759車仔麵 (已結業)

《#759車仔麵》📍屯門湖翠路168-236號海趣坊S73-S74號舖————————————————————🔹咖哩雞扒飯 $41 凍飲加$3個咖哩係無味 無咖哩味 無椰香味 更加唔會辣 只係一個無味嘅黃色汁 但個雞扒煎得幾香 不過不失啦🔹豬扒炒一丁 $41無色嘅炒麵 麵質唔似一丁 豬扒幾淋身 但應該無落鬆肉粉💬另外見到友人食車仔麵 d麵質同坊間食嘅唔同 完全唔吸引 加上$30兩餸 $38三餸 麻辣醬仲要加兩蚊 咁咪仲貴過永年🤨總括黎講d麵同d汁都係伏 d餸係正常嘅————————————————————byT: 2️⃣/10instagram: 90sfoodieshare

今日又唔知食咩好，突然之間記得原來屋企附近有間759車仔麵，就同咗爸爸去試。 入到都去侍應就好快畀咗餐牌同水而我哋，今次去咗食特餐同晚餐特餐，特餐選係了新竹米粉，但我覺得似係普通米粉。而豬扒味道意外唔錯，煎蛋過熟度，係完全冇流心。多士都夠厚，但係唔夠脆 。爸爸叫嘅蒸肉餅，肉味偏淡，幸好口感仲有，海帶湯味道只屬一般， 但係已七十幾蚊嚟講可以食到兩個嘅人晚餐都算十分抵食，因為今日係有88折，折左先咁平 ，這價錢會值得再去。

今日兩公婆落街食TEA. 見到TEA SET餐牌有我想食嘅炸髀薯條, 又有老公想食嘅西多士, 價錢又合理 (會員卡有88折) 咁就入去試喇炸雞髀薯條--薯條炸得透又夠脆,  炸雞髀都夠入味, 熟透得嚟又唔會炸得太乾, (好怕食炸雞髀食到中間位唔熟)西多士--中間搽嘅花生醬都唔少, 入口有少許脆, 加埋牛油糖漿一流, 好邪惡! 飲品叫了一杯檸水--呢個正常 (如果呢個咁簡單都唔OK真是無言了)一杯奶茶(多奶) --第一啖入口好濃嘅奶香, 但第二啖就覺得頗苦 (應該係茶膽問題)   平時我飲開奶茶(多奶)係唔會落糖嘅, 今次要落晒一包糖, 但都係有少少苦澀味.埋單 $59.00 (會員卡88折) = $51.90

今晚我們約咗要喺屯門碼頭做嘢，但我們比約定嘅時間早到咗，所以我們去咗隔離嘅海趣坊食一個特快晚餐，所以我們就選擇咗去「759車仔麵」食晚餐！我們叫咗精選常餐：香煎鷄扒米線嘅湯底係淡而無味，米線嘅麵質非常腍身，一啲都唔彈牙，而鷄扒都算大塊，但就對唔係香煎，好似就咁白烚咁，味道極之淡！而跟餐嘅火腿煎蛋拼牛油多士就不過不失！南乳鷄中翼拼台式肉燥飯同生炸鷄脾拼台式肉燥飯嘅肉燥味道雖然都幾惹味，但油嘅份量就比較多，所以感覺好油膩，南乳鷄中翼真係醃得好入味，所以味道超級鹹，而生炸鷄脾就炸得外層相當金黃香脆，肉質亦好嫩滑多汁！三餸車仔麵：咖哩魚蛋可能係經過長時間浸泡著，所以食落感覺好似一粒空心嘅魚蛋咁，爽滑牛孖筋就好軟滑煙韌，而且都幾入味，牛肉片嘅肉滑唔算好鬆軟，味道亦比較淡，而粗麵嘅麵質就相當硬身，好似未曾煮熟就攞出嚟咁！跟餐嘅餐湯係海帶湯，味道係比滾水有味啲啲，而且海帶係咬唔開，真係令我們覺得超級失望呀！

