Cafe Deco Pizzeria (圍方)

營業中

休息中

一家四口週六中午試下這間餐廳，我哋叫咗一個二人餐，包一個前菜煎粟米，八爪魚沙律，主菜我哋揀咗豬腩肉意大利飯，送兩杯飲品，我哋每位加18蚊跳咗兩杯熱朱古力，八爪魚質素唔錯，都幾多八爪魚，肉質夠軟，粟米都可以，意大利飯質十分特別，一啲都唔會覺得好滯，我自己不嬲都唔係好食意大利飯，不過家人鍾意，估唔到咁好食，未食過咁好食嘅意大利飯，熱朱古力質素很好，一啲都唔甜，好有朱古力味。我哋另外加咗一個薄餅，一個鮮蝦多士，和一客雪糕。薄餅十分好食，係即整的，太太話薄餅係喺算最好食嘅之一，蝦多士就家人比較欣賞多士，雪糕餐廳話係優質食材製造，叫咗一客試下、果然幾特別、都係三十五蚊唔貴。這間餐廳走高檔路線，不過價錢上算合理，週末中午唔係太多人，喺度午餐一家人傾下計好舒服。

之前去過，服務都算唔錯，今次再去，完全令人覺得，以後都唔會再返轉頭咁講雖然好難聽，但係現實就係咁骯髒食物是保持水準的，但係啲侍應，完全唔係好明白，硬係要做一啲嘢出嚟，令你覺得唔舒服，佢哋唔會用言語去到令你覺得唔舒服，但係就響語氣，同埋眼神方面，令你覺得根本唔想再返轉頭其實個餐廳唔係好忙碌，但係有一位男侍應，就係整到好似好踢腳咁，同佢落單，就要跟足佢嘅指示，好似小學生咁，你自己唔熟悉個餐牌，係你唔專業，就算你唔熟悉，想人哋配合你，都應該用啲好啲嘅語氣送嘢食嚟嘅時候，我哋已經好配合，整理張枱，等佢可以放低啲食物，但係佢係一臉不屑咁樣都唔知點解而家香港去食飯，要搞到咁唔好怪而家北上飲食成為一個潮流，你哋可以話客人,但係唔知點解，啲客去到第二啲地方，都係食得開心，而喺呢度，就係兩敗俱傷，大家各自檢討吧

餐廳裝修明亮，坐位尚算舒適。👌🏼凱撒沙律 味道正常，份量有d 少。鮮奶泡沫松露蘑菇湯 名字好似幾吸引咁，但味道同普通蘑菇湯冇咩分別。菇味幾濃郁，但係唔知點解有少少地燶味 ，破壞左整體嘅味道。龍蝦濃湯伴蟹肉 呢個唔得，個質地係開左粉果種杰杰地。味道就好似罐頭龍蝦湯果種。🤔煙吞拿魚腩pizza 味道有d 鹹，似食火腿味多過吞拿魚腩，味道單一，冇咩mix and match 嘅味道，所以幾膩。普普通通。👌🏼牛肝菌意大利飯 菇味頗濃郁，符合預期。👌🏼黑松露芝士薯條 ：薯條質地一般，正常味道。整體來講，除左兩個湯比較差，其他菜式都係正常味道，不過不失。

約左啲frd 想吹水多過肚餓有少少想食pizza 於是就搵左間適合慢慢食同傾計嘅餐廳呢度環境幾舒服 啲梳化位都好坐睇menu時職員都好主動推介食物態度都好有禮貌坐左喺度兩三個鐘職員都好niceKeep住都會幫我地斟水😀Chicken Maxicali Pizza 🇲🇽🍕個base一般 食落比較乾 似餅多過pizza啲料都幾足 味道食落唔錯 House spices chicken wings🍗🐓食落都ok 炸得好脆整體都幾好味 雞翼都係juicy但香料味道唔算好突出 Crostini plate🦀🥑幾好味 蟹肉沙律好清新牛油果煙三文魚不嬲都perfect match略嫌牛油果醬搽得唔夠多個底嘅麵包比較乾 食完會覺得口渴 Beef Ragout rigatoni🍝🥩煙管粉都幾煙韌 口感唔錯汁嘅調味都唔錯牛肉就燉得比較鞋身左整體味道都不錯

同朋友慶祝生日，有切餅費$100，偏貴。講返食物，選擇多，有沙律、小食、意粉、pizza 、rib ,牛扒等主菜。食物上菜都快，而且味道唔錯。服務都幾好。我地叫咗兩個pizza ，都幾好食！ 意粉揀左carbonara, 好creamy, 好多cheese! 沙律份量足，有煙三文魚、蝦等，沙律菜都算新鮮。Ribs 份量ok, 肉質算腍身，配薯條。牛扒揀左5成，味道都幾好～～～酒買一送一，抵飲。整體可以，正常發揮～～～

