BANCHAN

營業中

休息中

韓國比人感覺都係辣，但有D醃嘅小食，係酸為主，所以唔好辣嘅我都食到。 一次同事無意中嘅介紹，試左一次Banchan，就愛上佢嘅醃菜小食。因為我食唔到辣，所以主攻酸嘅小食： 推介一：酸白蘿蔔 之前食過幾次，紅蘿蔔&白蘿蔔都有，可能好多客都中意只叫白蘿蔔，所以最近2次去，都只得白蘿蔔，只夾雜幾舊紅蘿蔔。 這個酸蘿蔔酸度剛剛好，蘿蔔不會過「淋」，軟硬適中，而且十分開胃，飯前食幾舊最適合。通常2個人食的話，我會買小，如果人多少少，就會買中。推介二：酸甜涼拌章魚 呢個有D貴，但受歡迎，去3次先會有1次遇到有，小SIZE都要$60，雖然都係酸，但與酸蘿蔔嘅酸唔同，呢個酸帶小小甜，章魚要用小小牙力，青瓜好爽脆，因為貴小小，所以每次只會買小SIZE。推介三：泡菜雖然我唔太食到辣，係韓國當地泡菜嘅辣我就食到，但返到香港，香港製造嘅辣就食唔到，好奇怪。不過泡菜唔一定辣，Banchan有兩款泡菜，好似我咁食唔到辣，可以揀唔辣泡菜，雖然唔辣，味道跟泡菜一樣，只係無左辣味，大家可以一試。餐廳資料： BANCHAN     網址: https://s.openrice.com/QrbS0W3G900 地

又去開尖沙咀，趕起時間上嚟lunch都冇得食。。 就會去附近韓國街買嘢食。 趕時間又方便又美味，就即刻諗起韓國飯卷。所以今次嚟嘅目標就係買條飯卷，邊行邊食。見到e間BANCHAN好多人出出入入，所以就揀左E間店。我係店外見到寫住38，但入到見到佢地將唔同味ge飯卷分好一蘿蘿，只得鯷魚係38，其他都係40。 我最後揀左燒肉(Beef) 原來佢每款味ge packing 都唔同。。 味道方面， 飯嘅份量比較少，大食嘅朋友要注意一下啦! 不過佢啲料真係好多😂😂 ，牛肉炒過有陣香味，好入味好食👍👍， 仲有咁多配料一齊食，味道唔會好“寡“， 我諗呢一個飯卷係食極都唔會厭!😂

食物種類不少, 今次目標依然是捲飯, 另加一件煎餅。海鮮葱煎餅 $30煎餅有大量韭菜, 當中夾雜了切碎的魷魚, 蜆和八爪魚, 煎香後味道不錯, 一件足以飽餐。韓式捲飯 (辣豬肉) $38上回試了烤肉的捲飯, 今次試辣豬肉的。打開包裝, 捲飯已經切開一件件, 方便食用。餡料有豬肉, 蘿蔔, 青瓜, 牛蒡, 雞蛋和紅蘿蔔。材料豐富, 唯辣油有點多, 感覺無咁健康。味道方面只有少少辣, 整體還不錯。下次光顧還是選不辣的捲飯, 感覺既健康又不會油膩。

BANCHAN 是韓國的飯饌。店舖以此命名, 賣的就是飯饌。除此以外, 還有賣炸雞, 豬手, 煎餅和捲飯等。飯饌種類不少, 看見雖然會心心眼, 很想吃, 但我覺得始終要買幾款跟飯和湯吃才對辦。而且入這店舖, 本來只是抱著好奇心, 看看賣的是甚麼食物, 沒想過要消費, 但最後也買了一個捲飯。韓式捲飯 (烤肉) $38捲飯也有數款選擇, 我選了烤肉的。打開包裝, 捲飯已經切開一件件, 方便食用。餡料有烤肉, 蘿蔔, 青瓜, 牛蒡, 雞蛋和紅蘿蔔。材料豐富, 味道相當不錯。由於整體飯量不多, 一個人自私食無難度。