話說早排食過759的午餐，抵食之餘味道亦不錯，所以找天再來吃TEA! 奶醬厚多士 ($23) 花生醬& 煉奶塗得不多亦不夠均勻，多士亦烘得不夠脆，似食包多D，好一般! 西多士 ($25) 西多士好似特細咁，又不夠厚身，望見都唔多想食~ 碎蛋沙律厚多士 ($27) 多士同樣無乜烘到，再加上凍冰冰的碎蛋多士，越食越凍! 呢3款都是下午茶餐，都配有餐飲，不過都忘記影相了，因為這三款多士都整得好頹，如果沒有會員卡8折優惠，相信以咁既質素都幾難吸引食客了. 如果來到759，還是吃午餐保險得多. 屯門湖翠路168-236號海趣坊S73-S74號舖 3669 6972

你話佢平咩,佢又算係平嘅…一個晚餐配凍飲唔駛40蚊(當然有會員卡先有折啦),今晚來一個鹹魚肉餅飯,送個紫菜湯添...仲以為送嘅好飲極都有限,紫菜都幾多喎仲幾好飲添,唔知759有冇里隻紫菜買呢？冇腥味清清地,唔錯!講個飯喇,講真舊鹹魚真係幾香好餸飯,肉餅肉味差少少但加埋薑絲豉油,話咁快就食晒成碗飯,但碗飯嘅質素好差,冇飯味,如果唔係餓真係唔會食晒,凍OT叫左少甜都係好甜!服務一般,唔會吹你走但好阻我收工咁嘅樣,但係仲有9個字先收鋪喎

近期愛上從市中心步行到屯門碼頭當散步，雖然步程接近1小時，但沿途經過不少公園，且沿著河邊散步，時間過得很快，散步過後，令人覺得身心舒暢. 第一次來到碼頭旁的海趣坊，內裡大部份都是連鎖餐廳，見到比較特別的是有間759 車仔麵，午餐定價都幾合理，就決定一試. 雖然是下午茶時段，但同樣供應午餐，如果有759會員卡更有8折，更加抵食. 豬扒炒一丁 ($40) (會員8折後 $32) 已經好耐無食過炒一丁，雖然不健康，但想食就要食，哈哈! 雖然色水一般，但麵則煙韌，再加上不少豬扒，且炒得夠乾身，$32 絕對收貨! 時菜牛筋腩飯 ($40) (會員8折後 $32) 牛筋腩與白飯是分上的，牛筋很入味，而且件數很多，再加上一大碗熱辣辣的白飯，吃完十個飽. 由於實在太抵食，所以一星期後的禮拜六又再到訪，同樣選了豬扒炒一丁，另一款則是咖喱吉列魚柳煎蛋飯. 咖喱吉列魚柳煎蛋飯 ($40) (會員8折後 $32) 咖喱味道普通，沒有香味也沒有辣的咖喱味，只有其色沒有其味. 不過欣賞的是吉列魚柳是現炸的，大大塊而且魚肉很嫩滑，再配上一隻煎蛋，雖然不健康但很美味! 熱檸水 吃過油膩的食物，以

是日到屯門碼頭，決定試試見到多次也未吃過的759車仔麵。 晚飯時間，餐廳人不算少，都有8成滿。店內裝修與平時茶記無異，頗有香港地道風味。 除了車仔麵，還有客飯。與759阿信屋一樣，立立雜雜乜都有。 但索價蠻高，與阿信屋一向走的街坊價格簡直背道而馳 0.0" 細看才發現，759會員卡有8折。會員價後才可叫正常價呢！ 雙餸車仔麵 - ★★★☆☆  點菜紙格式有點難理解，對我這新手來說有點複雜。原想另加碟油菜 $15，變成加餸 $8。又以為醬汁好像平時車仔麵加腩汁一樣，但原來要加$2⋯⋯ 而且那麻辣醬只是不夠一匙羹，收我$2，好像太過份了吧？如果我知道，寧願狂加免費的辣醬油好了。好吧，回到麵條。粗條過腍、不夠爽口。兩餸則點了滷水雞翼和墨丸。雞翼還算入味，墨丸也不過不失。另加杯凍奶茶。茶不香、奶不滑，有待改進。最後會員價實收$38，與平常車仔麵店差不多，但比它好吃的車仔麵比比皆是。如果收正價$47，我應該不會試了。

平時漏單，錯單不特止朝朝員工仲圍埋開大食會佢地食完，先到班客食上上下下都係咁完全冇皇管，冇管理!咁嘅服務態度，真嘔血，簡直幫手趕客!同商埸其他選擇多的是，使咪受氣揀依間

