Amuse

營業中

休息中

玩完朋友嘅bb之後有d餓，喺佐敦見到呢間幾有格調嘅bar, 仲要所有食物每日 4-8pm 有半價優惠，就入去食左個early dinner, 順便飲杯嘢傾下計~✨炸啤酒魚柳薯條 - 兩大條炸魚柳都稱得上幾巨形，外脆內嫩滑，仲熱辣辣勁滋味🤤薯條有厚度有口感👍✨特色雞翼 - 有3隻口味，包括威士忌BBQ, 蜜糖芥末，水牛城辣汁，我覺得威士忌BBQ最特別，食到酒香mix左燒烤醬嘅味🤩蜜糖芥末甜甜地又幾易入口~ 而水牛城微辣夠惹味！✨芝士肉醬玉米餅 - 有雞/牛/素食揀，我地叫左L size 嘅牛，份量好足，面頭好多芝士，牛肉碎同配料，入口辣辣地幾過癮😋✨Farmer - Mocktail之一，蘋果味好出好清新又唔會太甜，重點造型幾靚，面頭仲有幾片青蘋果~✨Safe Sex - 個名幾得意，溝左cranberry同orange juice, 甜得嚟果味香，食完熱氣野飲一啖降温同解膩都唔錯🤩

一行入去，覺得呢間酒吧都幾relax，有sofa坐下，唔洗下下坐高櫈咁辛苦，再加埋happy hour 4pm-8pm每人叫一杯飲品，就可以享有非主食類(意粉🍝、豬手、漢堡拼盤、豬肋骨除外）半價幾吸引，美中不足係一行入去會有少少🤏煙味。*炸啤酒魚柳薯條 $74*份量幾足，魚柳都大條，薯條係熱辣辣同脆架，薯條面本身有七味粉，點埋黑松露醬食，送酒一流😆*肉醬芝士大蘑菇 $49*蘑菇焗得幾淋😛，想唔熱氣既叫呢個就岩曬啦！*特色雞翼 $59 （L)*總共有9隻雞翼，分別有三種口味：水牛城辣汁、蜜糖芥末、威士忌燒烤。最鍾意❤️係威士忌燒烤味，因為雞翼咬落真係有酒味，幾過癮☺️*Kiwi Tree $50*幾fresh，酸酸地唔甜😸*Around the world $65*呢杯普通左D，係薄荷味極重既cocktail🤣

俾我喺佐敦搵到一間抵食又chill嘅酒吧😍佢位置雖然一般，不過食物、環境、酒類飲品都好唔錯。而且依家happy hour時間大部份食物有半價，非常抵食☺️我哋叫咗幾份嘢食，同埋兩杯Cocktail。首先上嘅係小食拼盤，好豐富呀，3隻雞翼、3件腸腸、2件大大件嘅炸芝士同埋幾件炸洋蔥圈，半價之後先$84咋，好抵食☺️之後又係炸嘢fish and chip ，佢嘅炸魚整得好好味，尤其層皮，凍咗食都仲脆㗎，份量比想像中大好多，兩條大大條，先$74咋，一定要叫嚟大家share食呀👍🏻最後點咗份意粉，雖然冇半價，但價錢都非常合理。意粉有雞肉、菇 同埋 秋葵 ，比較清淡同健康，食咁多炸嘢食返個健康啲嘅意粉都唔錯。cocktail選擇勁多，我哋要咗杯好靚好啱打卡嘅candy bear，佢主要用volka，加埋幾款果汁，最特別係上面嘅啫喱，酸得嚟好特別。另一杯好多水果嘅 sweet tea sangria，呢杯冇咁甜，用rum同白酒，加上幾種水果，非常清新。兩杯都值得一試，happy hour每杯都係60至70不等，而且份量比普通酒吧大份，非常抵飲😊

The bar’s decoration is a modern style with some vintage element. The couch area is spacious and comfortable for drinking. The bar has some self made cocktail to serve with various flavour and liquor. A drink of gummy bear mixed with gin and other juices serving with iridescent and vibrant Color bringing me a good mood in this HH experience.

