Cafe Addict (已結業)

行去佐敦見到有一間新開嘅餐廳，入面啲座位都坐得幾舒服，一入到去亦都有高級嘅感覺呢一間餐廳除咗有一般嘅咖啡飲品之外，呢度亦都有一啲酒精類嘅飲品，亦都睇得出佢哋有用心咁調酒，味道一啲都唔輸專門飲酒嘅餐廳！呢度嘅All day breakfast 同出面嗰啲有啲分別，除咗有蘑菇同沙律菜之外，亦都有差唔多一隻手咁大嘅玉子燒、南瓜薯餅同香草豬肉腸，而且有我最鍾意嘅酸種麵包添！一個人食絕對夠晒飽，玉子燒味道唔錯亦都好厚實，味道唔會好甜。而酸種麵包配埋豬肉腸同蘑菇嚟食，非常之夾！而我最欣賞呢間餐廳嘅地方，就係有呢一個唔需要做選擇嘅飯後甜品啦🤣一次過可以試晒三款撻，雖然佢嘅形狀比較迷你，但係入面嘅功夫一啲都唔少！個人覺得佢烏龍茶草莓撻最有驚喜，烏龍茶嘅味好香好出，草莓味亦都唔會好㗎好甜。

天氣陰陰地就想搵朋友食飯， 路過佐敦發覺開咗間新嘅coffee shop我哋就膽粗粗咁入去試下啦， 入到去幫住日式嘅音樂，有啲西日式嘅裝修仲有餐廳店員係度調酒我哋坐低咗叫咗個all day breakfast，一黎又想食酸種麵包 2黎想試下唔同嘅嘢， All day breakfast啱啱好入面咩都有 仲有玉子燒喺入面添， 一上菜估唔到嘅玉子燒有手板咁長，仲有香草腸同麵包份量都好多。全部嘢食落去都唔係好油膩仲好 fresh。之後我哋仲嗌咗個無麩質麻花麵配雜菌黑松露牛肝菌汁。第一次食無麩質嘅意粉， 食落去質感好實在唔似意粉禁滑，始終入面有大量穀物喺度， 而個雜菌牛肝菌汁味道好香濃， 但係個汁又唔會蓋過咗啲磨菇嘅味道呢間餐廳都係可以即刻推介同其他朋友一齊嚟，希望下次會keep住水準仲想嚟都幾次

去咗間新去靚靚Cafe，走嘅應該係型格風，入面嘅光線比較暗，傾偈都幾舒服。餐廳採用開放式廚房，有塊玻璃可以睇到職員煮嘢食🤭值得一提，cafe磨豆機同咖啡機好靚~玉子燒全日早餐 $128玉子燒就係佢哋嘅精粹，我睇住職員即落單即做，好新鮮😊而且見到佢好專注咁樣整。玉子燒整得好厚身，孰度剛剛好，唔會鞋。腸仔好大件，切開有成十件，同時配有好多雜菇、沙律菜。✨南瓜薯餅好好食，外層脆口，內裡全部都係南瓜蓉，香香甜甜。另外有兩塊酸種麵包~配料豐富5 Cm Mini cake set $68配一件迷你撻同嘢飲，去得Cafe一定要試吓佢哋嘅咖啡~叫咗杯latte，咖啡正常發揮，拉花都唔錯。今日嘅tart有藍莓、熱情果朱古力同草莓烏龍茶，試咗熱情果朱古力🤭賣相好靚，滑溜朱古力慕絲，底層有熱情果果醬，酸酸甜甜。Red Oat milkshake $58有士多啤梨、藍莓、火龍果，仲有乳酪成份。

Weekend都係想同friend食下brunch。間餐廳新開，望落都OK。來早咗，入邊仲有導演拍緊宣傳片？主打少少日式風格嘅all day breakfast, 塊南瓜餅同玉子燒味道不錯（唔記得左影相），milk shake反而比想像中好味D，yellow milk shake芒果+香蕉味好明顯，比較滑口。整體環境同服務都唔錯（本人比較睇重廁所係唔係乾淨）。唯一可惜嘅係想食嘅開心果mini cake賣晒，下次先試囉。

近日在佐敦路過一間新開店鋪，適逢新將期內午市85折，即管一試。.整體食物質素okay，味道未算特出。玉子燒all day breakfast玉子燒的蛋一般，最好味係炸蕃薯餅。至於羅勒醬雞胸長通粉略嫌多油，雞肉質地沒有彈性，不知怎的口感有點像魚😅雖然食物一般，但服務態度值得一讚。咖啡似乎是一大賣點，有許多款式，亦展示出不同國家的咖啡豆展，但由於今天不想喝咖啡所以沒有點。.🍳 玉子燒早餐 $128🥫 羅勒醬雞胸長通粉 $118

週末新嘗試，約左好耐沒見嘅朋友到尖沙咀行街，經過這間coffee shop，大門係落地玻璃，可以看到裡面，open kitchen，望落幾新淨，決定入去試下吃個brunchall day breakfast同意粉都幾好味，最鍾意意粉嘅煎帶子，煎得好juicy；all day breakfast 一般都係薯餅，但係這個係南瓜餅，甜甜哋，係我鍾意嘅味道咖啡味道都不錯，拉花拉得好靚，這間coffee shop有好多咖啡選擇，店員有推薦一款whisky 味道嘅咖啡，下次可以再來試下

