Cafe 1950歐陸餐廳 (已結業)

還記得前陣子去過一間位於美荷樓的冰室，以懷舊做裝飾，之前也去過不少這類型的餐廳，正如在下也曾說過，懷舊復刻的熱潮有伸延的蹟像。今晚相約了好幾位朋友，來到位於馬鞍山的 Cafe 1950 歐陸餐廳用膳，旨在可以聊天暢懷。其實在屋邨裡有歐陸餐廳，只是在近年來新興的事物。餐廳位於耀安村裡，在巴士總站旁，步行約一分便可到達。餐廳是走懷舊復刻的玩意，與在下之前去過的不相伯仲，有懷舊的氣息，如仿磚牆，還有木架，木架上放置了一些花奔和水壼，還有一個古舊的時鐘。另一邊廂卻擺放了一輛電單車，還有類似汔車零件，看起來也有懷舊的味道。餐牌上的食物，與屯門店的沒有太大分別，但是卻又多了農夫包，甜品等，還有沙律，千層麵和豬肋骨等等，似乎較屯門店多了一些食物吧。先來一個餐湯，是一客羅宋湯，這正正是在下的最愛，有著豐富的蔬菜，喝起來還是有著辛辣的味道，但是卻又沒有那酸甜味道。德國式咸豬手（一百一十八個大洋）今次再點來鹹豬手，豬手看起來似乎較上次在屯門店吃過的略為細小，鹹味也沒有上次的鹹，而皮燒得較硬，沒有那麼的鬆脆，肉質較為普通了一點。德國式啤酒焗雞（九十二個大洋）雞隻份量適中，足夠四五個人食用。啤酒用上了啤酒樽，

下午茶時間，座位充足，唔洗等位。落單後5分鐘內就黎齊哂「水牛城雞翼配碎蛋沙律」同「水蜜桃紅茶」。除左餐湯餐飲，其他一切都係凍既。隻雞翼到底攤左係廚房幾耐？水牛城雞翼大家食過既應該都知係辣既，而依個，就只有茄汁依附係雞翼上面，淡淡既茄味。個沙律更加慘不忍睹，少得可憐。成set 賣單HKD 28。坐左無3個字，侍應已經走埋黎以截單為由，叫我埋單先…… 身在「cafe」，卻不似cafe... 一切都好趕好趕……

平日好少去馬鞍山，呢次一黎就有新發現耀安邨嘛，看起來就是非常普通的公共屋邨，除了有點像迷宮（對我來說），其實就是充滿樸素Feel：即使商場是屬於某房地產公司，至少這裡還是感覺到一絲罕有的人情味，真是難得啊！然後一間 "格格不入"的餐廳就這樣入眼簾——說格格不入其實稍有不妥，畢竟聽起來有點貶義嘛。要仔細說的話，就是這間餐廳......好突出！非常明顯！單看外表已經極具特色，讓人懷疑自己到底有沒有瞬間轉移到其他地方，但是我怎樣左顧右盼還是身處耀安邨，總之簡直只單看外觀已經好感度Up啊裝著餐具的木盒子，配合了餐廳的氣氛與懷舊的裝飾顯得異常和諧；每張檯有一瓶水供客人自助飲用，非常方便～充滿著黑松露的意大利雲吞，每一口都能嚐到黑松露跟芝士的味道，而且它們分量配合妥當，沒有過濃或者過淡，亦不會被味道獨特的黑松露蓋過一切～我喜歡！推薦！千層麵，芝士頗足，微酸的蕃茄味道挺舒服～只是稍嫌麵身偏腍，不合喜歡嚼來嚼去的我忌廉很足，而且朱古力醬也有很多，讓食客一整個滿足，可以飽飽地幸福回家/w\

第一次食cafe1950，下午五點五十分門外已排哂隊拎定籌，六點開始侍應帶位，落單，上菜都好快手，15分鐘已經全部泥齊shocked餐廳內環境帶有點點美國懷舊色彩，如果二人檯的餐桌可以再大一點，和鄰桌隔離可遠一點就更好了。點了兩個晚餐，一個是鹹豬手，餐牌上已註明如非特別要求，不然全部切好方便食客。咸豬手皮夠脆肉夠嫩，沒有很咸的感覺，和男友兩個人分享份量剛好另一個是肉眼扒，肉味濃，可惜要求五成熟上菜變成七成熟，薯條都不熱而且無味。晚餐跟羅宋湯及飲品，沒啥特別。小食點了蜜糖芥末雞軟骨，味道不俗，可惜吃到最後一舊竟被我吃到一舊硬骨，嚇得我即時吐出來另點了釀蟹殼，味道不差但蟹殼超細，只有我手掌的四份之一的大小，一碟只有兩個小小解榖，頗為失望。看到鄰桌點了啤酒雞，size比想像中小得多，如果人多一點就不夠分了。總括而言，下次會再來，希望看到品質更進步吧。

紅酒燴牛尾和肥牛烏冬正！呢間餐廳食物質素不錯呢...入面有懷舊既擺設！令你感覺處身於英國50年代的懷舊餐廳一樣！ 西冷就麻麻地... 有點硬...但是還是可以去試哦...

