Bugis@叻沙・海南雞飯

營業中

休息中

食過人生最難食嘅肉骨茶，唔好俾個樣呃咗，佢係完全冇味 - 冇咸味冇藥材味冇肉味。 我地已經唔係高要求， 只係希望個湯有返應有嘅肉骨茶味道，但陣味竟然同水一樣咁淡？！我入得依啲餐廳都唔係為好味或者誠意架喇，但都唔係俾垃圾人食架，做飲食同做人一樣，都要有返少少良心，真心奉勸各位唔好入嚟食。🤮🤮🤮🤮🤮咖沙還好，正常但唔會話好食，但個海南雞就差，冇雞味，肉又鞋口。🤢🤢🤢🤢🤢Btw 叫佢地比多D 薑蓉都要收多5 蚊， 但其實D 薑蓉同個肉骨茶一樣， 都係冇味。

放假又嚟D2 Place行街喇，今次過嚟係買遊戲碟，行埋未行過嘅一期。經過呢間餐廳，好多寵物喺呢度聚集，好似狗餐廳咁，鐘意動物嘅朋友仔就決定喺呢度食嘢。餐廳有室外同室內嘅座位，多數有帶寵物嘅客人都選擇室外。我哋各點咗個一人餐，味道都ok，座位就唔算舒適，比較窄，不過真係有好夠狗仔。南乳雞翼(2隻)，呢個無咩南乳味。鹵水豬頸肉串燒(2串)，豬頸肉點整都咁好味，個醬唔辣，幾惹味。+$18追加南洋肉骨茶，純粹想試下，有啲藥材味咁啦。新加坡無骨海南雞飯，啲雞都算多同幾滑。鹵水大細腳配絲苗白飯，大細腳即係鹵水豬手豬腳，鹵水汁個味做得幾好，食落豬腳唔會太肥膩，唔錯。熱黑糖豆漿。

今日終於見識到咩係邊爐界嘅KOL ，雖然係負面個隻。大大塊既好似俾人打瘀咗嘅M5牛肉，配上鼻屎咁大粒嘅墨魚丸，隔張枱都聞到浸腥味嘅鯛魚片，少少米線加大大碗芽菜，驚死你食唔飽。嗰兩隻蝦同元貝就唔評價啦，但塊牛真係好surprise，暗紅色又大大塊，切到成塊牛扒咁，抱住呢個冒險精神擺入口，韌到似食緊抹布咁，隨之而來嘅就係嗰浸騷味，唔食下真係唔知比到幾多驚喜你! 咁嘅質素賣$118，食完真係要打返篇食評至得。

第一次吃這間餐廳的火鍋，看見餐單上澳洲M5和牛火鍋照片頗為吸引，便決定一試。餐點一上桌，賣相和照片上的簡直南轅北轍。碗內材料豐富，首先是幾塊黑過佳寶的屍塊牛（自己買也很難買到這種色水）、幾粒奢侈罕有的切半小墨魚丸、兩隻已烚熟的蝦、一粒無味扇貝、一塊魚片等，每樣份量精緻。最貼心的是，店家怕大家腸胃不好，還給了一大碗芽菜伴幾啖米線。盛惠118大元！再說一說味道，老實說我是抱着冒死的心態涮幾塊牛的，畢竟是第一次吃這麼黑的牛。或者我不應該以貌取牛，我放膽一咬， 腥味四溢，齒頰留臭，難以吞嚥，只好趕忙吐出；墨魚丸味道正常，可惜只有寥寥數顆；無味扇貝如同嚼蠟；魚片我已經不敢吃了，要說味道正常的只有豆卜、生菜。總括而言，整頓晚餐讓我大開眼界，大家擁有銅腸鐵胃的話可以一試🤪

🍴荔枝角泰式餐廳在D2 place內看到有一間有室外座位的泰式餐廳，便與友人一試，餐廳設多款晚市套餐。小食點了去骨泰式酸辣鳳爪，酸辣度足，是開胃的小吃。📍極品特級澳洲M5和牛配冬蔭公叻沙湯烏冬 （套餐價 $108）澳洲和牛只有3-4片，而且較薄，煮得亦過老。烏冬是彈牙的讚歧烏冬，彈牙滑溜。湯底則讓筆者充滿黑人問號，明明是點冬蔭公湯，但怎樣試都仍然覺得那是喇沙湯底。📍冬蔭公海鮮叻沙配米粉 （套餐價$102 ）海鮮喇沙有蝦、帆立貝、魚蛋、豆卜，海鮮種類不多，麵底是米粉，比較乾身。湯底同樣讓筆者充滿疑惑，點的是冬蔭公，吃時味道是喇沙湯底，總體味道一般，感覺不太值這個價格。📍清新桔仔特飲桔仔是青皮橙肉，酸酸甜甜，不太特別。🔸小總結：餐廳食物味道一般，以食物味道來說，價格偏高。👅 味道：3.5/5💰CP值：3.5/5🕴🏻服務：3.6/5🔰餐廳環境：3.8/5👀回頭率：3.6/5🍽 餐廳：Bugis@叻沙🌐地址: 荔枝角長義街9號D2place 1期3樓305號舖#foodie #hkfoodie #hongkongfoodie #852food #852foodie #foodstagram

今日去左D2 place 放🐶同揾食，玩左一陣，家姐就話過來呢度食Tea , 因為呢度有Balcony 可以帶隻Bubee 出去，為免佢為食跳上枱而嚇親人🤣🤣🤣叫左3個tea set , 海鮮叻沙，湯底唔錯，但都幾細碗，味道就唔夠濃味，普普通通咁，家姐就叫左迷你肉骨茶飯，都係較淡，都係普普通通，唔可以話好食咁。。我應該唔會再來食。無乜特別🤣

