Cafe de Tiffany (已結業)

難得平日off就搵左附近呢間cafe堂食 搵番少少放假既氣氛入面裝修行工業風 卡位夠哂大張 坐得好舒服一般西餐廳lunch menu都係10個選擇以內呢度lunch menu竟然有成四版 好幾樣都想食 揀左好耐最尾叫左一份意粉一份鐵板餐湯紅白湯正常發揮 個餐包就幾有驚喜一個係啡啡地既黑糖包 一個就似係黑芝麻包上枱仲暖暖地 夾埋牛油食幾好味鐵板冰島比目魚扒 $78醬汁分開上枱 比你可以自淋汁上去 過足鐵板癮比目魚扒算幾大塊 差唔多有鐵板咁長 厚肉得尼 肉質都嫩滑同有肉汁薯條都有好多 男朋友勁鍾意食薯條都食唔哂本身想食肉眼扒 可惜咁岩無貨 希望下次再尼可以試到~香辣蒜片蜆肉意粉 $52職員解釋今日無蜆肉 問用青口肉代替得唔得當然無問題啦 青口仲正 啖啖肉除左青口仲有蝦肉同雜菇 足料份量又大 意粉好香蒜味 如果多d辣味就更好呢個價錢 坐得舒服 份量又大 算幾抵食~~

今日同媽咪去粉嶺搵食，知道聯和墟有好多好嘢食，咁岩見到一間新開嘅西餐廳，價錢唔貴款式又多，所以就入咗去食飯啦。我哋每人叫咗一個set lunch，叫咗個扒同埋意粉share。跟餐有送呢個黑糖餐包，佢比我想像中有驚喜好食，佢啲黑糖味都幾重，而且麵包好鬆軟！羅宋湯同埋忌廉湯都幾熱，味道就同平時嗰啲差唔多， OK嘅。呢個黑松露野菌意粉份量非常大，雖然佢係無肉，但係佢有好多菇，真係差啲多到食唔晒。味道方面，佢黑松露味都重，而且唔算太漏但係都有cream嘅味道，唔錯，呢個價錢好抵食！呢個鐵板紐西蘭肉眼扒好大塊，肉質鮮嫩，好香牛味，而且筋唔多，加上佢係鐵板，啲蒜蓉汁淋落去灑灑聲好正。佢配菜有薯條同粟米，啲粟米夠甜我鍾意！

最近去左粉嶺一間餐廳食lunch, 十分驚喜，完全滿足左我呢個大胃王餐廳環境裝修幾有特色，而且座位闊落好坐，又係一個開飯既好去處菜單選擇好多，今日就捨棄左平時最鐘意食既意粉系列，試下扒餐羅宋湯飲完好開胃，甜酸度適中，有d餐廳會整到好甜，但呢到絕對冇呢個情況呢個黑糖餐包食落好驚喜，夠晒熱辣辣，軟淋淋，而且黑糖味好突出，再加上香滑既牛油，真係食一個都吾係幾夠喉呢個係鐵板鴛鴦扒，雞扒同豬扒都大大塊，淋上自選醬汁真係勁香。雞扒外皮煎得好香，但又吾會覺得好油，而且雞肉好嫩滑。豬扒亦出色，好入味鐵板紐西蘭肉眼扒，叫左5成熟，食落去剛剛好，好有牛味，而且冇根吾韌，食到停吾到口今餐食到好飽，超級滿足

新年喺鹿頸行完大運，搭小巴出返城，平時都喺粉嶺地鐵站落，今次膽粗粗試吓聯和墟嗌有落，想睇吓粉嶺有咩好西食行完山飲凍檸茶啱晒，就算唔嗌少甜，本身都唔會好甜跟餐有羅宋湯同忌廉湯揀，忌廉湯都唔錯㗎餐包其貌不揚，食落好好奇點解咁好味，原來加咗黑糖唔使一舊水，塊扒大過你塊面有餘大胃揀咗洋蔥汁，建議大家先淋一半，試埋扒嘅原汁原味再食有醬嘅版本淋醬可以揀自己操刀定由老細代勞㗎唔好以為扒大塊就一定嚡，唔知點解咁嫩，難以置信$40都唔使就有個高汁豬扒飯，仲要好多汁裡面已切開一塊塊，豬扒一樣勁嫩，飯又唔會油淋淋又唔會硬仲有傳統雪糕船，好懷念聯和墟人流唔多，大家真係要撐撐呢頭嘅食肆

專做街坊生意👍🏻樣樣都超大份，務求令食客食得飽又食得開心☺️而且味道又唔錯，唔怪得有咁多街坊支持💪🏻紅湯-羅宋湯湯裏有不少雜菜蕃茄味濃郁，味道又甜又辣又小酸，令人感覺十分開胃餐包上枱的時候是暖的香辣蒜片大虎蝦橄欖柚意粉🍝🍤🫒配菜有雜菇、竹筍意粉🍝分量十分多，幾乎係其他餐廳的1.5-2倍🙀而且味道亦不錯👌欖油意粉偏爽口少少，不會太油膩虎🦐蝦份量十足，超級大，與西餐的叉差不多大，橫跨整個碟鮮味十足，十分鮮甜，蝦頭亦多膏，一隻都十分滿足🤤加入蒜容牛油🧈黑椒調味🥰蒜🧄味令整碟意粉十分香和惹味😍🤤香脆炸雞翼 $30原來有配薯條🍟薯條十分香口雞翼炸至金黃色，少脆皮🤩套餐還配甜品🍮朱古力🍫雪糕🍦正👍🏻

