Cafe Ursus (已結業)

九龍城最多甜品舖同泰國菜。但今次黎到去左間cafe試下😎Cafe小小 但五臟俱全環境非常寧靜黎到既時候已經係晚餐時間見到晚餐menu都幾多選擇有好多款單點食品/飲品 都幾吸引朋友生日指定想食黑松露帶子意大利飯同美國安格斯有骨肉眼牛扒 就咁決定先黎美國安格斯有骨肉眼牛扒我地點左5成熟 剛剛好因為係有骨肉眼牛扒 睇落都幾大塊一上碟已經聞到陣陣既牛扒味 幾香幾香但食落既牛扒味就無想像中的濃 中規中矩要讚既係牛扒都幾易切 咬落一d都唔韌呢到既牛扒煎得不錯架不得不提既係旁邊既蕃薯條份量估唔到既超多不斷食都重有重有比起薯條 我更愛蕃薯條甜甜的 濃濃的蕃薯味唔洗點任何醬汁都已經好味！食到停唔到口過左陣黑松露帶子意大利飯都來了4大粒帶子！好大粒！好大粒！真係啖啖肉！意大利飯竟然小有地係入面食到芝士🧀！芝士味突出 而且濃但有點蓋過了黑松露既香味😛不過我係滿意既😋另外點了一壺洛神甜莓茶粉紅色好靚飲落甜甜地有d似淡味既利賓納🤔🤔見到menu都幾多選擇 下次可以試下其他茶 見到有法國頂級伯爵茶食完咁多野 飲返啖茶係不錯既選擇一壺都幾多，兩個人share每人都飲到好多杯架

好耐無黎九龍城食飯，今日放工約左朋友一齊係九龍城食下晚飯聚一下。行左一陣見到呢間CAFE都幾新就同朋友試下。餐廳既坐位都幾大，坐落都幾舒適唔會有窄既感覺。環境裝飾有好多懷舊既物品，又有珍貴既figure，除左食飯都可以欣賞到好多珍貴既小物品。餐具都好靚，碟有好鮮艷既花圖案十分美觀。意式雜菜沙律($68)頭盤叫左個沙律，估唔到上菜見到都幾大碟，蔬菜好新鮮，食落十分爽口可以知道食材十分高質素。黑醋既酸味剛剛好，配上爽口既菜真係令人胃口大開。白酒忌廉汁煙三文魚意粉($98)白酒真係將個汁昇華左唔少，香味十分濃郁而且醬亦都十分濃，忌廉汁十分均勻地分佈在每條意粉之上。意粉煮得唔會太軟身，食落口會有嚼勁，食完口腔仍有一陣香味散發不會覺得有油膩既感覺。香煎金鯛魚魚柳配新鮮番薯蓉($178)幾有新意既係用左番薯蓉，食得出完全是天然番薯既鮮甜既味道。主角金鯛魚，煎既時間掌握得十分好，從外形黎睇已經金黃色十分吸引，皮十分香脆食落十分香口。魚肉十分鮮嫩，一切開果時就有魚肉汁慢慢流出，完全將魚汁鎖係入面，外皮脆而入面魚肉多汁嫩滑可口。朱古力冰沙($48)以一個小卡板墊係底都幾有特色既食具，飲管不是膠的反而是紙

人左大, 自自然然成日諗番以前, 小時候臉上掛著的笑容, 已經難以找到了......查實係今晚個朋友仔帶左我去一間好特別既cafe而有所感觸0者, 作為九龍城地膽, 近年來多左不同類型的食店, 但以cafe形式既, 屈指一算, 可能一隻手數得曬, 本身口水多過茶既我, 最buy個環境可以靜靜地食下野, 吹下水, 朋友仔深知我心, 嘻嘻, 帶我去今晚開餐既地方-Cafe Ursus一入去, 地點唔算話好大, 似係小本經營, 在現今社會是件很困難的事呢入面佈置好特別, 有好多懷舊擺設, 電視機, 風扇, 收音機仔等等, 亦有唔少小小兵, lego玩具, 頓時覺得好似番左去細個果時咁, 請容許我再想當年一次!!!!老闆娘把手繪印似的餐牌放到桌前, 大概沙津前菜, 意粉/飯, 主菜, 各有一頁既選擇, 飲品選擇相對較多, 有咖啡, 花茶, 特飲及酒精類飲品, 縱使選擇不多下, 也可以選得出心水食物 頭盤小吃係炸珍寶蘑菇配黑松露他他醬, 原本頭痛緊叫咩小食個陣, 老闆娘有如神仙打救左我, 提議左呢個小食, 因為佢話自己都鍾意食咁話, 朋友仔本來對菇類不太感興趣, 佢食完之後都讚不絕口外面炸得乾身