三層塔high tea，體驗到了無與倫比的味覺之旅。這裡的高茶真是讓人驚艷，尤其是他們的招牌pizza，外脆內軟，風味獨特。每一口都充滿了新鮮的食材和香濃的芝士，讓人欲罷不能。此外，其他甜點也別具一番風味，不會過於甜膩，巧妙的平衡讓人感到舒適。特別是他們的朱古力奶昔，濃厚的巧克力香氣與順滑的口感令我著迷，是這次用餐的另一亮點。整體環境優雅，服務員熱情細心，是與朋友聚會或慶祝特別時刻的理想選擇。這家餐廳不僅提供美味的pizza，更讓人感受到high tea的獨特魅力，值得美食愛好者再光顧。

圍方高質西餐廳今日就做孝順女陪媽咪同朋友一齊食飯，咁呢間餐廳都食左好幾次，質素唔錯，而且媽咪朋友未試過，所以就再黎食多次啦，諗住試下啲新野。😋海鮮至尊薄餅呢間餐廳就用左薄批，批邊都整到脆口既🤗我最欣賞呢個pizza既地方就有蜆之餘，仲要有好多芝士🧀😚😋鮮奶泡沫松露蘑菇湯呢個擺盤值得一讚👍🏻令度成個湯又多一個層次同口感😊😋龍蝦濃湯伴蟹肉龍蝦味好濃郁🦞個湯仲要有啖啖蟹肉🦀😋海鮮意大利燴飯有驚喜喎，呢個飯嘅面頭竟然有幾隻大大粒又新鮮既蜆肉，仲要冇沙添😙👍🏻仲要有帶子同大蝦🍤配搭住索哂醬汁既飯粒🤭相當好味道🤗😋煙三文魚大蝦🍤沙律菜夠新鮮又爽口，材料亦都好豐富，有青瓜🥒有蕃茄🍅有橙肉🍊再加埋流心蛋汁撈埋一齊食😊正👍🏻😋龍蝦汁大蝦意粉好濃龍蝦汁索哂入意粉入面😚欣賞呢個意粉有好多配菜，例如😋士多啤梨意大利卡邦尼芝士士多啤梨🍓夠甜😙再夾埋好厚身既cream cheese 🧀 一齊食，即刻肥咗幾磅🤣😋抹茶芝士蛋糕配雲尼拿雪糕🍦濃郁既芝士同抹茶🍵味，再夾埋冰凍得黎甜甜地既雲尼拿雪糕🍦中和反個味蕾😙舔舔脷指數👉🏻7.5😋/10😋滿分 值得一試😋

今午我們與從外地回港探親的舊同學夫婦聚舊，這裏訂位較易，餐廳環境寧靜，服務員的態度亦佳。我們點了下午茶套餐，食物過得去，而價錢則合理，是一個朋友相聚或休閑的不錯選擇👍🏻😋

Boxing Day 想食下啲西餐，決定入去圍坊試吓呢間，唔使等位直入。叫咗三樣嘢～西班牙風味烤八爪魚 夏威夷風光薄餅 同埋美國黑安格斯肉眼牛扒首先梗係佢～西班牙風味烤八爪魚，我食嘢當然梗係想有質仲有「量」，好明顯量呢份唔會有，幾「舊」仔八爪魚，二款唔同嘅茄同薯仔，味道一般，但可以接受，當試吓新嘢，同開開個胃。夏威夷薄餅～對我嚟講個餅底不厚不薄，配料加埋個餅底，口感同味道不錯，算有啲驚喜，最怕啲薄餅過厚或太薄，呢個剛好，又夠大個。主角～見到晒，無多修飾，坦蕩蕩唔似港式「乜鳳」要加乜汁乜汁，就係咁簡簡單單二款配菜就得，薯條粗身脆口，菇味正正常常，主角肉眼扒～無論係味道，生熟程度都控制得好好，真係好重嘅牛味，都係果句普普通通嘅牛扒，要出到牛味，喺香港真係有啲難，真係要中上價至食得到，呢度除咗有牛味，仲有一陣燒烤嘅味～不錯。二個人食三樣嘢，真係飽飽。唔知係咪聖誕假期，好似係無套餐選擇，我見其他網友post套餐，可能要閒日至有，應該會扺食啲。回頭度：7/10

我同朋友一樣係大圍人，朋友12月生日，咁大家梗係喺大圍支持本地消費，圍方食又有聖誕氣氛，之前屋企人喺度食過，兩個人食三碟，滿足離開。食物水準高，服務又好，勁力推介。

