aga Restaurant & Bar

營業中

休息中

一間靜靜哋、又幾有質感嘅餐廳，裝修係懷舊工業風，水泥牆 + 木枱 + 柔黃燈光，環境舒服唔迫，啱晒拍拖或者同 Friend 子嚟傾吓偈 ✨ 今次我同老公試咗佢哋嘅 Aga Special Set ($298)，每道菜都好有心思，唔係求其整個樣就算，食得出誠意！🦀 明太子蟹餅 外層炸得香口唔油膩，切開明顯見到一絲絲嘅蟹肉，淨食蟹餅味道略鹹咗啲，不過上面加咗芒果肉，微甜啱啱好平衡返整體味道。🎃 是日餐湯：南瓜湯配多士 湯底香滑，南瓜甜味濃，配埋鬆脆嘅多士浸一浸湯再食，層次係高質西湯嘅味道！🦆 法式油封鴨髀配香橙鴨胸 法式油封做法，即係慢煮加低溫油浸鴨髀，做到外皮微脆、裡面肉質嫩滑。鴨胸味道清新，有些少血橙味，帶少少果香，旁邊仲有薯仔沙律，食完有飽足感但唔 Heavy，好食！🦞 燒紅魔鬼蝦龍蝦汁意大利飯 ($198) 呢款 Carabineros 紅蝦嚟自西班牙，體型大、蝦膏多，味道鮮甜。蝦頭膏鮮味唔腥， 蝦上面鋪咗蟹子同魚子，加上意大利飯用原隻龍蝦慢火煮成，飯粒吸晒精華，每啖都食到龍蝦鮮味，難怪係 Signature 之一！🍰 Daily Dessert：Oreo 芝士蛋糕 食落似 Mou

搵食搵食，今日同朋友又嚟尖沙咀搵食！今次朋友推介我喺尖沙咀口福街嘅藍馬商業大厦，有間西餐廳好特別，除咗食物好味之外，仲有一個超靚，可以打卡嘅outdoor座位！餐廳宜家推出咗Aga Special Set，由200幾蚊到300幾蚊不等，已經包括咗前菜餐+湯+主菜+埋甜品，都真係幾豐富！我哋叫咗兩個set：第一個set🌟 - 明太子蟹餅配芒果沙沙-忌廉蜆肉湯-香辣燒汁羊柳扁意@$268-Tiramisu🌟 -巴瑪火腿配蜜瓜-招牌蟹肉龍蝦湯+ $38-油封鴨醇菠菜忌廉汁意大利飯 $298-榛子果仁朱古力蛋糕兩個set份量都好足夠，而且食物真係好高質素，擺相又夠靚！唔跟朋友上嚟，真係唔知道原來喺尖沙咀鬧市仲有一個咁chill嘅戶外座，舒服又夠氣氛！但因為今日落雨，坐唔到喺出邊！下次真係要同朋友再嚟飲下酒🥂傾下計，Relax一下先得!

Aga Special Set （5⭐️）明太子蟹餅炸得金黃酥透，咬開先是脆殼並裂的聲響，接著是蟹肉的清甜與明太子的鹹香在舌尖交融，魚漿的彈潤中和了油脂感，回味帶點微微的辛辣，層次頗豐🥰。南瓜湯質地綿密如絨，南瓜的甜潤裹著淡淡的奶脂香，溫熱下肚，胃裡暖得熨帖，甜度克制不膩，是溫柔的開場😋。慢煮雞胸松子羅勒扁意粉慢煮雞胸嫩得驚人，刀劃開時還帶著汁水，松子的香脆與羅勒的清新纏繞在意粉上🤭，扁意粉掛住了羅勒醬的草本香🤩，雞胸的嫩與意粉的彈形成巧妙反差。Oreo芝士蛋糕底層是碎餅的香脆，上層芝士糊濃稠絲滑，甜鹹平衡得剛好🤗，Oreo的可可微苦中和了芝士的厚重，冷藏後入口像雲朵般化開。蛋白茶樹菇松露（5⭐️）蛋白滑嫩如布丁，茶樹菇的菌香與松露的獨特腥香纏繞，鮮得直落喉嚨🥰，簡單卻見功力。西班牙海鮮燉飯（5⭐️）米芯帶點咬勁，番紅花染出金黃色澤，蝦貝的鮮甜滲透每顆米粒😍，藏紅花的香氣若隱若現，最後撒的檸檬皮增添了清爽感，是濃郁而不濁的海味☺️。

