Bistro Bistro (已結業)

It's Friday! Let's lunch out. This time at Bistro Bistro, I ordered the Club Sandwich. I have heard from colleagues that it was good and copious. The portion was indeed big. By the time I finished the third sandwich, I was already full - I even shared my fat chips. The Club Sandwich was garnished to the top. It had all the regular ingredients: tomato, chicken, lettuce, egg, bacon and mayonnaise. One discovery was shrimp. I had not tried club sandwiches with shrimp before. Even though I am slight

第二次同同事黎食，決定比個讚佢!!由於book左枱，所以唔駛等好耐...坐底就叫左和牛漢堡+粗薯條+沙律10分鐘左右就上菜了第二次食和牛漢堡，真係好joicy，個size都唔小粗薯條炸得O岩O岩好，唔太硬，不過份量可以再多D沙律幾fresh，不過份量可以再多D真係幾正，下次再黎~

又繼續九龍灣區的早餐系列，今天光顧的是國際交易中心地下的Bistro Bistro。先在門口看了看餐牌，決定了要一份有炒蛋、腸仔、蕃茄及多士的早餐，餐飲方面則加了4元轉成latte。在店內點餐及付過款後，便拿著號碼牌找個位子坐下來，當食物準備好的時候店員便會送上。這一份早餐賣相可以，炒蛋炒得熟了一點，沒有蛋汁。多士也只是一般，方包本身沒有甚麼香氣，所以即使烘得夠金黃，吃來也不覺太好。雞肉腸微微煎過，這款腸的皮夠脆，不錯，只是肉味稍欠。至於這兩片蕃茄則只微微煎過其中一面，溫度不溫不熱，感覺不太好。最後，亦是最失望的一杯latte，一看便知是用全自動的咖啡機沖出來的，溫度高得過份，入口時稍不留意便給這杯latte燙傷了舌頭，即使到我吃完了整份早餐，仍是燙熱得難以入口。奶泡一看便知粗得很，這杯latte的奶味及咖啡味也很一般。觀乎這店的價錢及質素，同一地方的KC coffee比這裡好得多。

中午時段九龍灣工業區人來人往大家無咩心水之下, 來此店食個快餐了事.此店每日都提供多款不同既lunch set包餐湯/小食/飲品如果想來豐富午餐可以加錢要晒3樣都得.今日唔想飲野就叫左個蕃茄湯+蟹柳蝦仁白汁意粉.蕃茄湯絕對係來自罐頭成品無咩味道可言, 至於個意粉都算合格,白汁都算俾得夠多, 蝦仁都係一般冷藏製品味道夠爽但無味道.不過喜歡此店既服務多過食物, 就算午市人多繁忙, 此店既店員都有笑容.今時今日咁既服務態度先岩.

每天返工都要山長水遠長途跋涉，辛苦搵來自在食，返到公司當然唔想克薄自己個肚皮啦。這區食肆的餐牌大同小異，選擇和配搭都頗多，公司樓下有間不錯的餐廳，裝修簡單。早餐我選擇了火腿磨菇奄列伴煎蕃茄和多士，奄列煎得剛好亦夠軟滑，餡料豐富，多士香脆，咖啡是即磨的，雖然不夠香，但也可以接受，整體是不錯的。午餐我又來了，Lunch Set可選餐湯、沙律或茶，任擇其一，如果額外想揀多樣就可以加$10，我點了餐湯和木瓜蝦沙律；餐湯是洋蔥湯，都知道不會是傳統的法式味道亦不會寄予期望，果然是這樣！沙律味道清淡，份量不少，但如果將普通西生菜換了是羅馬生菜就最好了。整體尚算不錯，豈碼可以坐得舒服些，是值得推介的。

由於每天早上我都要走一斷長路才能返回公司, 而上班的每天早上我都會經過國際交易中心, 那裡地下分別有幾家餐廳, 這家bisto bistro 就是其中一間. 裝修甚具風格的, 以木裝為主打, 十分醒神. 在還有時間的情況下, 一於試試這裡的早餐. 門面 - 外觀不錯吧? 早餐分為兩類: 麵包多士類及湯粉麵類. 售票處在紅色衫服務員的位置; 廚房則在裡面. 值得一讚的是售票員很有禮貌兼笑容滿面. 購票後會給你一個數輪後牌, 其實很快~ 約2分鐘早餐就會送到你眼前. 我點了一份炒蛋配腸仔, 鮮茄, 厚多士配即磨咖啡.即磨咖啡 - 嗅不出啡的香味, 而且喝下去有點苦, 比連鎖快餐店的還差, 不行.炒蛋很滑兼有蛋汁; 兩片蕃茄很新鮮; 多士烤得很好, 是先塗牛油然後再烤的, 外脆內軟帶有咸牛油的香味; 腸仔採用了豬肉腸, 很有豬肉味, 腸衣很脆, 咬下去有一下爆裂的感覺, 很正! 這裡早餐其實做得不錯的, 可惜在咖啡呢! 有待改善!

