After 5 Wine Bar

營業中

休息中

生蠔半打，生蠔新品種，一款南非，另 2 兩法國 ﹗南非最好味，鮮甜爽嫩又肥美多汁，正 ﹗法國就比較細一點同味道偏咸，質感較腍，還可以啦。到目前唯止，係大埔有靚生蠔食既只有 After 5 ﹗下次要記得走茄汁先得，我只需要鮮檸就夠喇唔好浪費。

超值晚飯套餐 ﹗蟹肉牛油果釀鮮茄沙律，Great ﹗真係要拍手讚好 ﹗賣相如藝術品般，十分精美，食材配搭非常豐富，除蟹肉、牛油果、鮮蕃茄外，還有多種蔬菜、糖心鵪鶉蛋、墨魚籽，好精采。但蟹肉完全無味，令人大失所望囉。Dressing 甜得黎帶少少酸味，我喜歡。繼肥哥哥行政總廚後，依位新廚師哥哥都唔差 ﹗洋蔥湯，放左件香草芝士麵包係面，似乎係法式喎，可能吧，哈哈 ﹗牛骨湯底味道偏咸，香甜味不算突出，而且洋蔥絲還未完全熔化，我較喜歡洋蔥絲入口即熔既感覺，軟棉棉唔洗趙。如果能夠用上幾種不同品種既洋蔥，味道會更香甜更豐富。紅酒汁炆牛膝，嘩 ﹗一見到 menu 有就即刻想試喇，都唔知幾多年無食過喇。牛膝炆得入味又軟腍，膠質彈牙，牛味香濃，配上幼滑忌廉薯蓉跟紅酒汁，更添姿彩，味道好富豐 ﹗好好好好食呀 ﹗紅豆蓉卷，食落有點冰涼，清淡既甜味，軟棉既口感，連我唔食甜野既都覺得幾好味噃，清清味蕾好啱。

今日係 2011 年 11 月 11 日，係六條一既日子食左 3 道菜，1 味好、2 味差，拉低晒啲分數 ﹗白汁忌廉煮藍青口，墮落的青口潛在稀稀的忌廉水底中。淡而無味既白汁忌廉，完全被芫茜味蓋過，幸好青口帶天然咸味，口感還可以，溫度唔夠熱，只是微暖，食物當然要出晒煙、熱騰騰先好食架麻。德國咸豬手，德國咸豬手？同德國有段非常遠既距離喎，實在差太遠喇，只係香港咸豬手。明顯係翻熱食物，口感乾硬鞋、無肉汁、無香味，都幾咸吓喎。溫度完全唔熱，微暖，食落某啲部位仍然留有點寒意添。雖然切碎再翻熱會慳時間同易做，但會破壞晒肉質同味道，仲搞到乾爭爭，不推介。原隻上枱，可以保持溫度同肉汁架 ﹗西班牙炒大蝦，有三大隻呀 ﹗好有鑊氣，香噴噴。跟洋蔥、紅黃綠甜椒、指天椒同炒，夠惹味 ﹗色彩鮮艷賣相討好。蝦頭蝦尾炸得卜卜脆，連殼食都絕無問題，夠香口 ﹗蝦肉鮮甜帶微辣，對我黎講係微辣，好味道。肉質只係略有點過火，唔夠爽口，但都好滿意的了。

忌廉藍青口配法包，今次不過不失啦，看似簡單但真係唔意將握架 ﹗青口要彈牙嫩滑、忌廉要厚身濃郁先最好食。一心想黎食生蠔架，多個星期都無供應喇，幾時先返來呀？原來因為無生蠔牌而停止出售了，好失望啊。

