Cafe de Tiffany (已結業)

今日過尼試呢間餐廳，少有既粉嶺扒餐廳。入到去，有得揀意粉或者肉類。於是我哋嗌咗一個牛脷蕃茄意粉同埋牛肉鋸扒。前菜方面，正常都會有餐包同埋湯。佢呢個餐包就特別啲嘅黑糖麵包，蕃茄湯都濃味。飲品方面嗌左凍檸茶。牛脷焗肉醬意粉，牛脷都好大件同埋俾咗好多我哋，差唔多成隻碟咁多，鋪喺面，咁都幾豐富。面嘅硬度適中都唔會話泰林，牛脷啱啱好質感。蕃茄醬方面夠味，唔錯。牛樓鐵板，洋蔥可以煮熟多少少，不過鍾意食生洋蔥嘅話就會好鍾意，塊牛樓都唔會太細，同埋好口肉，虎蝦大概一隻手指咁大隻，薯條份量都多。肉質唔錯，而且蝦用鐵板上嘅感覺，好似烤完嘅蝦咁樣，整體來講好飽肚。價錢比較平民價始終係喺粉嶺但係嘢食來講都算唔錯其實值得一試

同朋友兩個人唔係好肚餓，又想食西餐飲杯野傾下計！我哋兩個人叫咗一個餐，法國鵝肝七打牛柳，加咗煙三文魚沙律。套餐配埋餐包、湯、飲品！飲品我哋飲咗熱檸檬柚子蜜同埋凍檸茶。首先嚟咗餐包同埋忌廉湯，餐包有驚喜，暖暖地有黑糖嘅味道！忌廉湯正常味道。之後嚟咗三文魚沙律，雖然套餐只係加$28，但係一啲都唔細份！沙律菜份量好多，好清爽健康。煙三文魚卷成一朵花嘅形狀，賣相好吸引。鵝肝牛柳配白飯，鐵板上。鵝肝牛柳底下仲配左薯菜！牛柳既大小合適，牛味重，肉質非常軟，七成熟，中間仲係粉紅。鵝肝可以再煎香少少，不過都好好好味！我哋去嘅時候都算多人，幾乎滿座，咁啱安排坐到卡位，非常寬敞及舒適。食完埋單，經理都會主動問啲嘢好唔好食，歡迎我哋多啲去幫襯！整體來講，呢間餐廳價錢相當合理，份量相當足夠，味道中上有驚喜，絕對係可以再食之選。

早幾個月前 佢哋做過疫情自取外賣晚餐約50-60/set 包黑糖包，湯，主菜，熱飲食過 CP值高👍🏻 今日就試吓堂食佢有個二人餐 $248 但我無選擇 因為叫兩個扒餐配菜得薯條俾你揀我一定食唔曬 同埋想有飯落肚最後叫咗 紐西蘭肉眼扒 + 茄汁焗芝士豬扒飯聯和墟食扒嘅餐廳 有兩間另一間已經好老字號 但上次去食 個餐包係凍😐😐這間個黑糖包 真係要讚一讚個包係暖暖地 黑糖味仲要好重個羅宋湯我好鍾意飲 因為特別酸 竟然係個焗飯嚟先上枱個樣子已經唔討好因為焗得唔夠耐豬扒唔係成塊上 切埋比你 ok ge~豬扒幾好食 好食過牛扒雖然見到有雞蛋但好肯定唔係炒飯底只係將啲炒蛋整碎咗 放上面個肉眼扒鐵板 我’不’起咗啲薯條唔想諗汁上去 搞到啲薯條冧晒食咗半份牛扒 我老公牙力都好夠佢同我講 勁煙韌😆😆我食咗一嚿仔 韌到 我𡁻咗好耐另外一半嘅肉 比較細嘅右邊出奇地又好鬆軟😅CP值。。唔高只會覺得呢度係抵食 但唔係好食平日嘅疫情自取外賣晚餐 希望佢做緊