慶祝朋友生日上左一間樓上型格嘅bar到食西餐，上到去環境都好chill坐得都舒服，吾會太嘈松露芝士薯條👇🏻薯條係比較粗身，表面有啲芝士碎，再點埋松露醬一齊食，好食到食吾停口咸蛋黃單骨雞翼👇🏻佢嘅咸蛋黃勁有咸香味，雞翼炸得岩岩好，一啲都吾柴好juicy蒜香橄欖油虎蝦扁意粉👇🏻蒜香味超突出，雖然用橄欖油整，但吾會超油食落吾洗驚油膩，虎蝦都新鮮彈牙西班牙辣肉腸意大利巴瑪臣芝士薄餅👇🏻辣肉腸超辣惹味！芝士比得超多有拉絲！pizza餅底係薄身，但份量超大

已經非常長的時間沒有吃西餐了而跟這位朋友聚餐都離不開吃炸物每次都定必吃薯條今次也不例外🤭找到一間樓上酒吧餐廳 氣氛蠻適合朋友暢聚閒談 沒有時間限制 非常舒適😋🍄‍🟫椒鹽蛋白茶樹菇 $98非常多人推薦這款小食 份量也蠻大的 即叫即炸 外衣酥脆 茶樹菇又不會被炸得太過乾身 後期會愈吃愈咸 作為下酒菜非常適合😋🍟蜜糖芥末薯條 $78美中不足是幼薯條 如果是粗薯條的話更好😋🍕Margarita Pizza $128薄餅底 非常脆口 猶如餅乾般芝士非常拉絲 配上蕃茄仔中和了多重芝士的膩感 蠻好吃的😋🍹Lime say $78由青瓜 荔枝 青檸 蘋果 梳打調配而成整體非常清新 即使走糖 也能嚐到材料本身的味道

今晚同朋友去咗厚福街aga restaurant chill，有氣氛坐得舒服又有型格燈光，成班朋友吹水hea住食嘢超chill Aga Special Set 是日餐湯南瓜湯南瓜湯味道香甜濃郁，質地細滑牛尾忌廉汁意大利飯Risotto飯粒煮到軟硬適中，帶微微咬口。牛尾煮至軟腍入味，忌廉醬汁香濃但唔會膩Daily Dessert TiramisuTiramisu口感柔滑，咖啡酒同芝士味平衡得宜，唔會太甜Aga pizza主打薄脆餅底，做法偏意式，配料新鮮，口感層次豐富。餅底roast到微微焦香，咬落外脆內軟。泰式豬肋骨賣點係肉質香嫩、易撕、帶啖惹味香料。

AGA近排推出咗個Special dinner set，包前菜，餐湯，主菜，甜品，飲品半價！作為羊嘅忠實fans，梗係試吓佢哋嘅紅酒燴羊膝配香草薯蓉。份量比想像中大，肉質處理得軟腍多汁，唔會乾爭爭。鍾意佢哋嘅紅酒汁毫不吝嗇，味道亦非常夾。細節位一定在於不同蔬菜嘅配菜粒，利用蒜油浸泡過，非常有誠意。但略嫌香草薯蓉唔夠幼滑，有顆粒感。餐湯就要試吓招牌蟹肉龍蝦湯，果然龍蝦味出眾，蟹肉份量大方, 更要稱讚一下附送嘅招牌AGA蒜蓉包. 本身都想叫一份，但怕食唔晒. 而呢一塊附送嘅蒜蓉包用嚟點湯一齊食簡直係畫龍點睛👍是日甜品Tiramisu也是用心擺盤, 配合新鮮水果作點綴. 但建議finger bread 可以先吸收多點coffee liqueur, 增添整體濕潤感. 黑松露蛋白茶樹菇係一款比較有特色嘅小食我一定要試. 茶樹菇炸得酥脆，配合黑松露醬嘅香氣，佐酒一流. 8PM (strawberry/guava juice/ pineapple juice/ strawberry peree/soda)非常少女心嘅一杯Mocktail, 粉紅粉紅，微甜清香，好易入口. 餐廳仲有提供室外比較有氣氛嘅