今日同Friend 嚟到聯和墟，離遠見到有間舖頭嘅門面係木嘅顏色，門口仲放左一張木枱同兩棵聖誕樹，充滿外國聖誕氣氛。睇埋門口嘅餐牌，原來係一間食西餐嘅餐廳🤔我哋去到嘅時候係下午茶時間，我仲未食午餐，所以我哋就order左一個all day breakfast同卡邦尼意粉set 包左一杯熱飲，每個餐再加$12 就會有埋餐湯+黑糖餐包，黑糖餐包聽落好吸引😍🤤等緊野食嘅時間，就好好欣賞下餐廳內嘅佈置😃我哋坐嘅位置比較入，坐大卡位，如果冇限聚嘅話，應該坐到6至8個人，加埋餐廳會播唔同嘅英文歌，燈光有少少暗，個感覺好chill，好啱同friend嚟傾下計。臨近聖誕，餐廳佈置左好多聖誕裝飾，配合埋木牆，都幾有聖誕feel~就喺我欣賞啲聖誕裝飾途中，餐包同餐湯就送到嚟啦，上菜速度好快👍🏻👍🏻黑糖餐包食落好特別，有別於平時食開鬆軟嘅餐包，而係比較硬身嘅，撕開個包放上牛油嘅時候，聞到好香黑糖味。咬落都幾有咬口，係好少食餐包會食到嘅口感，有啲似我平時食開bagel嗰個口感，配埋忌廉湯食都唔會成個包整濕晒，或者稔晒，好特別😋食完個包之後，口腔仍然充滿黑糖味，好香~ All Day Breakfast 好大份

羅宋湯 黑糖麵包 🥯(推薦指數:😋😋😋😋😋)羅宋湯甜味、辣味、酸味配合得宜👍🏼掛羹！黑糖麵包上菜嗰陣仲係熱辣辣，鬆軟煙韌，淡淡黑糖味。一般西餐廳都只係比塊多士俾你，我見呢間餐廳好細心。☺️.鐵板紐西蘭肉眼扒🐮(15安士) (推薦指數:😋😋😋😋😋)三個字，好抵食！😍😍😍可能係做街坊生意的關係，真係非常抵食！我睇餐牌嘅時候睇到15安士，我以為我睇錯啦，因為通常西餐廳都係8安士、10安士。15安士係一個咩嘅食肉眼扒呢？一上菜真係嚇到個心離一離！好大塊，其實真係夠兩個人食！🤤🤤🤤🤤我叫咗5成熟，一上菜嘅時候都真係五成嘅，但係鐵板上關係，鐵板嘅餘溫令到佢最後有7成，大家喺落order嘅時候注意返☺️肉眼的質素亦都唔錯，牛味足，好林，黑椒汁濃👍🏼天氣開始凍，食鐵板牛，真係好滿足。.小食 炸雞翼(推薦指數:😋😋😋😋)外脆內軟好多汁👍🏼BTW薯條唔使刻意額外order，肉眼扒下邊雞翼下面都有好多好多嘅薯條🍟。所以話真係好抵食！.凍朱古力🍫（推薦指數:😋😋😋😋😋)好濃味！值得飲.每個dinner set最後仲要送埋雪糕🍦都真係實在太抵食！太抵食！

很少到粉嶺覓食，隨意找一間餐廳醫肚，食物份量、味道尚可（可惜餐湯凍的），但服務態度就一般了，同行朋友覺得服務員落單時態度差，全程進食期間，服務員說話嬉戲非常嘈吵，應該沒有下次了😥😥😥

<<Daily 豬仔為食記🐖>> 有時午餐想同男朋友撐吓枱腳，就會近近地喺聯和墟嗰間Cafe Tiffany度食返個西式午餐，嗰度嘅午餐真係幾抵食！而且環境唔錯，幾企理，所以啱晒我哋兩個人，假期嘅時候食返個靚午餐🥰因為聽講佢晚餐好似就會比較貴少少，但我哋平時食午餐呢，其實都幾抵食㗎，基本上一個餐都係$60有找，而且包湯同埋包嘢飲，有時仲會送個餐包俾我哋！而且食物種類都算幾多，你可以揀扒餐或者揀意粉，飯，又或者揀焗飯，同埋咖喱飯等等。如果唔想食咁飽，佢仲有啲茶餐可以揀！嗰啲就直情$40左右就食到餐！🤣🤪自己就幾推薦佢個咖喱魚柳飯，因為佢個咖喱醬做得唔錯，有少少馬拉風味，唔係偏甜，香草味亦都唔係太重，不過咖喱真係幾香，濃味！用嚟撈飯一流！🤟🏼加上裏面仲會加咗啲炸薯角喺入邊，所以食落感覺有好香薯仔味，同埋啲魚柳炸得好脆，有時外賣打包返屋企佢個都仲係脆口！多數叫個餐我哋就叫個紅湯—羅宋湯，每次飲呢個湯都好滿足，因為裏面嘅料都幾多！仲有個番茄湯都幾濃郁，所以每次覺得飲完，都覺得好開胃；而佢嘅飲品呢同一般茶餐廳都係差唔多，再加上佢用鐵杯裝啲凍飲，飲落去特別涼快😋😝最

