Cafe 308 (已結業)

今日一支公經過上水.差唔多12點仲未食早餐..見到依間cafe個外觀幾靚就入左去食我個brunch喇..我叫左個lunch set:芝士肉醬焗粉皮,煙肉粟米忌廉湯.少冰凍奶茶同我落單個戴眼妹妹.好可愛.我叫凍奶茶少冰.佢覆call我聽到佢講凍檸茶少冰..haha..不過算啦.好彩落到枱無錯.依個妹妹都幾有禮貌同笑容..入正題,一坐低斟左杯暖水我我,好窩心.因為其他既西餐廳都係凍水..餐包:微暖.但略為硬身.餐湯:有誠意.相比其他連鎖式西餐係最有心機.主菜:賣相及味道都幾多.芝士剛剛好..配忌廉都唔會太膩.餐飲:有驚喜.好幼滑.茶.奶比例剛好,估唔到依到既凍奶茶好飲過出面d茶餐廳..haha. 總括黎講.食物方面,無論外觀或味道都食到誠意. 服務方面.都幾有禮貌.親切,但人手方面好似略為不夠.

一樣2人行set dinner...當天感冒中不過最後都破戒了。(罪過罪過)餐湯---雜菜羅未湯比我預期中good…因為一飲落去令我諗起n年前學院讀書時lunch通常幾個就去青衣城間扒王午餐。夠熱，少許黑椒香辣，蔬菜足，算係不馬虎。salad--蛋沙律比我預期中佳，起碼當初我仲諗到佢俾棵菜我撈沙律醬，沙律中亦撈有粟米粒及一隻車厘茄，我已覺得不算馬虎。^^set din--澳洲西冷set din88這係同行叫的，我食了一、兩舊，覺得比我上次”纜車”食的好，起碼不會過份軟綿像咬腸粉，咬落都有牛肉味。set din--燜牛尾$95基於最近感冒要戒口，咖喱、煎炸通通冇我份，結果5個set din中只剩餘這個我有緣問律。我覺得不俗，牛尾整得很稔，有點少肥又帶點滑嘟嘟的筋，陣陣酒香撲鼻。配菜食得出係新薯，我覺得整體不錯不算馬虎。餐飲--coffee我勁罕有要咖啡，比我預期中好，我仲諗住會係沖包即溶幾合一…但不是。溫度調較適中，沒用過熱的水令咖啡變酸。甜品--鮮果撻偏偏這個撻一食令我後悔冇叫甜品…因為這比我預期中好。果撻食出很有牛油香，沒有變稔即新鮮。雖然係配忌廉很平凡，不過食得出係whipping

已經唔知第幾次黎308 ...第一次黎都係因為媽咪想食沙律菜，偏偏上水區有沙律菜既下午茶...黎黎去去都只有pizza hut同 delifrance。308呢到d坐位幾闊落，有時帶埋妹妹黎放bb車都唔會太阻人。試過一次之後，每逄放假一定會同媽咪一齊黎呢到食下午茶。因為媽咪已經愛上呢到o既花茶同沙律菜。雖然仲未有機會試呢到既晚餐，不過下午茶的話一定係價廉物美，$27-40已經有一份夠女仔當正餐已份量。其實自己以前都係做西餐，係街食西餐已經有一定既要求，好彩308連下午茶o既賣相都非常精緻...味道都有90分，咁抵o既價錢可以食到色香味俱全既下午茶，真係值回票價。不得不提呢到位經理非常之好，因為黎幾次佢已經記得我飲乜...個次我真係呆一呆，我無記錯的話當時我只係見過佢3-4次，而且其他侍應既service都好nice，好有禮貌。

雖然成日捐窿捐隙搵好野食但係都好少係度寫食評通常都係做cd-rom多多多指教好~入正題經同事介紹，知道上水開左間新西餐所以就就同男友去試下啦環境唔錯，唔會覺得好迫夾(相機傻左~拉唔到D相出黎-0-唯有寫住文字版先)叫左兩個晚餐： - 羅宋湯正，多料、蔬菜新鮮、酸 / 辣度剛好 - 白湯好CREAMY，加左D麵包粒落去配埋，好鐘意>w< - Salad 新鮮，唔會太漏 ，但因小妹對Salad無乜大興趣，所以呢part沒太大感覺 - 主菜牛扒 熟度剛好、好有肉汁，沒有筋 有驚喜 - 大蝦意大利飯 蝦味鮮甜爽口 飯我只吃到很少(被男友吃光了) - 飲品叫了熱古古力 & 凍檸茶 ，穩陣野

