Cafe Paradise (東寶大廈) (已結業)

Cafe Paradise門面好靚，門口有對天使翼可以打卡影相，入到餐廳入邊環境舒適，座位不會太窄。可能臨近萬聖節，店員都穿上魷魚遊戲參賽者的衣服，亦有燒魷魚的新菜式。🌟忌廉西蘭花湯（跟餐 ）超級濃厚忌廉湯入面有加入西蘭花碎，本身冇expect跟餐嘅湯都咁好飲，有驚喜！🌟芝士焗大啡菇松露雜菌意大利飯 $68 (set)一收到埋黎已經香味樸鼻，每粒飯都煮到好入味，份量超級大，非常抵食。🌟Paradise至尊漢堡包$58 (set)漢堡包入面有薯餅、生菜、蕃茄、煙肉配埋芥末沙律醬，口感十足。🌟凍檸檬茶（跟餐 ）🌟是日特飲-西柚梳打（跟餐 ）解渴解膩，恰到好處食到一半已經好飽，本身諗住叫埋waffle，點知食物份量咁大，同埋餐牌實在太多選擇，有好多嘢想試，唯有下次再試啦。

［Cafe Paradise (東寶大廈) (北角)］地址：北角英皇道483-497號東寶大廈地下C-D號舖推薦度（10👍🏻滿）：8👍🏻（唔知點俾）滴汗度（10😅滿）：不適用🙅🏻‍♀️衞生（10⭐️滿）：7⭐️環境（10⭐️滿）：7⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：7⭐️服務（10⭐️滿）：8⭐️地點（10⭐️滿）：7⭐️聰明嘅我近排發現喺OpenRice度，如果預早訂位book枱，有可能會有折扣，所以我琴日就專登上網睇咗想去嗰間餐廳，竟然發現原來訂位有九折。今日去到攞枱，發現咗更聰明嘅嘢就係…我原來冇完成晒訂枱嘅流程，係冇成功book到枱，亦冇得攞到九折優惠。🤦🏻‍♀️亦都問咗，冇得即時book位可以攞返個九折。不過由於已經好肚餓，雖然有少少失落，但諗咗成日都係想食豬手，而且已經好肚餓嘅我哋，就照樣入去照食啦。雖然冇咗優惠，但完全冇後悔照入咗去照食呢個決定👍🏻😋我哋點餐嘅時候，嗌左一個晚餐套餐，一個單點漢堡，同一個大食拼盤。店員已經提左我哋，不如叫小食拼盤份量會少啲，但係我哋眼闊肚窄想一次過試晒，所以都係叫咗個大食拼盤。當所有嘢嚟到之後，眼都突埋原來係好大份，份量好足。唔怪

🌟 Cafe Paradise🌟 Spending good time in cafe paradise with my aunt. This is a Korean mixed Western style restaurant. As the movie Squid Game has gone viral, it's cute to see the staff wearing the uniform of the '456' player. Food generally nice. Here are my recommendations:🌟 cheddar cheese seafood pasta🌟 ($78) It was one of my favourite. With the thick and creamy cheese sauce, making the highlight of the dish. Even the seafood as toppings, its has marinated, and Pan fried.🌟Teppanyaki rib eye (200

今日去北角探朋友，就搵左間食鐵板牛好抵食嘅西餐試下😋門口仲有靚靚嘅天使👼🏻打卡位石燒美國頂級殼飼牛肩肉肉眼扒200g $120(跟餐$30）跟餐配左薯條🍟佢地啲薯條都炸得好脆肉眼扒啲脂肪比例岩岩好，煎起上嚟多層油香，煎到五至七成熟就夾起👍蟹籽蟹棒忌廉意大利闊條麵 $78蟹籽蟹棒嘅份量好多，忌廉汁意粉上面鋪滿左好多嘅蟹籽。意粉煮得岩岩好，仲好有彈性，一條條好掛汁👍🏻石燒紐西蘭牛柳200g $120（跟餐$30）🥩🍚🥗🧋跟餐包左沙律🥗同餐湯（黑松露忌廉湯）主菜牛柳好嫩滑，而且都有番咁上下厚，佢係用加熱左嘅石板即煎，所以熟嘅程度可以自調教😋蜜糖烤雞翼$38雞翼上面茶左好多柚子蜜糖，甜得嚟又有啲柚子酸酸

