alfafa (樂富廣場A區)

營業中

休息中

有時間悠閒地食個brunch，就食d吧諗起之前食過alfafa lunch，印象唔錯早餐去到11點半，nice!店內已滿座，要坐出面其實原本都ok，都仲係店外商場範圍但因為商場有部份翻新緊變咗有d熱同埋嘈 🙈果個範圍冇乜冷氣…忍唔住要叫凍飲Oh well...結果係快食快完結全程都有微微流汗 😅講返食物我以為炒蛋同雞肉會用碟裝，然後通粉用碗裝點知原來擺埋一碟🙈 呢個真係好扣分…通粉浸住都還ok，炒蛋浸住就…嗯…味道就依然唔錯，所以當初就係見坐店外位都照揀alfafa嚟食雞肉稍稍有點過鹹，但配埋冇味炒蛋又ok喎，哈哈哈磨菇湯有磨菇味，唔錯，如果可以再杰dd就perfect了整體上食落係幾好味，但始終見到炒蛋浸住湯我有d介意 🙈快食完上去UNY行吓涼冷氣先，食完仲熱 😂😂😂

每逢假期天，都習慣遲些起床，一個下午茶已可代替早午餐了，剛途經樂富廣場，除見到餐廳是主打有机食物及menu都好吸引，地方又寬躺，環境又清靜，坐位安排不會因抗疫措施而迫得密麻麻，難得飲杯咖啡，還可以休閒地睇睇書☕️$62牛油果車打芝士流心蛋十alfafa 超級沙律（牛油果🥑已是大眾所知超級食物，營養價值非常豐富配以芝士及流心蛋，honey mustard 醬汁再加羽衣甘藍沙律菜🥗，簡單又好味)👍👍$62烤雞有机鮮蘑菇天使麵(天使麵軟硬適中，配上蘑菇醬汁及鮮嫩雞肉，但美中不足是上菜時已有点凍）加点錢💰可轉有其他特別飮品😜

📸 alfafa 公司三文治配薯條 $62📸 牛油果車打芝士流心蛋芝麻包配 alfafa 超級沙律 $62menu 寫住 egg benedict 吸引倒我🤤 其實嚟嘅係流心蛋...😅😂 作為牛油果fans 佢啱啱好熟😍 份量好足📸 烤雞有機鮮蘑菇天使麵 $62天使麵煮到啱啱好🍝 啲雞有啲凍⛄️ 整體唔多汁有少少偏鹹樓面幾忙不過服務態度好好😊另收加一服務費

Been here many times for breakfast, but only writing a review now after they've renovated to make sure the quality of the food hasn't changed. The food is still great, and very good for what you're paying for. The most unique thing about their breakfast sets is their bread - there's over 5 different kinds of breads to choose from, but I always go with the poppy bread bc the crispy and crunchy exterior just compliments the aroma of the poppy seeds so well. Their chicken is always tender and cooke

今日打咗電話去訂枱食晏，去到嗌完嘢食仲要等成20分鐘先上到菜，連湯、餐包同嘢飲都好遲先上，如果好肚餓，或者午飯時間短真喺唔好揀呢間我同同事嗌咗三個餐，一個喺焗肉醬千層麵配薯蓉，一個喺芒果香檸雞肉燴紅米飯，另一個喺黑椒大蝦蜆肉意粉千層麵味道適中，口感豐富，食完好有滿足感；雞肉炸到好香，配上又酸又甜嘅醬，零舍開胃；意粉相對失色，無咩味道之餘，黑椒味太重，辣咗少少今日無全日早餐食有少少失望，同埋侍應太忙，照顧唔哂顧客嘅需要，希望日後有所改善

兩口子覓食樂富尋找西餐廳，往日路過已見到不少食客等位，心想應也不會是伏店吧，查找以往食評見店內粒光暗淡，對比現在店內光鮮感完全改善，食客食一餐也應會變得舒適自在。alfafa Set是日餐湯，粟米甘筍粒濃湯味道喜出望外濃湯滿美味。半價加配特飲，熱情果鮮果伯爵茶$18焦糖牛奶咖啡$12兩杯特飲二人齊聲滿意，水果茶足料獻上，咖啡順滑份量多。肉醬千層麵配薯蓉$84吃第一口已經愛上，烹焗火口剛剛好，外層芝士薯蓉千層麵合併得美麗動人。烤雞腿蕃茄香草天使麵$88燒雞火喉亦係剛剛好，脆口雞皮，雞肉滑口，伴著蕃茄天使麵，味道混合平均，兩個set 都有點驚喜的確是意想不到。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

