616牛肉火鍋專門店 (積富街)

營業中

休息中

天氣開始涼, 唔洗講都知又到左打邊邊既季節!!!其實平時我打邊邊最愛都係食牛肉， 所以今次黎呢間專食牛肉既火鍋專門店， 有唔同部位既牛食， 我地今次叫左匙柄匙皮牛駝峰牛朴肉吊龍伴脖仁尾龍排名有分先後呀！ 愈高個d 夠滑同好有牛味， 愈後既就唔夠滑喇。 但都好有牛味既～d 牛切就夠薄， 所以真係同店名 616 十幾秒就食得！！！呢度d配料比較特別既有牛汁同青檸娃娃菜配牛汁好好味～羅白放去麻辣個邊簡直天作之合！！！

人數：9人我7:15pm已經去到大圍店攞飛，等到8:00pm我就同站係收銀位既待應講可否安排我地坐一張4人同6人枱,因為大圍店比較細最大果張枱都係6人枱，但6男3女又點坐等落呢！當時佢答我會儘量安排，9:00pm終於等到4人同6人枱同時埋單走人，心諗終於有得食，點知佢地居然安排咗3個人坐咗張4人枱，我即刻問返頭先果位待應，佢話我已經安排咗你坐張6人枱，因為剛有3個人等位所以安排佢地入坐先(但佢地明明遲過我地好多攞飛) 而且我只講過我會儘量安排，其實儘量安排係咩意思呢，係唔係我有問題，我既理解係如果6人枱先埋單而4人枱未走，要等多陣，我明，但明明一齊埋單點解唔可以俾我地坐，而家個待應態度勁差， 一副唔憂做既咀臉，其實我地一早表明分枱坐已經無所謂，如果做唔到可以一早講，我地去第2度食，全程等咗2個鐘仲要咁受氣。如果你地係只做6人以下既枱可以貼出鋪面，不要人客白等！

牛肉有唔同部位選擇，味道好好，已幫襯多次，但今日食嘢發生左件晤開心既經歷，本來諗著book7:00pm，但見booking已Full,無得book,所以就5點幾出到去攞定位，並向呀姐表示我哋預7:00pm到，當時呀姐叫我哋7:15分到，到時會有88折，我表示ok,我7:15分到，好快幫我哋安排左坐位，但食完結賬發現無88折，我向當時幫我留位既呀姐查詢，呀姐仲向我表示係有88折架可能收錢嗰個俾漏左折扣，之後就行開左，再之後有位好似經理既男士過來幫我，向我表示係7:15前埋單先有88折，於是我再問返之前幫我哋既呀姐，呀姐於2分鐘內態度180度轉變，話無講過，仲話無可能，最後經理都好好有俾返折扣俾我哋，但呀姐自已由一開始就講錯左折扣優惠俾客人，最後見經理係度仲死頂話無講過，唔認自己錯，真係好過分，如果無講過我係唔會知道有88折呢樣嘢囉，唔該嗰位短髮呀姐改一改自己工作態度，甘樣冤枉客人,其實會令到個客人好難堪

餐廳環境有特色，帶點懷舊氣息。地方唔大，座位唔多，奉勸去之前要訂枱。我哋一行四人，叫咗唔同部位嘅牛，價錢通常為＄48碟，部份係＄68碟，有自助調味區👍🏻呢個牛心錠口感我幾鍾意，食落爽口👍🏻牛肉餃必食之選，咬落有汁流出，唔錯！牛腩心-呢個較為遜色，有啲un香港牛嘅味道不及美國牛咁重牛味，但勝在可以試試不同部位嘅質地老闆都好貼心，我相信係佢專登碟碟份量唔太多，可以讓客人叫多幾款試吓呢個甜品好有菊花嘅味道👍🏻人均消費約$200左右

