Bivacco

營業中

休息中

去海洋公園前先去黃竹坑搵食，見到網上好評就試下。百幾蚊一個set lunch幾好。starter係buratta salad，份量正常，但如果細食既，就要揀另一款。risotto幾好食。嗌左杯凍檸茶少冰，茶底香。因為生日，多謝免費送左甜品。

來吃個早的母親節飯訂了5:00~所以沒什麼人，座位很闊坐得很舒服。其實環境氣氛算不錯，唯一最美中不足之處是有很多小飛蚊。短短一餐飯已經打死2隻，但還是有小蚊飛來飛去, 這使人有點小不安。也許因為餐廳在商場的B2位置，門口又是開放式，所以有這問題，希望之後會有改善。遲點會再來試其他野食~~~~

今日去完海洋公園玩，大家都有啲肚餓，就去咗附近睇下有咩餐廳食吓嘢再傾吓偈，行左去黃竹坑個新商場見到地下個層有間意大利同墨西哥菜既西餐，兩個人叫左幾樣野食，叫咗個雞肉🌮,我個人就第一次食就覺得一般，不過牛油果醬個味道都OK。另外再叫咗個薄餅，有菠蘿同火腿，佢個餅皮都幾簿，同埋最緊要有多芝士😂跟住仲叫咗個豬肋骨，個汁甜甜地我就幾鍾意，有少少似韓式嘅味道，不過份量都幾大份，都食唔晒要打包返屋企聽日做午餐。

最近一次去到黃竹坑新商場間餐廳，餐廳行墨西哥休閒風，鍾意搵個地方chill吓嘅朋友唔好錯過～首先，熱帶薄餅真係驚喜，薄餅底煙韌，配上菠蘿、火腿、mozzarella cheese，口感非常清新，令人心情愉快。吞拿魚他他，吞拿魚切得好靚，鮮嫩多汁，搭配上嘅醬汁簡直係一口就愛上！佢哋仲加咗啲牛油果，令整體味道更加圓潤，真係一個唔可以錯過嘅美味。招牌雞翼，無論係炸得金黃酥脆，定係醃製得入味，真係好正！每一口都充滿咗香味，尤其中間嘅肉質柔嫩，令人一口接一口，完全停唔落嚟。搭配上特製嘅醬汁，味道更加升華。

Bivacco環境唔錯坐得舒服，而且價錢都唔算貴🔺青醬雞薄餅 $155青醬配pizza好夾！餅底唔算薄又唔乾身，咬落煙靭又唔油膩～成塊pizza都喺羅勒嘅香味，加埋芝士同埋雞肉簡單嘅配料已經好味，唔會好似蕃茄底咁令人食到好厭🔺蛤蜊黑麪線 $145黑面線即係黑意粉。蛤蜊大大粒幾多汁，平時食開Creamy啲嘅意粉，依一道意粉醬汁鮮味濃郁，清爽得嚟又好食🔺招牌雞翼 $88味道就係水牛城雞翼，微辣酸甜開胃！雞翼皮都炸得好香脆

Biva 依間係位於黃竹坑southside嘅餐廳。由外國人主理。餐廳含有多國風情嘅食物例如意大利同墨西哥菜。而且餐廳仲有多種酒類飲品提供。呢度嘅Pizza種類都非常多，最推薦燒烤雞肉薄餅，上菜時已經非常香。上面亦都非常足料，芝士睇落超級邪惡。餅底夠香脆。另外都推薦招牌雞翼，上面會淋上BBQ醬，酸酸甜甜。龍蝦意粉非常大碟，龍蝦肉煮得啱啱好唔會好乾。飲品就點咗Zombie nation ，入邊包含咗多款酒類，但飲落一啲都唔苦好易入口。

First time to The Southside and they have lots of restaurants over there! Here at Bivacco, they offer a great scrumptious menu of Italian and Mexican cuisine 🇲🇽 Great place for a Friday nigg out 🥳𝘽𝙪𝙛𝙛𝙖𝙡𝙤 𝙎𝙩𝙮𝙡𝙚 𝙎𝙞𝙜𝙣𝙖𝙩𝙪𝙧𝙚 𝘾𝙝𝙞𝙘𝙠𝙚𝙣 𝙒𝙞𝙣𝙜𝙨 🐥 One of their signature appetizers is their chicken wings - you can choose BBQ or buffalo flavoured ones 😍𝘽𝙚𝙚𝙛 𝙌𝙪𝙚𝙨𝙖𝙙𝙞𝙡𝙡𝙖 🌮Chose this for its Mexican flavour - my favourite is their beef quesadilla, remember to dip in their sour cream for a special taste!𝙎𝙥𝙖𝙜𝙝𝙚𝙩𝙩𝙞

