BABY K Bora Seafood (已結業)

係openrice訂座同買左優惠券食聖誕下午茶、不過餐廳工作人員話應該要電話訂先受理、但我係條款真係唔見有寫、不過最後都有比我地入、待應態度有善。但食既野有如聖誕聯歡會到會、食薯條、薯餅意粉、沙律、雞翼、豬肋骨、野食無食係熱既、菜單中好多期待既食物都無出現，如咸豬手、不過條款寫明可能因應節日有所更改，咁我都無得投訴、食物味道可以。但適逢假日、人客瘋狂攞野食、好多時未換得切、甜品沙律熱食皆一空。

俾錢買難受 本身係訂7點30分非自助餐 打黎話節日剩係做自助餐型式 建議我轉 仲要得8點30分呢個時段選擇 等左好耐 個個訂曬枱都仲要等 條隊排到長一長仲排到去第二間餐廳既門口仲要俾第二間餐廳鬧話阻住人地門口要叫保安投訴添 安排失當剩係叫等..然後等到遲左成半個鐘以上先入座都算 仲以為食物會好d 失望頂透得凍冰冰既滷水雞翼 咸豬手切片既肉硬到咬唔爛 咖哩雞又係凍既 唔知乜意粉同埋飯仲要上一段時間食剩既.. 一黎就叫我坐出面食風出面仲要係冇餐具 要我自己行出行入咁搵人拎野 d蠔果d係邊拎入座既時候又冇講聲 食物數目又少 補食物又慢 又唔好食 錯漏百出而且居然一間自助餐廳居然係會唔夠碟 轉用紙碟!!??咩事？ 仲要俾現場職員話當露營？？姐係我俾錢黎尖沙咀童軍玩露營？仲要收貴我咁多錢 同標示價完全唔一樣 絕對不會推介此餐廳 完全不能接受

本來開開心心嘅平安夜，就係因為呢一餐，換來一肚氣。由1815開始自助晚餐，未到15 分鐘，生蠔已經開始短缺，等生嚎時間，比取生蠔時間，多數十倍。基本上，全晚與太太只每人吃了兩隻。燒牛肉，連見都未見過，坐到1900還未有第二轉出。其他食物？跟大家樂的兩餸飯差無幾。雞中翼，薯條，薯餅，豬扒，意粉，炒黑菇.......飲品吧！全餐廳就是兩酌四人份量的果汁，八個人還可以應付，但在坐保守估計都有6、70人最難得是餐具，1845已經只能斷斷續續地供應。基本上坐了45分鐘，除了每人一客所謂海鮮拼盤可以好運地輕鬆食到，其餘時間都是等多過食。至於海鮮拼盤，包括半邊波士頓龍蝦、三文魚兩片，凍蝦兩隻，青口兩隻咁豐富啫呢個餐，經理打算收每位$680 ，但因為經OpenRice book, 有85折喎！不過佢好好人呀，最後收咗我$1552 四位咋我老懷安慰到呢！

本身book左12月24夜晚食buffet同買左佢所謂既$388優惠券，點知confirm booking個陣同我講當晚用優惠券既quota用曬逼我俾$680有85折先有枱好，都算。點知入到去成個大食會咁一眼睇曬，說好既法國生蠔成日冇曬，仲要腥腥地最慘係連盤都搵唔到，要問先有（唔係buffet黎架咩？) 甜品區得三盤cake想點😡 徹底失望，唔知點解會有好評。$388優惠券仲未用到😩本身開開心心既聖誕俾佢搞到冇曬mood

我都知平安夜食平價自助餐不能要求太多但無食物真的是太過分！！！！！食物已經凍冰冰，每次出少少有食物就沒有碟，有碟就沒有食物！完全是鬧飢荒！所有人大排長龍等食物，有食物出就去搶...出一出雞翼，無錯，只係雞翼瞬間即逝...我無諗過自助餐見到雞翼竟然會搶十幾二十隻沙律菜都要搶，空空如也...車厘茄 波蘿 都百無食了一小時可能廚房心急出食物竟然發現唔熟的雞翼炒飯 意粉 都無只係會偶然出少少雞翼 薯條真係覺得好無奈早知去食快餐店好過