今日行山，約咗山友在粉嶺吃過靚午餐才出發，山友話Cafe de Tiffany 抵食又好食，所以就去試試！Cafe De Tiffany 在粉嶺聯和墟聯發街26號地鋪。Tiffany 裝修一般，但也很舒適和座位都算寬躺，亦可選擇坐店外☺️午市套餐價格$48～$52 亦可選擇午市鐡板套價亦只係$77～$98 不設加一！價格合理！吉列魚柳配薯條沙律🥗他他汁....份量十足🙈以$52有湯有飲品和加埋條吉列魚的份量⋯⋯抵👍🏻吉列魚不只呎吋大而且厚肉，炸粉剛剛好😗😗 吉列豬扒配薯條沙律亦一樣正和抵👍🏻脆皮雞扒太陽蛋飯（除了太陽蛋，還可以選煙肉，迷你漢堡扒，火腿等）雞扒大件不用説，皮脆肉夠嫩😋$48抵

中午時分落起大雨☔️，見唔係藍食餐廳就入左去先。餐廳座位都幾寬闊，因為限聚令而間起既隔板都無阻活動。我地一行二人都叫左扒餐🥩既Set Lunch，連餐湯同飲品都係$48+凍飲$2🍹，可以揀飯/意粉/薯菜，仲可以揀個配菜（煙肉/太陽蛋/火腿/漢堡扒/法蘭克福腸需+$2）同汁醬。雞扒配漢堡扒．薯菜．黑椒汁．白湯雞扒🐔外表睇落煎得岩岩好，食落就好乾好鞋，而且雪味好重連少少雞味都無😿。而佢個黑椒汁就偏深色，黑椒味都好重，但帶少少酸味。最抵讃就係個薯條🍟，雖然唔係熱既，不過保持到香脆口感，唔錯喔。至於白湯就係一般貨色，不過不失。牛舌配太陽蛋．薯菜．黑椒汁．紅湯朋友就話牛舌🐮👅味道可以接受，但期望唔好太高。整體黎講，如果你想係中午時間搵個價錢合宜既扒餐，我覺得可以一試，另外都有鐵板餐﹑意粉🍝﹑咖哩🥘同其他焗飯麵選擇。但要求高既話，就未必合格。

由於食物差，冇影相！1) 肉眼扒：5成熟將近全熟。肥膏佔7成，肉質差，冇肉味。2) 黑松露野菌忌廉意粉：好似切左一整個洋蔥鋪係面。意粉乾身以及油，野菌欠缺鮮味。2) 雪糕係雪米糍fyi3) 員工處理餐具時好似發脾氣用力咁掉係廚房，成個場都係bingbing bangbang.員工高談闊論閒談中提及打飛機字詞，無論態度、抑或個人行為似乎忽略在場客人。餐廳環境整體尚算不錯，平民餐廳唔會祈求有上乘食材。但係當欠缺誠意時，就算你有好既環境，都補救唔到有既缺點。有誠意既餐廳，再普通既食材都可以煮出一道好既料理。

不求質素，可選這間位置有點偏僻，近教堂。星期六晚7點生日飯好在book位，因為多人食5人叫了兩個二人餐，好飽羅宋湯足料，但偏甜沙律有驚喜，有雞肉，沙律份量大餐包翻熱，太正牛扒無5成熟，味道和大家樂無分別，但大份豬肋骨唔錯比目魚好味幸好單叫餐，雜扒是漏單，因為太飽

尋日中午完更後又去tiffany食。呢個午餐係我至愛。雞皮煎得好脆，加埋個瑞士汁，真係好正。加兩蚊有條香腸，咁就滿50蚊，可以蓋個印仔儲分，儲夠九個印仔，tiffany就喺第十次嗰餐減50蚊，一個月內要儲到先有呢個優惠，我都儲緊。

喺聯和墟送外賣，成日會送到tiffany嘅餐，上個月開始試一次就愛上，真係幾香幾抵食，尤其是佢個下午茶，我次次都叫焗豬扒飯，40蚊，又大又香又唔貴。我試過出深水埗食下午茶嘅焗豬，貴6蚊，豬扒仲要細塊啲，即刻想返聯和墟幫襯tiffany。另外，職員幾nice，幾親切。