我朋友係外國返黎，見馬鞍山開佐格餐廳，所以就帶佢去試下，叫佐兩個西冷扒，一個五成熟。一個七成熟。地方比較迫，用餐唔方便。撞手撞腳。西餐廳黎講又比較嘈吵。等佐10分鐘左右就有得食。首先講我朋友個個五成熟西冷扒配牛骨燒汁。但黎個陣又無講咩汁。餐具又唔夠，茄汁又要問先比，簡單講樣樣都要問返佢轉頭。好啦。味道方面。朋友話唔夠新鮮，勁多筋。而我個個七成熟西冷配黑椒汁。第一可唔係鐵板關係，似就咁煮熟加汁上面，所以唔夠入味。但黑椒汁夠濃味補救返。但都麻麻地。補充：朋友個牛骨燒汁比較淡口，所以味道完全唔入味，食落口無乜味道。仲有餐湯。紅湯。但我鍾意白湯多d...所以我以後都唔會再去呢間野⋯⋯每人消費$61。呢個價錢食物服務水準只能說麻麻。

估唔到歐陸菜都可以出到平價版！ 住在馬鞍山既我當然要嚟試下～餐廳裝修好有獨特風格， 可惜店小人多。 浪漫氣氛一掃而空。第一次嚟貪心地點了2個主食加什腸。 餐廳主食包湯同飲品。 老實講， 個餐湯（羅宋湯）真係唔得， 唯有當係送既唔飲就算。什腸有驚喜！ 煎到熱辣辣好juicy~ 而咸豬手點芥辣食都好好味但薯條淋左。 層皮都脆，但如果可以再脆啲會更好！燴飯就麻麻地，個人胃口唔太鐘意太重奶味既飯 … $100左右既價錢食到德國威豬手同德國腸真係好抵！ 個人好鐘意公共屋村入面搵到咁特別既餐廳而價錢大眾化！ 味道方面雖然有進步空間，但邊度可以同出面三四百蚊一餐既德國餐廳比～下次會再嚟食其它菜式～

馬鞍山新發現裝修有心思佈置，有製作的食物及價錢都好街坊，都可以再試。星期六晚七點等候時間超過一小時，可能燈飾太多不夠冷氣，滴住汗。食物方面都真的不錯，沙拉，啤酒雞（味道淡些，肉質沒太濃，但加上醬汁就可以了）牛䏏菌汁意大利雲吞，德國咸豬手-- 正。餐湯餐茶都有，共消費$328（不太清楚，因為唔喺我付）可以再試，要早點來排隊。

上星期已見到試業已經想試。襯星期六諗住食個Tea. 兩點到即刻攞位。好在門口人唔多。但發現下午茶係2:30pm先開始。等左約10分鍾已有位。算快了。室內裝修幾特別。有間電單車做裝飾。叫左紅酒燴牛尾飯&芝士魚柳撈烏冬。兩個餐都有餐湯及飲品。是日餐湯係雜菜湯。紅酒燴牛尾有點怪，食到咸咸地，似豉油不是紅酒牛尾應有的味道。芝士撈冬更差。芝士似白汁，烏冬有點酸。魚柳OK.雜菜湯酸，似是落了好多茄膏。最好的反而係杯即磨咖啡。不過可以更香。$88呢個價錢如果食物質素Ok,都唔算貴。可惜食物麻麻。差唔多食完發現隔離枱叫下午茶，價錢都係八十幾。咁似乎下午茶唔抵食啦！

對於cafe 1950是熟識又可是陌生印象中帮襯過屯門店，而且感覺良好、如果此店是屬於親生仔，我想我要從新定位．．由餐廳外表，內裹設計相似度為90%正當準備愉快之午餐時，看看餐牌、選類雖多，但大部份形式就如有大型快餐廳般牛．豬．魚樣樣均有，就是冇了(特式)二字，而且多肉少菜、如果你想會有沙律的名稱對不起．．午餐欠奉了!裝修絕對是我今次覓食加分位，餐廳面積不算十分之大午飯一時多入座，侍應如同戰場中的起勁、忽速之步伐，令人眼花撩亂落單快，上菜更快、鄰近同枱之食客看着他們由入坐、落單、至上第一道食物需時大約6-7分鐘，(而我? 卻因漏單而推遲，但上枱之回勁力、依舊不變比大型快餐廳之出菜效率，有過之而無不及．．．)午餐選擇多，要上一個雞肉鍋仔烏冬$42.湯底配上蕃茄而做，咸度足夠、但濃度較薄烏冬之餅型構做，約隱約現、從約現的一刹你可估計廚師快手之功力 大大片之煎雞肉足已令你飽足、但矜貴的菜葉就只得兩片味道上可稱得上娘家出品，蕃茄底又怎會壞得上那兒中中平平一作幸而即磨咖啡機貫徹了它應有之水準以屋邨下可享用少有咖啡機出品算是理想優點: 快，服務好、選擇多缺點:冇太大特式，午市只供應午市套餐、亦不

見好耐都無喺馬鞍山食過飯，又咁啱見到有人話依間嘢新開唔夠1個月，於是乎就去試吓。一去到見到間鋪細細不過都幾多人等位，等咗半個鐘左右終於有枱，入到去見到啲裝潢都唔錯，好有懷舊 feel , 餐牌都幾吸引，尤其隻咸豬手，可惜沽清，所以我地就叫咗另一個豬仔髀 😬 嘩! 119蚊就係得一塊手掌咁大嘅肉加上一細杯薯條係咁多啦;舊肉慶幸都爽脆嘅，另外仲叫咗一個越式春卷😳唉…西餐廳又點會整得好食呢…中伏飲品就有薄荷朱古力同紅豆奶茶，甜到無朋友😣跟住又叫咗個白咖哩薄餅，個餅唔太差軟硬適中，個咖哩就淡咗少少，不過個價錢係咁上下啦！最後可以推介就係個黑松露意大利雲吞，芝士味相當重而且松露亦唔少，大家去到依個不妨一試。服務就坦白講成日送錯餐，又快快收人嘢好似趕人走咁😦想坐多陣嘅感覺都無，食完都快快腳走