Bonlicious Food Hall (堅道) (已結業)

喜出望外嘅一間餐廳，我係俾佢個黑糖波霸鮮奶吸引入去嘅😂 食物種類唔算多，但係真係幾好食！寫就以為係台灣嘢，但我就無叫滷肉飯嗰啲嘢，我自己叫咗美國牛腹肉牛排🥩配雙蛋薯條🍟$98，我覺得值呢嗰價，我諗舊牛嗰質素如果生買都要$50-60 因為好有牛味，又好淋另外嗰杯黑糖波霸鮮奶係算有水準嘅，啲珍珠好淋，牛奶係用Meiji沖嘅，外面都飲過同一種味☺️另外我朋友食嗰個蟹肉芝士通心粉一嚟到就好香，真心唔錯 估唔到！…查看更多

除夕夜台灣人有吃年夜飯既傳統習俗，又稱為圍爐，一家人圍坐係火鍋旁邊，食一餐豐盛既年夜飯，象徵住團圓🥰。 今次Bonlicious Food Hall 同自己人台味一齊合作推出台灣傳統圍爐套餐，外送盒係竹製拜年提籃，造型特別得黎更有風味😍~年菜套餐 $2,580 (6至8人用) 【亦可單購】⭐旺旺小食拼盤小食拼盤有齊台灣特色小食，包括鹽酥雞、炸花枝丸同台式香腸😝好豐富⭐珠圓玉潤滷豬腳滷豬腳口感軟嫩，豬肉入口即化咁😚而且滷湯汁味道濃郁惹味，用黎撈飯岩岩好😃⭐台式薑母鴨 (火鍋)薑母鴨湯底味道濃郁惹味，裏面仲加左大量既生薑同當歸，好暖胃🤗~食既時間再加入米酒，令湯底更香🤭~而且鴨肉煮得軟腍入味。配搭薑母鴨一齊食既配菜仲有豆腐皮、凍豆腐、米血糕同椰菜，全部都係索汁一流既配料吖！而店家細心為客準備左兩款沾醬，包括腐乳同辣椒醬油，用鴨肉同蔬菜點黎食味道會更加豐富！⭐牛轉乾坤瑤柱滷白菜滷白菜加左冬菇、魚乾同蝦米，仲有大大粒既瑤柱，味道鮮甜😄⭐鴻運櫻花蝦油飯呢款油飯上加上大量既櫻花蝦、肉鬆、豬肉腸等， 口感好豐富，味道仲好香⭐好運圓滿仙草凍仙草凍配料好豐富，有芋圓 、紅豆、仙草等，食完一餐豐富晚餐再食個甜品岩哂啦🍧！…查看更多

經常經過這間小店，今日走入嚟試一試，果然有驚喜，同店員傾偈發現，他們的甜品都不是和一般cafe一樣用供應商來貨。他們每一款甜品到時自己製造，沒有添加任何化學品。這一點絕對可以從甜品的味道食得出，我還是了他們的牛扒煎蛋配薯條，牛肉不是一般落咗鬆肉粉的牛肉。對於這個價錢和份量非常合理。　…查看更多

呢間野好近好方便，開咗好耐都無食過，門面都好似不錯咁最近夜晚無得堂食就買走返屋企食啦見到外賣app有折，都唔平，諗住試下啦一人套餐 前菜加主加汔水$13x(折後$9x)完全唔值 你地自己睇下揀咗steak frites with 2 eggs, d牛肉少到呢唔好話係排啦，細細舊牛肉咋！薯條比例咁多，唔係啊？呢個價錢？堅道咋，都唔係soho中環啊！嘩，真係無下次！見佢開咗咁耐，近近地，試下囉唔怪知平時都見佢無咩客又貴又細份 …查看更多

又嚟試新餐廳，依間又係經常經過但一直冇試過，今日就捉埋個同事同我一齊試試。我倆對「食」都好有興趣兼態度開放，咩菜式、咩價錢都不太介意，啱曬咀形！我哋今次叫咗個二人餐，$259有三款頭盤或甜品(可自由搭配，即叫三頭盤或兩頭盤一甜品或一頭盤兩甜品⋯⋯都得)、兩款主菜、兩個湯或飲品。我哋兩個都揀咗湯，好好飲，好多料！我哋對於套餐內大部分可以選擇的頭盤都感到不大興趣，所以我哋叫咗兩個麻油凍豆腐(熱)，每人一個。個豆腐我就食唔出有麻油味，反而有好重嘅薑汁味。幾好食但份量比預計嘅大，食完都飽咗一半！主菜就叫咗「卡邦尼手工意粉」，個意粉質感好特別，好食！主菜仲有「美國牛腹肉牛排沙律」，沙律新鮮，牛生熟程度都做得不錯！由於餐廳人手目測得兩人，因此食客先自行到檯枱落order及付款，食物稍後由店員送上，餐具也是自取。有心理準備，如食晏時間只得一小時，係食得好趕嘅，所以我哋最後嘅甜品唯有打包拎走！…查看更多