Andy's 烘焙坊 (積富樓) (已結業)

新店開幕！行過見好多人圍睇！過左去睇下係咩店鋪！原來係台式古早蛋糕！！！之前係元朗都見過類似古早蛋糕店！好想試！但出爐時間成日都撞唔上！無緣食到！見大家排隊買一於排埋一份！蛋糕有4款味道！分別有原味、流心芝士味、抺茶味同伯爵茶味！原本我想試抺茶味！可惜撞唔上出爐時間！買左原味蛋糕.蛋糕新鮮熱辣辣出爐！聞到好香嘅雞蛋糕味道！返到屋企即刻沖杯茶，品嚐下新鮮出爐蛋糕嘅味道！比我地食開嘅紙蛋糕更加綿！淡淡蛋香味！好味！ 配埋杯淡茶，咁就唔會哽親！

由筲箕灣開到黎大圍嘅台灣古早味超軟蛋糕，呢日黎到剛好綠茶味出爐，即刻買番舊黎試下～非常時期，見到員工戴曬口罩同手套都放心啲。原來阿姐話可以擺三日，而凍左可以叮熱黎食就一樣咁好食，一個人食唔曬都可以分開幾日食，不過都可以買半個！流心芝士味要等出爐，呢日唯有買住綠茶先，真係好軟好好味，綠茶味好濃仲試左佢地新賣嘅：即沖黑苦蕎蜂蜜糖磚，聞落有陣蕎麥香，自己加左包綠茶黎沖，甜甜地，有啲黑苦蕎粒粒，潤潤地，都好正呀

見到有間新店開門，平時行過見到好多人排長龍買，就冇特登去排隊。可能今日係平日，見冇乜人排就走去買嚟試下。上網先知原來依間店之前係筲箕灣開店，依間係第2間分店，唔怪得之見到咁多人排隊啦。味道有原味，抹茶，芝士同流心芝士，想食流心芝士味，但未到出爐時間，唯有買個原味試下先。全個$50，半個$30，最後買左全個，覺得有啲貴但都試下啦。買既時候仲暖暖地，但拎到返屋企未得閒食，食既時候已經攤凍咗，點知都幾好味喎。店員教可以用微波爐叮10秒食可以熱啲咁食。曾經喺淡水食過類似既古早味蛋糕，熱辣辣食確係正。下次想買個流心芝士蛋糕熱辣辣出爐食！