Beerliner German Bar & Restaurant (屯門市廣場1期) (已結業)

今日晚餐跟住亞女去食好嘢，我經常都會來屯門市廣場購物但不知道有此餐廳。餐廳在1期3樓轉角位置，所以沒大留意😅此店主打德國菜，店內是開放式廚房，食客可看到廚師做菜😊當晚是星期五，全場爆滿，好彩預訂咗位😂晚餐精選～秘製德國鹹豬手及德國香腸，此拼盤包括2杯無酒精鷄尾🍸$408～拼盤上枱頗震撼，本以為豬手是主打，香腸只是陪襯，估不到份量一樣多🎉豬手外皮好脆，肉不會好淋有咬口👍🏻味道不會咸，配上酸菜一齊食，絕配😋香腸有兩條大兩條小，全部都是脆皮的，但分不出種類😅白酒煮青口$108總覺得份量比外面的大，每隻殼內都有青口，汁液較杰帶酒香，若用麵包塗汁吃更佳😋加一杯黑杯🍺$48，埋單$618，三人食飽飽😄👍🏻😋

Very yummy German bar restaurant. Food has good portions and taste good. Staff is very friendly. During happy hours, you got discount on beers, till 8pm I think. Will definitely go again. Good place for group gatherings.

今晚同個朋友係屯門區gathering，佢都唔熟呢頭有咩好食，於是我提議用下AE卡既半價優惠先平日beerliner十分靜，夜少少就開始熱鬧。用優惠唔點得套餐。Happy hour飲野又幾抵（$44杯），不過我地覺得味道一般姐。龍蝦湯又係好抵有人倒俾你飲。不過太太太咸，我飲唔到其他味炸蝦串好又脆又大隻，點芥末醬酸酸地好夾得獎冠軍肉腸令人有d失望，冇乜口感，味道一般。酸椰菜超級酸，食唔過三啖海鮮飯足料，幾香，趁熱食好味d最後附上main menu俾各位參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

同幾個朋友去屯門開大餐樣樣都想試所以就叫咗呢個八至十人分量嘅巨型拼盤，準備上枱嘅時候全場矚目，勁長囉，足足有成4人枱咁長，周圍嘅人睇到嘩嘩聲🤣先上第一塊板：有煙三文魚泡芙，香脆魷魚圈，德式香草炸雞鎚，德式鮮菜沙律配風乾火腿，德式薯仔沙律配煙三文魚，德式麵包圈配風乾火腿，豬手肉絲卷薯條！推：魷魚圈，炸雞鎚，豬手肉絲卷當我地食到有D飽才記得呢一板係小食第二板有：番茄黑松露醬大蝦意粉，德式鄉村肉批，原隻燒春雞，香煎紐倫堡腸，自家製墨西哥辣椒芝士腸，香煎圖林根腸，迷你辣肉腸！要讚一讚個燒春雞，佢一D都唔鞋，真係好食！巨型拼盤仲有2小時生啤，汽水，果汁任飲😋整體上所有嘢食我哋都好滿意，份量又多

當日叫咗三個午餐套餐 （香腸拼盤，燒春雞，德式全日早餐），味道尚可接受，但我哋三個人食唔晒所有食物，基於唔想浪費嘅原因，我哋請侍應俾個外賣盒我哋，可能我哋有一段時間冇去幫襯，唔知佢哋嘅外賣盒油塑膠盒轉左做紙盒，紙盒比較薄身，將油淋淋嘅香腸放入去之後，油已經滲入盒身，我哋就請侍應哥哥俾個袋我哋裝起外賣紙盒，呢位極有禮貌嘅侍應就好晦氣咁話冇呀，即刻走咗去，我哋即刻叫佢返嚟問佢：「你個紙盒已經滲油污糟哂，我點樣徒手拎走？」佢話：「我哋係得盒啦，你唔好拎囉！你地唔識咩叫環保架？」我哋話：「你講嘢嘅態度好差，你叫咩名？我哋會考慮投訴你。」佢話：「我叫XX，你哋記得去投訴我呀！」其實食唔晒嘢打包都係一個環保嘅做法，只係我哋今次冇自備食物盒需要餐廳提供外賣盒，呢個我哋明白，但你呢個侍應咁嘅態度就真係抵比人鬧！你咁大個人都唔識得用有禮貌嘅態度或者婉轉嘅方法去解釋或包裝做呢個係公司嘅政策唔再提供膠袋？有時你哋啲服務性行業會鬧啲客做西客，但其實你哋啲態度又好得幾多呀？俾錢嚟幫襯你公司等你有糧出仲要因為合理理由俾你鬧我哋冇去投訴係我哋太有品，唔同你一般見識！