餐廳就以近排最興嘅魷魚遊戲造型，連店員都着上戲服，認真鬼馬得意。餐廳環境都舒服，同埋大，坐位舒服！服務員嘅態度亦都非常之好，好長成為我的介紹有咩餐廳推薦！事不宜遲，肚仔餓，睇一睇個餐單先！餐廳主力推介$78，美國頂級穀飼牛肩胛肉眼扒！加$30升級套餐（餐湯，甜品，飲品，沙律）先黎前菜小食先，餐湯加左啲香草所以好香濃，沙律亦都爽脆鮮甜，而飲品係一杯橙汁。牛扒係生，放係熱辣辣既石板上面，可以係上面簡單煎幾下，是乎想要幾多成熟！服務員都為我準備咗胡椒粒同埋海鹽佢調一調個味！塊牛扒勁多汁，勁juicy ，好重牛肉味，點一點黑椒汁同蒜蓉汁非常之香！意咪亦都煮到岩岩好，彈口。之後就叫左all day breakfast 既Full paradise 。有香腸，火腿，滑蛋，蕃茄豆，漢堡扒，香菇，粟米，薯餅，沙律，同埋窩夫！滑蛋大大份，香滑，薯餅炸到岩岩好，仲有個大大既窩夫，大件夾抵食！好食又好飽！凍檸茶都好大杯，我叫左走甜，茶唔會苦，飲落去唔錯！整體來講餐廳體驗係唔錯

👼🏻🍝🥩🍚🥩🍟🍗🥗🧋係春坎角泳灘玩水睇日落之後，出返北角食飯決定搵一間個名類似日落美景嘅餐廳🌅係OpenRice 搵下搵下就搵到依間餐廳✨Cafe Paradise 🌟餐廳門口仲要天使翼👼🏻俾大@家打卡用😆蟹籽蟹棒忌廉汁意大利闊條麵$78🍝意粉彈牙，上面鋪左滿滿嘅蟹籽，🦀蟹棒分到一人一條都仲有多而且大小適中。忌廉汁就有啲杰，味道唔錯😋石燒紐西蘭牛柳200g $120（跟餐$30）🥩🍚🥗🧋用加熱左嘅石板即煎即食，餐廳仲有提供黑椒同埋鹽嚟調味，另外紅酒汁同蒜茸汁跟埋餐盤一齊上等煎完可以點嚟食。不過石板好夠熱🔥我地要同時間競賽，牛柳煎到啱心水嘅熟度就要即刻夾起上碟🍽如果唔係就會煎過龍👨🏻‍🍳除此之外，由於跟左餐所以包埋一飯🍚一沙律🥗一餐湯（黑松露忌廉湯）同一杯飲品講返主角牛柳，差唔多一隻手掌嘅大小，而且有啲厚度，煎到五至七成熟，咬落軟荏荏，肉味香濃石燒美國頂級殼飼牛肩肉肉眼扒200g $120(跟餐$30）同牛柳差唔多情況，但跟餐白飯轉左做薯條🍟，感覺薯條好食過跟白飯肉眼扒大小同手掌差唔多，而且因為有脂肪，所以煎起上嚟有一陣油香，煎到五至七成熟就夾起👍等一陣先食😋蜜糖烤雞翼$38不過不失，蜜

有時候要同朋友仔搵個地方食野, 又想唔會比人趕走都唔係易事。呢間我之前係太子食過, 但就有限時要求, 而北角呢間就無, 我地好多時都傾到最後至走。呢間食物質素中規中矩, 今次叫咗個四式雞翼併盤, 蜜糖烤雞翼, 水牛城雞翼, 蒜香雞翼及秘製咖哩雞翼, 我就覺得蜜糖烤雞翼最好味, 甜甜地而不乾, 可能係用烤所以仲有好多肉汁, 而其他三款就麻麻地, 我覺得太乾身。而我次次都會點既卡邦尼意粉, 個汁剛剛好, 唔會搞到個意粉變咗湯意咁, 而意粉口感有咬口, 唔會淋哂。而服務方面, 整體上係唔錯, 不過唔知當日係唔係有位新返工, 見佢都好緊張同好勤力,  同一碟野問我地仲要唔要起碼都3次, 但碟野明顯未食哂。