呢間隱世小店真係好高質，誤打誤撞都搵到間好野～雖然餐廳偏細，但環境唔錯，光線佈局同格調好有feel既小酒吧，而且係有sofa可以坐，非常有親切感，可以好放鬆又舒服，感覺係享受食物消愁既好處去。個自家製牛肉漢堡真係好好味，同快餐店既漢堡完全唔一樣，牛肉好juicy，份量足夠，而黃瓜爽口感覺新鮮，麵包口感極佳。而薯條熱度烤得恰到好處，唔會感覺擺得耐涼左，比快餐店口感好超多。飲品當然不外乎汽水等大路野，沒乜特別。原本以為呢D快餐食物味道都差唔多，但原來可以咁好食。唯一覺得唔好既野就係要等幾耐，差唔多半個鐘先食到但慢工出細活，食物質素真係唔錯！

一大班同事出去佐敦食晏真係好難搵位，因為啲餐廳普偏都係細。佐敦好多餐廳食晏都食過哂, 今次行過見未食過，就試下哩間夜晚酒吧日頭變餐廳嘅AMUSE。$88免加一送飲品嘅自家牛肉芝士漢堡，選沙律做配菜。一開始望落去好似好細份咁, 不過原來都係眼闊肚窄，食到最係其實都好夠飽。漢堡扒厚身, 偏熟，肉味濃郁，味道不錯，個包烘得脆脆地，位置坐得亦幾舒服。略嫌等太耐先出到餐，可能因為我地一大班人去，全部都叫自家牛肉芝士漢堡，最後差不多等咗成40分鐘先有。

有讚當然有彈，首先真係要餐廳注意番如果LUNCH要等咁耐的話真係唔多好！可能廚房方面真係要增加下人手，或者食材方面早少少準備會好D！雖然真係等得耐咗少少不過個包真係值得一讚！薯角又熱又脆，唔會淋哂唔好味碟底舖好幾張吸油紙，唔會食得咁狼狽。漢堡夠汁唔乾，加埋酸瓜減低油膩感可以再去試試！

佐敦呢間長期多人嘅bar 勁方便好近地鐵站🙆🏻‍♀️ 環境行工業風 坐得舒服唔嘈傾到計✅聽講廚師都有料到 食物係西餐廳質素~ cocktail又有特色( ˘͈ ᵕ ˘͈ ) 質素贏過好多所謂bar&restaurants😵‍💫❣️特色雞翼 （蜜糖芥末/水牛城/威士忌燒烤） $118 （L)雞翼fans必嗌‼️ 可以一次過食3款口味好感動 ( ᵒ̴̶̷̥́ _ᵒ̴̶̷̣̥̀ )蜜糖芥末is my fav💕️威士忌燒烤真係第一次食🥳 比普通燒烤醬冇咁鹹同單調🤤每款都可以做到皮脆肉嫩 大推‼️❣️迷你漢堡拼盤 $128唔好以為係啲港女一口包😂 超級足料囉勁抵食⸜(๑⃙⃘'ᵕ'๑⃙⃘)⸝⋆︎* 有兩份自家製牛肉漢堡 同一份雞肉漢堡share🤤牛肉好厚 芝士仲做到半溶🍔 太正了吧‼️驚喜係薯格仲好食過KFC😂 勁香脆入味🤤如果單嗌薯條 仲會有唔同醬料揀🙆🏻‍♀️ 勁特別 有冬陰功 莎莎醬 黑松露醬😌❣️焗肉醬芝士大蘑菇 $98超大粒大啡菇🙆🏻‍♀️ 芝士焗完好香又拉絲🧀🧀收埋好多肉醬 冇carbs 但飽到傻咗😂❣️燒牛脷粒 $98第一次咁樣食 通常都係食串燒😌 真心覺得超抵🥳 平時一串居酒屋都要幾十蚊 得3-4塊 呢個係勁厚切 仲要有十幾粒(๑

是晚約左朋友食飯，因為朋友要8點幾先收工，想搵間開得夜少少既餐廳，即刻搵Foodie 二姐幫手🤣🤣佢好快就係另一位foodie 朋友度問到呢間Bar and restaurant! 似乎係新開既！到達後慢慢睇下menu 有咩食😃選擇唔叫好多，主要都係小食😀揀左🔸特色雞翼（S size) ▪️有3種口味- 水牛城，蜜糖芥末，威士忌燒烤- 我覺得蜜糖芥末最好食🔸焗肉醬芝士大蘑菇▪️菇好多汁，正🔸芝士肉醬玉米餅 (small size) 🔸Candy Bear ▪️朋友叫既！個樣好可愛呀😍😍試飲左一啖，味道好有果味，正😝🔸菊▪️呢杯就我既，但個人覺得太苦酒味太濃，飲唔到茶味🥲🥲如果想要安安靜靜食少少野飲杯野，呢度係唔錯既選擇。性價比都唔錯，每人都只係大概$250😀😀