厚福街出名多餐廳，呢排都有唔少餐廳進駐，今次就揀咗呢間樓上西班牙風味西餐🍽️餐廳環境暗暗地，幾有情調嘅氛圍🤩適合同朋友傾偈飲吓嘢🫶🏻✴️明太子蟹餅蟹餅入邊有好多蟹肉🤤加埋明太子辣辣地，配上秘製醬汁惹味，配菜仲有沙律菜👍🏻✴️傳統凱撒沙律配蘭王溫泉蛋羅馬生菜好新鮮，蘭王蛋味香濃🤩加埋沙律醬係一道幾開胃嘅前菜✴️法式油封鴨髀配橙香鴨胸鴨髀都好大件，外皮煙煙韌韌鴨肉仲好鮮嫩🤤鴨胸份量都唔少，唔係全熟嘅狀態入口幾嫩滑有少少嚼口，配菜薯蓉好好食，另外仲有唔少蔬菜，成個presentation都幾靚🥰✴️肝醬阿根廷牛柳威靈頓好少地方提供呢個菜式，因為做法步驟都幾繁複，所以呢道主菜最後先上😌酥皮好香脆，好似酥皮湯嗰層，肝醬偏向濃味加埋牛柳入口好重牛香味，配菜薯蓉超好食😋另外仲有唔少蔬菜🥕✴️ Tiramisu下層係海綿蛋糕，上層係cream😚味道正常發揮

朋友請食生日飯，第一次食呢間西班牙餐廳，裝修好有格調，工業風加暖黃燈光傾偈好舒服。佢地主打西班牙fusion菜，無論賣相定味道都好有誠意，價錢合理。有室內人少少談心，亦有室外岩晒成班friend聚餐打卡嘅地方。😚今次同朋友試咗四款菜式👇🏻.紫菜西班牙蛋餅 外層煎到金黃微脆，蛋餅入面超滑溜，有蘑菇同埋薯仔做餡，加埋外面紫菜嘅鹹香，味道夾到絕！而且層次感好豐富，每啖都滑溜唔膩口，食到停唔到口！.輕燒黑安格斯封門柳西班牙薯仔沙律牛肉封門柳燒得啱啱好，外層帶微微焦香，入面仲保持嫩滑多汁，薯仔沙律口感綿密，帶少少酸香，食落清新解膩。.伊比利亞豬理肌威靈頓酥皮焗到金黃鬆脆，切開見到層層分明，賣相已經加分。豬肉理肌超juicy，完全唔鞋口，仲帶淡淡肉香。餡料有香草同蘑菇，味道香濃又唔會搶味。.西班牙海鮮燉飯飯粒吸晒海鮮精華，入口有淡淡煙燻香，唔會太鹹。海鮮份量足，蝦同青口仲有魷魚都新鮮彈牙，口感豐富。.食完真係開心到想搵多幾個朋友一齊試晒Menu其他菜式，款款都想試，已經bookmark定下次再嚟！😍

工業風灰黑色型格風裝修，有室內同戶外位置～呢間餐廳可以飲酒同朋友食飯吹水，個人都推介佢啲野飲😎明太子蟹肉帶子意粉（$148），蟹肉蟹籽真係蟹到滿瀉，粉紅色明太子醬汁濃郁Creamy，色彩相當鮮明💕帶子好大粒又彈牙😍椒鹽蛋白茶樹菇（$108），炸到外脆內軟，但味道就略鹹～應該好啱送酒飲😆黑松露野菌芝士薄餅（$128），餅底脆卜卜，黑松露香氣撲鼻，芝士味出色🥰今次叫咗2杯mocktails，Capo($78)係熱情果芒果梳打組成，香甜好啱夏天飲好消暑😋Lili Bubble($78)，覆盆子橙汁柚子汁，酸酸甜甜好消近，仲有2片士多啤梨喺面！🥳Tiramisu， 朋友生日可以寫字喺碟，咖啡酒味濃香，不過就有少少硬～但味道出色😙