繼前幾天和契姐來到我司樓下的鳴門日本枓理後,今天又約了另一位又是在九龍灣區工作的朋友一起來到我司樓下的-Bistro Bistro 每次lunch time經過Bistro Bistro 都是很多人的.而我lunch time時間是12:45,朋友是1:00. 所以12:45我便立即離開公司到Bistro Bistro 等位.幸好只得了數分鐘便可以入座了.為了爭取時間,我便拿著menu打電話比朋友,告訴她今天的set lunch有什麼.我便在12:55向職員落了兩份set lunch.朋友1:05便到了,剛好職員便送上湯及沙律.湯及沙律品嚐過後,我們正在等我們的set lunch. 這時已經1:15,我們落單的時間是12:55. 嘩差不多半小時了,要追追單. 起初我們告訴一位亞姐,亞姐好簡單地幫我追追. 但1:25還未到,我便開始有點火,直接向知經理. 經理真的很盡責地幫我們跟上.最後我們的set lunch時在1:32才到.今天我order的便是焗酥皮三文魚卷意粉-$71其實,我公司樓下的餐廳,很多都是高檔一點的,所以價錢也尚算高上.但今天這一碟焗酥皮三文魚卷意粉完全可以接受這一個價

不經不覺, 呢度已經變左我同同事仔既 canteen! 一個星期一定要去一次!!!我地都覺得, 佢d sandwiches 同埋飽係好過飯既, 所以, 哈哈哈哈哈!!!今次3個大食怪又去食, 叫左一個 set 同埋 sandwiches + hotdog!佢d茨條多到呢, 根本無可能食哂, 我地打算以後叫小一個set, 食哂d茨條佢.講番先, 個 hotdog 好好味, d 汁好好味, 比起上次食既 hamburger, 都有得揮!!!相比之下, 個 sandwiches 同埋個雞就比下去喇.....好味好味好味!!! 我地一定會去食哂所有飽飽!!

想食 burger, 同事 suggest 去食 bistro bistro, 話果度好好食.....係咩??去到 1:08, 已經好多人, 大部分都係外籍人仕, 睇泥都真係唔唔錯喎!!!!同事叫左個 burger, 我要個雞排set, 嘩, 真係好好賣相喎!!!個 burger 好 juicy, 同埋好多生菜, 又好多茨條, + $5 有orange juice, total $47.我個 set 就 $58, 好似同事果個抵食d!!!下次食三文魚 sandwiches!!!

: 呢日食左咖哩羊架，羊架切開有四大件！超足料！ $68 唔算平，不過佢俾既份量同quality絕對值呢個價！ 個黃姜飯都做得唔錯，好有印度風味 呢度係半自助式湯/ 飲品，之後有店員送上主菜。上餐速度算快，值得一讚！: 午餐只可以揀配湯or 飲品，如果加多少少錢，又有湯又有coffee就完美了！上幾個星期都去左bistro bistro lunch，香草鷄扒意粉正！鷄扒有濃濃既香草味，而意粉亦選用扁意粉，且用香草炒過~我覺得bistro bistro好有誠意做好食物，無論味道同賣相都非常讚！

上星期五同三個同事出去食晏,我地本來係去食越南嘢的,但係行行下經過這間餐廳,見到d人食意粉,佢地又話好想食西餐,其實成日經過都好想試架啦,但都冇試,今次終於有機會試下啦.出面個餐牌係英文既,我地仲係度諗緊食咩好,入到去有另一個中文餐牌,於是我叫左一個意式雜菜長通粉跟餐湯,佢地叫左白汁蜆肉長通粉都係跟餐湯,餐湯係忌廉磨菇湯,呢度好似快餐店形式,先去order食物,然後就去俾錢,但係有點混亂,因為佢地唔係一份份俾你,先俾住個湯你,然後你自己攞餐具,跟住又要攞個牌返去等佢俾份意粉你,咁樣確實有點混亂,如果一次過攞牌入去等,然後仕應把食物送嚟會好一點呀.先講個湯,好香磨菇味同埋都算大碗,好味呀,跟住講個主菜,我的意式雜菜長通粉好味呀,都幾多配料及長通粉呀,酸酸地好開胃,食晒成碗好飽呀,同事們的白汁蜆肉長通粉,都好多蜆肉呀,不過就好似份份既份量有點出入,但味道都好好,佢地都話好大碗食到好飽.原來餐廳正門係有每份餐既樣睇架,我地頭先行後門都唔知添,下次可以行正門睇左樣先,同埋可以試下其它嘢呀.

沉日Lunch在九龍灣覓食。自以為九龍淨係得Megabox 同德福有好野食，原來國際交易中心依頭新開左幾間有特色嘅餐廳第一次幫襯Bistro Bistro，試左佢地個Set Lunch「紅酒繪牛柳」，配薯菜同南瓜湯。我一見到份餐，就確得佢個賣想好吸引。比起同樣target 白領嘅Carteen快餐可謂有過之而無不及。再者，Bistro Bistro 專做西餐，感覺比較pro了!主菜: 牛肉應該是腩位，燴得一都唔韌。所以縱使堆頭十足，我都一樣「實食冇痴牙」。薯條大大條，令人想佢嘅「洋名」– French Fire。外國嘅就係咁款。因為炸面較少，仲冇噤熱氣tim 餐湯: 依碗南瓜湯又係水準之作 南瓜夠蓉使其入口有質感，而且飲唔到有味精。正!醬料: 可以自製「混醬」，與炸物正是絕配。除左茄汁、美式熱狗醬、千島沙律醬，仲有款叫「法汁」嘅 味道唔錯，大家不妨試吓丫總結，Bistro Bistro 食物有酒店西餐水準，但係就以快餐店嘅模式經營。加上索價合理、環境OK，係白領ge開飯之選!