個人覺得尖沙咀比較多bar &restaurant 但今次行過少少去到佐敦 就比我發掘到呢間環境舒適 食物同cocktail 質素唔錯嘅bar&resto 幾適合同朋友聚會飲返兩杯😙一睇食物menu感覺貴精不貴多 都係提供nachos 焗豬手 呢啲比較送酒嘅西式食物為主 不過酒menu就有超級多選擇😱甚至可以要求tailor made真係好貼心😍📌特色雞翼 （蜜糖芥末//水牛城//威士忌燒烤） $118 （L)3款口味共9隻雞翼好豐富 蜜糖芥末唔洗講我中意❤️但我幾欣賞威士忌燒烤呢個口味比較少見 食落帶有少許酒香同燒烤醬嘅鹹甜味原來都幾夾😆📌迷你漢堡$108細細個漢堡除咗唔會令人食相狼狽☺️ 仲比機會我留肚叫多幾款小食送酒🤣 呢個拼盤除咗自家製牛肉漢堡 仲有比較少見嘅雞肉漢堡 兩款味道都唔錯 另外薯格新鮮炸起勁香脆🤩📌焗肉醬芝士大蘑菇$98邪惡之選😈 大啡菇面頭鋪滿芝士去焗好香口 一切開就見到滿滿嘅肉醬流出嚟 呢個比較飽肚嘅選擇都係同3/4個朋友分享開心啲📌燒牛脷粒 $98好似食緊骰仔牛咁 但高級咗用牛舌嚟整😆😆 呢款小食勁好送酒真係必點🤪🤪 調味如果多少少黑椒味會更香口😍📌Candy

尖沙咀呢啲旺區人頭湧湧行過少少佐敦都有唔少酒吧餐廳見到呢間餐廳環境唔錯樓底高 有高枱亦有梳化位氣氛幾好酒精類當然唔少得啦非常多選擇食物方面以西式小食為主漢堡 炸魚薯條 雞翼 等等送酒一流🍻‼️迷你漢堡拼盤好得意嘅迷你漢堡set🍔兩款牛肉漢堡加一款雞肉漢堡雖然話係迷你但份量都唔細都有正常漢堡嘅一半架！除咗漢堡 拼盤仲會有埋薯格自家製牛肉漢堡超有誠意麵包烘過偏脆唔會太乾中間厚厚嘅牛肉肉味濃有肉汁夾雜蕃茄同生菜幾好食🤩雞肉漢堡嘅雞肉質地就比較乾普普通通好彩仲有醬汁搭夠！個人偏好牛肉漢堡薯格份量都好多炸到勁香脆漢堡同薯條真係絕配😋德國鹹豬手原隻鹹豬手超大個但原來中間嘅骨都佔咗一大半😂外皮炸得脆卜卜不過就硬咗啲肉嘅部分都算多味道夠哂鹹香肉質比較嚡但係送酒一流呀🍺-呢間酒吧餐廳嘅氣氛幾好坐得好舒服食飯傾吓飲酒啱哂🍻食物質素比預期好而且呢度好似仲有水煙食架！

太開心啦！做咗咁多日，終於到咗星期五😍想搵個安靜啲嘅地方，飲杯嘢同friend吹下水~呢度嘅特色雞尾酒🍸同埋小食🥜真係好吸引！要數推薦嘅，一定係佢哋嘅🇲🇽墨西哥Taco！唔同嘅配料，食落去真係會上癮❤有夾餅同卷餅兩種，我哋先試咗下佢嘅夾餅~中間嘅係雞肉🐤旁邊兩個係牛肉🐮食落去好juicy😍出邊嘅粟米片非常香脆，入邊嘅肉絲味道校得啱啱好，因為小食好輕便，一拎就食到🥰試過一個之後，實在太好味，所以我哋都決定encore，試埋佢哋嘅卷餅XD佢哋嘅威士忌BBQ豬肋骨都非常唔錯，大件得嚟焗得好香軟，每一啖都食到肉汁嘅滋味🤤小食🥢燒牛脷粒，記住要試埋！大小適中，一啖一粒，最啱用嚟送酒😉焗肉醬芝士大蘑菇好香，邪惡拉絲，配埋肉醬啲汁好入味！試咗兩杯飲品，我叫嘅係特色嘅Cocktail Papa，因為有加我最愛嘅Bailey，香濃奶香非常好入口🤓環境舒服，店員都好warm，把酒談心，呢度最適合不過~@amusebar 📍佐敦

