Amour Garden Grill & Bar (已結業)

之前係團購網買左張COUPON...   "歐陸矜貴浪漫2人晚餐--六道菜"睇到團購網上的相片就好想快D 去食LA..加上之前都食過幾間係酒吧食既晚餐，質素非常唔錯...^^ 就咁樣，我同老公琴日去食左..一去到該大廈既門口，我老公就話: 唔怪得要做團購囉(大廈門口放置了兩三個按摩既燈箱)餐廳都算大。1/3間開了做PARTY ROOM，1/3係露天空中花園，另外1/3就係食晚餐地方。廚房係開放式既。上到去餐廳(19:00)，見到兩個待應吹水中，完全唔覺客人入左黎 ; 開放式廚房有兩個人預備緊食材，都係完全唔覺有人入左黎...佢地真勁，入去打劫都應該冇人知!! 要我地講唔該廚房先有人見到我地..待應帶我地埋位，一邊係沙發一邊係凳，哇, 沙發個位好矮好唔舒服...即刻同老公調位該餐有頭盤、餐湯、沙律、主菜、甜品及餐飲第一--沙律個沙律汁好搶，酸酸地第二-- 頭盤---牛油果紙米卷冇味，可能之前食左個沙律，個沙律汁搞到我食唔到E 舊野既味道(我已飲左成杯水先再食E 舊野，都係整唔走D 沙律汁味)第三--餐湯非常普通第四--主菜老公--黑松露海蝦意大利食飯各位...我可能對意大利飯唔太認識，佢

這裡食物品質其差，是沒良心的經營。比茶餐廳還不如。服務員很隨便，沒餐飲知識。是富二代拿錢開吧。出名必吃bbq燒豬骨不能入口，硬，有雪味，冇調味。豬，牛，那汁都一樣的汁，有冇知識呀！

從未食過咁難食既野！雞翼完全唔熟！所謂既BBQ 豬肋骨，完全切唔到！又老又鞋！第一次寫食評就因為佢實在太難食！環境差不在話下，連服務員態度都差！！真唔明點解會話拎乜推介！

尋晚去了享用Yahoo團購呢間餐廳2人套餐佢個入口o係工業大廈入面, 差d搵唔到. >.<''7:30pm 入到餐廳超級簡潔, 無咩裝飾, 得個飛標..檯面有燭光, 餐廳內燈光昏暗...不過有我至愛梳化坐, 所以算啦..(梳化位有d矮...)出面有個天台, 我無行出去...1. 頭盤 生蠔同螺 cafe 質數都算係咁啦..2. 沙律 無相咁靚, 得一塊三文魚, 偏咸..菜o既感覺就幾新鮮..3. 主菜    烤春雞 個樣幾靚, 食落都幾滑    牛扒 唔係薄身o既牛扒, 所以都有d surprise! 雖然無問我要幾成熟, 但係出泥唔會係well done, 所以幾好~4. 甜品 北海道牛乳布丁 上檯o既時候個樽無蓋o既, 所以我估係自家制...食落微酸, 所以食左兩啖就停手...5. 飲品     凍檸茶 個杯幾靚..我本身鍾意食好甜o既..而佢o既凍檸茶都令我覺得超甜..真係唔知落左幾多糖水...><    熱檸茶 朋友同我都覺得有d怪味, 唔知係咪剛食完牛乳布丁o既關係........另外, 餐具有點不潔...總結, 平均每人一百蚊多dd都幾抵食.

早前係Yahoo團購了呢間餐廳2人套餐,尋晚去了, 體驗系没有最差,只有更差! 從來只睇食評, 今次忍唔住開番個account, 寫番篇,等大家對呢間餐廳有一個更完整概念。一入到餐廳, 第一個感覺好似去左一個工業區單位。餐廳裝飾唔多, 室內主要得幾張台, 沙發 同電視, 但又頗空曠, 感覺好荒涼。 呢個時候感覺已經唔太好。到前菜上台後, 發覺更奇怪。原本套餐寫係大蝦香橙沙律, 但無任何通知下變個雜菜沙律加一片煙三文食。心諗可能賣晒大蝦香橙, 一味半味, 算啦。而味道方面不過不失。跟住頭盤，又由原本聲稱的法國白酒大蒜煮藍青口變成2粒帶子, 帶子口感唔係話好差,韌,但味道十分之淡,無咩帶子味都算, 連調味料味都無。這時感覺已經好差, 差唔單只在食物味道淡而無味, 最激氣係因為貨不對版, 我食各d同我最買各樣野都同, 咁點解要貼錢買難受呢?之後到餐湯加蒜包,餐湯都係一貫味淡, 睇落似菜蓉湯, 但一d蔬菜味都食唔到。片蒜包都唔好,咬上來係韌0既, 蒜蓉味? 唔使多講啦, 點會有呢...接者到主菜, 點了牛扒同燒春雞, 一如以往, 牛扒同雞味都唔多覺。既然原來材料味唔濃, 就靠調味料吧, 可惜係