Cafe Deco Pizzeria is a delightful Italian restaurant that truly captures the spirit of Italy while offering a unique dining experience. As you step inside, you’re greeted by a beautifully designed interior adorned with festive Christmas decorations that add a magical touch to the ambiance, signaling that the holiday season is just around the corner.My friend and I decided to treat ourselves to the set dinner for two, and we were thrilled by the culinary delights on offer. The food at Cafe Deco

今日同朋友係圍芳行街，見有D肚仔餓，咁啱見到呢間意大利餐廳人比較流少， 環境清幽，就入去試下先😂我同朋友仔叫咗個兩人餐（有前菜，披薩， 主菜，甜點同兩杯飲品）再加多個牛扒試下😎前菜·煙鮭魚海鮮沙律，沙律菜新鮮配料有煙鮭魚·🦐·同流心🥚，醬汁味道幾特別，酸酸甜甜好開胃。如果再多小小汁更好😛披薩🍕·番茄茄子水牛起司披薩8吋大，夠曬兩人份量，芝味十足，味道唔錯，🍕餅底質感都非常之軟熟，值得一試！😋主菜·海鮮意大利飯，賣相非常漂亮😻，配料份量都好多，有🦐·帶子·蜆·青豆再加上龍蝦湯汁同飯一齊煮，飯感味道非常香牛扒🥩·除咗用炭爐燒外，調味也十分講究,用了特製的香草和海鹽, 充分提升了牛肉既鮮美。搭配的配菜,香煎蘑菇🍄‍🟫香脆薯條·增添了視覺美感,也讓口感更加豐富吸引最後梗係甜點時間😏·抹茶蛋糕配埋雲呢拿雪糕，賣相有心思😍雪糕香奶味，抹茶味唔太重，清清甜甜。服務員也很好，細心介紹❤️

閒日夜晚見無咩人排隊諗住食下。入去到落單個經理已經表現到好唔耐煩，嘢食叫到一半都未叫嘢飲就已經話幫你落住先啦好似唔想做生意咁，仲以為去咗茶記之後嘢飲交俾女侍應落，女侍應反而ok 有禮貌，放低嘢食都會講唔該。同朋友食完諗住吹陣水啦，點知個經理就埋黎好似趕收工咁過黎問你d 嘢上齊未呀？懶係好關心你但其實係想你快d 埋單走嘅感覺，十分嘔心同厭惡。如果餐廳係full house 我可以理解，但餐廳其實有一半位置都係吉而且只係8點左右。嘢食老實講中規中矩唔可以話差，呢個價錢黎講算係咁。理解貴租但價錢都唔算話特別貴。去食之前都有睇過openrice 評語，都見到有師兄寫呢間餐廳服務態度有問題，但估唔到聞名不如見面。果然無令人失望正宗貼錢買難受。如果師兄習慣香港而家嘅服務態度，其實都可以一試，但唔會有第二次囉

第一次來食咗Pizza ， tea set, 好味， 見到隔離食緊漢堡飽都好想食。 今次再來兩樣都食，兩樣都好正，漢堡跟嘅薯條好脆又大條又多！ 搞到我會掛住呢兩樣。下次再試下其他，我估都會一樣好味😋😋😋呢度環境闊落，坐位夠大，服務殷勤！ 係圍方二樓好方便。依家出面的野食度度都貴，仲要水準麻麻，所以呢間性價比都算高，$130/人下午茶雖然唔算平，但和牛漢堡牛肉味道好好，pizza 又多芝士又香，值返晒！ 我好少會寫咁多字嘅食評，我希望呢間可以做得住，同keep 住水準，我以後可以常來☺️

大圍的Cafe Deco的牛扒實在令人驚艷，是肉食愛好者不可錯過的美味選擇。餐廳提供多種牛扒選擇，其中最受歡迎的包括澳洲和牛和美國肋眼牛扒。每一塊牛扒都經過精心挑選，肉質鮮嫩多汁，搭配完美的熟度，無論是五分熟還是七分熟，都能恰到好處地展現出牛肉的鮮美。牛扒的調味也十分講究，使用了特製的香草和海鹽，充分提升了牛肉的天然風味。搭配的配菜，如香煎蘑菇和時令蔬菜，既增添了視覺美感，也讓口感更加豐富此外，Cafe Deco的服務質素一流，服務生熱情周到，會根據顧客的偏好推薦合適的牛扒搭配。總的來說，Cafe Deco的牛扒無論是味道還是質量都讓人印象深刻，絕對值得一試