It's good to know that the take out was hot when I got to the restaurant. That means the food was made to order. The size of the turkey was decent and very presentable. However, the taste is absolutely substandard. - The turkey was over cooked and the meat was very dry and grainy. It was almost uneatable without any sauce! - The amount of gravy and cranberry sauce that came with the turkey were very little. Few pieces of turkey and I ran out of sauce. - I paid extra for the stuffings but it was

今晚三個人食飯，叫咗一個啖啖肉拼盤，燒豬肋骨味道十分突出，係啤小姐食過最好食嘅燒豬肋骨之一！啖啖肉拼盤有燒豬肋骨，三隻香草雞翼，半隻燒雞， 三條肉腸和炸薯條。 豬肋骨有豐富焦香味，鮮甜的肉汁流出，再配上秘製燒汁，非常惹味雞翼肉滑，香草味不太突出。薯條分量豐富但略嫌不夠脆， 應該不是即炸即上枱。 正如一般嘅燒雞，比較難做到肉質嫩滑，今次的雞肉燒得比較乾， 但份量不少。相對拼盤，意粉比較普通，意粉炒得乾爽， 海鮮同意粉配合得不錯。如果二人進餐的話，特別推介點一個啖啖肉拼盤，$198一份，二人分量，每人平均價錢差不多等如一個晚市套餐，但拼盤食物種類較多，而且豬肋排做得不錯，推介！

星期日晚....唔想煮，近近地去咗樂富這餐廳雖然係星期日，但人唔多，去到就有位，一入去職員已經好好咁問要唔要BB櫈，坐低咗之後又比咗啲蠟筆亞女畫圖畫、填顏色，小朋友餐具都好靚，係Peter Rabbit😍大小朋友見到都會好開心點咗以下食物：🍝燒帆立貝野菌忌廉汁意大利粉 ：野菌汁香濃，若個汁多一點就更好，帆立貝都有數件，份量都足料的🥩烤美國安格斯肉眼扒（8安士）配薯條：賣相麻麻地，不過肉質嫩滑，配上熱辣辣、脆卜卜的薯條🍟，也不錯🍔兒童餐：有機豆奶、迷你炒蛋漢堡配粟米、朱古力蛋糕配雪糕一球🍨，最欣賞係個朱古力蛋糕配雪糕，以為兒童餐個甜品分量應該不會好大，但都比想像中大分及好好味，唔係好夠喉😬🍵另外加咗$30配餐湯及飲品一杯：餐湯是磨菇湯，味道不錯，應該係用攪拌機打碎磨菇再煮湯，再配上法包，加配價錢都合理，不算大貴總括來說，環境舒服、職員服務ok，食物分量味道也是中上有水準的，值得再來。下次可能試下個豬肋骨😋

琴日約左朋友係樂富攞野，中午時間熱到溶晒，粥粉麵飯通通唔想食，行過呢間 alfafa 見佢門口show左個餐牌有沙律食，就衝左入去嘆冷氣兼食埋個lunch😋🥢丹麥叉燒配特色沙律跟餐有埋個餐湯，係蘑菇打成容，所以好重蘑菇味，好正👍🏻丹麥叉燒配特色沙律，成份都係好新鮮嘅羽衣甘藍，成件事好健康清新，入邊夾雜左一d乾嘅杏脯肉、杏仁片、蘋果片同埋細細粒嘅黎麥。叉燒肥瘦適中，又有小小燶邊，配合埋個照燒汁好好味。最敗筆反而係件法包，中間預先查左橄欖油🙄成件飽濕立立咁有d難食😕

