666泰船麵 (德輔道西) (已結業)

之前上網有人介紹過這間泰國船麵話好掂，當然想去試下🧐其實我都經過佢地舖頭幾次，次次都排晒隊咁🤦🏼‍♀️唔知關唔關落雨事☔️，今次去到唔洗排隊，直接有位🙃舖面裝修都走文青風👍🏻一場嚟到梗係叫個船麵試試喇👆🏻豬肉船麵$2x☝🏻雞肉船麵$2x船麵個湯底都好味幾濃，可惜兩三啖就食完👀，同晌泰國食船麵個size一樣（攝牙罅系列🙄）不過價錢就差好遠😑（不過我明，香港租又貴、食材又貴）當然未飽喇，咁就叫多幾樣野食下又試下👆🏻海南雞飯 （友人話味道ok、雞肉軟腍）牛串燒（so far so good 😊)炸蝦餅（大推👍🏻新鮮炸、熱辣辣，又大大個）👆🏻拋打豬生菜包（真心覺得好一般🙄）整體來說，一般般不過不失。

真係食到一肚氣 見到新假期有推介話20蚊有船麵係泰國食過 好正 諗住係香港番尋味點知去到 係！ 真係20蚊一碗個得兩條河粉 少得可憐我知船麵一向都係以便宜細細碗見稱但無諗過係得兩條河粉

香港愈開愈多船麵店呢間自稱泰國第一唔係唔試下呀嗎坐的位置也比較迫可能咁樣食會比較有氣氛掛我地同行3人叫左2個船麵，海南雞飯，串燒同2杯野飲首先，碗麵真係正宗泰國的分量、但我都差d食唔哂，對泰國第一好失望一上枱已經即刻食，但係金邊粉過彬，吸哂d湯，個湯無咩味，得d稠稠的豬血楂。好唔開胃好彩海南雞飯攞返d分。油飯香，雞夠滑串燒都係有驚喜，唔會過火，沙爹醬味道適中唔會蓋過肉的味。飲品青檸梳打也是無味的奶茶淡到分唔到係港式定泰式奶茶泰國第一是邊個第一

失望。總數107蚊，包括:咸檸7 x1豬船麵 x1牛船麵 x1鳳爪 x1碗仔翅 x1佢主打船麵梗係要叫船麵試下佢，新張期 20蚊一碗，所以一牛一豬試一試佢。但真係完全唔好食！個湯底冇味，鮮味？冇。濃厚？冇？就係一碗瘀紅色熱水。餸，一粒丸開半(豬個碗有半粒丸仲要酸左。)之後有一兩舊牛肉/豬肉片，加D豬雜呀咁。感檸7: 唔咸唔酸，篤完唔記得影相，冇冰底，同就咁一罐杯裝7up冇分別鳳爪: 味就正常，又唔係好入味，不過不失，但30蚊得4隻。。。會唔會少左D？碗仔翅:反而碗仔翅唔錯,稠身，足料！總括而言，唔係個期興乜就一窩蜂擁去開咩店，要視符番自己強項。不如整番大D隻碗，專賣碗仔翅船麵，殺出一條新血路。如果唔係就係摵紅紙之前改善下個湯頭

之前經過見到幾多人，今晚同太太早些少就去試下咩係泰國船麵。18:15 入去唔多人，坐底叫左船麵，海南雞飯，沙爹，花膠雞湯同青檸梳打。個雞飯OK，但加$5 的咩水門醬就一般。雞飯細細碗，$25 碗都好合理。個花膠雞湯又係$25，但只屬一般。沙爹真係有驚喜，牛都OK，個雞沙爹真係好好味，絕對值得一試。泰國船麵就幾好味，又係細細碗，$20，呢碗麵，男士一定唔夠飽。全部埋單$155，都OK 抵，值得一試。不過舖面真係細，得幾張檯，人多等位都怕要企耐d。

