Bigpack Cafe

營業中

休息中

去呢間餐廳係因為俾佢係商場門口既廣告牌吸引到其實佢個位都幾難搵🤣🤣見到前後幾枱都有叫紅蘿白果汁等我都叫番杯試下先加埋啤汁都幾易入口唔會有陣陣草青味個肉醬貓耳朵粉口感煙煙肉醬份旺都幾多不過蕃茄味唔夠重個扒都幾重牛味唔洗點醬都可以五成熟啱啱好 想另外散叫一份薯條個侍應竟然唔俾我地叫佢話份牛扒可以加配好好啊 為我地慳錢

因為要約上司食飯，唔知去邊度食好，但係有朋友就介紹左呢一間旺角嘅餐廳。呢間餐廳係旺角新商場嗰度，人流唔算多，亦都冇乜人發現呢間餐廳，所以人比較少，食物價錢都係比一般餐廳貴少少嘅，但係如果就住嗌都唔會話好貴。即叫即製德國豬手，表皮好夠趣卜卜，可以配一個蔬菜，但係我覺得蔬菜份量少咗啲啲囉，主要係個豬手係幾好食嘅，但係份量相呢都幾大，可以幾個人一齊share，醬汁我覺得可以再重味多少少，如果有其他味嘅汁揀就好啦，例如黑椒汁咁樣一定好正！Pizza都幾好食，夠脆同埋應該都係即整，表面啲芝士又軟又香，都算食過返尋味。意粉呢我就覺得麻麻啦，呢個係白酒煮蜆意粉，酒味唔算濃郁，醬汁亦都唔係咁出色，我覺得呢一道菜可以再改善一下。五個人食大概食咗800幾900，西餐來講算係正常價格啦，我哋冇嗌到前菜同甜品，都冇叫飲品，不過職員態度都幾好，冇話因為叫得少野而唔幫你加水，同埋可能都因為真係唔算多客人，所以比較takecare到你。如果下次有需要約前輩或者係上司食飯都可以再考慮呢一度，主要係環境夠安靜同埋適合傾計。重點係仲要喺旺角食都幾就腳。

上年12月時的每月一餐，5人聚會，年尾最忙晏收工，就腳又近之下約去旺角食飯，友人提出去搬到新舖的Bigpack Cafe，之前曾幫襯過一次，果時係食Set dinner選擇不多，味道普通，唔知散叫會否水準不同呢？決定再戰Bigpack Cafe探索真實。 12月適逢聖誕，有聖誕花多伴。 Menu，今次散叫share食，散叫的選擇頗多，揀了一段時間，要了3個菜式＋ 1 Set dinner。 Drink menu。 臨近佳節坐抵飲杯野吹下水。 Barracuda(梭子魚)，$98，菠蘿及青檸汁尚算平均，偏淡的味﹐味道普通。 餐包，微熱，口感煙韌﹐配牛油好味呀。 因要了一個是Set Dinner， 送的餐湯。 炭燒頂級美國黑安格斯西冷牛扒配雜錦蔬菜 青胡椒醬，$278，Set Dinner，因為大家都想食牛扒，要set會抵點，西冷牛扒大件，肉質尚算軟嫩﹐牛味濃郁﹐幾好味呀。 海鮮鍋，$398，有大蝦、龍脷柳、鮮蝦、及青口等，配薯蓉及蕃茄醬，份量唔算好多﹐大家每樣試少許，大蝦有鮮香味，蜆夠鮮甜龍脷柳份量較多，口感爽滑鮮甜，底層的薯蓉配蕃茄醬，味道濃郁，好味呀。

難得有人同我出去旺角，梗係食埋晏先至返歸啦，SY帶我去咗呢間位於2樓的餐廳，出咗升降機已經望到門口，見佢裝潢有點原始粗豪感。樓底高空間感十足，枱凳都用厚實木製，穩固實在有安全感。店員見我們進店自動挪開空位，俾我架私家座埋位入坐對住露台，感覺舒坦。枱邊裝有掛鉤方便客人午市套餐價格有平有貴各自叫咗一個套餐叫咗餐飲先上，店員再三確認以免放涼貼心餐湯係薯仔湯配香脆蒜蓉包幾好飲有薯仔味仲有少少粒粒慢煮烤羊扒 配普羅旺斯燉菜 配薯蓉 (可以揀飯)羊扒表面有點乾帶點羊羶，點湯匙上的紫蘇薄荷醬吃可去羶，肉汁少，普普通通。普羅旺斯燉菜原來就係旁邊的蔬菜，顏色係靚，但好油。薯蓉OK喎，混埋羊扒汁幾好食。SY 叫南瓜意大利燴飯佢話飯無咩南瓜味，不過讚啲飯粒軟硬適，仍然保留韌度，不會腍啫啫，好少吃到這個水準

