7-Eleven Daily Cafe

營業中

休息中

原來而家逢星期一做緊買一送一活動，次次都想同🤴🏻一齊飲一人一杯，但都撞唔到星期一，算啦等唔切自己買來飲先😝😝～～～抹茶櫻花味鮮奶～～～原來冰係店員姐姐幫忙落嘅， 再喺機器撳個掣自動流出抹茶醬同奶，之前有經驗上一杯飲品啲冰勁多，同店員講要‘少冰’，整完第一杯目測得返一半多啲🤨🤨，咁第二杯要返正常冰啦！😕😕好！先來飲咗杯多冰嘅先（正常），飲到嘅係好重奶粉沖出嚟嘅奶味，抹茶味冇乜，櫻花味更加冇！會覺得飲緊杯淡奶囉🙁🙁再嚟杯少冰嘅，味道就覺得冇分別，係個奶味多返啲啲！☹️☹️下次都係要同🤴🏻一齊分甘同味😅😅

今年農曆初三赤口撞正西方嘅情人節💖，唔想講錯嘢就先用個甜品塞住把口先😂😂～～～士多啤梨慕絲心形蛋糕🍰～～～紅色嘅心心❤️蛋糕🍰面上有一塊同樣係心形嘅白朱古力🤍，外型已經很討好😍😍士多啤梨味甜甜地，襯埋佢蛋糕🍰中心嘅西柚味醬，酸酸甜甜似等待情人心思思嘅感覺！🥰🥰但塊心形白朱古力🤍就冇咩味😌😌咁情人節又點可以冇花呢？🌹🌹～～～朱古力🍫慕絲軟心玫瑰花🌹形蛋糕🍰～～～朱古力🍫蛋糕🍰一片片做到玫瑰花🌹嘅效果，好靚呀😍😍，睇到已經好開心🥳🥳打開個膠盒已經聞到好濃嘅朱古力🍫味，慕絲似食緊朱古力🍫雪糕🍦，中間有一層更重味嘅朱古力🍫，令件蛋糕🍰口感多一個層次😙😙最後祝大家都可以同喜歡嘅人過一個開心嘅情人節🌹🌹

經過見到其實都想試試，但$16我覺得唔係好值！之前已經錯過一次$10優惠，今次優惠再黎就要捉住啦😊😊要用佢7-eleven 係fb嘅連結先有$10優惠😍😍～～～凍香芋味鮮奶🥛～～～店員🙋🏻‍♂️冲完後提醒要徹底攪拌後香芋味先會出，多謝提醒🙂🙂第一口已經飲到又滑又濃嘅香芋味，入口清新香甜😙😙！真心要比個like👍🏻👍🏻，但可惜飲唔夠幾啖，已經冇啦🙁🙁，佢d冰🧊🧊多到佔左杯嘅3/4，唔知下次可唔可以叫少冰🧊🧊呢？😕😕

本身都幾鍾意食榴槤，見到7-Eleven出咗呢款榴槤忌廉千層蛋糕🍰，咁就買來試一試啦～～～榴槤千層忌廉蛋糕🍰～～～$20未打開個盒已經聞到好香、好香嘅榴槤清香味，表面會有大量嘅椰絲條喺上面，成個千層蛋糕白雪雪咁，好有少女味🧖🏻‍♀️🧖🏻‍♀️食落榴槤味清香甜甜地，但可惜椰絲條太多有少少蓋過咗榴槤味，但感覺係幾清新🥰🥰同時都買咗呢個🥳🥳～～～雲呢拿千層蛋糕🍰～～～$18呢個感覺忌廉味重好多，正正常常一個千層蛋糕🍰兩個千層蛋糕都有同一個弱點，就係千層皮較厚，但係一個$20嘅千層蛋糕🍰，呢個缺陷可以接受😁😁

唔知大家係咪都係習慣咗一到星期六日，就會瞓到自然醒呢？😴 好多時就會miss咗早餐嘞，不過唔緊要，7－11嘅「朝食三文治套餐」同「朝氣麵包套餐」喺星期六日已經延至全日供應啦。⁣⁣😏⁣⁣⁣⁣朝食三文治套餐（$24）［好味度：7/10］⁣⁣⁣呢個可以喺咁多款嘅鬆軟三文治入面揀一款。🥪 三文治係獨立包裝，而且made in Hong Kong。🇭🇰 再加上運用100%日本麵粉，做出來效果入口鬆軟。🇯🇵 可以放入微波爐度叮熱，好快就食到熱烘烘嘅三文治嘞。♨️ 至於呢個三文治都足料，炸蝦餅大大塊，又厚實。🍤 而碎蛋分量亦都好多。🍳 至於配搭飲品方面，都可以揀唔同嘅飲品，包括呢個7café熱即磨咖啡。☕ 即磨咖啡有好多款揀，呢個就係榛子鮮奶咖啡，有淡淡嘅榛子味，而且質素都真係唔錯㗎。👍🏻 咁樣就算下晝起身，都可以嘆番個早餐先。⁣⁣☀️⁣⁣⁣⁣除咗呢個之外，仲有12蚊嘅朝氣麵包套餐啊！😬⁣⁣

原本諗住去Seven 買幾包薯片返屋企食， 點知就見到呢個咁cute又吸引嘅栗子蛋糕仔，原來係日本貨添，睇一睇原來價錢都唔係貴， 只係20蚊，咁就買嚟試下先。Orange Chestnut Cake 意大利栗子蒙布朗蛋糕，獨立有蓋包裝非常便利，非常衛生， 不算是很大個，也不算一口size，栗子好香好濃，味道甜甜的; 蛋糕吃落鬆軟又濕潤， 香口又唔會係太甜，栗子同蛋糕中間，仲夾咗一層cream。好好味，係好豪華嘅味道，食後好滿足