細細個去食鐵板牛扒餐🍽最期待莫過於當汁倒上牛扒🥩鐵板發岀「SA」又好大煙♨️今次更有驚喜係仲有火焰效果🔥#小胖遊粉嶺🐠 —————————————————鐵板二人晚餐 (餐湯+主菜+茶或咖啡+雪米糍) $248.🔹火焰七打牛柳🔥(黑椒汁)上菜之前，店員先來過火焰儀式，充滿動感之餘，完全感受到牛柳肉汁完美被鎖住💦食落亦牛肉味濃郁，同時幼嫩彈滑，絕對不能停下來🤤 (原諒小編反應唔切照相😂只補捉到少少火焰🔥） .🔹紐西蘭肉眼扒 (走汁) 🥩肉眼更充滿油脂嘅香氣，5成熟火喉剛剛好，每一啖都充滿質感，粉嫩肉質令人食不漏口，好易切同咬開，同牛柳比較各有千秋🤓.🔹配菜👉🏻以上套餐配有薯條🍟、洋蔥🧅同粟米粒🌽.薯條比一般餐廳更長，味道亦不錯🔹前菜 ▪️黑糖餐包🍞黑糖包又是一大亮點，軟綿再加黑糖加持，有種想不停食的感覺，配合香純牛油更陪添滿足感☺️▪️羅宋湯🥣中規中矩😂無乜特別，不過幾多料(有西芹、紅蘿蔔🥕同薯仔🥔).🐮3種常見牛部位小知識📚🔸牛柳肉質軟嫩多汁，係最幼嫩部位🔸西冷牛味濃，但脂肪比例低而相對韌，較有咬口🔸肉眼肉質相對結實，有豐富油花而更香口(同時肥啲🤣）.💡另加$10仲有白飯/意粉😆———————

精選鐵板晚餐🥩$298-🍞羅宋湯、忌廉湯配黑糖麵包羅宋湯酸酸辣辣，入面有豐富蔬菜🥬，番茄味香濃🍅；忌廉湯偏稀少少，但好creamy入面都有蘑菇片🍄黑糖麵包軟綿綿、熱辣辣，一撕開抹上秒速融化嘅牛油🧈🔥🥗煙三文魚沙律$38煙三文魚面頭嘅底下有椰菜、生菜🥬、沙律菜🥗，sauce方面用上凱撒醬，配上麵包糠🍞脆卜卜幾有口感👍🏻🐮火焰七打牛柳叫左5️⃣成熟嘅牛柳，肉質勁厚，切開軟綿綿仲有血水mix埋肉汁滲出黎🥰口感比較鬆軟，鐵板一上碟嘅時候嘅蒜蓉汁炸一聲咁啲蒸汽湧上黎🌪記得一定要叫生蒜🧄配菜方面有粟米🌽，洋蔥絲🧅同薯條🍟。🥩紐西蘭肉眼扒叫左5️⃣成熟嘅肉眼扒，勁勁勁大塊，肉汁比牛柳硬身少少無咁軟稔，但呢個size真係好誇張👍🏻今次呢個叫左燒汁，同樣都係鐵板上淋汁炸一聲😍打卡必備！配菜方面同樣都係有粟米粒🌽，洋蔥絲🧅同薯條🍟。🍦雪糕糯米糍雪糕糯米糍係雲尼拿味🥰

難得嚟到大西北食飯，今次周圍探索發掘咗一間環境幾chill嘅cafe，見價錢相宜就入去坐低試吓，整體感覺唔錯！馬來咖哩牛脷飯($78)🐄👅前菜係好特別嘅黑糖餐包，甜甜地有啲煙韌，沾餐湯食落唔會太濟~牛脷份量超足！咖喱有椰香味而且唔辣，牛脷嘅熟度烹煮得啱啱好，唔洗擔心會太硬好難咬🙈紐西蘭羊架(3支骨) ($148)🐑摯愛羊架！3支骨都好大份，叫咗五成熟，熱辣辣嘅鐵板配上黑椒汁嘅羊肉肉質細嫩有咬口又唔會太淋，最後以兩杯熱奶茶作結，係好舒適嘅晚餐體驗🥰