去左2次, 一次食飯, 一次飲野, 講真, 真是貪佢有個天台可以慢慢hea, 唔怕俾人趕咋, 因為食物同飲品都差law....大蝦salad: 都幾大碟, 因為不是餐, 是散叫, d veggie 都ok la, 但d 蝦份量唔係多, 亦完全無味...亦煮得過熟 有d 老...羊架: 煮得太熟!! 直程係「un」! 仲要無羊酥味, 差....黑松露意大利飯: 友人點的, 佢無咩commenttequlia sunrise: 友人點的, 佢話似飲緊果汁! 完全無酒味!!! 搵笨!!snowball: 我淨係飲到七喜味, 又係完全無酒味!, 搵笨!!asahi: 呢d 樽裝啤酒就無問題ge, 梗係la, 唔係佢地溝ga ma!其實果度都幾多元化, 可以包場bbq, 又有飛標同水煙, 可惜食物同飲品都麻麻....服務方面, d waiter都幾absent-minded, 成日將其他人ge 菜送錯俾我地, 叫佢轉意粉, 可以食哂食碟野都未黎....

去之前都有少少擔心 因為係open rice 食評都麻麻地 但我朋友話唔信 個人口味唔同 去試下啦 去到情調好好 傾心事一流 佢又係酒吧有得掉飛鏢 佢d cocktail 好吸引 出面係可以bbq 今個月會去多次 我同朋友都好滿意食物方面唔係食評寫得咁差

難得可以約到好耐無見既好朋友出黎食飯當然想搵個地方,,可以舒舒服服咁傾計AMOUR GARDERN 個天台,,就係一個好地方.. 係旺角既鬧市之中,,可以搵到一個咁靚既地方,,又可以兩個人靜靜咁傾計.. 真係一生一大樂事... 當晚,,我叫左個SET DINNER.. 西洋菜忌廉湯西洋菜配忌廉湯,,中式配西式原來味道都唔錯... 主菜就叫左個西冷牛扒伴薯菜.. 牛扒岩岩好,,切既時候,,D 肉汁慢慢咁流出黎,,口感亦都好好... 而薯菜方面,,佢用左薯格,,D 薯格都好脆口... 餐飲仲叫左玫瑰花茶.. 係天台度飲花茶,,個種感覺好RELAX...

話說尋日放假，同個fd去左旺角行街。行到肚餓但又唔知食乜好嘅時候個fd就話有間西餐廳唔錯可以去試下，於是兩個女人仔就走左上去喇。一行到去樓下仲以為個fd整蠱我。點知一上到去原來真係有間西餐廳咖喎！入到去店員就安排左我地坐低。暗黃嘅燈光加上枱上嘅蠟燭令環境更顯浪漫嘅氣氛，可惜兄係同朋友 打開menu晚餐一頁全部都好吸引！由其係鐘意食羊嘅我，見到有羊架。但又擔心羊會有穌味。不過都係敵不住order左一份，朋友就叫左燒春雞。Order完冇耐，親切嘅店員就為我地送上沙律同餐包。係田園沙律同黑糖包。沙律有菜蕃茄粟米同青瓜，加上日式芝麻醬。好味 而黑糖包亦都暖笠笠，食入囗有淡淡嘅香味又唔會太甜，good。食完前菜，好快地，主菜就黎到喇！一放上枱，果陣香氣簡直殺死人。羊排配嘅係魷魚圈。個羊煮得岩岩好，亦都唔穌。可惜嘅係朋友個雞有少少唔夠熟。不過好彩店員都即刻幫我地整返熟佢。食完野當然要飲杯野啦！我就order左凍朱古力，朋友就要玫瑰花茶。朱古力上面店員用朱古力醬整左個花嘅圖案係到，好靚。整體都好好！其實佢地有個露台，但怕凍嘅我今次未有機會欣賞下個露台嘅風景。不過呢間餐廳係我下次再食飯會考慮的一間

成日都覺得旺角好難可以搵到間坐得舒服的餐廳，今日黎到Amour Garden～感覺非常好 ^^同友人兩個人坐喺餐廳外的空中花園，order左兩個餐，一個小食兩個人share黎食。餐前佢叫左salad～羅馬生菜+蕃茄+栗米～清清的芝麻dressing，唔錯的配搭 因為天氣凍凍地我就叫左個califlower湯暖下胃個湯味道清淡，相信女士們會比較岩口味主菜我地叫左美國安格斯牛扒～分量十足！仲有熱辣辣炸薯角side dish～good牛扒medium rare，有肉汁～牛肉味都唔錯佢就叫左香煎日本帶子拼大蝦鮮茄肉意粉linguini 煮得剛剛好～口感好帶子同蝦鮮甜～不過我覺得個茄汁濃左d～如果輕手d會較岩我口味小食係瑞士鷄亦～好味道！甜品我地兩個都揀左牛奶布丁～幾香～唔會太甜～讚！