今日第一餐，要食好啲☺️餐湯係蘑菇湯及沙律，唔知點解沙律上要配新鮮午餐肉，我嚟到德國餐廳係食罐頭烤乳豬238元（單叫）皮好薄又易碎，肉好冧太冧，味道不錯，有下次，黑醋漬洋蔥沙律就一般般，其他嘢食味道太濃烈了，後尾覺得呢個沙律完全冇味set dinner豬手絲意粉🍝98元比預期中好味好多，好多菇菇味道很好set dinner德國腸拼盤148元個餐牌並唔係寫住德國腸拼盤，內容有係寫住唔知乜嘢批嘅，所以先點呢嗰餐，點知嚟到係3條腸+1大件午餐肉+1隻太陽蛋，下面用薯蓉及酸菜墊底如果我早知係呢個配搭我一定唔會叫呢個餐，本身對腸及午餐肉冇興趣，亦唔覺得好食最後食淨左九成，要打包墊底既薯蓉及酸菜幾好味

最近聖誕大家都話想食西餐，身邊有朋友推薦呢間就入去試試。特式拼盤$235忌廉芝士煙三文魚，呢個卷味道不錯，芝士好香又夾到魚嘅味道。德式香草炸雞搥，外皮炸得夠脆，雞肉肉質嫩滑，調味也不錯。蘑菇酥盒，酥皮食落去好似蛋撻皮，脆脆的幾香口，盛載住的蘑菇味道濃郁。燒豬手肉絲卷，咁多款小食相比之下呢個就比較遜色，裡面嘅料無論係味道還是口感都只是一般。香脆魷魚圈，味道不錯，炸得夠脆，加少少檸檬汁更開胃好食。煙三文魚洋蔥脆薄餅$153呢個薄餅個底都算夠薄夠脆，三文魚同芝士夠香味道好夾，連埋上面啲菜一齊食，添加左幾分清新，呢個薄餅相當唔錯。迷你辣肉腸$132辣肉腸細細舊唔係大條方便開心share，味道還好，唔係好辣，但食落冇我想像中咁香。整體黎講食物質素不錯，環境方面都幾有氣氛，適合朋友聚會，情侶食飯。

平時都知德國野食係鹹架喇但突然間好想食腸仔😂😂😂 就簡左呢間喇去到叫左經典sasuage platter 有好多款腸仔 好大份 同埋有辣 唔辣 唔同味 全部都好好食 整得好香口 又唔係話特別鹹wo之後食左忌廉磨菇飯 忌廉同飯都好多 食完都好飽 個忌廉好creamy 食落都網木重奶味 同個飯都好夾 好食 但都幾滯霉哈哈最後就朝飲啤酒 但就無咩特別啦 但腸仔 有啤酒送 就真係好正同好嘆喇飲埋野埋單一人百幾 又飽 算抵啦又好食！！ 仲要連鎖店都keep到quality

難得屯門市中心有一間餐廳係專食德國菜，仲聽講呢間係幾出名同幾好食，所以一於嚟試吓。我同班姊妹一齊諗住飲下啤酒吹下水。然後我哋叫咗個德國鹹豬手，個豬皮好脆口，唔會好淋。重要啲肉好多汁得來又唔會好鹹，成個感覺好match。

好少食徳國餐廳，入去主要係為左呢個$188兩人下午茶其實都係比呢個三層架tea set 吸引左，啱哂港女去影相由鹹點食到甜點，睇落唔多，但兩個女仔去食真係卓卓有餘😳

