Beard Papa's (荃灣廣場)

營業中

休息中

荃灣廣場有間泡芙店，見到d泡芙好吸引，賣相好正，又好大個，又有唔同口味，同事買返公司食，攪到我都忍唔住買了一個。我買了朱古力外層，入面是吉士，店員即刻將凍既吉士注入去泡芙入面，同事買了有些是吉士，有些是藍苺，仲有d細細粒，又有長條狀。回到公司食，朱古力外層好脆，好正呀！！入面吉士好多，又凍，又香，又滑，好好味。感覺不是好漏好甜。下次可以試其它口味。店員好細心的一個一個加吉士。所以等候時間需要較長。

雖然有咁多間賣puff ge鋪頭,, 但係最愛都係beard papa今次見到有halloween新口味cookie and cream即刻買嚟試。而且果然無令我失望 都係咁好味d cream軟綿綿又唔漏,, 所以先最中意le 間ge puff另外見到有蘋果酥皮圈,, 好好味!!! 又多蘋果,, 下次一定會再買!!!!

今日搭地鐵去荃灣，因為朝早冇食早餐，所以一出地鐵就想食d野。係荃灣地鐵站見到有間賣泡芙好吸引所以就忍唔住買左個試下外脆有幾款不同口味選擇，原味、朱古力味cream除左蛋奶沙司和朱古力兩款長期都有既口味之外，今期既特別口味係士多啤梨味。之前都有見過有哈密瓜味同埋抹茶味等等結果我最後都係揀左原味外脆同埋蛋奶沙司味。外脆皮不會太厚或者太薄，剛剛可以包好裹面既cream蛋奶沙司既奶味濃郁，咬落泡芙d cream已經好邪惡咁漏出黎好好味！

基本上食飯係每天必須要的，至於甜品就未必會日日食得到，所以有時行吓街都會心郁郁想吃，但又真係好想食佢唯有食咗先，又其泡芙簡直係至愛甜品，款式同味道可以隨你配搭，貪佢夠晒方便行到邊食到邊，好似呢期係商場行過俾我見到呢間日式泡芙店又未食過佢梗係要幫襯一下，至於款色大約有5種口味有3款，最後揀咗朱古力外脆，餡料係抹茶味，當然係外賣啦搵個地方坐低食完先再行，泡芙已被香脆朱古力包住，入口食到外脆內軟好有層次，而抹茶醬亦慢慢開始滲漏出來，抺茶味相當香甜份量飽滿，真係唔知食邊度是好，唯有食快小小唔駛攪到滿口都係抹茶美味甜品一瞬之間就品嚐完了

除左食飯都會食下其他小食，又其行商埸呢D特色小食食肆特別多，真係唔知食邊D是好，好似早幾日行開商場肚仔有D餓，就見到呢間日式泡芙店睇落食物質素都唔錯，價錢又大眾化就一於幫襯下佢買咗兩個酥皮系列蛋奶沙司外賣，係原味必食推介首選，當然搵個地方坐低就即刻品嚐，一開已見泡芙表層鬆軟又香脆再咬一啖已食到滑溜嘅蛋奶味，而且都幾多餡料食落口感十足又估唔到咁好味真係話咁快食完一件又一件已經夠晒滿足，下次有機會再食其他口味

之前行過miko一田都買過隻食，好好食。今次行過荃灣一田，又有款做特價，即刻買黎食。今次係朱古力脆皮泡芙（$18）Size唔算細隻，但唔算好大。個皮好脆好香，個面有少少似曲奇，比平時嘅泡芙再脆啲，幾特別。一咬落去已經湧陣朱古力味上黎，個cream打得好順滑濃郁，冇顆粒。入面全部都係cream黎架，隻朱古力味食落就係exactly朱古力奶味，一啲都唔“漏”。脹卜卜，真正嘅皮薄餡靚，食完都仲想食多隻，哈哈！

