eat, 可任點 menu and drink list 內的食和飲，they serve these on my table, besides, 今午整個餐廳內只有我倆是唐人，貴賓式招待了兩小時嘆飲飲食食……老闆Andy 和員工們超 nice.{165} 👍💛👅💞💞💞💞

尖沙咀搵嘢食行過，見盈豐商業大廈 ，  Carat Fine Indian and Mediterranean Cuisine ，一於一嚐印度風味，入坐環境非常有印度風格，服務都好到位，真係好滿有異國風情，侍應服務態度亦很好，同我哋本地唔同，都係一啲南亞印度嗰邊服侍，唔到印度餐廳，都唔知另有一番感受。坐低叫一客Chicken Lovers pizza，二人食一個Pizza 好豐富，薄批不同意式，另一番滋味，主要配上咖哩雞汁同食，意式就無供應，加多個Raita汁，多味同享，批薩本身味道，三款味道轉動入口，重味夠喉，印度薄餅Garlic naan，必點名食，不同餐廳，有不同做法，大同小異，各俱特式，手法各異，但又其口感同歸如一，真的感受印度餐飲，其特有風味。Carat butter chicken 呢個雞咖哩，汁厚味清，口感濃郁，記憶強烈。Raita汁，有如他他汁蘸煎魚提鮮一樣，咖哩濃烈，用Raita汁開胃，另有感受。一餐異國感受，獨香港能嚐各地美食。