Ben sir豆花店

營業中

休息中

Ben sir 豆花，響佢最初響新蒲崗開舖嘅時候已經食過，當年只覺得麻麻，芝麻糊食落無味🤷‍♀️🤷‍♀️。所以，後來佢越來越出名，成為新蒲崗“名物”嘅時候，我完全摸不著頭腦。🤔🤔事隔多年嘅今日，又再試一次。買嘅時候，我話要“芝麻豆花”，阿姐俾“黃糖”時，我話“咦，芝麻糊唔洗黃糖啦”😑😑…呢個時候，阿姐一臉不肖咁話“你要芝麻糊果隻呀？咁就唔係芝麻豆花啦！”😕😕…然後倒咗碗中嘅“芝麻豆花”，再用原碗載“芝麻糊豆腐花”…… 搞到個碗笠痴痴。最後阿姐仲放下一句“下次要芝麻糊豆花，講黑白豆花呀。”😳😳……講返碗“芝麻糊豆腐花”！$18...真心覺得唔值！芝麻糊，完全食唔到芝麻味，亦聞唔到芝麻香香。豆腐花，食唔到豆味，而且一啲都唔滑。真心，附近間豆漿大王嘅豆腐花絕對好過佢。真心唔明點解咁多人話ben sir 好食，又話“新蒲崗名物”！完全係吹大咗！我敢講，我唔會幫襯第三次。😒😒

之前都買過幾次，不過係好耐之前，今日再經過，就買咗碗紅豆沙豆腐花，呀姐聽錯綠豆沙，我同佢講返係要紅豆沙唔係綠豆沙。結果佢用同一個碗倒返d綠豆沙落煲，再筆紅豆沙但係其實我大肚真係唔食得綠豆沙，會頭暈，佢望住我個肚死撐話可以食，唔洗怕下次唔敢再幫襯。$18一碗又唔係特別好食又細碗，只係佢位置就腳。

同兩老飲完茶，老爸鍾意食糖水。就醒起附近有間糖水舖，就決定買幾碗外賣返屋企先食。其實路口唔算起眼，不過上次買唔到其他，路過見到就買過綠豆沙俾老爸食，而佢又幾鍾意，所以今次encore，順便試埋佢其他糖水。綠豆沙都足料裏邊落咗海帶香草。紅豆沙都起沙，另外陳皮味都突出，不過媽子就覺得佢冇刮瓜囊就差少少。紅豆沙綠豆沙純粹試味，自己就食咗一碗芝麻糊同埋黑豆腐花。芝麻糊唔太甜，雖然係凍但係芝麻香味十足。唔太甜亦啱我口味。豆腐花豆味都重，比起一般豆腐花啲味係濃厚d。相對出面新式糖水舖真係食唔到呢啲味道，難得可以食到有心製作嘅糖水，當然要推介一下。因為佢冇堂食，返屋企又遠，所以冇叫熱，覺得佢熱食應更加好味。

今日食完下午茶經過呢間路邊立食嘅小店，試咗呢度個芝麻糊～佢個芝麻味好香濃，唔太甜又夠滑，冇啲即冲嘅粒粒；完全係生磨芝麻糊先有嘅水準～有驚喜！下次嚟新蒲崗都會再幫襯！

咁啱線做野經過 見到價錢牌俾一般豆花舖貴但係都見叫做有人排隊買緊所以試下叫左一凍一熱 凍既完全無味熱既叫做好少少但係味道同口感都非常一般完全唔明點解新蒲崗夠膽死賣咁貴

今日放工經過哩個新蒲崗豆腐花店  見都好多人排隊買 所以就忍唔住都排隊買試一試 不過由於都晏喇就唔堂食喇 所以就外賣咗返屋企食 叫咗個熱綠豆沙豆腐花 返屋企路程十五分鐘左右 返到屋企個豆腐花都仲熱熱地 可能叫綠白所以就冇提供外賣黃糖 不過個人覺得綠豆沙拼豆腐花都夠甜 唔駛再落糖 個豆腐花算白滑 算有啲豆味 不過平心而論市面上都有好多哩個水準嘅豆腐花店 但個人覺得價錢就唔夠平民 分量都比較少 餐廳都有設堂食 就企係舖頭隔離有張小長檯立食

我覺得普通，但朋友們覺得唔好味🙈🙈🙈 豆腐花8蚊碗，芝麻糊15蚊碗，無得坐。豆腐花豆味十足，但唔滑，有紮實的感覺，可以自己加姜汁同黃糖，服務都幾好～芝麻糊朋友話衰過用水沖的芝麻糊🙈🙈🙈 唔滑偏稀🙈但都幾大碗幾鐘意佢有雙拼，可以一半豆腐花一半芝麻糊，岩曬兩樣都想試下的人！

