Cafe One 咖啡廳 (已結業)

年三十紅字都冇特別貴，lunch buffet discounted後大約$170每位。由於o岩o岩訓醒o既關係，唔係太有胃口。熱盤冷盤冇咩驚喜，三文魚剌身唔多新鮮，salad肉類選擇多但唔係特別吸引，可以食可以唔食…印度咖哩做得幾好，choices又多甜品冇咩特別，但雪糕有haagen dazs就即刻醒晒，白酒、綠茶、朱古力都好好味。上次食excelsior都只係有雀巢，所以有haagen dazs就當然加分!以咁o既price、地點、日子…都算可以啦…上次食係tea buffet，好似得ｄ５個大人１個小朋友（當半個計）$940p.s. 當日好多小朋友，好嘈，有小朋友不停尖叫都冇人理，勁刺耳& disturbing！如果父母都唔理o既時候，侍應就應該要理喇！

WIDE VARIETY OF FOOD TO CHOOSE FROM. PIZZA, SHUSHI, SALAD, CHINESE NOODLES AND DIM SUM, AND A NUMBER OF DIFFERENT CAKES... WITH REFILLABLE JUICES AND DRINKS. WITH HANG SENG PLATINUM CARD, YOU CAN ENJOY 15% OFF... QUITE GOOD THAT I CAN SAY.

昨天晚上第一次光顧CAFE ONE,睇到之前既食評多數都係彈多過讚,所以都係以平常心去食,但係我食完之後覺得冇大家講得咁差,好多熱盤都做得唔錯,例如羊扒,牛仔骨等,比較特別既係居然有蝦餃,燒賣等點心食,味道都幾好,而甜品方面就不過不失,蛋糕款式唔多,而且味道只屬一般,而雪糕就用上haagen-dazs,加返少少分!由於小弟有買一送一既優惠,所以總括黎講是物超所值的!

我半年前都去過一次架啦..果次都係去食宵夜buffet..最記得果日同媽咪行完街買左好多野..我地10:10到佢都話唔卑入囉..即刻好唔開心囉..我地已經拿住好多野..佢都唔卑人入去坐低先..最後係10:20入左去..不過最恐怖係拿食物..果日可能係星期六..有好多懷疑是大陸客..佢地真係好鬼勁..果d明明係三文魚sushi..佢地夠膽只係夾左上面果塊3文魚囉...過左果次之後就係半年後去食了最近(其實都唔係最近啦..係一個月前既事)..果日慶祝我birthday..家人同我去行夜街..行到9點幾..唔知食乜好,我又想食buffet,所以就黎左呢間,心想過左半年都應該有進步啦冷盤得4-5盤,可以話係完全唔好食,難食到!熱盤就有7-8盤,係最好食架啦佢都有點心既,我果日就食左個叉燒包,我咁大個人都未食過咁難食既叉包囉!d叉燒好「鞋」!!又有d唔知咩味..食左一口已經唔要啦佢最好食係個麵檔囉..最多人..但係要食麵就唔食佢啦甜品就更加唔駛講..冇樣得,係有個雪糕機最好玩..佢d cheese cake冇cheese味,加上好粉;chocolate cake就太多chocolate粉,好苦.

朋友請食，所以無先查食評！命名為「皇牌海鮮半自助餐」，名不符實。皇牌海鮮自助頭盤，只是得凍蝦，蟹腳，東風螺，青口，選擇少，看來又不新鮮，refill 又慢。未有看見魚生壽司物體。湯淡而無味。沒有甚麼好吃。主菜款多，我揀了帶子豬肉，帶子小得看不見，豬肉像吃泥膠，沒有味道。朋友的牛扒也是淡而無味。甜品也是平淡無驚喜。自助餐竟吃完也不飽。浪費了漂亮的裝修，不知其可維持幾耐。

原來只係咁咋．．．本以為有得食自助餐好開心，但係去到大家都懷住失望既心情進食同離開．．．地方都幾大，不過如果坐門口位比人望住晒，就會好慘，好在我哋係坐入面，望窗口，都OK！食物方面，選擇都OK，但可能唔啱我哋心水，樣樣都麻麻，反而最傳統既烚菜烚麵係最為食得開心！吖，另外啲甜品都唔錯，有朱古力噴泉！服務又真係欠佳，唔怪得啲人話啲waiter/waitress大聲講嘢啦，我都覺，不過可能係地方太嘈，佢哋亙相之間都要大聲講嘢至聽到啦！抵唔抵食就見仁見智啦．．．．我自己同班friend都話唔會再黎，因為其他既酒店buffet做得會比較好，呢度似普通餐廳既buffet多啲！

樣樣嘢都麻麻地，魚生種類又唔多，可能多既都好快比人攞晒，永遠供不應求！其他食物質素都好一般，以酒店水準，呢間都可算係最差！不過佢有個軟雪糕機好好玩，印象中好似只有日航酒店有呢部嘢，所以又加返啲分～～～　但係waiter 同waitress既服務又要扣返分，因為佢哋好唔專業，成日扮睇唔到人，又大聲傾偈，埋單仲好慢．．．．算啦，我都唔會食第二次，除非突然又想玩部軟雪糕機～～

簡直不知所謂! 攞啲錢去間貴啲茶樓飲茶好過! 地方就得個大字, 無咩好食, 呢度有得食又黑又唔新鮮嘅魚生, 又乾又硬嘅壽司. 點心都ok嘅! 生滾食物都ok嘅! 慘囉! 用百機蚊食呢啲咁嘅嘢! 真係去飲茶好過! 啲點品就麻麻, 去唧軟雪糕食啦, 揀咗紐紋味, 唧出來都係得雲尼拿味, 真係無癮.