屯門市中心同埋v city 愈來愈多餐廳，不過比起元腐，選擇始終較少。呢間德國餐廳開左一兩年，剛開時晚晚大排長龍，所以襯而家無咁多人龍，就去試下。咸豬手果然係必試推薦菜，豬皮酥脆唔會太硬，肉嫩不過略咸，仲有好多骨膠元。自己都試過整德國咸豬手，要好多功夫，而且發覺原來真係唔易整，雖然外表似模似樣，但我個豬皮整得又硬又韌。所以好味既咸豬手，都係要出去先食到。另外點左個薯餅，薯餅外表脆口，而且食到一絲絲既薯仔，薯餅要切絲再煎，一般切絲後，薯仔好易變色，絕對係手工多既菜式。德國🇩🇪腸味道一般，無咩驚喜。

第一次Lunch 食德國🇩🇪野，見個Menu 好多選擇，所以就入去食喇☺️原本想叫個all day breakfast 🍳但最後揀左燒雞餐。燒雞黎到，個賣相都唔錯，而且仲大大份，當我望望隔離果枱，佢叫左all day breakfast 🥞 我即刻覺得我冇叫錯，因為佢個all day breakfast 有一磚午餐肉，如果我叫左，我應該搞唔掂😂😂我再加左小小錢要左龍蝦湯，個味道都唔錯呀，唔會腥，但要趁熱飲先好飲。

今日黎左屯門市廣場，經開餐廳時朋友話依間餐廳幾好食，所以就一行兩人入左去開餐喇，好彩果時係閒日同下午，所以冇乜人排隊。Lunch Set 都幾抵食而且價錢合理，精選餐湯配沙律、一個主菜跟飲品及甜品。叫左肉眼扒配黑松露薯條及鵝肝汁，跟沙律及加咗錢升級精選餐湯至龍蝦湯，餐飲就叫左波蘿汁，另外叫左個忌廉芝士煙三文魚卷 ($69)。忌廉芝士煙三文魚卷 : 油潤嘅煙三文魚包住滑滑嘅忌廉芝士，配上柚子醬食落口感不膩之剩帶點清新。👍🏻 👍🏻 👍🏻龍蝦湯睇落色水偏淡但出奇味道濃郁，而且食到有龍蝦肉及洋蔥，不過可惜餐廳無酥皮加配 ; 而餐湯旁邊既沙律都做得好出色，個醬汁味道好特別，甜甜酸酸特別醒胃。主菜黎到先食薯條，薯條炸至金黃色外脆內軟，而最重要係薯條面上灑上了黑松露，又香又脆唔洗點醬食，都好好食。👍🏻 👍🏻 👍🏻 👍🏻 👍🏻肉眼扒叫了七成熟，面層烤得好夠火喉，切開時肉汁湧了出來，有咬感之剩不會太韌，唯一美中不足係油脂較少 ; 而旁邊的伴菜都幾好食甜甜地。甜品睇落平平無奇，但口感軟熟，連我平時不太好食朱古力既甜品，我都可以成件食哂。飲品菠蘿汁，菠蘿味好重，而且甜度適中。👍🏻 👍🏻

一行6人。就一於TGIF。之前有朋友推薦過食豬手。所以無慮即決叫一隻。好出色！因為好夠味！個皮仲要脆嫁！仲叫左個并盤。款式夠哂多！隻隻都試到。重頭戲出現啦！1L Beer！味道同出面無異。夠哂誇張！Iphone都吾夠佢大！但係唯一就係膠杯。但又咁講。如果玻璃杯可能就太重。凍就吾太夠凍。因為倒出黎都要好耐所以相信都無辦法。再之後就係肉腸啦。基基本本。特別嘅係佢既配菜。酸酸地，一齊食幾特別。仲有就係pizza.薄既！吾會濟！配埋咸咸既肉。正！

屯門市中心頂樓有很多不同外國菜食店，有韓國有泰國有日本也有德國～這次因朋友想喝德國啤酒，所以就來這間開了一陣子的德國餐廳吃吃看。就說是為了德國啤酒，當然少不了她啦～一來就點了，麥味還挺重，也很易入口。德國腸仔也是很有名，所以叫了一盤～下邊是酸菜，德國酸菜跟中國款是不一樣，很酸但挺開胃。還有薯菜，腸仔皮挺脆，肉是醃製過自然挺惹味。德國另一招牌菜當然是德國豬手，來德國餐廳怎少得了！都是一邊酸菜一邊是薯菜，所以很飽肚。德國豬手很香脆，肉也挺多不會很粗。還算不錯。