去完海洋公園，打算食個飯，去到呢間餐廳食，咁入到去得四枱，就黎手帶我去好迫個位，個空間感好唔舒服，叫佢就調，點知調另一個迫嘅位....咁之後就主動提出調去一個都係二人位，冇咁迫嘅地方，個感覺已經麻麻。開始叫野食啦，叫牛扒$350，加個薯條$88，加多個意粉$130，一杯酒，咁黎左個牛扒時已經提佢尚欠一個薯條，食晒啲野個經理就過黎話自己落漏左個薯條，問我地仲要唔要，其實都未試過牛扒同薯條分開上，仲要咁耐......成件事令人唔爽，仲要水都冇加過一次。牛扒質素normal得6舊，意粉正常，薯條ok，但分開上就扣晒分。唔會再去，唔會介紹朋友去。Total $720

黃竹坑站新商場 THE SOUTHSIDE 早前開幕，一直未有時間到訪，趁今日友人放假，不用上班，即刻相約過嚟逛逛，順便一起吃頓午飯。朋友想食西餐，揀咗地庫呢間「Bivacco」，餐廳主打墨西哥同意大利菜，裝修充滿異國情調，環境寧靜舒適，加上設有室外座位，可以帶埋毛孩 chill 一 chill～點咗客 BBQ 雞翼 ($98) 同 兩份 Set Lunch，套餐包前菜、主食及飲品，+$20 更可配埋是日甜品。雞翼肥大肉厚，面層塗滿了自製醬汁，再灑上黑白芝麻，入口熱辣辣，皮香肉嫩又夠 Juicy，色香味俱全。前菜揀咗紅薯沙律 同 炙燒吞拿魚，紅薯粉綿香甜，內有紅莓乾及合桃，口感豐富；而吞拿魚亦軟滑富彈性，加上黑白芝麻，增添香氣😆主食選了炭燒安格斯西冷牛扒 ($148) 同 香煎野生三文魚 ($138)。牛扒煎得啱啱好，肉色粉嫩，肉味濃郁，配上又香又滑嘅薯蓉同西蘭花，份量十足，非常滋味。三文魚外皮煎得超香脆，魚肉非常嫩滑，而且熟度剛好，唔使點醬汁食都已經好夠味。是日甜品為藍莓芝士蛋糕 (+$20)，入口細軟綿密，甜而不膩，「芝」味濃郁，食完再嘆返杯熱飲，超滿足。

SOUTHSIDE 呢一個新商場真係好多嘢玩嘢食都好多我今次就去咗依間義式餐廳環境好舒服我首先叫咗一份青醬雞扁意粉🍝扁意粉淋上濃郁嘅青醬，令人食到第一口就感受到迷人嘅香氣，而且非常Creamy。雞肉切成細件，口感嫩滑，完美地與義大利扁意粉相襯。青醬香濃，但唔會太濃烈，唔錯。另外，我叫左烤豬扒薯條。一上枱，我就被啲金黃色嘅薯條同香氣誘惑住。烤豬扒看落十分多汁，肉質細緻。當我切開豬扒時，肉汁迸發，令人食指大動。豬扒烤得剛剛好，唔會過乾，保留住肉汁，入口滑嫩。薯條炸得酥脆金黃，外皮鬆脆。整體嚟講，菜式份量適中，食完之後令人感到滿足但唔會過於膩口。

唔係朋友係呢邊翻工都唔知有個新商場，環境都闊落坐得好舒服。𝙎𝙞𝙜𝙣𝙖𝙩𝙪𝙧𝙚 𝙒𝙞𝙣𝙜𝙨 (𝙨𝙥𝙞𝙘𝙮 𝙨𝙖𝙪𝙘𝙚)醬汁辣辣地好惹味，外皮酥脆，而入面嫩滑多汁𝘾𝙝𝙞𝙘𝙠𝙚𝙣 𝙉𝙖𝙘𝙝𝙤𝙨Nachos份量都幾多，加埋啲芝士都好飽㗎。牛油果醬香滑但如果可以再多啲就最好😂🍕𝙈𝙖𝙧𝙜𝙖𝙧𝙞𝙩𝙖 𝙋𝙞𝙯𝙯𝙖Pizza煙靭唔會太乾，芝士配上蕃茄仔同basil 簡單的美味🫶🏻🥭𝙈𝙖𝙣𝙜𝙤 𝙈𝙖𝙣𝙞𝙖 🫐𝙒𝙞𝙣𝙩𝙚𝙧 𝘽𝙚𝙧𝙧𝙮📍 Bivacco黃竹坑香葉道11號THE SOUTHSIDE LG樓LG09號舖環境🤍🤍🤍🤍🤍 味道🤍🤍🤍🤍🩶打卡🤍🤍🤍🤍🩶抵食🤍🤍🤍🤍🩶