2006年9月1日本來唔想食buffet, 不過朋友係member, 買一送一, 就去試下cafe one啦. 唔知係唔係前次既萬麗海景太得呢, 今次食呢間覺得唔好食.海鮮頭盤唔新鮮; 沙律選擇唔多味道又普通; 壽司刺身整好晒擺係度, 唔係好想拎, 食左味道都係普通; 熱盤多東南亞選擇, 不過味道係差囉; pizza直情食左一啖都唔想再食; 白灼都係得的丸類同菜; 有樣幾新奇既就係燒味檔喇, 不過都係唔好食呢!最後唯獨甜品救番小小分數, 有個朱古力噴泉玩下, 趣緻既菠蘿, 不過唔知係唔係東南亞主題, 的甜品多數都係的馬豆糕, 綠豆糕, 少了我最愛既芝士蛋糕.埋單買一送一都係260幾蚊, 勉強都冇咁肉痛, 如果要用正價食, 一定唔會再黎.

之前食過晚飯，ok，今次試多次個宵夜buffet，依然只係ok，熱食我都覺得係粥ok，其他真係好一般～～～價錢並唔平，可能食街邊大牌檔仲抵仲滿足！不過當肚餓時去食嗰一刻，又真係幾開心既！但始終大家都覺得未必會再黎，因啲朋友話有更好更平既地方可供應到令人滿足既宵夜．．．下次帶我去咁話！

2個人食宵夜buffet...每位118+10%~熱食...冇驚喜...係d粥好味~反而我覺得甜品/西瓜竟然係最好食...(食完之後想買個西瓜返屋企食...-__-")早知係咁...不如用筆錢出去食其他野都冇咁心痛...奉勸各位...想食好野...宵夜buffet唔使諗...跟本食完覺得好似食左車仔麵...唔覺得好食~

媽媽的肉醬天使麵非常無誠意，天使麵烚到無哂彈性，肉醬味道OK，不過太少汁，導致碟麵好乾，很難下嚥。我和爸爸share了一個下午茶餐，芝士火腿炸多士。多士炸得好濕，口感認真麻麻。價錢又貴，若果唔係location就腳，點都唔會再嚟。

我同幾個朋友喺啱啱個星期六去食tea buffet，都要成$128蚊一位，見食評都ok，所以去試下！但係：服務唔得，食物唔得，款式唔多，座位麻麻，真係有啲後悔～～　啲waitress/waiters 'on sap sap'，頭擰擰，又睇唔到人叫佢哋，食物賣相唔得，食落都只係麻麻，款式固之然唔係多，不過甜品種類就算ok，座位好迫，好似同後面背貼背咁．．．如有窗口位都感覺好啲既．．．早之去食放題仲好．．．　唉！酒店都咁既水準，真係令人失望！

行到好攰,唔想走番去soho食飯,就係cwb搵間野食啦..之前行過依度,都想試ga la..今次終於去0左...好,800-930,係1.5hour之內,我用0左我最大的努力去食食食食食,因為我愛才...講番食物先.各樣野d水準都好平均..最好味的係生蠔,刺身,hagaan-daz lime sorbet, 龍蝦酥盒, 帶子芝士, 羊架...個生蠔比我想像中fresh,食0左3件.lime sorbet,真係好lime同fresh..個酥盒係我食過最好食的酥,因為佢有層次,唔係食到成口粉的東西.羊架都好得,有小小so味,肉燒得剛好,得!唔知點解有咁多喊面..$278一位加10%,都ok啦..d service..都ok..d人識走黎收碟.我地坐bar,因為無位ma..咁佢有table,都俾我地轉去table..都幾好..不過要warn一warn大家,$278包buffet + 一杯coffe/tea,千祈唔好飲coffee..唔好飲的...

前上司請我食飯，本來打算去世貿裡面間吉列專門店，不過自己唔太鍾意清一色炸野，好熱氣，所以來這兒吃buffet。款式真係幾多，但味道認真唔係咁好，除了甜品外，熱葷、冷盤夾埋我只是吃了三round，最令我回味的還是沙律，有成八款，每款dressing 和材炓配搭得好好。鑑於我們差不多8:15 先到，很多食物好似食剩蔗咁擺響度，又唔refill，賣相扣晒分。幸好今次唔駛自己俾，如果唔係就心口。