餐廳位置較難找 但去到門外已經裝飾得好有聖誕氣氛入到去燈光幽暗 播著流行曲 環境充滿浪漫情調 那就先來兩杯雜果賓治🍹 buy one get one free👍🏻然後決定點個兩人套餐前菜先有鵝肝凱薩沙律 有好多沙律汁 唔會淨係得青青草原的味道 撈埋一齊食 甚為開胃😍😍餐湯有龍蝦湯同周打魚湯 兩個都好濃味 一點都不稀 同不需再加任何調味料🤤主菜揀左慢煮德國鹹豬手配薯條 好正呀 d皮脆卜卜又煙韌 肉質夠嫩 配上酸菜 不會好漏 好正呀 仲有個芝士海鮮意大利飯 芝士的味道不會完全蓋過飯同海鮮的味 一啖又一啖擺入口 自己都可能食得晒 哈哈重點係個龍蝦 啖啖肉好鮮甜 張餐枱紙教埋你點整開黎食 仲有甜品送 兩人套餐黎講好抵食

今日同屋企人一齊黎到 Bora Seafood 因為網上見到佢哋啲相片同食評都非常好，我哋揀咗佢哋推介嘅海鮮龍蝦自助餐。首先，值得一讚嘅喺餐廳同事每一位都好有禮貌，招呼亦唔錯。龍蝦有半隻，份量中等，其餘有青口，翡翠螺，三文魚，蝦（各x2）。所有海鮮白灼，坦白說唔特別，質素一般。自助菜式就非常失望，選擇較少，另外擺設唔make sense... 一般自助餐會將頭盤/主菜/熟食分開.. 可惜 Bora 擺設較亂 .. salad bar 同 salad醬都冇放埋一齊 ... 熟食有prime rib .. 不過非常鞋 ... 豬仔骨同樣乾身.. 我哋一家同意最好食係雞翼 ...但係呢個亦係最搞笑 ... 淨係雞翼佢哋都有3款 .... 總共菜式可能得12～15款 ... 而雞翼佔3款 ... 可想而知食物選擇係有幾好

K11場頂樓原來有這樣一間高檔的西餐廳，環境大而優雅，感覺好貴氣、坐得很舒服！今日叫了一個波士頓龍蝦二人餐，這個套餐可算是超級豐富吧，有三個主菜，真的食得很飽！前菜有鵝肝凱撒沙律：鵝肝煎香，口感香而嫩，沙律菜非常新鮮。餐湯叫了周打魚湯和龍蝦湯：周打魚湯較為清甜，龍蝦湯有好濃的龍蝦味，較為濃郁。芝士焗波士頓龍蝦：龍蝦原隻大大隻上枱，很有氣派，賣相很吸引，肉質豐厚而彈牙，不論是原味食或是點甜辣醬食，均很滋味！岩鹽黑胡椒香煎羊加配焗薯：羊架約有8-9成熟吧，厚肉，但不見血，肉質仍保持鮮嫩，岩鹽烘脆，配合羊架食，頗有口感和特色；焗薯夠香之餘，加上手打薯蓉，可同時享有兩種質感，很有心思！醬燒鰻魚炒飯：炒飯乾身，鰻魚香甜，飯粒吸收了醬油味，齒頰留香！飯後甜品尚有石板街朱古力慕絲及籃梅芝士蛋糕，質地較為堅挺，也挺好食的。好食的餐廳會讓人一試難忘，有機會不妨也來一試吧！

聖誕節就到喇 梗係安排餐廳同朋友仔一齊食餐聖誕飯喇 朋友介紹k11有間餐廳有龍蝦食 即刻openrice 睇睇 原來網上訂座仲有85折添 餐廳已經充滿聖誕氣氛喇 擺滿聖誕裝飾 好令啊我地叫咗set 波士頓龍蝦二人套餐白酒原味波士頓龍蝦原隻龍蝦上陣 新手吾識剝龍蝦嘅 張餐紙有教學 有埋圖畫 其實好易嘅 咁新鮮嘅龍蝦 梗係白酒煮先食到佢嘅鮮甜味喇 仲要原汁原味添 吾洗點醬都可以鵝肝凱薩沙律鵝肝剪得香脆 入口即溶 蔬果亦好新鮮 滿滿嘅沙律醬 真係好開胃龍蝦湯龍蝦湯好濃郁 鮮味 正🤟🏻慢煮德國咸豬手配薯角豬手好大份 吾會好咸 剛剛好 外面好脆 肉質吾會好硬 吾錯芝士海鮮意大利飯意大利飯軟硬適中 好creamy 另外飯到有d元貝等海鮮 鮮蝦吾會太大隻 但勝在新鮮 最後食埋個甜品 好滿足啊

