616牛肉火鍋專門店 (已結業)

跟一大班朋友聚會, 打邊爐是一個不錯的選擇. 雖然已經訂了位但是都要等差不多40分鐘, 但店長亦很好, 看到我們同行有一小朋友, 就安排房間給我們, 另外在等的過程亦免費提供飲品給我們. 很不錯的服務態度. 這間店是食牛的專門店, 如果是牛魔王的話就一定要來試一下. 當晚點很多不同部分, 餐紙很細心的提供灼熟的時間, 開始還是跟一下的. 但到最後都是按自己的喜好去灼了.材料都是很新鮮的, 上台速度很快, 就是份量不是很多, 每碟都是7,8片左右. 當然價錢亦不會太高的. 

試過兩次616系列既火鍋，真係覺得唔錯，所以今次係銅鑼灣行街就同朋友黎試下616既lunch～lunch 佢淨係提供下面呢4款～比起晚市少好多嘢1 ：咖哩牛筋腩飯咖哩係比較結身d，好濃厚既咖哩味，用黎撈飯唔錯～牛筋腩好大舊，筋同腩既比例大概係2比8～叫lunch套餐係包嘢飲+9蚊可以加碟菜～2 ：牛四寶湯飯入面既湯清清地好好味，飲得出係牛既原汁原味，有用d蘿蔔一齊煲，我好鍾意食入面既牛展～最後埋單仲有discount～有飯有嘢飲又有碟菜，每人都係45蚊好抵食！

616原來唔係淨係得打邊爐! 原來佢亦都有供應$48午市套餐 仲要係牛全部都係牛!!牛四寶湯飯裏面有牛腩 牛筋 牛 牛仔骨 同埋蘿蔔 呢碟最能食得出牛肉味 蘿蔔同湯汁都好清甜😊咖哩牛筋腩飯牛筋牛腩份量比想像中多 幾淋幾入味 咖哩都好香濃 充滿薯仔同洋蔥蓉既味道 送飯一流😍 火麻牛炒飯麻辣牛肉炒飯 牛肉唔好睇佢細細粒 其實都好有咬口 加埋洋蔥等配料都炒得幾香口😋麻辣水煮牛肉飯我唔係食得好辣所以淨係試左少少🙊 花椒味幾香 配料吸收左辣汁好惹味每個餐都附送樽裝飲品 係cwb黎講都算係抵食~

今日同同事諗住平平地食個lunch，嚟咗呢間616十二味，雖然佢係牛肉火鍋店，但係lunch有超抵食嘅餐有嘢食又有嘢飲，48蚊就食到!環境特登佈置得比較舊式，好有街坊感覺。目測最多人叫嘅係牛四寶湯飯，Kiwi我當然要試下。個湯牛味好濃好香，飲落好甜，入面仲有好多料，有牛腩牛仔骨牛筋蘿蔔等，正。咖哩牛筋腩飯，咖哩唔會好辣，餸飯一流，牛腩亦都好腍好入味。飲品方面有可樂，雀巢檸檬茶等正常嘢。而加9蚊仲有唐生菜/娃娃菜等，菜唔會好油適合愛好健康嘅人士。午市都咁正，有機會真係要試埋晚市先得!

其實本人真係好鍾意食牛，但礙於只食牛嘅鋪頭真係唔多，又要平，又要近公司，又要有特色，應該得616十二味可以一次過滿足我三個願望。今次是呢個水煮牛肉套餐，佢唔係太辣，啱晒我呢啲想食辣但係又唔識得太辣嘅人食。你間鋪頭嘅特色係快得來平，平德里食物質素唔差！今次我同事叫咗個牛四寶飯，佢個湯底依然有質素，牛四寶份量足，而且牛肉新鮮好食，我哋清左個牛四保湯飯，已經話想下次再encore，因為係灣仔區食到$48一個午餐仲包埋嘢飲，真係好難搵！哈哈哈哈

經朋友介紹嚟到呢度試。價錢抵，食物質素唔錯。飲品選擇唔係好多，同埋限時100分鐘就唔係咁夠，但星期六繁忙時段，而且一早講明左，所以都接受嘅。今次想講講侍應嘅服務態度，事原我同朋友叫嘢飲嘅時候問侍應有無唔凍，侍應話無，咁朋友話照要。我嘅飲品到左，但朋友嘅就未到，因為佢地出食物嘅效率都相當快，所以我問侍應係咪漏左單，點知佢答：你頭先話想要唔凍，所以我幫你「灘」緊。感覺真係好細心。👍值得一讚。另外要提提嗰個點牛肉食嘅汁，好好味，根本唔需要再用其他醬油。今餐整體都好滿意，會再嚟食。

