Be B燒 (已結業)

太子港式串燒 👍🏻芝士流心大啡菇$38-太子開左間串燒鋪頭 可以嘆住冷氣食串燒🔹#芝士流心大啡菇 $38好大隻 一切開好驚喜流心蛋的蛋黃流出黎加芝士每次食串燒都一定嗌🔹#燒茄子 $30好多蒜蓉同辣椒粉 重口味keke.🔹#蒜蓉粉絲燒扇貝 $85/3隻好新鮮啊 燒得剛剛好 唔會過老.前菜點🔹#泰式白鳳爪 $58 開胃比較普通 配料較少————————————————.💡 Be B燒    太子柏樹街1號地舖  ————————————————    …查看更多

呢排食串燒食上癮，行開太子咁啱喺openrice搵到間新新地既串燒好似只係開左幾個月，見啲人講閒日唔使排隊就黎試下___________🔹燒茄子 $30食親串燒，我同老婆都一定要嗌原條燒茄子呢間既茄子夠晒大條，而且夠厚身蒜味唔係勁重，食到少少茄子既鮮味.🔹燒豆腐 $15豆腐好驚喜，估唔到咁彈牙味道唔算好突出，但口感一流.🔹蒜蓉粉絲燒扇貝 $85/3隻蒜容味好香，配扇貝一流如果多啲粉絲就正.🔹五花脯 $15五花脯勁大串，竹籤差啲無位畀我渣只係簡單既鹽燒，但味道非常好味微微既脂肪味加上輕輕既鹽味，完全食得返豬既味道.🔹香茅豬頸肉 $38豬頸肉唔係串燒，份量都唔少肉質較嫩，汁唔會好酸.🔹泰式白鳳爪 $58不過不失，叫黎當沙律食是ok的.🔹椒鹽白飯魚 $48炸白飯魚外面脆，中間魚肉有咬感，配椒鹽啱晒.🔹蒜蓉牛油焗金菇 $30用鍚紙包住黎燒，火喉控制得唔錯入面完全無燶，好juice有勁多孜然粉，不過略嫌蒜蓉牛油唔夠…查看更多

《BeB燒》 #食在太子📍太子栢樹街1號地鋪-係太子酒吧街飲完酒 想食小小野行過見到串燒鋪 所以入去試試多種串燒外 仲有泰式風味的小菜 -🔸羊肉串 $15/串羊肉較膻 中意羊肉的膻味一定會中意 但份量較少 🔸泰式古法鱸魚 $128燒得好香 肉身好滑身 唔會燒到好乾有大量泰國香料夾著 🔸燒白鱔 $38/串白鱔無骨 適合唔食魚的朋友仔🔸鹽燒蝦 $7/串最少要叫4串 所以我地叫佐4串試下蝦用鹽醃製 唔算好咸 但提升佐蝦的鮮味🔸燒鯖魚 $38鯖魚份量都幾大條 加上燒汁 令鯖魚更加鮮味🔸芝士流心大啡菇 $38比較驚喜的一道菜 大香菇上面鋪滿一層芝士中間有雞蛋 但蛋黃是生的 芝士再配上蛋黃 味道好夾🔸椒鹽魷魚鬚 $48魷魚鬚的豆粉不會太多 食落外脆內軟椒鹽剛剛好 不會太過咸 🔸榴蓮炸彈 $38中意食榴蓮的朋友一定中意食 外脆內軟一咬落去 熱熱的榴蓮會流出黎 每一口都會食到榴蓮的味道🔸鹹檸七 $20鹹檸以杯盛裝 再加上雪碧罐裝附上🔸忌廉 $10-整體來說 店鋪是小店經營 坐位寬敞食物來說是不錯 價錢公道 門口環境裝飾過 是別出心思 連門口餐牌都用於霓虹燈點綴 🍴7/10…查看更多

涼住冷氣食串燒✨ 雖然而家已經係十二月尾但天氣仲係好熱，成廿六度可以短衫短褲出街🙄 成日覺得食串燒BBQ呢家嘢坐響街邊食最開心，但天氣咁熱點都係涼住冷氣好，而呢間啲位幾闊落，坐得又幾舒服下，人流又唔算多，同朋友一路坐底咬下串燒飲下嘢一路傾計打下牙骹咁都幾過癮。嘢食款式同出面其他串燒舖差唔多，不過勝在款式多，紅肉海鮮蔬菜樣樣齊，叫咗八樣嘢，紅肉類有安格斯牛柳粒、厚切牛脷扒同豬仔髀，肉質唔算好嫩滑但勝在燒得夠惹味，而且調味都幾有辣勁。蔬菜類就叫咗pizza茄子，燒茄子就見得多，加入Pizza風味就第一次見，芝士粟米燈籠椒，有哂拉芝咁係幾鹹癮，不過整體感覺唔太夾，如果轉用帶鹹味重啲嘅芝士會更好。而最正係海鮮類，叫咗生蠔同扇貝，同樣係用蒜蓉蒸，前者蒸完仲係幾大隻，咬落仲有好多汁，而扇貝都係好大隻，啖啖肉又索哂啲汁，肉嫩蒸得剛剛好。最後係佐酒小食，雞皮串夠脆口惹味，雞泡魚乾好𡁻口，送酒一流。…查看更多