開咗都有幾個月，但點解仲用紅紙封住招牌呢?🤔從萬能嘅FB得知呢度係食泰國嘢，從未食過船麵，當然想試下，仲有係貪佢細細碗，可以試多d款式豬肉船麵(河粉) $20👍🏻👍🏻👍🏻👍🏻湯底濃，河粉濶滑吸收晒湯嘅精華，細細碗用料算豐富，可惜三啖食完唔夠喉海南雞飯 $25👍🏻👍🏻糯米好香椰味，口感較煙靭有別於一般油飯，我幾鍾意，雞無乜雞味，但呢個價錢嚟講係非常超值炸蝦餅 $30👎🏻👎🏻👎🏻雖然炸得香脆，但蝦膠略嫌太少，咬落去好唔實在沙嗲牛串燒 $15x2👍🏻👍🏻👍🏻🤔牛又腍又juicy，一定要試，而且個沙嗲醬都幾香幾好味花膠椰子燉雞湯 $25👍🏻👍🏻👍🏻👍🏻👍🏻阿sir超讚呢個湯，真係無味精唔口喝，有一隻小花膠，味道非常椰香清甜，我試咗兩啖都大愛，極力推介咸檸七 $15👎🏻👎🏻可能德記果個咸檸七太好味，所以我覺得呢個唔ok，最唔ok係檸同七融唔到一體，而且個檸唔係太入味二人共消費：$145

係曼谷的船麵很出名，原來香港都有了。胃食癮起，要去西環試下。上次星期六經過，有條長人龍，今次星期五晚，不用等位，地方不是很大，但都坐得舒服哩！先叫左遊泰國（豬肉船麵）$20。配料有豬肉丸丶豬肉丶豬潤同很少通菜粒。選擇了黃麵，個人覺得麻麻，有點硬。湯底味道不突出，有點混濁感。牛肉麵$20，要了粉絲，這個較合胃口。都系兩三口可以吃掉！炸蝦餅，$30/5粒。炸粉皮很厚身，咬落去很韌。蝦肉很少，不彈牙，而且好油，呢個比較失望。價錢不貴，味道一般，不知系曼谷食會有分別嗎?

近排對泰國野情有獨終見到網上甘多人話好食都要去試下排左15分鐘不要緊 好野要等等🤣正所謂事出必有因咁多人等都係有原因價錢也不太貴很多東西都只要25元海南雞 找你很久 泰國的味道👍🏻👍🏻十個讚😀😀😀最緊要跟隨海南雞上的醬料也是在泰國的感覺

這間新的泰國餐廳, 本來今日經過想試下叫外賣..但係佢門口又冇貼餐牌, 於是我唯有走入去問個侍應. 但係問左三次, 佢都冇理我..剩係望一望我..跟住完全當我透明..因為舗面好細好迫, 所以我企返係門口等..希望佢地的服務態度會有改善, 如果唔係, 就算你d野好食到識飛, d客都唔會食得開心..d街坊都未必會支持..都明白係繁忙時段..但係希望可以train到d員工知道, 咩係基本的禮貌同尊重..識得同個客講..叫佢等等..

放飯時間久唔久經過666泰船麵都好多人排隊，咁啱今日兩點先食飯可以比我試到。款式唔算好多但最基本泰式食物都會有。我叫左遊泰國（豬肉船麵）$20。配料有豬肉丸丶豬肉丶豬潤同通菜。麵同配料質感唔錯，個湯底值得一讃。香昧濃郁好似有豬潤沙感覺，唔咸亦唔會漏由於比較細碗我已經KO了。炸蝦餅，比我食左舊先影相，$30/5粒。呢個比較失望，因為個脆皮咬落去有啲韌，似乎個炸粉出左問題。蝦肉都算彈牙而且晤會好油。我認為餐廳仍然有改善空間。

