影片
係深水埗行左一圈，見到間餐廳有位，見到都幾多選擇下，就諗住入去食個米線。晚餐時間叫左個豬扒酸辣米線，個豬扒好快就黎左，但我個麵等左好耐都未有，問個店員叫佢幫手催催單，點知佢又唔岀聲，又唔答人，全程黑口黑臉，心諗…點解食個晚餐要睇人面色。講返個豬扒先，個表面係有落調味粉，但食落口，完全無味道，當時都覺得怪怪地。訓到夜晚半夜又肚痛又肚痾，諗返起真係好懷疑應該係個豬扒未熟，搞到急性腸胃炎。唉！唔會再食！無下次！
繼續閱讀
以上資料只供參考, 請與餐廳確認詳情
黎到深水埗行完黃金之後就準備搵地方食lunch ,朋友話呢頭又開左間dee哥所以就黎食啦。之前都係其他鋪食過醉雞米線所以今次又係呢間點左醉雞米線食了，結果都係沒失望。因為醉雞米線係比較特別，出邊米線鋪係唔多見既，而且呢間既米線都算係有啲料唔係只係醉雞咁簡單。醉雞米線份量唔少而且醉雞都係大大舊，而且都有肉質都算滑既，其他配料都唔少，整體黎講算係吸引既。價錢算係大眾化又唔會太貴，所以呢間都係大型連鎖米線店以外既一個選擇。
繼續閱讀
您可能會有興趣的...