間野幾得意，出面好busy，入面就好寧靜，幾舒服。叫左個玉子燒all-day, 帆立貝明太子長通粉。。。起初覺得all-day 隻蛋梗係要濕濕地果隻炒蛋或者Benedict啦，玩乜鬼玉子燒。。。但一食落又有驚喜，好滑個玉子燒。薯餅係蕃薯餅，我就麻麻地呢d咁健康既。。。另外個帆立貝通粉又係驚喜，一擺上黎我心諗，”下？刺生帆立貝配 長通粉？😅”，原來係一面生一面熟，非常好食。個長通粉又係好食，唔係好水果d汁，一路食一路諗有陣我好鍾意既味掛左喺d意粉上面係咩味呢。。。。望一望先醒起道菜係帆立貝明太子😂，明太子味拿捏得好好咖啡就明顯係堅料，但我同太太都唔係特別識飲咖啡，就唔評咁多了

第一日寫評論，就去咗呢間，cake雖然細但係質素不錯，唔會太甜。影出嚟幾靚，可惜唔記得影coffee ,手沖咖啡同埋一杯叫殼雨，味道很不錯，估唔到，性價比極高，應該會再嚟❤️，仲有員工超級有禮貌🥰

一入門口，已經有好濃郁嘅咖啡香味☕️餐廳好新淨又有特色😀睇得出班後生仔女好用心做每一杯咖啡同埋嘢食。嗌左杯有氣咖啡， 十分有驚喜😆原來Tonic water 加espresso ，個泡沫係會咁綿滑。咖啡師對Tonic water 嘅選取都好有要求，不過唔記得影相😩然後嗌咗碟明太子雞翼，三件做下午茶啱啱好🤭絕對係下午茶或happy hour嘅好去處，下次嚟一定會試埋其他嘢食同埋佢嘅Cocktail🍸(小驚喜去洗手間，好乾淨企理，完全估唔到）

放左工，諗住搵個地方法坐下，最後入左間 Cafe Addict，休息下。平時我都唔留食評，但今次依間cafe 比我體驗如同酒店 service, 所以忍唔住要點個讚 支持下. Waitress 都好 nice, 舒緩既環境.. 食野飲野集於一身 cafe+ cocktail+ crafted beer, 輕鬆舒暢食左個all day breakfast, 然後試埋個手工啤，食物好食 , 手工啤 都特別，有4個口味, menu 仲有 cocktail ... 可惜我一個口有限，食唔到咁多野.... 下次再來食過, 再約朋友過來聚下

開左店10日嘅cafe今日係第11日(首先多謝我之前認識個位barista介紹)Menu有好多選擇，頭兩頁係飲品，咖啡或茶嘅類別，後面有食物，最後仲有唔少酒選擇可於店員安排入座後，先至出去櫃檯order食物或飲品，暫時收現金或credit card，八達通，微訊支付或payme等電子支付未有今次先試個mini cake and drink setToday's choice :粟子撻 / 檸檬撻 / 榛子朱古力撻我就揀左個粟子撻，上面仲有金箔 @_@同埋有粟子粒，店員已經講明係大約5cm嘅cake，真係幾mini😅咖啡就當然揀番飲開嘅flat white，飲落帶有微酸，啱晒我店舖呈長型，有9張枱（應該冇數錯吧）整間店舖以黑色為基調幾鍾意佢個open kitchen設計可能仲係新開，唔太多人，店內同時播放一D幾柔和嘅音樂，令人relax。另一方面，店內有個自助餐具區，可以比客人自行提取更多餐具，同埋可以自己斟水下次試下佢其他野 ~P.S. 值得一讚嘅係店員服務態度好好

今日巧遇店舖拍攝照片, 雖然我沒有喝店內的紅綠燈(三款燕麥奶昔~有枝豆!!!),但偷偷拍了照。單拖去幫襯, 食左個雞全翼, 好入味😈自己落左D七味粉, 好彩有菜底清一清我口腔😆沒喝酒有點遺憾~今次只喝了手沖咖啡, 員工告訴我D咖啡卡剛剛印好! 我看來是幸運吧!😆喝了杯熱的手沖咖啡(這裡好像沒有凍🙈)見到本地設計的Dripper, 叫了一杯洪都拉斯, 少見的低温些利酒處理手法, 薄薄的酒感有些特別, 還有2隻不同款的細杯, 咖啡師沖完攞出尼放低有講解, 說濶口窄口的理論😆已經忘了, 下次再聽！

前幾日同朋友行過佐敦，見倒有間新開coffee shop, 裝修幾靚，似酒巴又似coffee shop, 跟手俾staff 說左兩下就入左去試試。試左個all day breakfast, 賣相好靚，味道唔錯，南瓜餅幾好食，份量都夠，食唔哂塊麵包，整體都好食。再叫左份雞翼，炸得都幾香。飲品方面，咁岩個日朝早飲左兩杯coffee, 想飲其他野, 而正值happy hour, 叫左幾杯cocktails, 幾有驚喜，gin tonic 做得唔錯。整體來就，新店來講算幾好！唯獨是冷氣有點冷，可以調低一點。