A100餐廳

營業中

休息中

真係忍唔住，大部分外賣爭啲都正常，但呢間個手撕雞飯，真係搵笨至極，一打開得隻雞翼喺面，摷晒成盒野，9成8係青瓜蘿蔔絲，啲雞呢？六十幾蚊比啲咁既野？係咪過份左啲？

今朝去粉嶺見完朋友，遊車河去到上水，隨便行入A100餐廳食早餐。1.Lee碗炸菜雞絲米粉真係正！炸菜爽脆帶鹹香，雞絲嫩滑夠入味，米粉吸晒湯汁好掛味。熱辣辣一碗落肚，暖到入心，簡單卻夠晒滿足，食完仲想添！2.火腿煎蛋牛油多士，蛋邊微焦流心，火腿鹹香，牛油融晒係多士度，外脆內軟，一口落去超治癒，簡直早餐靈魂！下次經過再嚟！

新品哈密瓜也吃到啦！🥞不同于普通的华夫饼，这个华夫饼是糯叽叽又哽啾啾的口感，QQ弹弹在口中反复回弹🧇，混合上细腻的奶油和不同的馅儿，丰富的口感在口中交融，吃起来很生机勃勃的感觉冻起来吃就是变得扎实而又丝滑🍦，不会很硬却格外的绵密🏰个人喜好排行榜：巧克力、蓝莓、哈密瓜🍈（巧克力的里面是块生巧，但哈蜜瓜的吃着香精味有点重）

價錢差不多，但某些伙記串過馬頭佬送外賣送錯餐，因信仰問題不能食牛，不能代替，但唔好意思都唔講之餘，仲用黑面口對住晚上仲串又低能，外賣餐有湯送(羅宋及中湯)，明知沒有西湯，仲係地故意問人要乜湯，人地答完，一句奎人沒有西湯woo,一早同人講冇乜湯咪冇咁嬲

所謂香港的標準茶餐廳，我認為首先必須是不屬難吃，即是擁有一般香港人標准的味道，而且服務環境都比較街坊。這家的環境和提供的服務都達到這標準。餐廳菜单方面，必有茶餐，早午晚市有套餐，而剛嘗試餐廳的午餐中，更有很多配套的快餐菜单，例如是煎雞扒，豬扒的配雞蛋、香腸，配上不同醬汁再加飲料。這種真的是傳統快餐型的茶餐廳。標準的茶餐廳飲品中，奶茶和鴛鴦的味道有獨特性，從小在港長大的，一般能分辨出來。所謂好味不好味也是這個意思。

【北區】【A100 Restaurant】生命中有啲人，你會不惜一切咁樣去守護。縱使你同佢已經係天各一方，佢有佢嘅生活，你有你嘅忙碌。但係假如有一日，你喺路上偶然咁收到佢有需要幫忙嘅消息，你都會即刻放低手上所有嘅工作，留喺佢身邊陪伴住佢。深夜先記得自己全日冇食過嘢，嚟到上水石湖墟呢間茶餐廳，見佢未熄燈就走入去碰吓運氣，真係未閂門喎。叫咗個 $48 嘅「常餐 A」，我見好似冇乜人食呢啲，其他顧客多數都係打工仔，亦有巴士司機，都係食碟頭嘢多。個餐有「沙爹牛肉公仔麵」、「香滑牛奶炒蛋」、「火腿」同「牛油多士」，可能餓得滯，啲嘢都好似求其食咁。不過個包畀到啲驚喜我，幾軟熟，幾好食。嘢飲我係飲「熱奶茶」，正常港式茶記質素，唔差嘅，起碼冇嘢挑剔到先。我就唔會就咁收檔唔食嘅，至少都要為讀者而食。本身有諗過西多士，但係佢有另一啲小食好似更有特色。我叫咗 $35 嘅四件「香煎金菇肥牛卷」仲「配照燒汁」，好似唔多茶記有，味道都 okay。夾埋食咗 $83，都係咁上下。好似《天各一方》嘅歌詞所講，其實乜嘢先至係真實而恆久嘅呢？或者我應該好似歌詞嘅主人翁一樣就咁保存住呢一份渴望、希冀，畀我相信世上有一幸福，唾

北區茶餐廳水平，做街坊生意，一般野，不過$40左右一個lunch係上水茶餐廳算平，大大件五貴又食得飽，都係良心店！上水舖租認真貴，夜晚8點後個條街得返呢間餐廳，其他都執曬