店內佈置、桌椅及陳設都充滿星馬泰風味，加上經驗豐富的掌廚師傅堅持選用最新鮮的食材，成功把新加坡的風情帶到餐廳食品方面 : 香茅豬頸肉喇沙摻摻 : 濃濃的椰香喇沙湯底，惹味炭燒豬頸肉，加上魚蛋、烚蛋、豆腐卜，吸收了喇沙湯的味道，非常入味印尼炒飯 : 沙嗲汁雞肉串惹味，炒飯入味，加上甜辣醬炒蝦、煎蛋同大大塊蝦片，豐富美味美祿恐龍 : 來自馬來西亞的「美祿恐龍」，冰凍美祿撒上一大匙美祿粉，每次食新加坡菜都必飲之選青檸梳打 : 微酸的青檸，加上冰凍的梳打水，冰涼清新

有日係荔枝角附近做完野就走左去D2Place行下見有少少餓就望到依間既下午茶幾扺食就入去坐底左!!叫左個佢地招牌既海鮮叻沙麵$60連一杯豆漿個叻沙麵湯底好中我味，重花生醬味好濃郁材料好足，有帶子有蝦有墨魚丸有魚蛋非常豐富！份量對有少肚餓既人真係啱啱好！蝦🦐同帶子Size都好大隻再配埋芫茜真係一流！而家有時都會念念不忘想去食多次♥︎因為平日16-17點既時間去所以好多空位一入去就食得，姐姐都好主動幫手落單覺得不錯！

午市在店叫外賣，站在店外當眼處呆等20分鐘，但原來個海南雞飯一早已造好，但無人通知，店內職員好開心打牙較，要我走埋去問才攞俾我。海南嫩滑美味，但湯和油飯因店員忽略服務而致已放涼，味道被打折扣。 令人失望

今日lunch突然間想食下東南亞口味餐廳，記得公司附近有間新加坡野，就入去試下午市套餐。今日閒日，又唔算太多人，一去到就有位入座👍🏿裝修都好舒服好有東南亞feel，野食價錢都合理，最後我就叫左個午市套餐：海鮮炒面條，有老火湯同一杯桔仔特飲送。個老火湯唔錯，肯定唔係師傅湯，飲完無頸渴，另外海鮮都有好多種類，有蝦，魚腐，魷魚等等，同埋佢係有河粉同埋油面一齊炒，一個餐有兩種口味。埋單總數$78，夠晒我食。而家疫情去唔到旅行，耐唔時去下呢d有東南亞風味嘅餐廳食個飯，食左當去左啦😂

油飯夠香雞夠滑老火湯好味似屋企煲既湯，羅漢果水好飲夠味不甜，清清地啱夏天飲👍🏻👍🏻👍🏻一星期黎幾次都唔厭😋😋油飯、老火湯、雞都好食過南昌嗰間，南昌嗰間食完唔想再食🤦🏻‍♀️🤦🏻‍♀️

點完餐30秒都唔夠，話想加小食，收銀話入咗單唔比加。我問佢可否取消單，之後再入，佢話唔識取消單。收銀超冇禮貌，完全唔想幫公司做生意。 建議公司加強培訓，收銀最少都要識用收銀機啦。

好耐無試過咁不知所謂嘅餐廳，帶位侍應淨係俾得張一人餐&4人餐嘅紙仔就算，張紙嘅選擇得6、7個，當我諗住是但求其叫嘅時候發現隔離啱啱坐低嘅食客有大餐牌（係職員帶位時俾埋），但我哋冇，我再望出去其他枱，原來都唔係枱枱都俾大餐牌，有何居心？🤷🏻‍♂️到同行朋友出咗去點餐，我就見到有個帶住手套嘅出餐侍應送完食物俾隔離枱，跟手就用手去移我哋D櫈，對手周圍摸唔止唔衛生，D櫈又俾佢摸到油淋淋點坐？🤷🏻‍♂️落左單一段時間，冇嘢食黎過不特止，仲有個職員無啦啦走黎問「你地冇落單呀？」請問貴公司想點？ 🤷🏻‍♂️食物方便唔係難食，亦唔算好食，只能夠講佢盡咗做食物嘅責任——令你感覺到飽🤷🏻‍♂️整體黎講，我係唔會再食呢間嘢🤦🏻‍♂️

紅假係冇下午茶兼且有假日午餐 就比平時貴少少 下午三點叫左個娘惹咖喱雞 椰漿飯$68包一杯嘢飲 特飲另外加錢我叫咗桔仔特飲都幾清涼 唔會好甜個咖喱唔會太辣 又有椰香 好好食有少少小魚乾伴菜 好鹹不過送飯就一流又有太陽蛋 加 咖哩都幾好食另外加$24 叫左個鮮蝦薯絲卷外脆內冧但炸多一陣可以再脆少少就更好正餐要咗多飯所以兩個唔肚餓嘅人食到就夠

最近要去荔枝角上堂，所以開始喺附近覓食。今日就去咗D2 Place，見Openrice其他食評話呢間成日好多人，就專登去試吓。香茅豬頸肉叻沙摻摻($66)見叻沙係招牌菜就緊係揀叻沙嚟試試佢。摻摻係一半油都一半米粉，份量都幾充足。味道方面，叻沙湯底太淡，無椰香味，有啲失望。而香茅豬頸肉通常出面係一片片薄切，呢間好特別，係切到一粒粒正方體咁，咬落去幾爽口。值得一讚係配料都好好味，有魚蛋、豆卜同蛋。如果下次試，應該會試個海南雞。