見而家時勢咁興食牛火鍋，等我又貼下潮流先。 同男友成淩晨12點先嚟打個邊爐，我都係第一次。店面好細但裝修特別，牆身以油畫做裝飾，畫得幾靚架，另一邊就係雜貨店咁樣，好懷舊呢！呢度緊貼國内潮流，用iPad 自助下單，讚呀616呢度好專一架，除咗牛之外，其他配料選擇唔多，所以記得要同牛魔王嚟食，否則朋友有機會只可以睇住你食。而且每碟嘅份量應該係預設1-2人嘅份量，唔會超過10片，好適合2口子，可以叫好多但又唔會怕食唔哂。呢度牛嘅部位分好多，啲名都好盞鬼，咩匙柄，牛坑爪，牛駝峰真聽都未聽過，全部嚟一份吧，但千其唔好問邊碟係邊碟,小妹唔識分， 只可以話咁夜食啲牛都咁新鮮，早啲嚟應該會仲好。只係牛骨湯底好弱，冇咩味，如果再重牛味啲會再好啲。另外叫咗1set 3支616自家品牌原漿啤，個後生仔同我哋講話駛唔駛試咗一枝先，佢話唔係人人接受到，講到咁，我哋當然豁出去，照嚟3枝，唔掂最多猜咗佢啫。 其實佢係可以接受嘅，男友話帶點米水味，好特別，後生仔就同我哋講每次嚟貨口味都有啲唔同，這就是手工啤嘅奧義。最後埋單係$424，唔算貴，以後又多個沙田友宵夜好去處

來到大圍搵嘢食，找到一間係積富街的一間專係食牛嘅餐廳。 佢哋午餐嘅餐牌好簡單只係得六樣嘢食， 但係其中有一樣畀我嘅驚喜實在好大。 第一碗嘅生牛肉河粉比較普通， 湯底畀泰國或越式餐廳欠缺優勢， 但係勝在無味精。今日最大驚喜嘅就係佢哋嘅牛皇佛跳牆(每日限量發售十盅)， 入邊有牛展，牛腩，金錢肚，素翅，竹笙，冬菇同埋蟲草花。 個清湯有非常濃郁的鮮味， 附帶嘅一碗飯係珍珠米做， 配湯一流。 價錢只係88非常之抵。個老闆好好人，連晚餐先至會賣的自家製牛肉餃亦都幫我做到一份。 肉質鮮美，擺明係用本地新鮮牛肉打造而成。最後食多碗金菊玉冰凍，下一下燥熱嘅火，令到身心舒暢，值得再嚟! 食物 8/10服務 8/10環境 8/10

大圍開了唔少新食店今日lunch 特登試下專食牛既店店鋪裝修得好有懷舊風格，坐位舒服一入到去已經聞到有牛味牆上有一些壁畫👍🏻好靚我食了溫泉蛋牛肉飯 + 豆漿溫泉蛋加落飯同牛肉一齊 好滑，有些蛋汁冇咁乾牛肉也唔韌，而且有好多

昨晚去吃，排隊依舊，等了45分鐘，打了電腦等位飛，有人到又話人地電話訂座了。不知所謂既系統，佢話乜都得。入座了，之前碟碟48元新鮮牛肉有三幾兩的確可取，平價部位，貴價部位作賺錢係正常事情，現在加價了一半數既牛加至68元，接受就不是滋味了。真打稻庭烏冬2個由18元升至28元（旺地街市25元包有10個），菜也是由18元全升至28元。氣憤既利潤。2至3兩牛肉68元，呢啲價錢不會再去，去九城，尖咀嗰啲好過

之前去過616元朗吃過一個午市一人速食火鍋，覺得很扺吃又好味，今次去到大圍分店，同樣有午市套餐，但就沒有一人火鍋選擇，但都決定試試其他午市套餐。午巿套餐供應時間由12時至下午3時，那天星期日同樣有供應，價錢由42-48元，飲品另外加錢。餐廳裝潢以舊香港背景為主題。温泉蛋牛肉飯（$42+$5豆漿）這個飯是醬煮牛肉加慢煮溫泉蛋，牛肉本身是一般肥牛片炒洋蔥，味道都過得去，但那隻溫泉蛋是涷的，應該是剛從雪櫃取出放在牛肉上，加上飯也不夠熱，令整碗飯立時扣分。慢煑雙牛湯飯（$48+$5豆漿）這個用中式瓦煲盛載半煲湯，湯底是牛骨藥材，加慢煮牛仔骨和牛腩各兩件。先說湯底，味很濃，確實有濃濃的牛骨藥材味，但過鹹，牛腩和牛仔骨應該預先醃過煑好才放入湯內，所以都有味道，而且不似煲湯渣，但裏面的紅蘿蔔和白蘿蔔則硬到咬不開，只好放棄。湯是熱的，飯是暖的，整體而言整個套餐真是一般般。