呢間Cafe幾年前係太子分店食過，印象中都唔錯，今日放左工就黎食埋晚飯先返屋企。-石燒美國頂級穀飼牛肩胛肉眼扒200g $78(跟餐加$30配沙律、湯、餐飲、甜品）一開始比Menu呢個牛扒吸引咗，所以一定要點，冇揀錯，真係幾好食，個熱石好夠熱，可以自己燒到自己喜歡既生熟程度，牛味好重，石燒得好香，而且唔會好硬，就算唔加汁都好食，加左汁都好出色！-拿破崙辣肉腸意大利粉$73（跟餐加$30）意粉有比較多香草味，同埋多蕃茄汁令意粉唔會乾身，辣肉腸份量足夠，相比之下覺得牛扒比較出色！-沙律/南瓜餐湯/啫喱甜品/凍檸水凍奶茶南瓜湯好滑好creamy, 夠熱，沙律正常水平，啫喱比較硬身，有少少似啫喱糖質地，而餐飲都正常，只係奶茶係西式奶茶，冇港式奶茶咁濃。下次一定會再來食牛扒！

北角開左呢間新餐廳 今日同朋友黎到北角 就過黎試下呢下cafe 𥚃面燈光昏暗 顯得格外有情調安頓座位後，雖然燈光少少暗，但坐下後氣氛很輕鬆，店員都很有禮貌我今日點了個甜品 點了草莓窩夫 作為窩夫控的你 都一定要黎試下窩夫即點即做 而且有士多啤梨味 上枱時熱騰騰 上面一層涷冰冰既士多啤梨雪糕，真係好正 有機會都可以黎試下 為左個咁高水準既窩夫 我一定會再到訪

我和妹妹行北角商場，順道在外食埋飯先回家。見Cafe Paradise外面餐牌顯示菜式好吸引，入內地方寬敞，多卡位，幾舒適。兩姊妹唔算大食，於是叫一個飯再加$30升級套餐，先有番茄忌廉湯，再有沙律。主食係帆立貝南瓜汁海鮮意大利飯，濃香超甜南瓜汁包住每粒意大利飯，再由帆立貝、大蝦、鮮魷及蜆散發出嘅鮮味，令你每一口都食出幼滑鮮甜，夠creamy，滋味無窮。加一份香煎墨魚餅，炸得金黃色，色澤鮮明，咬落非常彈牙，食得到有墨魚味，配合甜酸醬，好醒胃，有三塊，份量啱啱好。餐飲要咗少甜凍檸檬茶，幾大杯㗎，解渴。最後仲有甜品，可愛膠羹加膠杯裝有芒果啫喱，好吸睛。連餐牌設計都好特別，職員服務態度良好，會再幫襯

.今次去左北角既一間西餐良心小店💛唔知係咪近教會佢入面既裝飾音樂都係同教會有關🏥.🥢 香脆豬手配燒汁 $178豬手大大舊 有成兩大舊好多😂個皮整得好脆 咬落好正🐷啲肉煮得好腍好易入口點埋個燒汁簡直係絕配👍🏻女仔食其實食一半已經好飽👻.🥢慢煮挪威三文魚配芒果旦黃醬 $208呢個係超高汁🤩三文魚煎得乾身 但點埋個汁唔會覺得太乾第一次食芒果蛋黃醬🥭冇諗過係咁match 完全將三文魚鮮味帶出黎🐠.每個餐都包餐湯連餐包（西蘭花湯🥦）前菜（沙律🥗）甜品（啫喱🍮）餐飲🥤呢個價錢黎講真係好抵