今日同朋友去太子行街街, 又到左夜晚搵食嘅時候見到呢間串燒店諗起好耐冇食啦所以就決定係呢度食啦！因為我地入去個陣時間仲早, 所以一入去就有位而且店裡面有好多舒服嘅卡位同有2部大電視~相信好岩一大班朋友飲酒吹水食下下酒菜😝餐牌方面, 原來仲有酸辣粉麵, 不過今日專食串燒所以就冇食~再睇一睇~E! 價錢好平啊❤真係想每一樣都點晒, 而且仲分成海鮮, 肉類同蔬菜首先黎左燒秋葵同鹽燒厚切牛脷扒~黎到見到牛脷扒嘩左一聲, 果然厚切啊, 但係咬落好林！而我地點左OK 辣, 所以辣辣地仲好惹味而秋葵亦一樣, 小小辣~好香口之後係一個我期待嘅之一, 芝士流心大啡菇~一切開個下又嘩左一聲流心蛋黃十分吸引~仲有濃濃芝士味! Perfect match❤之後係香草法式羊架, 一直都有好香香草味飄過黎~而肉都好嫩❤只係有一舊有好大舊筋比較難咬燒鯖魚同泰式海鹽燒盲曹都有一碟非常惹味嘅泰式酸辣醬~❤十分開胃! 先分享下鯖魚, 雖然份量同出面差唔多, 不過 38蚊又燒得香口實在難得!而燒盲曹黎到時我又忍唔住嘩左一聲😂😂因為冇諗過咁大條😂😂燒魚上嘅粗鹽帶出魚嘅鮮甜! 而且燒得剛好唔會太熟, 令到魚肉嫩之餘仲有 D 魚油! 大推~最後係燒茄子, 見到多到見唔到茄子嘅蒜蓉汁係面我已經流晒口水😂😂😂鍾意茄子同蒜蓉嘅朋友唔好錯過💪總結: 今日 2個人食左 total HKD400左右嘅串燒 (另叫左2罐野飲) 絕對係一間高 CP 值嘅串燒店, 位置方便, 有卡位, 食物份量夠而且味道好值得一來啊~…查看更多

天氣凍凍地，同班朋友食啲即燒串燒暖下身！睇下張串燒紙，哇！咁多款式嘅！唔止得串燒，仲有啲前菜小食、泰式食品、椒鹽野同炸物！想再飽啲連粉麵都有！前菜先嚟個泰式白雲鳳爪，份量都幾多下！鳳爪大大隻好爽口！個醋汁甜甜地，但辣度都幾夠，好開胃！第2樣一定要介紹！鹽燒厚切牛脷扒！ 超大塊呀！成塊波板糖咁！28蚊咋！仲要夠晒厚！燒完之後個邊有少少脆，入面就夠腍！好正！一定一定要試！雞皮串啲雞皮好薄身，所以燒完好脆！又香口又卜卜脆！完全唔會覺得漏！好食！好快食完，要叫多幾串先夠！五花腩唔會好肥，肉嘅佔比都幾高因為我鍾意食肥啲，如果多啲肥會更正！依個又係不得了！芝士流心大啡菇！大大隻啡菇上面有成塊芝士！一切嗰下，啲蛋漿爆晒出嚟！超治癒！啡菇唔會燒到乾晒，加埋蛋汁同芝士，又香又水嫩！真係無諗到依間舖會有咁多特別野！茄子都可以整成Pizza咁！上面滿晒芝士！仲拉到絲！仲有啲肉碎同菠蘿粒喺芝士下邊！比平時用蒜燒嘅正好多！最後仲有份大大份嘅泰式脆皮鹹豬手！包飽肚！豬手已經切好晒！啲皮燒到脆晒又香口！啲肉都算嫩，唔會太鹹，食完飽晒！…查看更多

