Burger's Friend Forever (希慎廣場)

營業中

休息中

知道希慎廣場地庫近來開咗一個新嘅FOOD COURT，咁啱又係附近返工，所以就約同事過嚟試試佢。個FOOD COURT選擇唔算係好多，不過勝在每間都有唔同特色，我哋今日4個人去試咗兩間舖頭，依間漢堡店就係其中之一；我同其中一位同事分別叫咗漁夫之堡($78)同埋和牛漢堡($98)，加$20跟餐會有汽水，連皮粗薯條或薯格。先講我點嘅漁夫之堡，見到個包嘅真身時我係嘩咗一聲，原因係個包好高件魚柳好大件，食嗰時係無辦法一口食到成個包嘅，個包由上至下分別係他他醬、芝士、炸魚柳、厚切蕃茄、洋葱、同埋生菜，個包就甜甜哋，似係Brioche，由於個包好高，我唯有分開食佢，先食嘅係配菜同最底嗰層包，菜幾新鮮，有爽脆嘅口感，配埋幾好食，再食嘅係魚柳+他他醬、同埋係最頂嗰層包，味道係唔錯嘅，個他他醬應該係自家制，唔係好酸，魚柳炸得幾好外面脆，裡面滑，配埋個醬都幾好味，但食咗幾啖之後開始覺得有啲漏，我諗如果可以配埋啲蔬菜食應該係無依個問題嘅，所以建議如果要分開食嘅話要注意。另外同事就叫咗個和牛漢堡，相對上個包就無咁大個，除咗件漢堡肉，配菜有炸洋葱、芝士同翡翠苗，同事話件肉係好食嘅，有汁唔乾，炸洋葱亦增加咗個口感

一收到風希慎廣場B2開左個新潮流集中地URBANHOOD，即刻到場支持我老友「Burger's Friend Forever 」啦，一條友最岩就係食burger，絕對係靚午最佳選擇。👇🏻📌LUNCH SET - ▪️ Houston BBQ Burger - $92▫️ 佢地burger選擇非常之多，決定揀呢個「侯斯頓漢堡」， chef用上120g既美國穀飼安格斯牛肉，食落厚肉又多汁，牛味又夠濃郁；配搭香煎煙肉、車打芝士、新鮮羅文菜、蕃茄、紫洋蔥，每樣野配搭埋一齊，恰到好處；配埋店家秘製既燒烤汁，份外惹味；本身套餐包一杯野飲，我就加左18蚊就換做「黑松露雜菌湯」，入口鮮菌味極重，而且食到粒粒蘑菇，夠哂誠意；唔夠飽仲可以加33蚊就呢個「炸魚手指」，食得出即叫即炸，外脆內軟，整體價錢性價比高，絕對係打工仔恩物！ 

難得同教會姊妹👯‍♀️食飯，約咗希慎新開既B2 food court,唔好以為food court冇好西，我揀咗出名食漢堡 🍔 既BFF,之前試過啟德分店，覺得唔錯。見到個menus有d出入，店員話係update咗，最後揀咗鵝肝安格斯漢堡（$168），加菠蘿🍍（$10），轉餐要蕃薯條🍟（$33）再升呢龍蝦🦞湯（$25），點知店員收錯錢，搞咗10分鐘，有張印花卡，$50一個印。有個咇咇機等咇，返埋位等咗15分鐘就有，刀叉🍴要問先有。上枱時都幾吸睛，塊鵝肝都好厚，好肥美，安格斯牛加埋芝士好食😋，菠蘿🍍酸甜都新鮮，不過我之前話包走汁最後冇走，蕃薯🍠條炸得唔夠脆，龍蝦🦞湯味都ok

✨酥脆安格斯漢堡🍔✨購自:Burgers Friend’s Forever(銅鑼灣希慎廣場地庫B2)價錢:$95+$20轉套餐有小食同飲品推薦度:8.5/10-🤎今次試咗酥脆安格斯漢堡 份量真係好足料‼️有1層牛肉🐮 水波蛋🍳煙肉🥓芝士🧀洋蔥🧅蕃茄🍅同埋生菜🥬 牛肉厚身得嚟牛肉味香濃 煎得好香口 肉質唔會乾身 仲要肉汁多到爆出嚟😂漢堡包皮烘焗過 食落微微脆身🌟面頭灑上炸洋蔥絲 食落脆卜卜❤️-+$20要咗薯格 薯格新鮮即炸 塊塊都好厚身 食落好香脆 薯格調味重左少少🤏 不過唔會好油 值得一試👍🏻-+$28 揀咗Oreo花生醬奶昔🥛 花生醬味真係好濃郁 Oreo同牛奶味亦都好突出 😋竟然唔會好甜 不過呢個組合太邪惡 要同朋友分享😋

希慎廣場地庫重開🎊見到有美食廣場，返工前又嚟食好嘢😋雖然未開晒都嚟睇吓🤪今次見到好想食好耐嘅burger 於是就試吓，今次擇咗黑松露和牛漢堡🍔外觀已經好靚😍，松露都唔少😱😋和牛漢堡肉汁好多好好味😋，包皮香脆好正🥰🥰店舖+$20可有汽水🥤和薯條 🍟但我唔飲汽水的所以沒有選擇套餐唯一美中不足無熱飲😜另外一提店員好好，我去咗另外一層買嘢，他在場內找我送食第給我😍服務真的好好👍🏻