12月係一個好開心既月份由年頭定下既目標，好努力咁一個又一個完成✅。所以呢要搵間餐廳大吃大喝，好好慰勞自己，同時都要答謝好好照顧我既老媽子。-年尾好多Party，母親大人今年都約左班麻雀友開P, 今晚陪佢買完戰衣，就去左依間西餐廳撐台腳。-當晚大約7點黎到，間餐廳好大間，佈滿聖誕裝飾好有節日氣氛。餐廳餐牌都好多選擇，二人套餐都有成三款可選。有法國生蠔、波士頓龍蝦同普通set dinner🤤 遺傳左媽子既選擇困難症，所以最後決定唔散叫，點左二人法國生蠔套餐😌-💫沙律🥗二選一：24月黑毛豬火腿凱薩沙律柔軟鹹鮮既Parma ham 配上清新沙律,perfect match 👏🏻。我好鍾意食鹹中帶香既嘢，一片片薄而透光充滿油香既Parma ham 食好多都唔厭🤤。之前媽咪喺我感染下都愛上左。有時我買咗包Parma Ham放落雪櫃，佢會偷食，搞到我冇得食🤷🏻‍♀️。-💫法國生蠔六隻味軟濃,海水味重👍🏼肉質爽口飽滿-💫餐湯🥣三選二： ✨黑松露野菌忌廉湯媽媽最愛菇🍄既香味依款湯，忌廉香滑、菇味濃郁-✨招牌龍蝦湯龍蝦湯味道香濃，熱辣辣入口感覺不錯， 配上脆包更感滋味。-💫A款主菜 五選一：慢煮德國🇩🇪咸

哈哈哈，難得有人book咗枱吃餐好，當然要赴會喇，雖然喺k11個商場算係比較偏僻嘅位置，但就當行下成個商場再上去吃飯坐底後大約7成滿，睇過餐牌後有人決定食豪佢😆😆，於是叫咗龍蝦大餐，鵝肝沙律第一次食，鵝肝一直是my favourite, 但配搭蕃茄、粟米呀，感覺都幾fresh餐湯方面另一半好欣賞，周打魚湯佢感覺啲料好足，好大件；龍蝦湯佢感覺好夠味，亦都無十分苦，佢超like 主菜當然喺隻龍蝦，我地叫咗芝士焗，我地早早已經睇咗張紙教點食龍蝦，當然就跟足，芝士方面唔係好濃，無蓋過龍蝦嘅鮮味，個肉都無焗到好難咬口，入口都算爽另外叫咗西班牙黑毛豬，個扒兩邊面煎得好脆口，但肉都嫰，好食，後來睇番原來係梅頭，點知好有豬味，另外仲有個芝士海鮮意大利飯，飯較淋身，但味道都唔差最後仲有甜品同埋飲品，有人請當然開心喇😆

聖誕節就黎到🎅🏻同朋友提早慶祝聖誕節去到揀咗個2人餐法國生蠔朋友好鍾意食法國生蠔，淡淡嘅鹹水味，肉質較結實黑松露野菌忌廉湯黑松露購買忌廉湯,忌廉湯入邊都有黑松露嘅味道，碟上有個蒜蓉包，點一點黑毛豬火腿沙律沙律入邊有蔬果，最欣賞係黑毛豬火腿，一片片薄切，加埋啲沙律沖淡黑毛豬火腿既咸味，配合的好德國鹹豬手鹹豬手外面嘅皮脆博博,入邊啲肉仲保持到肉汁，食落唔會乾芝士海鮮意大利飯入面有唔少海鮮，飯有咬口甜品啫喱係酒精味嘅啫喱，一食落初時苦澀，慢慢滲出酒味