最近有朋友搬咗去粉嶺新居🤗 house warming 之後就過咗黎呢道食鐵板扒～餐廳好特別～俾到我好有童年回憶啊！ 我地叫左個 2 人套餐～ $248 已經包左餐湯 、餐包、主菜、飲品同雪糕～ 絕對係超級抵食😋🥖餐包、餐湯餐包一食落去有驚喜喎☺️ 係黑糖包黎～ 估唔到小店都拍得住某大型餐廳喎🥰 餐湯可以擇忌廉或者羅宋湯☺️ 都幾濃～係細細個扒房會飲到嘅味道😆🍴紐西蘭肉眼扒朋友介紹～ 餐廳有一個特色～係可以免費加生蒜🥰 未試過嘅朋友真係要試試呀🤩 成個味道立即提升左呀～ 薯條係細細個扒房嘅薯條😄 好懷念呀～ 🍴火焰燒豬肋骨俾呢個價錢～仲可以睇到火焰表演😆 好超值呀～ 岩哂喜歡打卡嘅朋友呀😬 講番味道～ 豬肋骨配美式BBQ 醬味道好夾呀～ 而且份量好大呀～ 原本諗住再加配一個意粉🤗但食完豬肋骨同薯菜之後～為食妹真係已經好滿足啦🤓🍴菠蘿椰子雪糕杯呢個椰子菠蘿雪糕味道好特別呀🤩 好重椰子味～但又唔會太甜🤗 份量岩岩好😉 成餐飯都好滿足呀👏🏻餐廳雖然位置唔係正市中心～ 但係坐得好舒服～又有小情調☺️絕對係CP極高又岩哂鍾意食肉嘅朋友呀❤️

朋友住粉嶺，特登入黎同佢食飯。 行到冇野行，忽然想鋸港式扒，朋友話附近有間餐廳佢都未試過就一齊去試下。 咁兩個人就叫左個二人餐，$248，包餐包、湯、飲品同甜品雪糕。 我就叫左個火焰七打牛柳，朋友就叫左個紐西蘭肉眼扒。 好快黑糖麵包同紅湯先到，一上黑糖麵包，陣黑糖味勁出，超級香甜。而食落口就好有麥味，最後就有少少的黑糖味。算係幾好食。而紅湯就正正常常，辣辣地幾開胃。 之後就上個扒啦。叫扒個陣因為有啲肚餓，見本身跟餐係配薯條，但唔係好想食薯條，見到「配」意粉要加$10， 咁都照加啦。不過姐姐好細心提番我地，意粉其實係「另加」，而唔係「轉配」，而扒本身都大塊，可以食完再決定。因為我地就採納左姐姐的建議，冇另加意粉啦。 塊扒一上，我地即刻舉起相機，因為個「火焰」真係好吸精！！！個火噴到勁高，好彩係侍應哥哥拎住淋，放枱面燒親都似🤣🤣🤣 「嘩」完之後就試下個牛啦，叫左5成熟。個人覺得牛柳俾肉眼更好食。因為肉質更腍，牛肉味更濃，而且牛柳比較厚身，師傅容易啲燒到少少脆邊，比較香口。除此之外，因為個火焰效果，所以牛柳亦都有酒香。以港式扒黎講整體水準都高👍👍 最後食完仲有飯後甜品，餐牌本身寫雪糕，不過個