平時好少晚餐食串燒，今日黎個例外Be b燒位於太子地鐵站附近，步行約2-3分鐘就到。我地大約7點到店，店內只得一枱食客。店內除左串燒，仲有米線，泰式小食，烤魚，飲品同啤酒我地一行三人，大家都唔係話太餓，所以唔係叫好多串燒。我地叫左雞翼，安格斯牛柳粒，豬頸肉，司華力腸，肥牛金針菇，娃娃菜各一串。另外仲叫左泰式白鳳爪，pizza茄子同烤盲曹白鳳爪作為前菜，酸酸辣辣，好開胃，不過對我黎講實在太辣啦！裡面有幾件切開左既鳳爪，生菜，紅蘿蔔絲同埋洋蔥。串燒：司華力腸搽左蜜糖，甜甜地好好食。雞翼係最好食既串燒，有蜜糖既甜味，辣味，同埋少少孜然味，醃得岩岩好安格斯牛柳粒都好味，牛肉唔會鞋，牛都仲係好嫩金針肥牛卷又係超好食，佢地一向都係超夾既配搭豬頸肉肉質一向都係比較滑，我最鐘意食豬頸肉呢個部入，加埋香茅味道好正！另外豬頸肉有跟個汁，我覺得唔沾汁仲好食Pizza茄子就我覺得最一般，茄子燒得夠林夠軟，但上面既芝士同佢唔係太夾燒娃娃菜都唔錯既，但乾左少少同辣左少少最後係主角烤盲曹，個塊皮係用鹽包住咁燒，魚中間亦有香葉等香料。魚既肉質非常鮮嫩，熱辣辣食一d腥味都冇！連我男朋友一向都唔鐘意食魚都大讚！呢個烤魚既汁比豬頸肉既好食好多！同條魚好夾最後加杯青檸七總括黎講Be b燒既食物係高質既，唯一缺點係價錢貴左d…查看更多

🎏🎏芝士流心大啡菇（$38）燒過嘅啡菇好juicy 芝士味道香濃.🎏香茅豬頸肉（$38）外皮微焦 配埋汁一齊食更加香辣野味.🎏泰式脆皮鹹豬手($108)皮脆肉嫩 夠鹹香.🎏燒菠蘿（$18)燒過嘅菠蘿更加香甜多汁～～.🎏香蜜雞中翼 （$15/2隻)好入味 就好似平時燒烤嘅雞翼咁😋.Be B燒📍太子柏樹街1號地舖🎏🎏🎏🎏🎏🎏🎏🎏🎏🎏🎏🎏#hkfoodieslife🎏#hkfoodieslife太子🎏…查看更多

平日去就唔洗等位,可以慢慢坐串燒蝦都好新鮮,外面燒到有少少黑先係算串燒,而且蝦肉爽脆,平時燒野食都會叫金菇,今次都唔會例外,入面好多汁,同埋呢隻冇渣燒菠蘿一定要叫,因為係開胃菜,菠蘿又甜又多汁燒茄子就係我最鍾意食,隻碟係一條,入面已經加左子然粉作為調味,再加上好多香蒜,超濃味,但係好好食燒鯖魚燒到個皮脆口,加埋泰式醬汁,本身係日式就變左泰式鹽燒烏頭好大條,烏頭本身有陣泥味,但係呢條就冇,加上香矛既香味,又變左成泰國野咁…查看更多

天氣開始涼，想燒烤的慾望頻生，由於一下子不能即去book場燒烤，就來個小型BBQ吧。今次來到這間隱世的串燒店，食物種類很豐富。我和友人也餓了於是急不及待拿起點餐紙不停點了很多美食。這是青椒，分量十足，燒過之後香味可口。再來的是雞皮台灣腸……我唔客氣啦！當中的雞皮脆味可口，真的好像在吃薯片一樣而台灣腸令我開始懷念台灣夜市的美食了我看這個是什麼，這是牛舌扒，真是名副其實，很大塊喜歡吃牛舌的人，你又怎能錯過呢？燒烤也是比較上火的東西，怎能沒有啤酒這位好朋友呢，飲杯！喜歡吃芝士的朋友一定不能錯過這個芝士菇及Pizza茄子了，口感豐富全消有怎能缺少了霄壤及燒豬肶，嗯，真係啖啖肉，不需一會全部食物有在我的肚子裏了， 十分滿足!…查看更多

同女朋友經過開太子，心血來潮醒起好耐無食過串燒，就搵左附近既Be B燒其實係香港都好耐無食過串燒，原因係覺得貴，試過兩個人食好啲都要成千蚊。但依間既價錢非常合理又唔貴。真心推介依個小弟第一次食既牛脷扒，咬落去口感係外脆內軟，重點係調味十分之正，食到點哂頭！蒜蓉牛油燒金菇落足料去調味，重點係當你夾開第一層既金菇之後，會發現中間果層都夾雜住一層調味料，唔會淨係得表面果層有味，店主非常用心！pizza大啡菇依個係店主自創菜式，用上芝士肉碎青椒粟米等食材，釀入大啡菇。咬落去直頭好似食緊個pizza甘，配上非常多汁既大啡菇，一流原條燒茄士，非常足料總括而言，兩個人食左甘多野都係400蚊到，性價比十分之高。同時店主好好人會過黎分享食物心得，閒聊之下先知道，原來所有燒物既調味粉都係由店主自家調教，絕對唔係一般串燒店燒咩都係用同一隻調味粉，果啲感覺係食咩都同一隻味，但Be b燒唔會，非常有heart !…查看更多