安格斯有骨肉眼扒，唔記得講我要 3 成熟添，依家差不多 9 成熟，嘥晒件靚扒喇，好貴加麻 ﹗牛味依舊濃郁，但煮到咁熟好乾硬呢，我啲肉汁流乾晒喇 ﹗通通無晒。口感硬實，又未算鞋既。要求廚房哥哥切埋碎上，但切牛扒要斜切先好食，口感會更棉，都係以前肥哥哥細心好多。依家係直角切，口感更硬更鞋，唉 ﹗無奈 ﹗薄荷醬鮮茄好特別，但薄荷味未見突出，返而覺得偏甜，配上新鮮多汁蕃茄都幾好。新鮮炸薯角，超香濃厚薯仔味道，口感外脆內嫩 ﹗雪藏加工重鹽防腐薯條掉晒去啦 ﹗梗係食新鮮架啦 ﹗忌廉藍青口配法包，雖然係雪藏青口，但煮得彈牙無雪味，非常好 ﹗終於有一次煮得到水準出來喇。忌廉汁質感算滿意，不至水汪汪，如果能夠再漿一點會更好 ﹗加入蕃芫好香，點麵包好好食，賣相都好吸引。

Irish Rock 愛爾蘭生蠔，由第二最愛變到第三喇 ﹗因為 Belon 貝隆蠔皇已成為我心目中最正既生蠔，Ribbon point 跌落第二喇 ﹗食過好野，真係返唔到轉頭架 ﹗鮮甜帶淡淡海水味，又唔會似法國咁咸，肉質滑而富彈性，大大隻又肥美，好味道 ﹗咁新鮮不需要任何調味，幾滴鮮檸清香撲鼻 ﹗

i waited for 5 mins to get a table for 6. 本來印象幾好, but今晚有條頭髮係薯角入面, 其實都可以理解, 點知個waiter sor都唔_講....唉點好食都冇用啦...it's bad...

突然朋友仔話聚舊撐枱腳，大家都住大埔，咁飲野傾計當然係黎依度最方便啦 ﹗俗語有云：好又一餐唔好又一餐，咁點解唔餐餐食好啲，而要去刻薄自己呢？搵錢咁辛苦，人生苦短、生命又脆弱，唔知有幾耐日子，點解唔餐餐都要好呢 ~ 講得遠左，開飯喇 ﹗叫返支 ok 既紅酒郞郞口先。和牛漢堡，到現時仍然係全城最正既漢堡，無得彈 ﹗另我讚口不絕，每逢提起漢堡，只會想起她 ﹗嫰滑肥美彈牙既和牛，juicy 到點肉汁係一滴滴咁咇出黎架。牛肉既原始味道濃郁，不需特別調味，佢既油脂已夠晒香。軟墊既麵包，夾住新鮮生菜、鮮蕃茄、酸青瓜，大大啖咬上去，混和幾種不同味道、口感、溫度及層次，無比精采 ﹗已經唔洗加咩醬汁喇，茄汁、千島醬、沙律醬、芥醬都可以慳返，太好味喇。煙三文魚沙律，一塊長長既煙三文魚卷實幾種新鮮蔬菜，演繹手法特別，賣相都好吸引。味道大路，只要蔬菜夠新鮮、溫度夠清涼、dressing 醒胃清新，已經攞滿分喇 ﹗忌廉南瓜湯，我本身唔食南瓜既，但作為一位食家，點都要試一試。朋友仔跟我既評語都係過甜，大廚稱係新鮮南瓜做，無落糖，只係加左少少忌廉增加幼滑感。溝返少少水，平衡返個味我自飲到，因為我唔食甜野架。愛甜既朋友

今日好朋友生日，點知要佢要一個人係屋企渡過，咁當然即刻捉佢出黎散散悶氣，過一個溫暖既生日。我亦好識做，一早到場神秘地收埋個生日餅給朋友個驚喜，雖然依個生日會只得佢同我兩個人，不過對佢黎講已經好 warm 喇。先叫支靚香檳開一開胃先，朋友讓我發版，今晚既晚餐一切給我打點，我當然駕輕就熟啦 ~ 得兩個人食，朋友仔又無咩胃口，order 唔到太多野，咁就兩個頭盤一個意粉。各樣都好美味，只係有少少瑕疵啫 ~香煎鵝肝伴法包，雖然份量十足，夠晒油潤、肥美，真係好鬼正，裡面真係軟棉棉、熱辣辣，嘩 ﹗配法包同黑醋可減肥膩感，好味道。但外層還味煎得金黃香脆，所以口感會好滯好膩，要做到外脆肉嫰就 perfect 喇。白汁忌廉青口，嘗試新菜式，愛爾蘭青口，無煮過火，唔會粉口，仍保持彈牙口感同海鮮味，good。白汁配上香草味道都不俗，用白麵包同吃就一流喇，此道菜滿意既。黑松露雞肉扁意粉，原 menu 係普通意粉，但我夠喜歡扁意粉既質感同口感，雖然今次意粉稍為煮得腍左少少又有啲散，但倘算滿意，扣左少少分數。七成又太生，最好八到九成熟，滑得黎又夠嚥靭有趙口最正。簡單既一碟炒雞柳意粉，但加上大量松露油及少許松露碎，