琴日收工之後就去左九龍城食飯雖然九龍城最出名既係泰國菜不過今次小公主無食泰國野，反而試左間CAFÉCafé Ursus 地點唔算好難搵入面用左好多木製既傢俬四週圍仲放左好多好得意既擺設加埋橙黃色既燈光，就好似入左個好溫暖既屋企咁坐定定就睇Menu喇Café黎講，食物種類都算多我地點左單大概5分鐘到就有野食喇肉醬薯條 Bolognese Fries ($38)薯條用左小公主兒時最愛既’波浪薯條’而且一D都唔油，絕對唔係一早炸定放係到個自家製肉醬好足料，而且味道同texture都煮得好好直頭好味到用黎撈飯食都得單骨雞翼 Chicken Wings ($48)唔好睇張相好似乾爭爭咁其實係炸得好乾身，所以完全唔夠得油膩而且炸既時間控制得好好皮脆就唔再講，連d肉都仲有肉汁好juicy而且雞翼本身有醃過，就算無sauce都一樣好食好味過呀’元祖greyhoxxd’多多聲溫泉蛋卡邦尼飲管意 Carbonara ($98)Ursus用左飲管意粉 (Perciatelli)比起一般既意粉更彈牙，更有口感但個汁用左好多香草因為小公主唔係咁中意食香草所以就覺得麻麻地不過比起出面既carbonara就無咁He

陪阿媽到九龍城買餸，上openrice search 下，見到呢間的食評唔錯，一於試下！温泉筻卡邦尼意粉，好香好味，汁濃但又唔覺好滯人，一般用奶油忌廉做的食物都會令人有飽滯感，不過呢碟冇，煙肉又多，我阿媽都話正！黑松露帶子意大利飯，有四隻帶子，黑松露香，飯軟硬適中，我個人好 like飲品的杯墊用小式卡版，有特色值得一提系服務員真系细心！贊！

經過南角道 比我發現到一間新式cafe﹐鐘意食野的我當然要入去試一試餐廳細細 環境好舒服﹐有好多懷舊的擺設放係一間裝修新潮的新式cafe﹐而且店員親切有禮貌。餐牌選擇唔多 但係款款都好吸引。溫泉蛋卡邦尼飲管粉忌廉汁味道很特別 不是很creamy﹐入口有種淡淡的香草味！煙肉咸香惹味 加上彈牙意粉﹐味道好夾好好味！溫泉附控制得剛剛好 蛋漿撈埋意粉﹐蛋香味道好突出慢煮芝士菠菜雞胸卷賣相夠哂吸引！每一件雞胸卷都包住濃香芝士和菠菜 令淡淡的雞胸肉味道更突出最欣賞底下新鮮打成的蕃薯蓉 清清的甜味 配上雞胸卷 味道好正。

事隔一個月再次從返，為的是上回印象不俗、所以决意再來尋味依舊的僻靜街上，店子跟上次沒有多大分別、客人不多正正就合我心意三、四個人之聲浪加上職員，這一切在週日上已甚為難求．．．喚來一個芝士火腿香草蕃茄包$68.在坑紋機的熱力下，香草包被烘得紋理清晰可見但就壓得有點兒過扁，上枱時有些像大拖鞋般入口包身帶脆，但建議將其一分為二才上枱、就更為方便且不致食相狼狽揮手揚聲待為加切，亦貼心為我做上火腿沒有預期之咸香，絕對是貨源至命所在而且份量亦為偏少，未免有欠大方 咖啡方面榛子糖水下當然沒有走樣之味道加上靚靚拉花，有助心情回復愉快 每間公司為了增加自己知名度，都會扭盡六壬看上牆上呃like的小玩意，當然亦要加入行列參予一份為的必然是貪心下之額外《甜品》啦 底層用上基礎原味雲呢拿雪糕，加上軟糯密瓜雪米滋淋上朱古力漿，確實係一份甜美之報酬好一個意外收獲，呃like成功下之雙贏賽後評述，包餐比上次蛋糕遜色、略為失望要味道亦對得住荷包，方為滿意稱心工欲善其事，必先利其器、食材品質絕對應响出品好味與否除了廚師一片心機，優質食材亦要時常用心關注期待．我會有第三次回頭，小店。

Cafe Ursus這天，與男友相約在旺角逛街，都晚上，我們便到九龍城吃晚飯，通常大家在九龍城都是吃泰國菜，但經過一輪網上的調查搜尋，看到Cafe Ursus的評價不錯，所以今次我們決定吃西餐，試一試九龍城西餐的質素。這間餐廳的位置不難找，很快我們便入去坐低了。餐廳的裝潢和設計都非常時尚，而且感覺令客人非常舒服溫暖。店員很有禮貌，態度滿分！看一看餐牌，可能是新餐廳，所以選擇不是太多，我們決定要了一個黑松露帶子意大利飯及美國安格斯有骨肉眼扒，再叫了兩杯特飲。美國安格斯有骨肉眼扒 16oz $248哇哇哇！係16oz的肉眼扒，只需要$248！肉眼扒烤到外層微焦脆，香氣撲鼻，牛味香濃，裡面呈粉嫩色，肉質嫩滑，咬落仲好多好多肉汁，$248食到呢個質素真係好抵！我和男友兩個人分都非常足夠，因為份量真的很大呢！黑松露帶子意大利飯 $148一上枱，邊聞到很香的黑松露香氣，而且帶子非常大粒，而意大利飯的份量也很多。放入口中，發現芝士味也非常重，如果是愛吃芝士的人一定會很喜歡這個意大利飯。帶子煎得恰到好處，肉質仍然保持多汁嫩滑！店員說他們用了刺身帶子，所以味道會較新鮮，真的很欣賞這間餐廳選用最新鮮的材料