我12:30pm 去到，但太約12:40pm 先入到去。泰式海南雞飯 $25: 個飯好香，但偏淋。啲雞幾滑，這個價錢好值。.花膠椰子燉雞湯 $25: 個湯好清，淡淡的雞味。.泰式碗仔翅 $20: 湯底好濃好惹味，加入了大塊嘅冬菇厚片，令到碗仔翅口感好豐富。.泰式炸蝦餅 $30: 即炸，好脆身，入面好熱，唔會太油膩，蝦肉好彈牙。我鐘意點埋雞飯個醬， 更能帶出蝦嘅鮮味。.遊泰國 （豬肉船麵）$20: 金邊粉彈牙有口感。湯頭濃郁但唔係太厚太鹹。.泰式奶茶 $20: 成餐飯都好好，但個奶茶真係，無茶味，唔似奶茶。.整體佢雖然係細碗啲，但兩個人咁叫都夠飽。咁嘅價錢幾低食。

行開西環有間新開既泰船麵，一於入去試下。環境就普通，都幾迫，地道風。叫左船麵，炸蝦餅，泰奶茶，同海南雞飯。船麵： 豬肉配料，仲有d 豬油渣，咸咸香香，不過同泰國個d 船麵仲有一段距離... 細細碗20 蚊。海南雞飯： 反而幾多雞，油飯都唔錯，中規中距，25 蚊黎講算好抵。炸蝦餅： 普通，個醬好似"勿落雞"個d 醬咁奶茶： 非常難飲，好似落糖漿再溝水既味道，真係好難飲，泰標奶茶係好好飲的...總結： 價錢黎講算抵食，但想食真係正宗泰國船麵，泰色奶茶，呢度唔係一個好選擇。

I cannot tell if the food is good or not since more than 30 people has been waiting for more than half an hour and until 12:35pm and it is still not open and no one notify the customers in the queue what the hell is going on. First impression is very very bad and inconsiderate service.Finally opened around 12:45, 45 min. later than the opening hour indicated on Open Rice.Decoration is nice, tidy and clean but only 2 waitress serving thus they were really busy. Food is not bad but not good as exp

This restaurant recently gained some hype, and people were flocking like birds to give these Thai noodles a try. The restaurant is rather quaint and the tables are a little too close.Granted, it's a very novel concept and there aren't many restaurants that sell similar food. However, their business model is a little out of the ordinary.Their noodles and rice are very cheap, at about $20-$25 each. However, the portion is very small and one would have to order anywhere from 3-5 bowls to be conside

偶爾喺網上見到西環開左間新嘅小店有泰式船麵食，向來鍾意瓹窿瓹罅搵平靚正好嘢食嘅foodstealer緊係唔會放過啦！見星期5唔洗OT就即管去試試佢～小店位於香港大學站b1出口附近，大約7點半去到已經排長龍。店面裝修都幾有70-80年代懷舊FEEL。等到悶悶地，冇野做都可以透過窗仔睇下師傅煮麵。等咗20分鐘左右終於有得入座喇！環境算乾浄，有5張大枱，不過坐得有小小迫。食物款式唔算多。嚟到緊係要食佢嘅招牌船麵啦，新開業優惠每碗$20！揀咗MENU推介嘅遊泰國遊(豬肉船麵) 配金邊粉(另可選米粉/河粉/粉絲/黃麵)。同泰國一樣，呢度嘅船麵都係細細碗，啱晒細食嘅女仔!豬肉船麵湯頭食得出係用咗中草藥熬製，香得嚟又唔會太鹹。配料亦都唔少，有豬潤、豬肉片、通菜等等，成個配搭都好啱Nuts胃口。食船麵唔夠飽仲有海南雞飯($25)，雞肉嫩滑，可惜上枱時已經係皮肉分離有少少扣分。飯係油飯，整體不過不失，對得住個價錢。另外都叫多咗兩個小食 – 酸辣鳳爪($25)同炸蝦餅($30)。鳳爪冇咩特別唔多講，炸蝦餅反而有驚喜! 蝦餅炸到表層脆卜卜，咬落去好彈牙，但又唔會成口油，正! 點埋泰式酸辣醬更加惹味，即時想e