朋友仔突然話好想好想好想食靚鵝肝，咁唯有幫吓佢，滿足吓佢啦 ~ 今晚配紅酒啦 ~香煎鵝肝伴法包，今年才回歸的特大肥美鵝肝，份量比以前有過之而無不及。鵝肝配麵包簡直不能分開，單食鵝肝又太油太膩，單食麵包當然又乾又寡啦。法包吸盡超肥美鵝肝既肉汁，香濃美味，剛好平衡返油膩既感覺，必食。如果能煎到外脆內嫰就更好喇 ﹗肉醬扁意粉，份量夠晒大，肉醬比例絕無偷工減料，肉味濃，正呀。撈埋酸酸甜甜既秘制茄汁，好好味，再落少量芝士同吃，好香好香，真係食到瘋狂，淨係想將所有意粉即刻送晒入口裡面。扁意粉都煮得恰到好處，剛好，未算太腍，都幾好。肉醬厚薄適中，完成唔會有多餘汁液滴出黎，完完全全可以掛係意粉之上，食完隻碟仲依然乾爽架。個人喜歡意粉八成熟，口感會更好，嚥靭、有趙口、嫰滑有餘，下次真係要特別要求先得。

坐低先叫支紅酒醒醒胃，先再諗吓食咩晚餐 ~和牛漢堡包，我唯一至愛既漢堡，百零蚊仲要經常賣繼市，食唔食到講緣份喇。麥記真係死埋一邊，完全唔入流，由細到大最討厭麥記，junk food ﹗劣質翻熱食品。依度既和牛漢堡超級 juicy ﹗即叫叫做，肉質滑溜、潤澤、滑溜溜兼彈牙，肉汁豐富到滴落隻碟度，想用條脷接都接唔切，勁正 ﹗濃郁既牛味、充盈既牛脂，已經不需多加調味，真材實料 ﹗漢堡扒肉裡留有空間，增加鬆軟口感，唔會好似快餐店啲硬實漢堡、乾爭爭既口感再加刮口既包皮。依個漢堡係由真真正正專業既廚師烹調，邊度有得比。和牛配埋新鮮蕃茄、意大利生菜連同軟墊既麵包大啖咬落去，層次感同多重既味道非筆墨可以形容，最好梗係要親身去試試，我食過，沒半點可以比我投訴，無得彈。即炸薯條，外脆內嫰，炸得透徹，裡面係軟腍腍既薯條，外面有微微既脆口感，略加味粉，連我唔多食薯條既都讚好。大蝦春卷，原隻大蝦，炸得金黃乾爽，賣相美觀，咬落香脆，蝦肉質同味道係鮮爽嫰呀 ﹗加埋開胃沙醬就更冶味。焗咖喱豬柳串，第二次食，豬柳好腍好滑，保持肉汁，醃得入味，最喜歡佢個香濃咖喱，味道夠濃郁，只屬微辣，既香且滑。