餐廳環境都好有啲裝修，仲要有唔少卡位坐得舒服。星期六都有lunch / tea menu。石燒美國牛肩胛肉眼扒呢個十分抵食， 淨係石燒加餐加埋都係$108，又有沙律、湯、甜品同嘢飲。佢塊肉眼扒都好厚身。餐湯同沙律餐湯幾有誠意,佢唔係普通罐頭湯，飲得出係自己用番茄同忌廉煮出嚟。如果沙律都幾新鮮。而佢跟餐甜品係啫喱。溫泉蛋明太子忌廉汁意粉呢個意粉個人十分推介，佢除咗好creamy之外，仲有厚厚嘅明太子味，明太子小小辛辣嘅味道，令到個味道豐富咗。再加埋邪惡嘅溫泉蛋，又靚又好食。芒果沙冰/是日特飲一路食石燒一路飲沙冰真係幾夾，仲要芒果個味幾清新。是日特飲係熱情果梳打，佢都幾足料，下面滿滿嘅熱情果醬，入邊仲有檸檬。

約左朋友仔放工去北角食飯見到呢間又平又多選擇所以入黎試下呢間餐廳mean 都好多野揀有牛扒 / 意粉/ Pizza/ 意大利飯飲品類都好多 我哋叫咗一個意粉汁意大利飯同埋一份小食揀咗水牛城雞翼 $38 4隻雞翼都好大隻 又夠熱 皮脆🤤我就覺得唔夠辣 如果再辣啲就正煙三文魚黑松露海蝦意大利闊條麵 $83加$30就可以有埋餐湯嘢飲同埋甜品今日餐湯係粟米忌廉湯 ☺️ 由於我哋唔想飲甜野嘢飲就揀咗普通凍檸茶走甜 沙律都正常 d野份量都唔細一上枱就聞到好香嘅黑松露味啦有煙三文魚同埋幾隻蝦 份量都幾大呢個價錢 真心抵 甜品就係啫喱 另外朋友想食意大利飯 佢就揀左龍蝦汁海鮮意大利飯 $83有蝦 蜆 同埋青口 份量都係好多係港島唔駛$100食到碟意粉 真係好平

喺北角買完野同朋友搵地方想坐下食啲小食傾計，北角街坊朋友就介紹咗呢一間黃店Cafe ～～ Cafe 環境好大，而且價錢中價～～ 望望餐牌，佢哋有得點單點，同時有啲dinner set~~但因為我哋兩個其實都唔算好餓，所以就叫左啲小食甜品我地就左小食拼盤 $78、黑松露薯條 $43同窩夫天堂$68 📍小食拼盤 $78拼盤有薯角，四款雞翼同沙律～薯角炸得香脆 雞翼四隻味唔同我最鐘意燒烤味～～～ 📍黑松露薯條 味道好正！薯條點左黑松露醬完全level up左～～～最後就要食甜品啦當然！呢個窩夫天堂我地係俾佢個名吸引住，上到嚟好驚喜，一塊waffle 加兩球雪糕加埋啲甜甜粒好夾好好味呀📍窩夫天堂$68📍兩杯凍檸茶 $29 如果你單點意粉或者飯就可以加十幾蚊要一杯嘢飲，但係因為我都係食小食關係，我哋係要用正價去叫嘢飲㗎～

呢度係一間專食西餐既CAFE 食扒水準唔錯既呢度係新分店 而家總有3間分店,搵食方便煎美國牛扒配薯仔沙律燒汁 選用美國牛扒200克一件,5成熟,切開仍然色澤粉嫩有肉汁 肉味又濃!墊底係煎薯仔片同沙律菜 份量勁爆多 都幾十蚊一大碟 唔怪得午市都要排長龍喇!煎美國大雞扒配意粉沙律 黑椒汁 無骨大雞扒煎香2邊 本身已經有醃過,唔落汁食都夠味仲要配意粉同沙律 同樣都係大件夾抵食 仲要味道唔錯埋單前飲埋餐茶好滿意收工消費$200北角英皇道483-497號東寶大廈地下C-D號舖