之前去過佢尖沙咀分店食lunch，見佢個芝士紅燒牛肉麵好似好吸引咁，諗住試下個陣先知佢賣曬🤧今次同朋友去到銅鑼灣又諗唔食咩好，就決定一於去佢依頭既分店試番佢個牛肉麵！👆🏻啲餸超滿，一啲都唔孤寒👅湯底都幾濃，加上啲芝士溶左落個湯到之後，就多左份芝士味而且芝士份量適中，有足夠既芝士香之餘，亦唔會太膩另外唔好睇佢碗野好似唔太大碗，但食完真係好飽！而且啲牛肉既份量真係多到!!!!食極都仲有，仲好腍好入味有機會會再去岩曬我依啲芝士控🧀+牛肉控🐮

香港人對火鍋的鍾愛程度是絕對不用懷疑，無論什麼季節，什麼天氣，都總是喜歡打邊。要在云云火鍋店中脫穎而出實在是不易。這兩年，我不時會去幫襯一下這家，為的是吃不同部分的牛肉火鍋。好多人吃火鍋只是方便去買些肥牛就算，但肥牛偏肥，有時更肥得像煙肉，不談上是享受的層次，只可以說用來飽肚。我一直對食的要求是貴精不貴多，寧吃少也要好，未必是貴，但要有要求。這幾年打邊，都會去牛肉枱買牛頸脊，油脂分佈平均，肉味濃，軟滑，其實是高級肥牛，但當然是不同層次的享受。但無奈，家裡只有兩個人，牛肉按磅買，買得太少牛肉佬會給說話你聽，根本沒機會買多種類而符合兩人份量。因為這些原因，這家火鍋店就可以滿足我的要求。火鍋店發源於新界地區，店內獨孤一味賣牛肉，提供不同部分的牛，連丸類都只有牛丸，當然會有蔬菜及烏冬選擇。不同肉類有著不同供應，有些是長期有，有些是每枱按人數限量供應。那些牛不同部位的名稱，相信除了是屠夫或賣牛肉的會明白，一定不會知道。店主細心，在墊枱紙上印了圖解說明，更標明建議烹調時間。但我去了好幾次，基本上是不會記得上次食了哪種，哪種好吃，每次都懷著新鮮感再挑過。最近這店在銅鑼灣開了分店，這家跟同街另一食肆結

之前係紅磡食過佢個晚市邊爐，見佢有午市仲以為都係一人打邊爐，拉埋同事黎食，點知原來係食牛相關菜式，重點係咩？係真心平！銅鑼灣喎～上次食佢啲牛係幾正既，唔知變左煮法點呢？牛肉麵入面既肉好軟稔耶！湯頭不覺得有太多味精，一而且好重芝士香味。麵質係粗面，所以都幾有咬口，配埋一齊嘅組合都幾好。另外叫左個牛四寶，牛展非常入味而且好軟稔，湯底好清甜，變做湯飯認真一流。每個餐都送一個嘢飲，我哋揀咗菊花茶，感覺真係佢哋自己煲，真材實料。嘢飲以外仲有甜品，甜品係冰粉，入面有原粒菊花，平時用黎解辣既，不過我哋都冇叫辣野所以就當一個啫喱咁食

今日黎開銅鑼灣整野 就過黎搵朋友食埋個Lunch~朋友話呢間嘅牛肉幾好食 我之前都喺西環打過邊爐都覺得唔錯 就決定黎呢到試下我地12點黎到 避開附近商廈嘅Lunch Time 黎到完全唔洗等位!午餐有4款選擇  因為朋友唔食辣我地就叫左芝士紅燒牛肉麵同埋牛四寶湯飯先上呢個芝士紅燒牛肉麵賣相都幾得意 因為感覺上芝士呢樣野通常都係西餐先遇到D芝士放喺D蔥上面有一下錯覺以為係薑hahahahaha!!牛肉唔係台式個D好大舊嘅牛肉 但牛肉帶有少少脂肪 唔錯~D芝士溶埋落D湯底到又有D黏住D麵成件事真係幾創新特別!然後到牛四寶湯飯呢煲野裡面都好足料~有牛肉, 牛筋, 牛展, 白蘿蔔...牛肉同蘿蔔好入味! 而個湯有少少藥材味喺呢D成日落雨嘅天氣當堂覺得好補身午餐仲跟飲品同甜品 呢個甜品係D菊花味嘅果凍 幾清新~兩個人都唔洗$100蚊落樓真係幾抵食!食到差唔多一點就差唔多滿座喇~~

Food is fine and really very limited choice. The worst part is their customer service, or I can say no service at all with rude and mean attitude and wordings - such as when we arrived there and told them the booking record, the reception spoke loudly in front of us “no. xxx table, the one who was late for booking”. We were just late for 5mins!