今日早咗收工我可以趁機去The Happy Hour下聽朋友介紹佐敦有一間酒吧幾好坐呢間酒吧同一般酒吧唔同嘅係座位同座位之間分得好開好有私隱度而且仲有大梳化成個感覺即刻好chill😍😍.我哋點左兩杯呢度嘅特色Cocktail賣相都好靚味道清新 啱晒夏天飲.跟住我哋點左幾款小食炸啤酒魚柳薯條份量比我想像中嘅大係即點即炸嘅 送酒一流.特色雞翼坊間嘅雞翼通常剩係得一隻味但係呢度好有心思分別有水牛城辣汁 蜜糖芥茉威士忌同燒烤汁三隻味道都相當之唔錯而且旁邊仲有蔬菜 一解油膩感.焗肉醬芝士大蘑菇蘑菇超級juicy配上肉醬芝士 食完滿滿都是幸福的感覺.整體而言除咗環境舒服之外食物質素都令我好有驚喜另外呢度仲有水煙下次黎都會好想試吓呢度嘅水煙啊

三兩知己相約到佐敦，飲飲食吃吃喝，傾傾計聚聚舊。老友亦是一名資深食家，不過大家有機會見佢肚腩唔難猜出🤭友人推介一間位置不太旺的路段，加上門面神秘得有點兒不顯眼。店舖面積須不大，但是樓底挺高，空間感非常好，另設有不同的區域，無論高身吧枱還是超舒適梳化位，真係梗有一款啱你。室內設計並不是豪華，而是一份格調時尚而且不會俗氣。唔好以為淨係中環嘅酒吧先有爆谷做小食。 不過有時我覺得花生同蝦條都唔錯。因為未吃晚餐，點嘢食時當正晚飯咁叫，有時我都好怕喺酒吧叫嘢食，因為通常啲酒吧 只有機本小食或者微波爐食品，再唔係有啲喺附近叫外賣再放上碟送出，就當自己出品， 但今次咁大篇幅，想講真係估唔到一間唔係咁多位置嘅酒吧，有專業嘅廚師主理酒吧嘅食物。你話佢係一間酒吧有嘢食叫，你不如話佢喺一間西餐廳食完飯可以唔使轉場，直落已經可以有酒吧嘅氣氛感覺去飲酒。三款雞翼配搭再加新鮮原條沙律。左起《威士忌燒烤、蜜糖芥末、水牛城辣汁》 本坐原來不是很喜歡吃太多醬汁的雞翼，但蜜糖芥末的多重口感，水牛城辣汁的獨有辛辣香味，係令你有驚喜， 一直停唔到口嘅感覺，可惜我哋三個人每款只可以吃一隻。自家打嘅免治牛肉迷你漢堡，肉汁香濃帶肉汁

我雖不愛蒲吧，有時候也會在酒吧享受一下歡樂時光。這間應該新開不久，環境不錯的酒吧，正是我最近到訪的一間。這間名叫 Amuse的酒吧，其實在荃灣早有一間，網上評價不俗，這晚到訪位於佐敦的新店，也覺得情調、氣氛與食物都不差。我與朋友坐在闊大的沙發座位上，坐得都幾舒服。「焗肉醬芝士蘑菇」（$88）做得十分好。三大隻的蘑菇，釀入了芝士肉醬，蘑菇肉厚，又汁液豐富，芝士肉醬味道也好，而且濕潤不乾，是一道出色的小吃。「迷你漢堡拼盤」（$108）有兩個自家製迷你牛肉漢堡和一個迷你雞肉漢堡，另外還有不少脆薯格和兩片開胃酸瓜。 兩款漢堡相比，以牛肉漢堡較為好味，雞肉漢堡就只是普通，脆薯格也稍嫌炸得有點硬。「特色雞翼」（$108/大）包括「蜜糖芥末」、「水牛城辣汁」和「威士忌燒烤」三款不同口味的雞翼，每款三隻，有的甜、有的辣、有的就有威士忌酒味。三者中，我就喜歡甜辣兼備的「蜜糖芥末雞翼」。Thai Sky（原價 $80，歡樂時光價 $48）成分有香茅、蘋果汁、薑、青檸、梳打水、七喜汽水和紅糖，味道複雜，薑味、香茅味、梳打水味、蘋果汁味混合一起，特別而富層次。Lychee Cooler（原價 $80，歡樂時光