今日放假無無聊聊，就落左樂富搵下嘢食，見倒呢間有all day breakfast，價錢要$122包餐湯,主食同飲品，但勝在唔洗等位🤣首先餐湯，蘑菇湯，濃郁嘅蘑菇味，但唔夠熱，呢度扣分。All day breakfast 最鍾意係個黑松露流心蛋芝麻飽，黑松露好香，個芝麻飽仲有小小脆，夾埋流心蛋一齊食好好味👍🏻塊魚柳煎得好香口，可惜又係唔夠熱，暖嘅。特色沙律，羽衣甘藍好新鮮，配埋個沙律醬好清新，食左塊魚柳有d溜，食番個沙律balance番。最後提提杯咖啡☕，本人就覺得十分苦，加左兩包糖都唔掂，最後飲左一半就放棄😑

難得今日阿仔放假，我地就約埋去左樂富搵野食，阿仔想食all day breakfast,所以就搵倒呢間，差唔多1:00 lunch time時間，都仲有好多位，二人坐位我略嫌張小圓枱太細🙄叫兩個餐d擺滿成張枱，好鬼迫。阿仔叫左all day breakfast，煙肉最好味，煎得好香，夠乾身。炸雪魚柳，唔會好油，點埋個芥末醬，好味，大菲菇、雞肉腸、流心蛋芝麻飽都ok，冇嘜特別。我叫左日式照燒丹麥叉燒配alfafa 特式沙律🥗，其實沙律係羽衣甘藍🥬、西蘭花、牛油果🥑、小量蘋果片、杏仁片同埋黎麥子撈埋一碟，感覺食左好健康🤣 個沙律醬清清地好好味，最值得讚係丹麥叉燒，嘩，睇落有d肥，但成件放入口，真係好香肉味。不過無啦啦配左件法飽，中間淋左d應該係欖油，油淋淋咁，成件飽中間林晒，好難食🤭

今天約朋友在樂富Alfafa食飯，這裹環境不錯，柔和燈光，地方寛敞，整潔。我選set lunch 焗肉醬千層麵配薯蓉，一層燒焦的芝士舖在滿滿的肉醬上，當然還有意粉啦，味道不錯又即焗香口。另一客是黑椒海鮮有機蘑菇意粉，少少黑椒的辣，好香的茹味，加上新鮮的蝦和蜆肉，而且份量也很足，味道鮮甜👍同其他好似 薩莉亞之類質素更好，坐得亦較舒服。不論環境、食物也不錯，2人平均@$90，傾吓計，食餐飯，都係選擇之一。

今日下晝同朋友去開樂富行街，見到呢間餐廳環境唔錯，又唔駛等位，就入去試下。睇下餐牌有咩食先飲品最後我叫左焗肉醬千層麵配薯蓉，餐湯(磨菇湯) ,餐飲就點左杯熱情果鮮果伯爵茶(需另加$15)焗肉醬千層麵配薯蓉係用小鑊盛載住上的，温度好夠，黎到仲係熱辣辣的。有香濃蕃茄味，好開胃，千層麵同薯蓉分量剛好，會飽肚，但唔會話食到好滯既感覺，完全係深得我呢個蕃茄怪既心飲品方面：熱情果鮮果伯爵茶，因有鮮果既關係，有好香果香味，惟伯爵茶的茶香唔係好明顯，茶底唔算好濃。環境方面：環境算寧靜亦無限時，適合同朋友慢慢坐低邊食邊傾計，唔駛驚俾人催走或等位。服務方面：侍應們落單同上菜都快，服務有禮專業。最後埋單連加一服務費，人均消費$118,如果以午餐黎講算係中上價位，但由於餐廳無限時，同朋友由12點開始食到2點15分，可以慢慢傾計，坐位算寬敞，所以個人覺得價錢尚算合理。

樂富有間西餐廳，朋友話好味，叫我一齊試，我們叫左龍利魚柳意粉，這個意粉好味，夠扁又入味，有d磨菇有d紅辣，魚柳煎得香口，入面嫩，好食。帶子松露意大利飯，這個飯賣相也好靚，帶子是細細粒的，幾香口，不過個飯唔係好夠味。主菜加錢可升級做套餐，餐湯羅宋湯，幾好味幾多料，好味呀。青口跟麵包，青口好味。肉細細粒，幾彈牙。麵包比較實。兒童餐也好豐富，有西蘭花，肉醬意粉，薯條，蘋果汁。仲叫左心太軟+芒果雪糕，好味喎，朱古力好香又不是太甜。