✿╮❤╭✿ ✿雜感女生 好味日記✿ ˚*•✰。BABY K Bora Seafood．隱身K11的美味。✰•*˚ ✿✿舌尖上的尖沙咀✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 最近發現了一個K11的新食點 空間大，座位闊落，位置隱蔽有情調 二人餐價格貼地親民，於是我們點了一份「波士頓龍蝦二人餐」 享受了美味的一晚 跟餐的可點紅酒、白酒 但由於明天要上班，一於點了雜果賓治+檸茶 味道非常新鮮，果香十足 鵝肝凱撒沙律 鵝肝外脆內嫩，味道不錯 龍蝦湯、周打魚湯各一客 龍蝦湯味道夠出色，周打魚湯比較香濃 如兩款只選其一，一定是龍蝦湯 配上香脆蒜包，一流！ 十小時慢煮德國豬手配薯角 吃得出的出色，不是只有SALT 而是入味的香，外皮夠脆，肉質上乘！ 意式西班牙辣肉腸意粉 意粉很彈牙，加之以西班牙辣肉腸根本就是最好的調味 波士頓龍蝦一隻，選了芝士焗 肉質非常鮮美彈牙，香濃的芝士不減原汁原味 好高質素的說 小小甜品：藍莓芝士CAKE 蛋糕夠厚實，入口滑滑 餅底做得好，沒有鬆只有香 小評： 味道：

朋友約了在K11用餐，是在三樓的Baby K，老實說地點比較隱蔽呢。一進店內，嘩，地方好大呀，一邊酒吧，一邊餐廳，仲有個超豪的VIP房。昏暗的環境好有情調，全店的食客都以低聲交談，感覺輕鬆的。餐具新淨衞生，美中不足欠了一只湯匙。店內超大，想坐卡座的話要預先訂枱啦。點了一個二人餐，餐飲可選紅酒，白酒，Fruit punch同咖啡或茶。本想點咖啡的，但店員告知咖啡機壞了，又不想喝酒精飲料，那就來杯Fruit punch吧。點的是二人生蠔晚餐，先來的便是生蠔六只。生蠔雖不是十分肥美，但很新鮮，入口creamy帶有海水的鹹味，很不錯。24月黑毛豬火腿沙律，火腿鹹香帶酥味，下層是他他沙律，有切碎了的青瓜，蕃茄，同栗米等，很清新。餐湯方面，朋友點了周打魚湯，很滑很creamy，但調味略甜了點。自己要了黑松露野菌忌廉湯，濃濃的雜菌味很香。主菜方面要了黑松露芝士焗濶條麵，上層是厚厚的白汁同芝士，很香呢。濶條麵好有咬口，沾了滿滿的黑松露醬，內裏還有不少新鮮的蘑菇粒，蘑菇十分鮮甜水嫩～另一主菜選了慢煮德國鹹豬手配粗薯條，超大隻的豬手，配了芥末沙律醬，還有酸椰菜，賣相好吸引呀！皮脆肉嫩，皮下脂肪彈牙不油膩，

晚餐預早訂座有85折優惠，非常重要，所以必須劈頭先說。每個商場均有其定位，並根據定位規劃trade mix及tenant mix。而K11的定位明顯是those middle class & millennials with spending power 舖面寬敞，座位設計及尺寸均給予舒適感覺，good lighting that gives a romantic feeling點了價值$598的二人晚餐，扣除訂座所享的85折，價錢適中:-法國生蠔 (6pcs): 精選生蠔六隻，屬細size，因此肉感一般。但生蠔新鮮，蠔味不會過於濃厚，作為starter尚為合適。House Wine: 微酸，整體較light，配生蠔食剛好，不會搶fo，易入口，女性亦不會抗拒。黑毛豬火腿凱撒沙律: 甚少吃，甚至能說不喜歡吃沙律的我見系套餐都可以扮下健康但沙律竟然出奇好食，所採用的沙律醬香甜可口，加上芝士toppings，邪惡中又帶點收儉，黑毛豬火腿竟成為配角。招牌龍蝦湯: 龍蝦湯味濃鮮甜，不失龍蝦的甜美，稠度適中，蠻不錯。卡邦尼意粉: 雖則簡單，但作為意粉中的signature，口感與味覺卻是家家不同。