成塊板咁大嘅肉眼扒🍽高質鐵板二人餐☺️📍Cafe de Tiffany (粉嶺) 粉嶺聯和墟聯發街26號地舖鐵板二人晚餐 $248 套餐包括✅任選兩款扒類 （自選醬汁）✅羅宋湯/忌廉湯配黑糖餐包✅薯條 (飯丶意粉份另外加$10）✅咖啡/茶✅甜品（雪米糍）淨係睇呢個價錢包咁多嘢已經好超值啦！😋我哋叫咗羅宋湯同忌廉湯，兩款都好好飲，我更加鍾意羅宋湯，因為好多蔬菜☺️材料好豐富！有種酸酸辣辣嘅味道，好開胃！黑糖麵包🥯都好有驚喜，黑糖味好重😍🍖火焰七打牛柳 （蒜蓉汁）賣相好吸引，牛柳雖然唔係好大塊，但係好厚，食到啖啖肉🤩最欣賞係全個部份都會食到，唔會有肥膏好韌嘅地方！肉質好有彈性，牛肉味都好重，加上舖頭特製嘅蒜蓉汁，感覺更加香口😍紐西蘭肉眼扒 （燒汁）同標題一樣，肉眼扒成塊板咁大，好誇張😆size好驚人，比外間一般嘅扒房食到更大😋肉味好濃郁，好粉嫩又好厚身，同埋七成熟都做得好好！！佢每個餐都會配薯條🍟，份量都好多，仲有粟米同洋蔥做配菜👍🏻等你食咁多肉嘅時候都唔會好肥膩，值得一讚！我覺得佢嘅薯條雖然放咗喺底，但係唔會係一坺嘢咁，口感幾好，配上醬汁好好食！！呢個價錢仲包餐飲，凍飲嘅話加兩蚊～差唔多食完

泥到聯和墟港式扒房食晚餐.鐵板2人餐 $248 (for 2)✴️火焰七打牛柳配蒜蓉汁泥到既時候會加啲高濃度酒精點火好有視覺效果😆😆鐵板熱辣辣上枱！最鐘意落汁既時候鐵板個啲咋咋聲個底有洋蔥🧅所以塊扒同薯條吾會好快就濃左味道方面極力推薦要加生蒜🧄惹味😋份量十足👍🏻食得好過癮.✴️紐西蘭肉眼扒配燒汁以為牛柳已經好大塊，呢個肉眼上菜時真係嘩一聲😆男士食完都要抱住個肚走適合大胃王😏🙌🏻好夠淋吾會咬極都咬吾完加埋下面既薯條真係100分滿足.✔️ 環境舒服😌吾會坐到好密有sofa位，餐廳播住英文情歌適合情侶或者三五知己靜靜地食晚餐.鐵板2人餐/1人餐包晒餐湯+包+餐飲同甜品（2粒雪米滋）羅宋湯微辣好開胃足料👍🏻加埋一都吾洗$140一個人呢個價錢呢個份量呢個質素真係無得輸🙆🏻‍♀️住呢區/去開呢頭真係要去試下❤️

呢間餐廳位置比較隱蔽，通常唔起眼既小店都係令人好有驚喜🥳主力做鐵板餐既呢間餐廳食物好高質素呀！我地叫左個$248二人鐵板套餐！上菜前有餐湯同埋黑糖包！通常餐廳既餐包都係比普通包，而呢間係配黑糖包，正呀😆熱飲唔洗加錢，凍飲只需加$2，叫左杯凍檸茶同熱檸茶，味道正常👍🏼食到最後，仲會貼心送上糯米糍😋🥣羅宋湯味道非常香甜濃郁，好足料呀。唔似一般罐頭湯淡而無味！🥖黑糖包個包非常軟熟，上檯時亦係熱既，帶有淡淡既黑糖味，配埋牛油好好味🥩紐世蘭肉眼扒落單時可以揀選塊牛幾多成熟。我就揀左5成熟配黑椒汁。塊牛又厚又大塊😋但筋既部位唔多，所以每一啖都充滿油脂同香濃既肉汁，肉質鮮嫩😍另外仲有薯條同🐤火焰燒春雞上檯前，隻雞真係會係你面前on fire架🔥雞既肉質同樣係非常嫩滑，燒得好香，配上蒜蓉汁令燒雞變得更惹味，令到味道昇華。加$10仲可配埋意粉，食得好滿足💛