香港咖啡店已開到百花齊放，一區至少一舖、小店生存真的要依靠有利地段?其實只要用心做，區區也有它之捧場客．．．繼泰式午飯後，跟友人漫步走往這間新開而位置較偏的Cafe Ursus小店體貼有禮由入門開始，大門打開歡迎聲已從耳邊响起、靜街之上店子佔地面積不大自成一角，週末的下午天、可能太新沒有太多之客人，小小天地用來三兩知已傾計最為食意不過．．和朋友各自各叫上一杯咖啡，靜靜地偷飲朋友一口榛子咖啡榛子味道不過於甜，隱隱地呷得到咖啡香、比例上很是協調另一杯杏仁鮮奶咖啡，當然是我個人獨享入口咖啡氣味比較明顯為強，順喉而下杏仁味再淡淡撲出，兩者各有所優，最貼心還是咖啡沒有懶著做兩杯各有不同之拉花，拉得紋理分明、雖然久等也是值得 從玻璃柜上揀來一款檸檬蛋糕，檸檬味道來得天然、酸度剛好就算是簡單之一件小蛋糕，店子也修飾得漂漂亮亮的呈上客人前令人有吃的喜悅之感臨走時店員的一句多謝語，遠勝連鎖營運店千倍出自內心，散播自然、往往更勝背書郎。

一向不太喜歡到cafe用膳，雖說可以隨便坐跟朋友慢慢傾，但實在失望過無限次，cafe食物的質素往往差得"我自己煮好過"，如不是朋友說在面書看到這cafe，堅持要一試，我想我這輩子也不想再到咖啡室吃飯。下雨天，店面比較清靜，我喜歡這樣，那些被過份熱捧的店坐得很擠很吵，自己說甚麽也聽不到，cafe的意義都沒有了。 訂了晚八點的枱， 我們一行五港女共點了五個菜式分享的吃。這次的咖啡館晚餐真的十分滿意，九龍城雖然沒旺角方便，但能夠好好和朋友享受食物和環境，這十五分鐘的車程完全值得花。

九龍城一間新張不久的cafe小店 消暑都要飲凍飲，呢度有我喜歡既血橙梳打！一片片的釀雞胸肉，用慢煮方式，中間釀入了芝士和菠菜。既然採用雞胸，所以肉質不會太嫩滑，但配上芝士、蔬菜和橄欖油，感覺健康。下面再配蕃薯蓉，而非一般薯蓉，甜甜的令整道菜生色。肉醬意粉，意粉不會煮得太腍，但欠嚼口，肉醬以牛肉製造，味道和普通肉醬差不多。另外再要一壺茶，慢慢嘆一下。看名字覺得頗特別，青檸綠茶，原來是茶包沖的，其實和一般茶包綠茶差不多。清清喉嚨都不錯。

星期六放工之後嘅下午,突然落起大雨, 但都冇影響到我搵食的心情。嚟到九龍城, 就晌電影小生Bosco間意大利餐廳旁邊遇見試業中嘅cafe ursuscafe 裝修簡單得嚟又好warm,店內坐位都幾寬落,(我最怕去到一d, 雖然係好出名, 食物也不錯, 但偏偏坐得好辛苦, 出入都要打側身行, 好有壓迫感的cafe。)另外, 仲有一個閣樓,到正式開場後就會開放,亦可供包場。坐低之後, 老闆娘好nice咁介紹餐牌嘅食物,我叫咗一份all day breakfast好抵讚嘅係多士就算凍咗都唔會好硬、薯餅係即炸嘅, 真係脆卜卜好好味、沙律菜係有機 (真係良心店主!)、肉腸唔會太咸, 好好食!炒蛋整得好香, 但有少少老, 另外, 茄汁豆如果整返熱就會更好。至於咖啡方面呢, 跟餐加10蚊我叫咗泡沫咖啡味道偏淡, 但不過不失。外面落住雨,而我就靜靜地享受食物同咖啡,加上舒適嘅環境,真係可以平靜到心靈。由裝修到食物, 都睇得出年輕嘅店主好用心經營,我哋應該多多支持本地嘅小店。