好耐冇二人世界，今晚收工同老公撐枱腳，去返之前去過既aga chill 下～🍄 椒鹽蛋白茶樹菇 必食～係完全想像唔到個味道！包你有驚喜～睇落細細盤，但食落相當有份量！😍炸到脆卜卜，一啲都唔似食緊茶樹菇，煙煙韌韌～加上啲椒鹽味，真係一流既佐酒小食！😋🍕西班牙風乾火腿薄餅薄餅底食落脆卜卜，加上火箭菜、cheese 同Parma Ham，經典既配答，輕鬆光盤！🐠香煎盲鰽柳真心好睇，又好食！present 到好似藝術品咁～ 盲曹香滑，但係最估唔到嘅竟然千層薯仔！ 入口係滿滿嘅牛油香，真係令人回味無窮)🍸Lili bubble 🍸lime say 呢度係好適合一班朋友傾偈、拍拖嘅好地方，所以都有好多好靚好igable ge cocktail: mocktail ~lili bubble 成杯都係粉紅色，lime say 就酸酸甜甜，好易入口～

上到去話walk in無位，waiter無話等幾耐，淨係話無位。我之後再係厚福街行陣打去問有2位未，waiter話有，咁我地就特登行番上去，到我地去到，佢用一副輕挑既態度話你應該知道9:30就無得食晚飯，只有飲野？個刻望到個鍾都係9:28，都算。最主要係打後去留位個刻佢點解假設我係飲野？到去到店舖，既然佢已經假定我飲野點解又問多次我應該知9:30無晚飯食，再者有心問呢個問題不如一早係電話講清楚或之後補電話講清楚。而唔係玩個客走黎走去，再睇評論發現有人都有同類問題，對餐廳的處理手法很失望

上到去問人有冇book位，我話冇book位，跟住就喺度傾，然之後就嗌人坐低，好似唔夫人Walk in咁，坐低咗落單，先同人講話冇嘢食，早啲講會死嘅😓😓😓😓😓

今日約左閨密慶祝生日💕發掘到好地方🫢餐廳一半座位室內、一半座位室外，室外嘅vibe好chill🥰<薯條-配honey mustard>薯條夠粗身，炸到鬆脆，仲有我最鍾意嘅薯皮，配honey mustard sauce，送酒一流。<瑪格麗特薄餅>薄餅邊邊脆卜卜，舖滿鮮茄醬、芝士、羅勒葉，唔覺唔覺就食哂成個pizza 🫢<冬陰功軟殼蟹扁意粉>軟殼蟹好大隻啖啖肉，扁意粉軟硬度啱啱好，味道酸酸辣辣好開胃。<Creme brûlée cheesecake>餐廳好細心咁幫閨密準備birthday surprise，上面放左玫瑰花，影相好浪漫🫶🏻cheesecake好滑，表面佈滿脆脆。

今天帶朋友嚟到AGA食好西🍽️餐廳裝修佈置行復古工業風格✨ 好型格仲有露天座位 好有feel😎啱哂唔同嘅朋友仔黎聚餐❤️卡邦尼扁意粉一上枱就見到勁多芝士碎😍一睇就知有幾邪惡幾正✨每啖芝士味夠香得黎加埋香菌類同埋彈牙嘅意粉再加埋香滑又調味剛好嘅汁仲有適量嘅香菜食落好味又唔膩松露野菌薄餅呢個都好邪惡好正嫁😍仲有埋香香嘅松露味易入口又夠香✨每啖都又香脆又好味再加埋菌類夠適量呢個都有埋香菜嫁❤️唔怕膩😎可以繼續食鹹蛋黄單骨雞翼每啖鹹蛋黃香味夠濃而且外皮好香脆✨ 肉質食落都幾juicy我地都覺得幾好食👍🏻最後仲一人叫左一杯野飲🍹Bonana (Signature Cocktail) 🍸 用上Estu Double Yuzu 日本Gin 配綠茶再加上幾款水果 檸檬 柚子 蘋果同梳打呢款cocktail 幾易入口 飲落夠哂清新Capo (Mocktail) 🍹飲落好清新 裏面有熱情果 芒果 七喜 同梳打夏天飲完 涼浸浸🤗