旺角鬧市中的小清新呢日又同朋友來到旺角，又要覓食，聽胃食家姐介紹，去呢間餐廳食午餐。聽講晚餐幾貴，其實lunch都唔平，但係如果水準唔錯，都係值得既午餐幾多款，有成12個，簡左個名好厲害既，法國藍帶雞排配薯條及蔬菜沙律 $98其實係炸雞胸釀芝士同火腿，應該幾考功夫。雞胸以為會好鞋，但處理得比想像中好。可惜並唔係成份都爆芝，中段有，果度好味。朋友叫 烤羊肉串配薯條及雜錦沙律 $98我試左啖，覺得羶羶地，但朋友愛食羊，話羶先好食，咁先似食羊，好啦佢鍾意就得。午餐仲有餐包同餐包野飲。環境舒服，樓底高，檯距又大，都不失為一個好hea好食既餐廳。

強颱風「山竹」襲港前一天同個女相約食飯，她想食意粉，但周圍都係得啲米線酸辣粉，真係好悶，啱啱諗緊唔通又要食米線？女人街中間行去旺角電腦中心，行前不遠就見到有座新落成三尖八角的新落成大樓，忍不住行去睇下，就見到地下有張poster，啲嘢食好似都幾啱食，但冇寫位置，行上去郤搵唔到間餐廳，落返地下由下邊望上去就見到響條天橋嘅隔離。便又折返，外面35度高溫，入到去不太涷又剛好的冷氣令人十分舒適，四面玻璃，燈光好柔和、好舒服，個裝修又唔似得平時嗰啲好華麗嘅餐廳，呢度好樸實，座位好闊落唔會好逼夾，係一間令人坐得好舒服嘅餐廳，但D 侍應講英文？不過沒有問題。星期六也有套餐，有湯及飲品，我哋叫咗兩個餐，我叫了一個Spaghetti Aglio Olio 香蒜辣椒意粉$108，女兒本來想食卡邦尼，不過佢唔鍾意食長通粉，最後叫了蕃茄海鮮貓耳朵$138，希望沒有記錯，因為我只是憑食材估的^^一會上了是日餐湯，雖然只是洋葱湯，就是最傳統的湯，材料非常平實，只有洋葱，當然可能還有其他，只是我見到的湯渣只有炒到焦糖色的洋葱，洋葱又熟又軟，且洋葱仍保持質感，還有是湯身稀，很能刺激胃口，增進食慾，這個洋葱湯煮法不花巧

報左個興趣班，星期日要旺角上堂，咁上堂之前就來附近填飽個肚喇。呢間野，我不嬲都save左係openrice 想去旷list 度，今日見個時間仲係tea time,就心諗來試下啦。見到佢有burger ,小妹更加係興奮。同侍應講兩位，之後佢問我地坐唔坐室外，男友話唔好，因為驚落雨，但其實佢室外既環境係幾靚架，秋天都差唔多來喇，遲啲如果有機會再來，要試下坐出面。室外係高枱高櫈，似bar,岩飲酒吹水咁我坐低左之後，諗都唔使諗就揀左beef burger (重申，小妹係burger 控）男友又選擇障礙病發，睇完自己張menu,又攞我張menu來睇（明明兩張menu係一樣🤦🏻‍♀️）等佢終於決定到喇，佢嗌個chicken pita bread ,我嗌burger,點知呢個時候侍應同我講話無晒burger!!!!!! O!M!G!!!!!好失落，最後改選左個Mexican chicken wrap .個wrap啲汁呢我估係有蕃茄成份，而入面啲料就有雞肉啦，青椒，紅椒，飯。係唔錯既好味既，不過男人食就應該唔飽喇。

今日朋友帶我去旺角食個靚tea, 來到這個新商場The forest的餐廳。環境：裝修充滿大自然氣色，座位舒適。食物：請大家看看以下餐牌，tea set. 但可笑的是左手邊的才有跟餐飲，右手邊的沒有野飲，咁~ 什麼叫tea set? what is the meaning of set?如果是snacks, 為何不印在後面，而佢地一杯普通的檸檬茶要$30,40, 我是但落街叫杯珍珠奶茶都唔洗$30啦.服務：十分唔專業，我地落左3個餐，侍應竟然可以唔記得，再回頭反問多2次我地叫咩，亦沒有講解這個tea set, 最後我地取消野飲，佢才說free比我地，絕對扣分。食物：檸檬茶，咖啡，全部過甜，甜度亦十分嚇人！1.炸魚薯條正常，沒有什麼特別。2.炸意大利飯菜式特別，但意大利飯over cook, 口感大林，炸粉太多，十分滯。3.pizza值得一讚用上新鮮菠蘿，但沒有其他食材，十分單調。