同女朋友第一次食,感覺好失望.事發係咁,我8:00p.m坐底,第一次落單,個waiter話個套餐賣曬.第二次落另一個set dinner,個waiter又話賣曬.其實都已經灰灰地,間野貴得黎又乜都無我之後叫左個雞排套餐食,個雞排陣味感覺好怪,d肉好似唔新鮮,我比左女朋友試..佢都話好臭...咁我女朋友叫左個waitress換左另一個豬排餐比我,感覺同個雞排餐無咩分別...因為個豬排整到好硬我以為自己個味覺有問題,咁我就比我女朋友試下(其實都辛苦左佢),佢都話好似d湯渣咁硬...講真,我第一次食野食到咁受氣,又貴又難食又乜都無...服務其實一般,有個女待應服務幾好,好主動幫我換左個雞排餐

一行三人專程來試這新開的西餐廳, 晚上7時多人不算多. 餐廳環境幾清雅. Steak combo - 3.08cm厚切美國穀飼肉眼牛扒餐 $308-是餐廳的Signature, 一定要試下, 份量好大, 好似有成16oz, 我地share食, 再加$48 (多一客appetizer, 湯, 甜品&drink), 2人份量剛好. -田園沙律 – 新鮮-黑松露野菌湯 – 比較稠, 也吃到黑松露香味 (waiter幫我加黑椒碎, 如果可自己加更好)-肉眼扒 – 份量真的超大, 配菜也很豐富, 肉味很濃, 肉質是有嚼頭那種, 7成熟有少少juicy. 算是對得起價錢. (waiter 主動問我要唔要多d海盬, 因為件扒係無乜點調味, 只靠盬帶出鮮味. )-Strawberry 奶凍 – 一般-Coffee – ok Set Dinner – 香草燒大蝦野菌意大利飯 $98 -有appetizer, soup & drink-大蝦很爽, 有蝦味-意大利飯, 味道同口感也不錯, 不過可以多些芝士味更好. -羅宋湯, 味道很鮮, 很多菜. 好味總結：食物不錯, 侍應很有禮貌, 環境也算ok.

之前已經見到依間新餐廳好想去試下男朋友接我放工後就決定去依間cafe 308試下因為我好想飲蘿宋湯，男友去到問門外個男waitar有無蘿宋湯，男waitar 好搞笑...當然有...可以免費送多碗俾我搞到我好尷尬...我點了晚餐有蘿宋湯﹑雞蛋沙律﹑牛排雜菌燴飯﹑加5蚊轉意大利咖啡男朋友點了白湯﹑銀鱈魚配雜茶﹑熱朱古力蘿宋湯:酸味剛好，唔錯白湯: 覺我太cream ，但男友覺得唔錯，湯面有些麵包配上餐包，雖然唔太熱，但相當軟身這間餐廳特色一道一道菜送上雞蛋沙律，沙律醬份量剛好，男友唔食沙律醬也覺得好味我聽到waitar 跟廚房那邊講5號台食完SALAD可上主菜...唔錯我的薄牛排雜菌燴飯份量剛好....牛排唔硬，個汁仲有什菌一有驚喜個飯硬左少少但可以接受.銀鱈魚配薯仔 :份量較少，銀鱈魚很滑，唔錯熱朱古力:唔駛加錢意大利咖啡 :需加5蚊轉飲，奶較多

星期六放假~同媽咪食lunch~諗唔倒食乜~見呢間新開左幾日~所以去試下~因為想坐梳化位~等左十分鐘左右~坐卡位d位舒服好多~~夠闊落~Set lunch~$3x - $5x 都有~有湯有包有主菜有飲品~

今日同女友食左呢間. 因為係新開所以一試.野食一般啦...不過個湯幾特別有幾粒好似餅既野..整體有d似食緊麥皮 但係我都係鐘意原味果種 意大利飯就麻麻..真係係d 普通既餐廳係唔可以簡d高檔食物..會失望的...雞扒帶子OK!牛柳粒唔錯 唔太"un" 野飲冇咩特別 普通凍奶茶一杯