難得晨早流流去上水，當然係我最鍾意嘅茶餐廳食個早餐先。喺火車站附近有好多茶餐廳揀，都唔知揀邊個。行啦行去到啲小巷，有間茶餐廳細細地，但係個門面就幾吸引，所以就入咗去食咗早餐。一份標準嘅港式早餐，一定有沙爹牛麵、奄列同埋牛油方包。其實唔同茶餐廳做沙嗲牛嗰個醬汁都有唔同嘅味道，有啲會偏鹹啲，有啲就側重辣味，但普遍都係以啡黑色為主。而呢間就似五香肉丁汁加沙嗲牛，未知呢個溝法係佢專登定唔小心，令我有少少混淆，食落去仲有啲兩頭唔到岸嘅感覺，而麵嘅質地就非常之一般，所以兩樣加埋起上嚟就失色啲。至於奄列就冇落奶，亦因為煎過熟老火咗。牛油方包就標榜厚切麵包，其實薄切多牛油已經夠，厚身麵包如果發得唔好，就變咗死死實實，成塊嘢凍冰冰哽落口好難受，所以麵包都唔得。最後唯有杯檸檬茶，正正常常3片檸檬，好彩仲有啲檸檬味。成份早餐都搵唔到重點好食嘅地方，呢個價錢喺其他地區應該會再好啲。

去上水參觀廖族的祠堂廖萬石堂，入村前當然要吃個午餐，在新發街見到有間餐廳名字幾得意，我以為係英文”AIOO” 原來係A100。椒鹽肉排飯$55 肉排都可以，幾香口，但個白米飯就差得很，濕到黐埋一舊，未試過在茶記吃這樣的飯，但我冇要求更換因為都會係一樣。鄰座的客人召喚侍應説個飯似粥，要求改換。最基本的也做不好！

唔係成日嚟上水，唔知有咩好食嘅餐廳，朝早肚餓嘅關係就求其入左呢間餐廳食，茶餐廳嘅樣都唔會有咩期望，叫左一份蕃茄肉碎螺絲粉配牛油厚多士，加6蚊多份火腿奄烈！螺絲粉軟硬適中，蕃茄味濃，尚算入味，而且螺絲粉份量算多，整體不錯！厚多士牛油多，麵包邊脆，中間麵包部分軟，冇乜特別，火腿奄烈比較細份，味道同出面食嘅大同小異！另一份就叫左吉烈豬扒配滑蛋同牛油厚多士，再加6蚊叫多個雪菜肉絲米！吉烈豬扒好圖所示細到呢，仲要紙咁薄，肉質鞋而乾，真係比任何一間茶餐廳還要差，雪茶肉絲米粉比較硬，份量少，另外滑蛋寫明用3.6牛乳，但食落一啲奶味都冇P.S:兩個人食個早餐85蚊都真係幾唔抵

是日假期，十點左右就出左上水，係舊墟眾多茶餐廳中揀左『A100』見佢門面都算企理，咁岩見到入面有位，門口個餐牌又岩食，就入左去食早餐。早餐款式都算多，而且款款都係經典港式早餐😂價錢都正常。食左「沙嗲牛肉米粉」加6蚊配「火腿奄列」再加3蚊要「凍檸茶」😍「沙嗲牛肉米粉」啲牛肉發到好厚，食落口感唔錯，不過餣得太濃味，即使沖走表面嘅沙嗲醬，都仲係好咸⋯⋯米粉份量同質感正常，無乜特別。「火腿奄列」好滿意，中間嘅部分有好多好幼細嘅火腿絲，同埋未煎到嘅蛋漿，食落好香蛋味～

店名： A100餐廳 A 100Restaurant地點：上水新發街34號地下，電話: 26721299(1)     日式雜錦湯拉麵；(2) 北海道湯拉麵； 共二人享用本餐，合共九十七。食物的色香味如何：不算正宗，因為爽的麵才是正宗，腍的不是正宗，麵不能煮得太久，而且選料也不能太差。然而，日式雜錦湯拉麵的賣相不錯，溏心雞蛋好看心也好吃。至於叉燒、獅子狗魚蛋Ok。環境：裝修精緻。服 務：可以。衛生：良好合格。抵食：價錢略貴。

好耐無食過A100，咁日lunch專程走去食下，都係咁full今日揀左。冬瓜炆雞飯首先揀左餐湯飲南瓜湯，好中式既南瓜湯，唔係西式果種雞飯黎喇，都大碟，睇落雞都幾大件雞肉幾好味，咬落去都唔會柴，不錯好耐無飲過凍飲喇，黎杯凍檸茶先

今日中午我們去咗上水新發街嘅「A100餐廳」食中午飯！我們叫咗白汁吞拿魚焗鷄絲飯焗得面層有一層焦香同幾香口，鷄絲嘅肉質都幾嫩滑，吞拿魚嘅味道就有啲腥！日式金菇肥牛湯拉麵嘅肥牛肉質好軟滑，金菇都幾清甜，拉麵嘅麵質好爽口彈牙！炸鷄中翼台式肉燥撈烏冬嘅烏冬麵質都比較腍身，肉燥嘅肉質都幾爽滑，醬汁嘅味道唔會好鹹，炸鷄中翼炸得好金黃香脆，肉質好嫩滑！餐湯羅宋湯嘅味道相當濃郁！

有外賣電話,但系吾送外賣,問完我地址,又話吾上樓,咁我都話我落樓拎喇!之後就話吾送,9點都未夠話太夜,吾出去,咁要幾點嗌外賣先送呢?服務態度又差,系咪真系搵夠吾休做?