話說前排食完飯去行街，經過見到呢間餐廳，雖然少客人，但同街客都見到餐廳內有客人食緊seafood platter，份量滿滿好吸引，佢地仲要like哂手勢，我問侍應係咪menu內的seafood platter $798，佢話係，但就冇話明係有分別。睇埋落去就知咩係海鮮價，你跟本唔知餐廳會俾咩海鮮份量落拼盤度，而且跟本兩回事。今日特登來食，就直接點了海鮮拼盤seafood platter $798，建議3-5人食，當然我同友人兩個諗住食唔哂都會打包d麵包走，但估計海鮮會食哂，可惜我地好失望，因為份量超少。首先點完菜，侍應話無青口，會改其他海鮮份量多少少，我地就話等一等想考慮下，怕佢開始煮就取消唔到，但後來應該是老闆出來說有青口，我地就只好等上菜，已經諗到快要中伏。說回食物，餐前麵包是附送的，烘的暖暖，外脆內軟，但我未食完就收走我牛油，幸好叫停取回。Seafood Platter 海鮮拼盤 $798，有大蝦、龍脷柳、鮮蝦、蜆、青口，配法式蒜蓉麵包、薯蓉、蕃茄醬。其實份量是3-5人，但我相信指是條法包，海鮮跟本是兩人份量，而且我地見到係凍盤，呢款係熱盤。後來侍應話呢款係咁，我地之前見既凍盤係

近來經常相約兩三家人一同出外玩及聚餐，一班小嘩鬼在餐廳內邊食邊玩嘈得不得了，在此情況底下，要揀一間餐廳可以容忍我們的聲浪的，可真是不容易的....這裡最大的好處，是人客並不多而且環境又挺好坐的。就算是嘈一些，也不會讓人覺得很煩擾....搬至過來新商場，這裡地方變大又企理，感覺有點像bar restaurant多一點。但主打的食物仍是一系列的德國嘢，並混合了其他西餐的元素....本來好應該要點sausages的，但睇到有一個set，有湯加主食及甜品都只是八十多大洋，便被價錢吸引過來了....湯是正正常常的雜菜湯。湯味調得頗酸，菜粒與碎下得頗多，每一口湯都能咬到菜粒，算是足料；多士脆度還可以但香草牛油就塗得有點少....主食是煎鱸魚伴烤蘆筍配蝴蝶粉Gorgonzola cream sauce。魚肉算是蠻滑但可惜的是魚本身已被取去皮，肉在裹粉後再deep-fried上桌，這一種像fish & chips的做法小弟是不敢苟同，感覺是完全地浪費了這件seabass；反而墊底的蝴蝶粉就做得相當al dente，芝士醬汁亦全依附上在粉中，碟底沒有出現太過水汪汪的狀態....偷吃了一小件太太的自製肉餅

同好朋友慶祝生日. 想不到今晚的晚餐超水準, 服務好及店員介紹了支澳洲的organic wine. 沒有介紹錯, 果味香濃, 順滑, 想不到只要$108 一杯, CP十分高的酒. 前菜叫了24個月Parma Ham配Melon, 天然甜香油潤而不膩配上支紅酒正到暈. 主菜叫了7成熟美國牛排. 牛排前剛剛好, 沒有過熟. 牛肉味不錯及tender. 值得推薦.朋友叫了海鮮意大利飯, 朋友話好食, 海鮮新鮮, 意大利飯香濃.因太飽, 甜品只叫了Tiramisu share食. 出奇地好食, 香香的咖啡味, 不太甜, 不太濕, 朋友同我食到不停手.  完美的一餐 ，埋單$1,053兩位. 十分享受的一餐, 沒想到Mountain Food 可以水準那麼高, 找日再同朋友食過!

上個Friday Night,又一個選擇困難既晚上,同朋友們傾左好耐去邊食嘢都冇諗頭,然後就有人介紹話THE FOREST上面有間山區餐廳,我抬頭一睇就指左露天個間,上左去⋯⋯環境真係係我中意個TYPE!!暗暗地又有啲山區木屋風既感覺～ 然後我地叫左幾樣嘢食,最欣賞係個Risotoo,我份人對Risotto有份執著,唔中意食太冧或太硬,要剛好有點韌度,食落啲菇味好出,唔會太Creamy我地叫埋份四式芝士Pizza,好脆而且唔會好滯,中意食芝士既朋友可以Trytry佢,其實好想叫埋個芝士火鍋,但我已經好飽,唯有下次食見早早地,又係星期五晚,當然要美女配美酒啦我地坐左去高檯好豪叫支香檳,好好飲,飲下嘢傾下計影下相呃下LIKE經理話我地知,除左香檳,白酒都係個唔錯既選擇,歡迎我地下次再試我覺得食物味道幾好之餘,服務都OK,淨係食個景都值回票價,有時間我一定會再黎食埋啲甜品同芝士火鍋真心推介呀！