大圍呢間火鍋店，裝修好特別，走懷舊風格。平日夜晚都要排隊，因為真係抵食之餘，品質都唔錯。其實黎過好幾次，佢一般一碟肉係$48或$68。一碟份量都唔少，兩個人基本叫5碟左右再加其他火鍋配料都已經飽飽。剛開業有牛拼盆，宜家就無了。不過其實散叫都好抵食，好多唔同部位既牛選擇！食左咁多次，最後個人就比較鍾意以下幾種牛：牛扑肉牛駝峰匙柄封門柳餐廳推介既牛肉餃，我反而覺得麻麻，因為好似酒樓既山竹牛肉包左餃咁大家可以試下既

下午在沙田搵野食，首選落去大圍泊車方便，又多小店，唔駛等位，新城市差不多食到無野好食喇。行過經過616， 作為牛迷諗都無諗就入左去，幾個阿姐都幾nice!原來lunch 送飲品。不過得罐裝嘢飲。如果可以要杯熱茶就好喇。拎到埋黎估佢唔到咁大塊牛展，又大又厚身！比起某大連鎖店佢算好豪。 除左牛肉，豆腐都好食！Lunch 食夠晒飽。我有機會都想試下夜晚黎616打邊爐。牛魔王好想試下！$50埋單都抵食啦 佢有卡位都坐得舒服啊！

鮮菇牛肉燥飯$38(秘制牛肉燥，鮮冬菇)照燒牛肉飯$48(特制醬汁，頂級牛肉)牛肉專門店真係唔同啲，啲牛肉好有水準，好香牛味，啲肉好嫩滑。肉燥飯食開豬肉，依家有牛肉食都幾正，啲肉好碎，啲汁又濃，加埋餸飯真係好好食，一啖接一喺好快食完🙈牛肉飯啲醬汁係畫龍點睛呀～其實無牛肉就咁餸汁都好開胃😍所有餐包汽水一罐同免加一，同埋有個驚喜點係晏就都可以打邊爐，中意打邊爐既朋友又多個選擇喇。佢個餐牌好寫實，因為啲野食同餐牌張相係一樣架，唔再係圖片只供參考😂

之前大埔果間開都想去食,但遲遲都未去試,甘岩去開大圍又有間就還左個心願先😁一行3人冇book位,唔洗等即刻有位,服務員真系好好人,又介紹我地乜野好食,又講得笑唔會好似有d問多句都嚴煩,有咩自己睇啦,仲介紹乜鬼丫牛既部位分佈,仲推薦點咩汁食唔同既部位牛骨湯底,清得黎唔會冇味,最緊要冇咩味精牛心椗*爽口,唔洗好耐可以起得胸口膀*唔系想像中甘好食,試一次就夠牛肉餃*好香多汁,裡面有埋芫茜牛柏葉*同平時出面食既差唔多,都好爽烏冬*冰既,彈牙牛駝峰*哩碟系free既,fb like左就送吊龍伴*牛柳*匙柄*牛朴肉*仲嗌左牛丸....所有肉都系好重牛味,肉質新鮮冇一種肉可以彈,除非唔鐘意食牛啦鐘意食牛既值得去試下...

悠閒週末，閒逛大圍，見呢間餐廳裝修望落幾得意，又寫晒牛唔同部份既名，好似好專業咁，所以決定試一試因為係火鍋專門店，所以每張枱都裝左個電磁爐，不過我地今次係日頭去，冇得試食火鍋。午市既餐牌得4個餐，飲品得罐裝飲品，檸水都冇得飲，選擇少左D。因為選擇少，所以所以點左菜之後，好快上菜沙茶牛肉撈河配牛丸湯。沙茶醬甜甜地，幾開胃。牛肉同牛丸都有濃濃既牛肉味，讚呀！鮮菇牛肉燥飯。牛肉燥冇出面食既豬肉燥咁多肥，幾健康。味道都好香。因為我唔飲罐裝飲品，所以淨係要左兩杯水。下次要試晚市火鍋

星期日，繼續跟女朋友探索大圍的食肆。見到有間新開牛肉專門店，就來試試。On Sunday, I continue to explore restaurants in Tai Wai with my girlfriend.We tried this newly opened beef restaurant.午市只有幾款選擇，我們都選了貴陽牛肉麵 (跟餐送汽水)。There were only few choices in lunch menu. We both chose Guiyang Beef Noodles (free soft drink).牛肉麵裏有滷水牛腱、牛丸、豆乾、雞蛋和蘿蔔。滷水牛腱味道不錯，其餘則一般。湯底可以更麻更辣。There were braised beef shank, beef ball, dougan, eggs and radish.Braised beef shank was nice, others were average.The soup could be more "mala" in taste.如果食膩了台式牛肉麵，可以來這裏試一試貴陽牛肉