要在新蒲崗吃好吃的豆腐花，一定要推介這間，每次經過都忍不住吃一個豆腐花，也是飯後吃甜品的好地方。店內有黃豆花、黑豆花和傳統的中式糖水，紅綠豆沙芝麻糊，全都可以和豆腐花雙溝，吃上去的味道更特別。我經常點黃豆花，女友則點黑豆花，黑豆就是對女性好，抗衰老和預防便祕，豆花吃上去感覺都很足料，實在的口感且嫩滑，不會很水同鬆散。店內有黃糖、糖水和薑水，可隨便調味，我自己喜歡加點薑水和黃糖，薑水驅寒也不錯，另外，店內是沒有座位，只有企位。

這小店的黄豆豆腐花，$9一碗，可以選擇熱或凍，我比較喜歡熱的，豆味會更香。通常我會加兩匙黄糖，豆腐花最好堂食，外賣一定大打折扣。豆味濃郁、超級滑，還會再來試其他糖水。

落車路過見未夠鐘食飯，過條馬路就有野食，Ben Sir豆腐花⋯唔知會唔會真係關Ben Sir事呢？？豆腐花唔飽肚，可以食多幾碗其實我都係第一次見到街邊有黑豆腐花賣，8蚊碗都唔算貴啦，食豆腐花最好食熱，熱辣辣先至又滑又正，不過我食果碗唔夠熱下次早d到！老闆娘都幾貼心有埋薑汁俾人加，岩哂我呢d冬天怕凍既人，加少少薑汁成個人暖哂啦！可惜只可企街食，但係企街食都有企街食既風味既，下次再唔過我要試豆腐花加芝麻糊先！

喺plum叫左碗豆腐花，12蚊一碗真心唔平，豆腐花散，唔滑，最搞笑係明明寫黃糖另上，但攞外賣時話無囉。成碗豆腐花無味，糖水又無加，唔會再叫！未食過咁差質素既豆腐花！

現在的新蒲崗跟觀塘很相似，相似在於同樣一到晚上，區內生態不會因為工廠工人文員下班而歇息下來，取而代之卻是，區內大部分夜店，小食店都會趁晚上黃金時間，紛紛開門營業。所以我到了晚上坐專綫小巴進入新蒲崗後，就立刻能夠發現，新蒲崗入夜之後幻化演變出來的另一個繁華景象。晚上的新蒲崗街頭，食肆都不約而同地爭相開門做生意，完全沒有蕭殺冷清的感覺。我上次就在晚上的新蒲崗裡面，找到一間門面有集體回憶懷舊感覺，賣創意新派西式甜品的甜品店「窩X」，品嚐一客有復古感覺的紅豆鯛魚燒跟乳酪雪糕。今次我就在新蒲崗的另一個角落，找到這一間街頭甜品店，而且甜品店有個很有趣的店名，叫做「Ben Sir豆花店」。「Ben Sir豆花店」第一時間讓我想起那位，以研究港式粗言穢語文化而聞名的歐陽「Ben Sir」。當然，這間位於新蒲崗的「Ben Sir豆花店」，店舖招牌已經清楚說明了，此「Ben Sir」不同彼「Ben Sir」，「Ben Sir甜品店」裡面的「Ben Sir」怎樣比也不及電視那位「Ben Sir」那麼氣宇軒昂。雖然我還未有如此幸運，有幸親眼目睹電視裡面那位學識淵博，出口成章，而且擁有豐富學歷的「Ben Sir

買左一碗外賣凍芝麻糊，難食過自己買罐裝加水開粉既芝麻糊，談不上滑，有明顯既粗粒，非常鞋口。完全唔香黑芝麻味，得死甜。不會再有下次，價錢一細碗仲要15蚊。又貴又難食。

唔好講咁多，去左圖片先。點睇？夏日熱辣辣，行行下街，起正街轉角位，有間豆品鋪，見到價錢便宜就order左碗黃豆花，堂食都係七蚊。其實都唔算堂食，冇位坐，要企起路邊食，間舖頭側邊有個位比你放個甜品企起度食。但其實唔夠位，因為都幾多客。可以外賣自取。算啦，七蚊碗豆腐花，要求唔好咁多。同埋見到間鋪乾淨企理，絕對可以安心食。講講個豆腐花，d黃糖粉同糖水係任攞既，中意添幾多就幾多。豆腐花中規中矩，算滑。整體唔錯。會再光顧

豆腐花水準真係唔錯，好滑。自己加薑汁，黃糖同糖漿。同埋佢個流量都算大，所以個豆腐花直都有新鮮嘅出。芝麻糊唔算好特出，旁邊見到有啲炒好嘅黑芝麻，不過平民價錢，抵食之選！