首先讓大家知道 After 5 Wine Bar 既 Happy Hour 係由下午 17:00 - 晚上 20:30，並不是樓下位朋友自己以為係 21:00 就當係。就算上年 2010 年 Happy Hour 都已提前到 20:45 結束，自己唔問、又唔睇，關人蛋治 ~今日兒童節、聽日又係清明假期，梗係落黎開心吓啦，仲發現今日波枱拉左新布喎，仲由綠色轉左紅色，好鬼惹火，剛剛換有啲唔習慣添 ~ 有啲餓，叫個晚餐二百零蚊再加啲小食加支紅酒搞掂。今日彬哥哥大廚放假，咁就由我地既行政總廚肥哥哥煮理。露筍蟹肉沙律，雖然蟹肉屬雪藏貨色，但經調味後味道鮮甜可口，再試吓用意大利生菜卷埋一齊食，味道突更出。露筍烚得剛好，熱騰騰，嫰口多汗，正呀 ﹗得一條點夠喉。忌廉蘑菇湯，質感幼滑夠厚身，唔會水汪汪，味道恰到好處，有磨菇既鮮箘味，湯不會過濃而蓋過鮮味。香煎粟米蓉三文魚扒併雞髀菇，新菜式。三文魚扒煎得外脆內嫰，外層熟、裡面仍然保持鮮嫰橙色，肉汁都保存得幾好，不至於太乾。因牛油粟米蓉好脆，一切就會散晒，最好跟三文魚同吃，否則會有點咸，混埋一齊味道剛好，無汁跟，味道只來自略調味既三文魚及偏咸既粟米蓉。個人覺

今日食完飯，突然想去飲番杯，走咗去After 5, 叫咗1664 Blanc.乜都ok, 但係單黎時，我睇一下時間，咦~點解已經咁晏，吾係未到九點咩？噢，明白，張單時間越遲，做客嘅你就自然冇咗happy hour啦！屈水招數曾出不窮，大家小心！有相為証！！

今日不幸地每道菜都有點瑕疵，失晒水準 ~原隻鮮蕃茄沙律，好大隻蕃茄，先將肉挖空，再放入各式新鮮什菜，我好鍾意食肉架喎，因為有大量水份麻，依家挖剩個殼，有啲乾有啲寡。以一碟普通既沙律頭盤黎講，可以啦。咁多款既沙律全部都只係用黑醋加橄欖油調味，實在有點悶同單調。忌廉薯仔湯，煮得好水，毫無忌廉既幼滑同杰身感覺，唔知點解硬係覺得好咸咁。安格斯肉眼扒配紅酒汁，我係要有骨肉眼呀，位新黎既哥哥仔侍應落錯單喇，無計，照收。同樣係食三成熟，今次塊扒有點乾，肉汁欠棒，口感偏硬偏鞋，以前從未試過咁情況，係咪雪得太耐呢？芝士焗虎蝦，蝦肉質地彈牙而且鮮味，處理恰當，煮既時間剛好，將蝦既肉汁鎖住係芝士醬之中，滿意。只係芝士醬係跟大量洋蔥混和，抱歉我係唔食洋蔥架，芝士味未見突出。

肥哥哥行政總廚誠要我到來試菜，當然即刻應承啦，一個人又食唔到啲咩，所以相約朋友好野齊齊食啦 ~鮮蕃茄湯，用新鮮蕃茄煮，味道特別鮮甜同 natural，夠晒熱，好味道。鮮蝦煙三文魚沙律，鮮蝦煎過，好香口，肉質又爽又彈，意大利生菜新鮮爽甜，煙三文魚屬即食外購貨，所以間間餐廳啲味道同質感都機乎一樣，如果可以嘗試自家制，同埋用不同既香料煙薰會更有驚喜。鵝肝配法包，嘩 ﹗超肥美既鵝肝，口感好油潤、香滑、軟棉棉，份量足足比其他餐廳多兩三倍，多謝多謝。配上法包及黑醋油，可減低油膩感，又可以提升味道同層次，好正呀。如果能夠張表層煎得更香脆，咁就 perfect 喇。安格斯牛柳配糊椒汁，我最愛既安格斯牛味超濃，口感軟棉棉，因牛柳好厚，食五成熟會比較穩陣，如果食三成可能個裡還依然好冰凍。香甜糊椒汁，不辣但好香，配上靚牛，好美味。手切炸薯墊底，意大利生菜伴碟，同樣出色。德國咸豬手，我稱為係改板，正宗德國咸豬手表會焗到超硬超乾，將所有肉汁同水份鎖死係裡面，個硬殼唔會食，因硬到叉都叉唔入，只會食脆皮下既骨膠原同豬肉。改板德國咸豬手，初碰面時，佢既賣相令我有點猶豫，因見到外表好油潤，不過試左幾啖，質數唔會比正宗既