影片
之前食過兩三次，佢哋嘅叉燒真係可以話全港最好食，肥瘦適中，入口溶化，食過好多其他餐廳，由幾十數燒臘檔到幾百蚊大酒店，冇間超越到佢，最多平手。最近去竟然見到佢已經執咗，真係非常之遺憾。天下第一叉從此成為絕唱。除咗叉燒，佢哋嘅燒腩仔都係好掂。第啲地方分開燒肉同燒腩仔，後者當然賣貴幾個價位。呢度索性唔賣燒肉，用燒腩仔嚟替代。換句話說，就係貴貨平賣。平還平，咁好唔好食先？肥瘦相間，皮薄鬆脆，肉質嫩滑，雖然唔夠叉燒優秀，但都算係一流貨色。俱往矣，啲人唔識食，冇計。希望嗰位燒臘師傅快快另起爐灶，今次記住開喺中環銅鑼灣跑馬地之類地方，開喺長沙灣絕對係嘥料，嗰啲窮地方係冇人識欣賞好嘢嘅。
繼續閱讀
都唔好食揀咗個768未到奇奇怪怪，個叉燒全部都係肥嘅冇肉的、飲品裝太少，油菜有太熟，從來都未食過咁難食飯，而且個二人餐又貴喎，真係呢下次永遠都唔會就識㗎啦⋯⋯.
繼續閱讀
平時都好喜歡去呢度食野,份量足夠,又好味道..昨晚晚飯,點了一個沙爹金菰鮮魷煲715,好食,味道一流,仲點了一杯凍奶茶...又有例湯食完飯8點回到家.個肚開始唔舒服,開始肚瀉..但唔算嚴重,跟住不斷冒汗,個肚仲好痛..想嘔又嘔唔出,咁我就知道中了腸胃炎..食左保濟丸及正露丸,都仲係肚痛..於是晚上12時多call白車送去明愛..但等到晚上4點多,仲冇得見醫生,冷氣又凍,於是唔睇了,回家休息...等到今早,去了寶血醫院睇,等候的時間只是5分鐘,一針攪掂,連藥費埋單約900元...呢間餐廳,我考慮會列入黑名單....不會再光顧.....
繼續閱讀
大家落單前要小心。三文治同埋麵餐（唔知仲有冇其他，冇食過、冇興趣），熱飲+$18、凍飲+$20。職員話呢啲唔抵食喎，要食扒餐。落單個陣唔會同你confirm清楚要加幾多錢㗎，自己睇路。仲有張單好複雜架，一般人好難睇得明。
繼續閱讀
未食就已經一肚氣坐左係收銀對住既位15分鐘都無人執台，舉手叫待應個個都扮睇唔到，行去同收銀呀姐請佢執台，佢話唔關佢事，客都係得幾台，個個扮忙趕客，離晒譜以後都唔會幫襯
繼續閱讀