最近喺銅鑼灣番summer job，所以多咗機會搵吓銅鑼灣有咩lunch好食😂之前已經喺616元朗分店打過邊爐，而原來佢地lunchtime就有飯麵提供。仲係48蚊一份，有埋甜品同飲品，抵食！😆不過就得三款選擇😂唔知其他分店係咪都係得三款。我地一行三人，就每款各一，大家都叫唔同款啦！.我叫咗古法牛筋腩飯。牛筋牛腩份量夠，煮得夠腍，就咁食會有點點過咸，但送白飯其實就可以接受，都好好送飯呢。.同事就叫咗芝士紅燒牛肉麵，佢話牛肉幾好，不過食落湯底幾咸🙈.另一位同事叫咗牛四寶湯飯，入面有蘿蔔、牛仔骨、牛腩、牛𦟌同牛筋。我試咗舊蘿蔔，煮得夠腍。.仲有甜品！冰粉原來係類似啫喱但仲爽仲易咬😂😂好難形容，總之幾好食！菊花味我鐘意呢😆我揀咗飲菊花桂圓露，飲落似菊花茶，唔會好甜，我上次去元朗616分店打邊爐都有叫嚟飲😛好健康咁叫咗菜食😆😛$9一碟，算幾抵。食落唔油膩，好😆

十二點半 銅鑼灣周圍都多人食午餐 同事介紹呢間中午抵食 就時代廣場行過去 7分鐘左右呢個時間食飯竟然冇乜人 裝修有特色 叫左個大約40蚊嘅咖喱牛腩飯 我地就舒舒服服傾下 咖哩牛腩飯到左(另外同事叫左排骨湯飯), 味道香濃但辣辣地, 牛腩份量適中, 40蚊送左個洛神花茶又唔洗同人迫真係不錯選擇, 會keep住去

午餐時間，見門外貼滿優惠廣告，讓人注目。跟同事甫進，懷舊牆身裝修，別有一番玩味。原來內堂有相房，有需要可預訂 。我們點了客飯及湯麵套餐各一，另包汽水一枝，價錢屬超平，環境企理，味道不錯。麻辣水煮牛肉飯 $48以麻辣來說不算太辣，牛肉外的配料亦不少，有豆卜、大豆芽、金菇等蔬菜，吸滿辣汁後亦相當惹味。芝士紅燒牛肉麵 $48湯底美味，味道偏甜；紅燒牛肉夠腍入味；麵條質素不錯，久浸湯中亦沒有發漲變糊；荷蘭芝士在熱湯中變軟，散出芝士香味。軟預期理想。兩個午餐配兩款菜，白灼娃娃菜及油麥菜配豉油。健康之選。菊花冰粉，解辣甜品；平日遇到的冰粉大多是透明原味跟紅糖，自己會喜歡這個淡淡菊花味多一點。

一行到門口便見到餐廳裝潢很有特色,充滿香港情懷。午市套餐包甜品及飲品只是$48。在銅鑼灣一帶算是很抵食的午餐午市套餐有3款選擇,今次點了水煮牛肉飯。等了大約十分鐘,水煮牛肉飯上檯了。牛肉的份量很多,而且沒有肥膏,對於注重健康的我真的很合適。雖然牛肉沒有肥膏,但是咬下去非常易咬開,很鮮味。這裡的牛肉真的是比價性很高。份量亦很充足原本見到水煮菜式以為會很辣,但吃後發現辣度是可接受的,辣之餘帶點麻香,很惹味。平日吃5小辣的我也能吃完。而牛肉底下的配菜有豆卜,豆芽和椰菜豆卜吸了醬汁的味,很入味飲品是跟餐的,原本想點桂花桂圓茶,可惜已經賣晒,,唯有下次再試。最後,跟餐送了一碗菊花冰粉。淡淡的菊花甜香配涼涼的冰粉,口感一流,作為飯後甜品合適不過。總括而言,餐廳的食物質素很好,而且抵食,可作中午lunch 首選。