昨天買了「麵包爸爸」Bread papa😂的泡芙。（原來眼殘...係Beard papa😂胡子爸爸....一直也以為是麵包爸爸的我好87」.這個是餅乾系列的原味....但我還是比較喜歡經典系列的原味。因為這個餅乾款的外皮，雖然是比較脆口，但帶有一點點的焦焦的味道，我不太喜歡🤔所以還是經典原味的比較好吃～.#香港 #hkig #hk #hkgirl #puff #吃貨 #breadpapa #下午茶 #甜點 #sweet #倒數 #beardpapa

泡芙 papa 喺香港好多年，除咗萬聖節、聖誕節出下期間限定口味嘅泡芙，或者近年出埋抹茶同紫薯味泡芙之外，基本上都好少出新嘢。 不過，最近就新出咗呢個條狀物體。原來，呢條嘢係好似星洲街頭好出名嘅「吉士脆條」。呢條嘢個名叫「Kaze Kaze 脆條」，$24一條！ 既然係新嘢，我就買條試下。其實製法同平時泡芙分別不大，中間嘅吉士都係喺客人落單之後先加入去。對我嚟講，驚喜欠奉，只係平時圓買嘅泡芙變咗形狀。呢個泡芙脆條有超過10cm長，外面有一粒粒嘅碎杏仁粒。 脆條食落去，個口感同泡芙差唔多，不過呢個無流芙咁厚，好快就食到中間嘅吉士餡。 吉士餡即係平時食開嘅雲呢嗱吉士味，同外面嘅杏仁製造出外脆內軟嘅口感，杏仁粒香脆可口，吉士甜而不膩。吉士餡散落到由頭到尾都有，食呢條泡芙條絕對滿足過食平時嘅泡芙呢。如果之後有多啲唔同嘅味道就好喇！

行行下有少少肚餓都會買一個來過下口引，一直都係食原味，今次突登加多幾蚊試下個朱古力味～用朱古力漿做脆皮，味道其實大同小異，因為脆皮只有很薄很薄一層，基本上不太會影響味道，甚至我覺得有點不夠甜＞＜，可能是因為用的是黑朱古力，但裡面吉士醬都幾多，每口都是滿滿的的吉士香，吃一個唔夠喉，但２個又太多～有時候會買多一個回家吃～因為買２個好像是會比較平宜的，愈多愈平～

10月4日 ～ 在荃灣， 飲下午茶沒有來足點心，到6點左有d餓， 見舊野我都成一年未食過， 因為我記得我在最少6個月前， 買咗一個心太軟回家吃，唔好食，又硬又難食，朱古力又無味， 之後就連他的泡夫也沒有買過嚟食 今日買咗一個即食，水準依然，都似幾年前新開嗰陣嘅味，好食吖，朱古力 餡依然滑溜，依舊食陣風咁～正

(816)自從荃灣廣場一田百貨開業之後，商場內隨即熱鬧多了，原本商場已經有不少食肆，一田進駐後，新食肆繼續增加。這天去完白熊咖哩之後，經過這店，看見泡芙頗為吸引，又想試試，於是揀選了一個原味泡芙，一路行一路食，泡芙Size不大，酥皮的外層，感覺鬆脆，表面已經灑了雪白的糖霜，輕輕一握，淡黃色的吉士忌廉已經即蜂擁而出，並且黏滿手指，舌頭又怎能放過那些漏網之魚呢！當然是嘴巴全收了，醬汁香甜軟滑，很美...。此刻已急不及待，隨即大啖大啖地吃下，泡芙外層又鬆又香，質感輕輕帶脆，配合忌廉吉士醬同吃，更是...又香又甜又脆口了，這刻絕對是美味的享受。這間Beard Papa's也是源於日本，後來一度風靡台灣，台灣稱之為日式泡芙工房，跟著的10年內已經進駐了世界各地，現時香港分店亦不少。Johnny 喜歡吉士忌廉類甜品，泡芙不用說…也是真的喜歡你。