ADO洋食屋 (已結業)

之前經過後巷，發現有新開小店，見佢裝修都幾別緻，帶有復古味嘅洋式日本餐廳feel，而且新裝修，又乾淨整齊，所以等老公放假就即刻去試一試。我地一家三口，叫左兩道菜式，其中一道就加$22升級做套餐，包括有是日餐湯+前菜+飲品，另外再追加吉列炸蝦（我個女話想食蝦，所以特別追加俾佢）等左一陣，好快就上咗個餐湯同前菜個湯估計係南瓜忌廉湯，味道尚可啦，有別一般南瓜湯，南瓜味唔太重，飲到最後就覺得有啲太鹹，鹹到喉嚨有些少唔太舒服，但又唔算太嚴重嘅。至於前菜，味道不過不失，雖然醃製過，但又唔會太鹹，口感爽脆，我個女就幾中意啲紅蘿蔔嘅。第一道菜式：Ado's 自家手打日式漢堡排 （此道菜式會跟隨白飯奉上）擺盤唔錯，好有日式西餐feel，但我第一睇見到嘅感覺就係份量有啲細，同埋啲醬汁就俾得有啲小氣，個伴菜沙律啲沙律醬真係小得有啲可憐 至於主菜漢堡排都俾我預期中細件，味道係ok嘅，但未至於好突出。第二道菜式： 蛋包飯蛋包飯個蛋都做到流心嘅效果，飯亦都做到日式蛋包飯嘅味道，但醬汁方面都唔多夠囉，由於之前都食過日本出名嘅蛋包飯，人哋啲醬汁真係多到滿瀉，所以就對哩個蛋包飯有啲失望囉至於追加嘅炸蝦都係不過不失，冇咩

朋友介紹近日顯徑有間洋食簡餐唔錯不，小妹見今日農曆年假最後一日，決定輕輕鬆鬆好好享受一個午餐，好待明天回到工作崗位衝刺。👏由顯徑站A出口直行到上徑口村，轉入第二條巷就到 「ADO 洋食屋」不難找到啊！原來今日仲係正式開業添！😘二位靚女店員好斯文又有禮貌，細心介紹了餐牌上食物，小妹一心食漢堡就一意點了份手打漢堡餐。👏點好餐後細心欣賞下這裡，店舖不算大設計簡單舒服實而不華，坐位尚算寬敞空間感都不錯，一班年輕人有善親和互相合作，店內洋溢著一份溫馨氣氛。😊ADO 日式手打漢堡排 $88加 $22 升級套餐，包括有餐湯、前菜同咖啡。😂🥣椰菜花忌廉湯，比較清淡椰菜花味不重。🍴前菜 ： 胡麻醬冰菜，清甜口感爽脆新鮮。🍴期待的主菜上檯喇🤣，好一份日式感覺，我唔客氣啦！試了一口好有牛肉香味，火侯控制得恰好，肉汁保持鮮嫩鬆化可口，搭配帶微酸椰菜能有中和整體油膩感。☕️ Cappuccino 加多 $10 欣賞下店主拉花手藝，美美的拉花總令人賞心悅目，溫度剛好呷一口充滿濃厚咖啡豆香，回甘味長屬不錯咖啡豆。這頓午餐令我捧腹而回😋😋。下次要再去試試紅酒燉牛肋條，靚女店員推介。🥰

呢間cafe 環境坐得好舒服 好靜 hea tea 一流 食物好好食 加上份量適合適合一家大細去品嚐 不過外賣的包裝我提議紙杯裝可以細返少少會或好啲希望你地可以係附近派傳單，吸引市民來品嚐

見新舖頭 開張左冇耐 入嚟支持一下服務員態度幾好 我係晏晝時間食既 同友人總共叫咗兩個餐 加埋套餐同埋嘢飲$250埋單PS 沙律係得一條菜但係食完好冇食過野甘因為份量真係好細我已經食左早餐打左底嚟明太子意粉 漢堡扒飯 味道吾差 但好細 食完同冇食一樣

平時無寫食評習慣，亦無每碟影相不過食完e個紅酒牛肋條，唔post唔得主食加廿幾蚊可以變餐，有湯+沙律+前菜🥣是日餐湯係粟米湯，日式果隻，好味嘅！🥗再配薯仔沙律，值得讚嘅係除薯仔沙律之外，再有椰菜沙律伴碟🥬小碟前菜🥘主菜係紅酒燉牛肋條，不得了！所有配菜（薯仔，西蘭花，蘿蔔）都好入味，再配埋個牛肋條簡直係出色！成個餸都好岩送飯，直頭想添飯☕️後尾加左杯iced mocha，不太甜，幾好其實朋友就叫左招牌手打漢堡扒其實漢堡扒都好食，係好肉肉果款不過牛肋條實在太出色，容許我忽略個漢堡扒🤣總結- 整餐攝取嘅蔬菜量係意想不到- e個價錢配e個味道同份量絕對對得起- e餐係share, 大概$100位- 原來新店試業中，服務幾好同都企理下次黎會試蛋包飯因為見到隔離枱嘅蛋包飯原來係識流果隻😍

今日行完山我地去左顯徑站附近呢間新開嘅日式西餐廳食野，呢間餐廳位於後街，所以去之前可以去佢地ig睇下點去。呢間小店雖然地方唔大，但裝修好有格調，感受到老闆好有心機。呢度嘅食物質素唔錯，每樣野都好大份，而且有好多沙律菜，岩唒我呢啲想食健康啲嘅人。呢度嘅Chef’s recommended set本身跟餐有飯同前菜，可以再加錢跟湯同飲品，不過今日咁岩賣唒湯，所以老闆好好咁轉左沙律比我地。Ado's自家手打日式漢堡排 - 漢堡排口感好好，淋得黎咬落去唔會散唒，個汁都好好食，用黎撈飯一流！Ado's特製紅酒燉牛肋條 - 個牛肋條燉得好軟熟好入味，咬落好香，個人覺得呢個係最好食，但好可惜唔記得影相蛋包飯 - 同樣係高質，個蛋好滑幾樣主菜入面我會推薦chef’s recommended 嘅菜式，因為真係好好味😋另外我地仲叫左幾個小食，有炸蕃薯同小食拼盤，份量都好足！Overall我覺得呢間小店好有heart，無論食物定環境，都睇得出老闆好有心經營。唯一嘅係因為每樣食物都即叫即整，所以等待時間耐少少，不過呢度好適合傾下計休閑一下，所以等下都無咩所謂。