昨晚行完街，見到間燒烤店想起好耐冇食過，又唔係好肚餓，想找個地方休息吓，就入去坐陣歎吓燒烤先需然地方細細都坐得舒服，原來呢度除燒烤還有酸辣粉食我就點左以下食物醫吓肚：金菇肥牛卷，入囗金菇好juicy，冇燒到乾晒鴨胸，咬落肉質好嫩:)蜜汁雞肉腸，雞肉腸入口唔鞋冇渣，好甜蜜糖味鹽燒厚切牛脷扒，真係好厚身，入口口感軟腍羊肉串，都有羊肉味，不過普通左d:(日式雞皮串，雞皮入囗脆咯咯香草法式羊架，羊架美味，肉嫩甘香榴槤炸彈，最正呢個，值得推介，外脆內裏creamy，榴槤蓉好香甜得閒行過可以再入去試吓…查看更多

最近放工都喜歡跟女朋友去旺角太子行街食飯，今日又去左太子覓食，行了一陣，發現有間叫Beb燒的串燒店，我們因爲都有好長一段時間没有燒烤，所以就決定食這間串燒店過過口癮。餐廳不算大，但也不會顯得好局束，食物價錢相對都好平民。我們肉叫了雞軟骨、豬仔脾、焗蠔、金菇肥牛、牛舌、泰式鳯爪；菜叫了韭菜、翠肉瓜、金菇、茄子；我們兩個人每人$200就吃了個全飽，真的十分滿足。蒜蓉牛油焗生蠔，雖然只有三隻，但每一隻都十分鮮甜多汁，意外的好吃而且又大大隻，推介。金菇肥牛一貫的口味，一貫的好吃，不需多講。所有菜類的串燒都超級鮮甜好味，無論是韭菜、金菇，還是翠瓜，當中最意想不到的是燒茄子，大大份茄士，上面鋪滿蒜蓉牛油，遠遠問到個蒜香已經流哂口水，食落仲要淡淡茄子肉，完全没有煮過頭，十分多汁好吃。整體都很滿意，吃了個全飽，每人也只是差不多200元，性價比相當高。不過要提提大家，大部分的焗類食物都是牛油蒜蓉汁，如果大家有興趣去吃但又不太好蒜蓉的話要留意。…查看更多

自己平時其實出街食飯好少去食串燒店，但朋友介紹，又見係太子咁方便，於是一試。當日其實只係平日夜晚，但店面都好full好多人。見到佢嘅餐牌其實都好特別，竟然有米線，不過當日一心去食串燒，所以無叫到米線。餐廳串燒種類其實算幾多，其中，我認為蒜蓉燒扇貝及燒茄子最值得推介。☝🏻蒜蓉燒扇貝一上枱其實已經好有蒜香味，食落味道更加香濃惹味☝🏻燒茄子🍆茄子好大條，其實原本自己都唔太好茄子，是朋友喜歡先叫，但估唔到食落又幾香幾好味，又唔乾，又多汁，蒜味同樣濃整體而言，Be b燒算是一間抵食質素又不俗的串燒店。…查看更多

原來太子開左新既串燒店🤤🤤可能係新開既關係，唔算太多人，不過服務都幾好💓🔸燒茄子好惹味，茄子上有一啲蔥花同蒜蓉粒，仲好多汁🔸燒白鱔好好食，白鱔仲好厚肉，肉質嫩滑，如果可以燒到魚皮變脆，就會更加好～🔸燒豆卜唔會太乾身，甜甜地❤️🔸燒帶子10分鮮甜彈牙，我覺得可以燒耐少少，多一分焦香，好似會更加好味🔸日本番薯仔香甜，雞腎多汁有咬口🔸豬頸肉同雞軟骨香氣十足，調味得啱啱好！🔸燒魷魚好好食，燒到好香，尤其喜愛魷魚鬚嘅部位，點埋醬汁會更開胃！🔸芝士雞蛋焗大蘑菇就有少少失望😞芝士只用片裝嘅芝士，雞蛋亦太生...魚肉鮮甜，如果再整得多汁啲會更好！…查看更多