影片
今日得自己一個人食，所以去左買外賣返去食，漢堡扒好厚，有蔬菜同飯，個飯就硬左d，漢堡扒個汁太少，最後個硬飯食唔晒，有d浪費，但真平同係店面食只可企係到，所以我都係攞走返去食，唔太建議太多人一齊去食，因為堂食要企係到食，想坐只可以攞走啦！
繼續閱讀
喺九龍灣返工真係唔知食啲乜嘢好🤦🏻♀️🤦🏻♀️🤦🏻♀️有時晏晝一係就茶餐廳，再唔係宜家傢俬，有時都食到幾悶🤦🏻♀️🤦🏻♀️如果想食好啲都要差唔多成$100先埋到單😯😯感覺好唔抵🤔🤔所以有時我都會去aeon 買下外賣盒食😬😬特別佢過咗某個時間就會有減價!!!!!咁就更加抵食啦👍🏻👍🏻今次我一口氣買咗兩個便當✌🏻一個係雞扒炒麵，另一個係壽司拼盤，兩個便當夾埋埋單都係$60左右🙆🏻🙆🏻真係抵到爛又食到好飽好飽😋😋😋兩個便當食落都唔錯😬壽司拼盤都幾足料，只係舊飯大嚿左少少，不過都無傷大雅😋😋雞扒炒麵好夠味，雞扒正正常常咁啦，都幾大塊又抵食！不過建議大家如果食雞扒炒麵最好叮熱佢先食，咁會好味啲！
繼續閱讀
Bento Express by AEON, 逄星期三既特價日. 每星期三都會令我諗起AEON 既雞腿, 10蚊隻好抵又好味, 味道夠又大大隻.同時佢亦有唯一的那款超特價日式咖哩豬飯, 即食既話, 炸豬有時都可以又熱又脆, 但如果它擺一小段時間便可能不再脆了. 它飯底也夠軟, 性價比實在很高. 加幾塊錢還可以配熱咖啡一杯, 正.如果唔飽, 可以再加配各類炸物, 手巻或壽司/刺身, 隨你自己配搭, 也很不錯啊.可惜這里只有幾張企枱, 沒地方坐著吃, 如不想企著吃便要外帶了.
繼續閱讀
放假同肥髀睇完戲，行去Megabox食完甜品，返家前買懶人壽司做晚餐，超級市場內櫃臺都幾大，壽司款式都幾多，兩個人揀份大嘅雜錦壽司食！如果買完超市內都有桌椅坐低食（幾貼心）雜錦壽司（$108）透明膠盒包裝企理，比埋獨立包裝豉油芥辣！9款18件，幾抵食！三文魚、北寄貝、帆立貝、花之戀、甜蝦、墨魚、蟹籽軍艦、八爪魚壽司正常，連平時容易出事嘅蝦都好爽甜，而且唔會太薄！預製盒裝來講幾好味！盒裝壽司，懶人必選
繼續閱讀
睇有返食文先記得原來上次買外賣已經係八月尾嘅事，是晚又OT到要係公司食晚飯，黎左Aeon買，上次的冷麵麻麻，今晚試下熱嘅便當。買左山賊雞扒飯，晚上特價 $28，價錢上好抵。賣相ok，雞扒配上黑椒汁，雞肉算滑，雞皮不肥膩，汁幾濃味。旁邊有蕃茄仔，煮過的，軟腍咸咸地，豆角，紅蘿蔔粒，白蘿蔔片略略淖過，無乜味。雞扒下有椰菜，吸了黑椒汁幾好送飯，仲有半隻鹵蛋，無鹵水味又無蛋味。飯用上珍珠米，但完全無飯香。整體上……不難吃，但絕對唔稱得上好食，純為飽肚ok啦，特價後係好平嘅。
繼續閱讀