好耐冇据扒啦！今日即興同老婆去聯和墟的Cafe de Tiffany 据扒。餐牌有馬來咖喱套餐、小食、意粉、焗飯，鐵板晚餐，除了單點，另外有鐵板二人晚餐，只係$248，真心抵食，而且份量夠大份鐵板二人晚餐有餐包、忌廉湯、選兩款扒、雪糕、飲品。黑糖包&忌廉湯黑糖包味突出，食落啖啖黑糖味。歐陸式雜扒配蒜茸汁有牛扒、豬扒、雞扒、火腿、煙肉、法蘭克福腸，好有驚喜份量好大份，D扒好厚身，豬肉軟腍入味，而雞扒亦好嫩滑，底下亦大量薯條和粟米，薯條要未淋汁個陣食先會脆。紐西蘭肉眼扒配燒汁嘩，份扒仲大個隻手，而且仲要好厚身，肉眼扒點了5成熟，煎得剛剛好，不會柴口，而且還保留到肉汁，食完成個餐真係好飽檸檬茶&咖啡&雪糕

人生第一次寫食評，見Fooodpanda有折扣，早餐叫了雞扒，賣相已很差，吃了一啖，非常重雪味和喊，一定係昨晚剩貨返熱！做生意咁做，真係當客是傻仔！早知食麵好過，見openrice咁多好評，食過一次，永不回頭!

今日同同事出左粉嶺做野放工之後就直接係附近搵餐廳聯發街都有幾間餐廳不過我地就比扒餐吸引左所以就入左去呢間西式餐廳cafe de tiffany呢間餐飯主打平民價錢鐵板扒餐因為菜單選擇都幾多我同同事都唔想諗太多所以就簡左二人鐵板晚餐鐵板二人晚餐 $248任選兩款扒餐 包黑糖餐包、忌廉湯/羅宋湯 x 2、雪糕 飲品✅火焰七打牛柳 配薯條 （七成熟）好精彩 可以睇到火燒牛柳表演🥺望住塊肉由五成熟幾左七成熟🤩牛柳肉汁鮮嫩 爽口彈牙用火燒完之後 有小小既焦炭味道 好香脆✅紐西蘭肉眼扒 配薯條 （七成熟）我簡左配洋蔥汁 有好濃烈既洋蔥味道肉眼扒份量十足 有成個碟咁大塊而且每一舊都冇肥膏 真係好抵食 😋😋 飲品：🍹凍奶茶 +$2 🍹凍朱古力 +$2 仲有2粒雪米糍做甜品 清下飽肚感覺抵食指數：8.5/10

今日去咗聯和墟一間叫Cafe de Tiffany餐廳食晚餐，呢度晚餐有意粉焗飯，鐵板餐選擇，我哋點咗個鐵板2人晚餐 $248；火焰七打牛柳 + 厚切牛脷扒。▪️餐湯有羅宋湯/忌廉湯選擇，餐包就用黑糖餐包，配埋牛油，點羅宋湯食就特別好味。▪️火焰七打牛柳 店員送來時會在你面前點火，視覺效果一流，牛柳都係厚切，雖然係厚切但咬落口都好腍，仲好juicy 。▪️厚切牛脷扒 牛脷扒好都足料，真係名付其實嘅厚切，牛脷仲有5大舊㗎。牛脷扒入口好腍，我平時少食，配上黑椒汁又幾好食喎。▪️飲品點了一杯凍檸茶，熱檸茶。另外加 $12可選擇特飲，黑牛、雪糕柯華田、雪糕朱古力。最後店員仲送咗兩粒雪米糍(麻糬冰淇淋)。