突然想寫寫食評，早兩天來到好久沒來這鬧市的旺角，一個人行著走上此店，有熱情的店長招待，替這有點冷意的天氣帶上了溫暖，點了南瓜湯及安格斯牛 ，先喝湯，一陣濃郁的南瓜味有奶的香，亦有渣粒．足料，不像外面喝的稀稀像水一樣，喝完吃主菜了，熟度要了９成熟，有點嫰嫰的而不韌，切下一刻不用太多力，份量剛好，味道比以前進步了，寧靜的慢慢吃著卻有一番風味，隨後亦有飯後甜品草莓雪糕，忘了拍照，好像每天甜品是不一樣的，感覺蠻滿足的，有機會再帶友人來試試

早幾日同幾個同事行過豉油街見到有問叫AMOUR GARDEN上既意大利西餐廳，大家都話無所謂上去試下，上到去餐廳環境比我既感覺幾好，秫地4個人坐左係露天位，像旺角區環境算唔錯，跟住就緊係睇下有咩好食啦！原來選擇都幾多，大家最後叫左安格斯牛扒，烤豬肋骨，法式羊架，活蜆意粉同意大利飯，另外我地仲開左支紅酒二百幾蚊，味道我幾鍾意，價錢都算好抵，講到食物，跟餐沙律同餐湯算中規中矩，講返主菜，安格斯牛扒肉質嫩同有肉味，BBQ烤豬肋骨我比較鍾意，火候剛剛好，味道亦相當唔錯，羊架無咩蘇味，肉質幾新鮮，意粉煮既時間剛好，有囗感，但意大利飯就有啲失望，大多汁同味道只係算一般，有待改進，但整體黎講食物同服務都算係幾好，我肯定會再返來。

忙咗成嗰禮拜，終於可以鬆一鬆，緊係同班friend去happy吓，有人提意試吓旺角一間樓上cafe，就馬上出發啦。上到去見到地方唔算大，但感覺總算舒服，我哋叫咗幾個餐share食~~~頭盤有生蠔、螺、蝦、沙律、鵝肝多士....全部都OK夠新鮮~南瓜湯 + 黑糖麵包....Good(好match)~主菜有雪花西冷....嘩大過我塊面，不過老咗小小；燒春雞....D肉好滑；煙豬仔肶....超好味；柚子雞翼....無乜特別；鮮茄扁意粉....意粉好有口感，加上大大隻海蝦同帶子(I like it)；仲有黑松露意大利飯....D黑松露好香~甜品是牛奶布丁....奶味比較清淡，可以濃多小小食飽先發現原來Li度仲有娛樂，室內有飛標機；室外有個天台可以BBQ；而埋單每人唔洗兩舊水，真係超值。

o係團購都食過唔少High Tea...都有十次八次...見呢個$68咁抵而且個樣都ok...於是買o左...點知就係中伏o既開始...首先想book位...已經早o左成個月有多...話星期六日已經full晒?! 原來話室內o既位已經無晒...星期六日只有室外位...有d星期六日室外位都無...o下...室外熱都算啦...咁落雨點算...店員話都無辦法...唔可以改期...限期前星期六日都無...唯有揀平日...好彩有一日得閒je...唔係一定用唔到...o徒o左...咁難book o既high tea終於今日去o左...一拎到個架上檯...wa...咩嚟ga??? 好頹wor...開返團購張相睇o下...離晒譜lor...係咪差咁遠呀...從來無試過咁唔對辦...尤其係個鵝肝多士...真係少到得返一粒仔...陰功...另外d三文魚三文治...片三文魚細到打開先見到...生菜又係細塊得可憐...只有個泡芙係叫做ok...其他樣樣都唔掂...件藍莓cheese cake先係最差...藥水味...真係食唔落...其他o野都食晒唯獨呢個真係唔得...Never Come Back!!!

268 seven courses seems cheap so I try Staffs are polike but envirnoment not very cozyLooks like a place try to be high class and comfort but no candleand a dark game console there but match.Seafood platter is very soso and oyster aresmall . Salad and soup is ok but server didn'twait.Just put iI on table when plattesaw as not finish yet.LinguineI with seafood very poor and the steak as well.Good bad and taste bad...foods are far worse than YLK or Farwood.for better food, truly I suggest to go ca