買波鞋不一定去波鞋街，就像吃德國菜不一定去德國。所以今晚就去波鞋街吃德國菜。這間餐廳是第一次來。前台接待有禮，見我在門口猶豫便主動介紹餐牌。一排的酒放在Bar檯，桌椅全部木製。這間餐廳像Pub多於Cafe。點菜了。選了一個最便宜的套餐。鐵板黑椒雞排德國腸加薯寶及田園沙律。先來餐湯。夠熱好喝。為之後上的菜打開了胃。田園沙律全是蔬菜，加上油醋汁，酸酸的也開胃。然後是主菜。鐵板餐首先要把餐巾張開放在身前，一壺的黑椒汁倒上去，便爆發大量油煙和汥汥聲。這個時候先嗅嗅黑淑的香味。薯寶炸得剛好，鹹味也夠，很香口。雞排也可以，但沒有什麼特色。德國腸煎得剛好。沒有爆皮。吃下去有肉汁，很好味。比較奇怪是套餐沒有餐飲。雖然可優惠價點餐飲，但只有酒類。因此沒有點餐飲。其實雖說是德國餐廳，但感覺像港式西餐廳多一點。不要太執著是否正宗德國菜。餐牌中有芝士火鍋，是否德國地道菜我不清楚，因只聽說過瑞士芝士火鍋。套餐價錢稍貴，如果包餐飲才較合理。下次再試試火鍋吧。

每一次交收就是4人飯聚之時，又可聚下了，大家差不多住同區，就腳之下約到旺角食飯，揀了搬到新地址的派格餐廳，順便在The FOREST行下，想買波鞋呀。 新地址的派格，面積細了不少，店內亦少了Bigpack產品擺放，風格上有微妙的不同。 以木屋為概念，樓底高，木系為主調，昏暗燈光，有relax之感。 Set dinner 。 Happy Friday，大家要了mocktails 。 餐包，微熱，口感少許硬，配上牛油味道不俗。 南瓜湯，質感稠身，味道濃郁。 烤魷魚釀菇意大利飯，$148。 賣相十分特別，立眼以為係蘿蔔，魷魚筒內釀了意大利飯，意大利飯腍左少許，冇乜口感，魷魚筒爽口彈牙，但冇乜鮮味同香味，汁的似是咖喱，味道一般呀。 鐵板肉眼扒配薯角及新鮮蔬菜，$248，友人的，據聞普通。 鐵板雞扒配薯角及新鮮蔬菜，$188，友人的。 Pussyfoot，Mocktail，$78，是橙汁、菠蘿汁、糖漿及雞蛋，菠蘿汁味突出，比較杰身呀。 blueberry smoothie。 Virgin colada。 檸檬啤酒。以前的派格餐廳，食物有水準同環境舒適，氣氛不俗，

今晚兄弟約食飯，兄弟們想試新餐廳，就交由兄弟發牌，最後選擇這家餐廳。他們滿心歡喜，提前拎位及點菜，自己到達之時，就剛好可上菜了！　原來兄弟點了一豬手一飯一意粉。　　　是日餐湯　　　晚餐的餐湯，兄弟唔飲，讓比自己飲。　　　German Pork Knuckle w/ Vegetable德國鹹豬手配蔬菜　　餐牌上寫蔬菜，其實是酸椰菜。　　　大大件鹹豬手早已分件，無需自行出手。但是豬手份量還算大，粉紅色的豬肉加上厚實的豬皮，有點油膩，要配上酸椰菜來中和。還有一堆炸薯條。　　　Grilled Squid Stuffed w/ Risotto in Mushroom Sauce烤魷魚釀蘑菇意大利燴飯　　　看到這個魷魚意大利飯，就覺得似魷筒飯～中間質滿Risotto。不過兄弟們認為這個魷魚呎寸十分細小，內裡的飯就更少。　Risotto軟硬度正常，有菇味，可是兄弟表示份量唔夠。幸好自己剛嚐過鹹豬手和餐湯，已經有點飽飽滯滯，所以分多Ｄ飯比兄弟。　　　Black Ink Pasta w/ Calamari in White Wine Sauce & Fresh Basil魷魚配墨魚麵　新鮮羅勒白酒汁