叫咗個炸雞脾沙律餐，等咗差唔多十八分鐘都未來，一問之下，原來漏咗單，最後等左二十六分鐘先有得食！過一陣對面枱嘅客人又話有嘢未來！呢個情況經常都有！雖然隻雞脾表面係炸得好脆，但裡面就幾乾身！一般

買左兩個餐。火腿腸仔漢堡扒通粉。清湯。腸仔浸了都仲咁好味，兩粒baby 食到不停口。五香肉丁漢堡扒。香味適中不油！d 麵淋左小小之外，其他都滿分大大碗我個麵仲配左一隻烚蛋，細細粒好香蛋黃味另外每一個餐都會有牛油三文治。

在附近染髮後，都已經到下午茶時段，快快地週圍尋食，見到車仔麵都有下午茶，沒看價錢就急急腳入座。 入座後，店員都大呼下午茶車仔麵三餸$32元送冷熱飲品，看看點餐紙，原來平時是兩餸$29元，飲品要另外加錢的！這樣下午茶還算便宜了些許。點了鹵水雞中翼+貢丸+魚片頭配日清出前一丁加上咖哩汁，飲凍檸茶都只是$32元，出前一丁及咖哩汁都不用加錢。超值！！平常出前一丁最少都要加3~4元的！但食物方面就好壞差半，鹵水雞中翼都算入味，還算離肉，肉質也很嫩，貢丸也有東菇味道，而魚片頭就差了點，完全不是魚片，沒有魚旦的味道，就像在食白色的海棉…最值得讚是咖哩汁，當店員拿來時，汁是另外一小碗上枱的，我一度以為他們給錯了沙嗲汁，不論外貌同味道也很似。店員說真的是咖哩汁，當我放落湯麵中，就開始見到咖哩的黃色及味道…食落也很有讚，不太辣也不太鹹，色素也不高！最貼心是枱面還有餐紙巾提供…

759車仔麵開咗都幾耐, 但仲未去試, 因為睇門口餐牌已覺得貴, 唔多值.今日約咗人趕時間, 求其落街食啲嘢就要走. 百厭仔話想試759, 是旦啦 至緊要唔使等.叫咗兩個早餐 $29.00 (呢個價錢其他附近餐廳有扒揀了)沙爹牛肉麵 (張單寫係出前一丁喎) 牛肉算多嘅, 但唔好食囉, 丁麵唔知係佢煮嘅問題定點, 食落唔多似丁麵囉 餐飲嘅熱朱古力幾好飲嘅雪茶肉絲米 (新竹米粉) 一般啦 食落感覺怪怪地 但唔識形容杯奶茶都OK嘅有得揀唔會再嚟囉

本身見到門口個餐牌麵唔敢入去，普遍價錢都算貴，但見到下午茶時段，三餸車仔麵加飲品$32，叫到價錢合理就入去試試。我叫了比較要技巧的三個餸：咖哩魚旦、牛腩及鹿兒島豬軟骨，配河粉及沙爹汁（加$2），飲茶走少甜。咖哩魚旦個汁有香的咖哩味，但魚旦軟硬，不算新鮮彈牙。牛腩炆得好鬆軟，但是不夠牛腩汁味，不夠入味。豬軟骨都好好食，但是汁都是不夠濃味。河粉算多，加上個沙爹汁，其實個汁似李X記的沙爹汁，不似廚房自己調配。我叫了茶走少甜，但都是好甜，奶味比較重，茶味不夠甘香，被奶味及份量搶走了。

行過海翠，早知759車仔面去開分店，一直經過都無食，今日難得有時間，又唔知食咩好，就入去一試。咖哩豬軟骨牛腩米粉賣相真的只能說我輸了，我諗住咖哩係會比較杰身惹味的那一種，結局係咖哩飯的咖哩汁，十分稀身，撈湯只能說無味，賣相更似嘔吐物，ORZ(名符其實見到唔想食個隻)。米粉本身偏淋身，不錯的口感，味道就係無味。豬軟骨亦都無味道，煮得軟身，份量也不太差。牛腩一的都唔淋，仲要又係無味。結論係清淡如水的一餐，用辣椒油補味好了。總結評分味道:4/10 價錢:6/10 (45)環境:6/10服務:6/10推介食品:N/A