Bivacco係一間精緻細膩嘅墨西哥意大利餐廳，入邊嘅佈置色彩繽紛，俾人一種輕鬆又歡樂嘅用餐氣氛。🧡Chicken Taco 🌮 雞肉墨西哥玉米餅- 軟身玉米餅包裹住帶有香料風味嘅雞肉，搭配新鮮生菜絲，牛油果醬同埋酸忌廉，口感豐富。🧡Tuna Tartare - 吞拿魚牛油果他他，賣相精緻，結合咗新鮮嘅吞拿魚肉同牛油果，切碎成細細粒，搭配檸檬汁、橄欖油同少少芥辣，層次豐富卻不過膩。🧡Risotto all'Astice - 龍蝦意大利飯味道濃郁，燉飯吸滿海鮮精華，加埋芝士，每一啖都充滿豐富滋味。龍蝦肉新鮮扎實又彈牙，廚師將熟度掌握得恰到好處。🧡SPARKLING DARJEELING ICE LEMON TEA - 有氣紅茶檸檬茶。看似一杯普通茶餐廳嘅檸檬茶🍋但係一飲就飲到大吉嶺茶葉嘅香味，新鮮檸檬汁同埋氣泡，用嚟配合味道豐富嘅墨西哥菜，真係非常之合適。

黃竹坑新商場嘅餐廳 🛳️都幾大 而且充滿外國風情😙侍應都係外國人嚟嘅!先叫咗一個signature 雞翼🐣就好似平時嘅水牛雞翼🌶️有少少辣都幾香口, 幾惹味㗎另外仲要咗牛肉配薄餅🥩大概係五成熟嘅牛扒喺鐵板上高另外配合sour cream,番茄莎莎醬等🍅同塊薄餅夾住一齊嚟食🧇最後叫埋塊魔鬼pizza🍕其實即係Mozarella & pepperoni個Pizza都好軟熟 個口感幾好熱辣辣大大份最後叫埋杯紅酒

環境優雅，地方清靜的西餐廳，享用美食兼閒聊傾偈，此地極之理想！講緊黃竹坑South side的Bivacco🐔Fajitas Chicken $170雞肉法吉塔烤鷄塊鬆軟易咬有陣陣雞香，加上洋葱🧅三色椒做配菜，用墨西哥薄餅卷夾一齊咬，軟硬兼施，其味無窮。仲有3隻醬料任君點擇：🍅莎莎醬+🥑鱷梨（牛油果）醬+🥛酸奶油。可以輪流試吓不同醬料唔同味道👅。🐙Linguine Vongole $145大蒜蛤蜊墨魚汁意粉大大隻蛤蜊（大蜆）鮮味滿溢有陣陣海洋味道👅，色澤幽黑的意粉爽脆彈牙夠乾身，伴隨大蒜香味，成件事確係幾perfect!✌🏼🐓Signature Chicken Wings BBQ Sauce 招牌雞中翼 $88雞翼以甜酸醬醃泡，好入味咬落啖啖肉。可能我哋攤凍咗，如果熱番啲仲香脆！Order咗2杯無酒精嘅Mocktail，都好清新香甜亦醒胃。👍👍整體而言,我們都感到很滿足！🫶🏼🫶🏼#bivacco2024#southside#southsodecafe#southsiderestaurant

最近嚐到三道非常受歡迎的美味菜式：Buffalo Wing、吞拿魚Tartare以及BBQ Chicken薄餅。這三道菜的風味迥異，但卻都各有其獨特的魅力，讓我對這次的美食之旅印象深刻。Buffalo Wing ⭐️⭐️⭐️⭐️⭐️⭐️吞拿魚Tartare. ⭐️⭐️⭐️⭐️⭐️BBQ Chicken薄餅 ⭐️⭐️⭐️⭐️⭐️⭐️首先，來談談Buffalo Wing。這道菜的外觀令人垂涎，金黃色的雞翅上覆蓋著一層紅色的辣醬，散發出誘人的香氣。咬下去的瞬間，外皮酥脆，內裡的雞肉則鮮嫩多汁。Buffalo Wing的辣味適中，既能感受到香辣的刺激，又不會過於火辣到讓人無法享受。接著是吞拿魚Tartare，這道菜的呈現方式極具藝術感，色彩鮮明，讓人一眼難忘。新鮮的吞拿魚切成小丁，搭配了牛油果，淋上一層香醇的醬油和檸檬汁。這道菜的口感清新，吞拿魚的鮮味與牛油果的滑嫩相得益彰。每一口都讓人感受到海洋的鮮活，特別適合喜歡生食的人士。這道Tartare不僅味道出色，其視覺效果也相當驚艷，無疑是一道適合社交場合的高級開胃菜。BBQ Chicken薄餅這道薄餅的底部薄脆，邊緣微微焦香，餅底上鋪滿了多汁的